Connect with us

News

വിഖ്യാത അല്‍ബേനിയന്‍ എഴുത്തുകാരന്‍ ഇസ്മയില്‍ കദാരെ അന്തരിച്ചു

1963ല്‍ ‘ദി ജനറല്‍ ഓഫ് ദി ഡെഡ് ആര്‍മി’ എന്ന നോവലിന്റെ പ്രസിദ്ധീകരണത്തോടെയാണ് കദാരെ ലോകപ്രശസ്തനായത്.

Published

on

പ്രശസ്ത അല്‍ബേനിയന്‍ എഴുത്തുകാരന്‍ ഇസ്മയില്‍ കദാരെ (88) അന്തരിച്ചു. ഹൃദയാഘാതത്തെ തുടർന്ന് അല്‍ബേനിയയിലെ ടിരാനയിലെ ആശുപത്രിയിലായിരുന്നു അന്ത്യം.

അന്‍വര്‍ ഹോക്സയുടെ സ്വേച്ഛാധിപത്യകാലത്തെ അല്‍ബേനിയന്‍ ജീവിതവും ചരിത്രവും സാമൂഹികാവസ്ഥയും മിത്തുകളുടെയും അലിഗറിയകളുടേയും അകമ്പടിയോടെ കദാരെ പറഞ്ഞ കഥകളെല്ലാം ലോകസാഹിത്യം രണ്ടുകൈയും നീട്ടി സ്വീകരിച്ചു. നോവലായിരുന്നു കദാരെയുടെ പ്രധാന രചനാ വിഭാഗം.

1963ല്‍ ‘ദി ജനറല്‍ ഓഫ് ദി ഡെഡ് ആര്‍മി’ എന്ന നോവലിന്റെ പ്രസിദ്ധീകരണത്തോടെയാണ് കദാരെ ലോകപ്രശസ്തനായത്. ‘ദി സേജ്’, ‘ദി പാലസ് ഓഫ് ഡ്രീംസ്’, ‘ബ്രോക്കണ്‍ ഏപ്രില്‍’ തുടങ്ങിയവയും കദാരെയുടെ തൂലികയിൽ പിറന്ന പ്രശസ്ത നോവലുകളാണ്. അദ്ദേഹത്തിന്റെ കൃതികള്‍ 40ലേറെ ഭാഷകളിലേക്ക് വിവര്‍ത്തനം ചെയ്തിട്ടുണ്ട്.

ഫ്രഞ്ച് പ്രസിഡന്റ് ഇമ്മാനുവല്‍ മാക്രോണ്‍ കഴിഞ്ഞ വര്‍ഷം അല്‍ബേനിയന്‍ തലസ്ഥാനം സന്ദര്‍ശിച്ചപ്പോള്‍ കദാരെയെ ഗ്രാന്‍ഡ് ഓഫീസര്‍ ഓഫ് ലീജിയന്‍ ഓഫ് ഓണര്‍ പദവി നല്‍കി ആദരിച്ചിരുന്നു. 2005ല്‍ മാന്‍ ബുക്കര്‍ പ്രൈസും 2009ല്‍ പ്രിന്‍സ് ഓഫ് ഓസ്ട്രിയാസ് പ്രൈസ് ഫോര്‍ ദി ആര്‍ട്‌സും 2015ല്‍ ജെറുസലേം പ്രൈസും അദ്ദേഹത്തെ തേടിയെത്തി.

1936ല്‍ അല്‍ബേനിയയിലെ ജിറോകാസ്റ്ററില്‍ ജനിച്ച അദ്ദേഹം, 17ാം വയസില്‍ ആദ്യ കവിതാസമാഹാരം പ്രസിദ്ധീകരിച്ചു. ടിരാന യൂണിവേഴ്‌സിറ്റിയില്‍ നിന്നും ഉപരിപഠന ശേഷം മെറിറ്റ് സ്‌കോളര്‍ഷിപ്പോടെ മോസ്‌കോയിലെ ഗോര്‍ക്കി യൂണിവേഴ്‌സിറ്റിയില്‍ സാഹിത്യത്തില്‍ ഉന്നതപഠനവും പൂർത്തിയാക്കി.

24ാം വയസില്‍ ആദ്യ നോവല്‍ പ്രസിദ്ധീകരിച്ചു. നഷ്ടപ്പെട്ടുപോയ അല്‍ബേനിയന്‍ ഗ്രന്ഥങ്ങള്‍ രണ്ടു വിദ്യാര്‍ഥികള്‍ വീണ്ടെടുക്കുന്നതായിരുന്നു പ്രമേയം. പക്ഷേ അത് അച്ചടിക്കാന്‍ അനുവാദം കിട്ടാതെ നിരുപാധികം നിരോധിക്കപ്പെടുകയാണുണ്ടായത്. 1990ൽ അല്‍ബേനിയന്‍ രഹസ്യപ്പൊലീസ് 100 അല്‍ബേനിയന്‍ ബുദ്ധിജീവികളെ അറസ്റ്റ് ചെയ്യാന്‍ പദ്ധതിയിട്ടതോടെ കദാരെ ഫ്രാന്‍സില്‍ അഭയം തേടി. പിന്നീട് പാരീസിലിരുന്നായിരുന്നു കദാരെയുടെ എഴുത്തുകളെല്ലാം.

അൽബേനിയൻ എഴുത്തുകാരിയായ ഹെലീന ഗുഷിയാണ് ഭാര്യ. രണ്ട് പെൺമക്കളിലൊരാളായ ബെസിയാന കദാരെ ഐക്യരാഷ്ട്രസഭയിലെ അൽബേനിയൻ അംബാസഡറും ക്യൂബയിലെ അൽബേനിയൻ അംബാസഡറുമാണ്. കൂടാതെ യു.എൻ ജനറൽ അസംബ്ലിയുടെ 75-ാമത് സെഷനിൽ വൈസ് പ്രസിഡൻ്റുമായിരുന്നു.

Football

മെസ്സിയുടെ പാത പിന്തുടര്‍ന്ന് ലാമിന്‍ യമാല്‍; ബാഴ്സയില്‍ ഇനി 19-ാം നമ്പര്‍ ജഴ്സി അണിയും

മെസ്സിയെ കൂടാതെ പാട്രിക് ക്ലൂയിവര്‍ട്, സെര്‍ജിയോ അഗ്യൂറോ എന്നീ താരങ്ങളും ഈ ഐക്കോണിക് നമ്പര്‍ ജഴ്‌സിയാണ് അണിഞ്ഞിരുന്നത്.

Published

on

എഫ്സി ബാഴ്സലോണയില്‍ 19-ാം നമ്പര്‍ ജഴ്സി തിരഞ്ഞെടുത്ത് കൗമാരതാരം ലാമിന്‍ യമാല്‍. വരാനിരിക്കുന്ന 2024-25 സീസണിലാണ് ബാഴ്സയുടെ 19-ാം നമ്പര്‍ ജഴ്സി യമാല്‍ അണിയുക. വീഡിയോയിലൂടെയാണ് തങ്ങളുടെ പുതിയ 19-ാം നമ്പറിനെ ബാഴ്സ പ്രഖ്യാപിച്ചത്. ഇതിഹാസതാരം ലയണല്‍ മെസ്സി ബാഴ്സലോണയില്‍ തുടക്ക കാലത്ത് അണിഞ്ഞ ജഴ്സിയാണിത്. മെസ്സിയെ കൂടാതെ പാട്രിക് ക്ലൂയിവര്‍ട്, സെര്‍ജിയോ അഗ്യൂറോ എന്നീ താരങ്ങളും ഈ ഐക്കോണിക് നമ്പര്‍ ജഴ്‌സിയാണ് അണിഞ്ഞിരുന്നത്.

2024 യൂറോ കപ്പില്‍ സ്പെയിനിന് വേണ്ടിയും യമാല്‍ 19-ാം നമ്പര്‍ ജഴ്സിയിലാണ് ഇറങ്ങിയത്. ടൂര്‍ണമെന്റില്‍ മികച്ച പ്രകടനം കാഴ്ചവെച്ച് ലോകശ്രദ്ധ പിടിച്ചുപറ്റിയ കൗമാരതാരമാണ് യമാല്‍. സ്പെയിനിന്റെയും ബാഴ്സയുടെയും ഫുട്ബോള്‍ ഭാവിയായി വാഴ്ത്തപ്പെടുകയാണ് ഈ 17കാരന്‍. യൂറോ കപ്പില്‍ സ്പെയിനിന്റെ കിരീടനേട്ടത്തില്‍ പ്രധാന പങ്ക് വഹിച്ച താരമാണ് യമാല്‍.

2024 യൂറോ കപ്പിലെ മികച്ച യുവതാരമായി തിരഞ്ഞെടുക്കപ്പെട്ടതും യമാലാണ്. ടൂര്‍ണ്ണമെന്റിലുടനീളം മികച്ച പ്രകടനം കാഴ്ച്ച വെച്ച യമാല്‍ നാല് അസിസ്റ്റുകളും ഒരു ഗോളും നേടി. ഫൈനലില്‍ സ്‌പെയിനിന്റെ ആദ്യ ഗോള്‍ പിറന്നത് യമാലിന്റെ അസിസ്റ്റില്‍ നിന്നായിരുന്നു.

Continue Reading

india

ഗൗ​രി ല​​ങ്കേ​ഷ് വ​ധ​ക്കേ​സ്: മൂ​ന്നു പ്ര​തി​ക​ൾ​ക്ക് ജാ​മ്യം

ഗോ​വ ആ​സ്ഥാ​ന​മാ​യി പ്ര​വ​ർ​ത്തി​ക്കു​ന്ന തീ​വ്ര ഹി​ന്ദു​ത്വ സം​ഘ​ട​ന​യാ​യ സ​നാ​ത​ൻ സ​ൻ​സ്ത​യു​മാ​യി ബ​ന്ധ​മു​ള്ള​വ​രാ​ണ് മോ​ഹ​ൻ നാ​യ​ക് അ​ട​ക്ക​മു​ള്ള പ്ര​തി​ക​ൾ.

Published

on

മു​തി​ർ​ന്ന മാ​ധ്യ​മ​പ്ര​വ​ർ​ത്ത​ക ഗൗ​രി ല​​ങ്കേ​ഷി​നെ (55) വെ​ടി​വെ​ച്ചു​കൊ​ന്ന കേ​സി​ൽ മൂ​ന്നു പ്ര​തി​ക​ൾ​ക്ക് ക​ർ​ണാ​ട​ക ഹൈ​കോ​ട​തി ജാ​മ്യം അ​നു​വ​ദി​ച്ചു. അ​മി​ത് ദി​ഗ്വേ​ക​ർ, കെ.​ടി. ന​വീ​ൻ കു​മാ​ർ, എ​ച്ച്.​എ​ൽ. സു​രേ​ഷ് എ​ന്നി​വ​ർ​ക്കാ​ണ് ജാ​മ്യം. കേ​സ് വി​ചാ​ര​ണ നീ​ളു​ന്ന​ത് ചൂ​ണ്ടി​ക്കാ​ട്ടി പ്ര​തി​ക​ൾ സ​മ​ർ​പ്പി​ച്ച ജാ​മ്യ ഹ​ര​ജി​യി​ൽ ഹൈ​കോ​ട​തി​യു​ടെ ക​ല​ബു​റ​ഗി ബെ​ഞ്ചി​ലെ ജ​സ്റ്റി​സ് വി​ശ്വ​ജി​ത്ത് ഷെ​ട്ടി​യാ​ണ് ജാ​മ്യം അ​നു​വ​ദി​ച്ച​ത്.

ഇ​വ​രു​ടെ കൂ​ട്ടു​പ്ര​തി മോ​ഹ​ൻ നാ​യ​കി​ന് ക​ഴി​ഞ്ഞ ഡി​സം​ബ​റി​ൽ ഹൈ​കോ​ട​തി ജാ​മ്യം ന​ൽ​കി​യി​രു​ന്നു. വി​ചാ​ര​ണ​ക്ക് ഹാ​ജ​രാ​വു​ന്ന​തി​ൽ വീ​ഴ്ച വ​രു​ത്ത​രു​തെ​ന്ന ഉ​പാ​ധി​യോ​ടെ​യാ​ണ് ജാ​മ്യം.

2017 സെ​പ്റ്റം​ബ​ർ അ​ഞ്ചി​ന് രാ​ത്രി എ​ട്ടോ​ടെ ബം​ഗ​ളൂ​രു ആ​ർ.​ആ​ർ ന​ഗ​റി​ലെ വീ​ട്ടു​മു​റ്റ​ത്താ​യി​രു​ന്നു ഗൗ​രി ല​​ങ്കേ​ഷ് കൊ​ല്ല​പ്പെ​ട്ട​ത്. ബൈ​ക്കി​ലെ​ത്തി​യ ര​ണ്ട് ഹി​ന്ദു​ത്വ തീ​വ്ര​വാ​ദി​ക​ൾ ഗൗ​രി​യെ വെ​ടി​വെ​ച്ചു വീ​ഴ്ത്തു​ക​യാ​യി​രു​ന്നു.

കൊ​ല​യാ​ളി​ക​ൾ​ക്ക് താ​മ​സി​ക്കാ​ൻ വാ​ട​ക വീ​ടും ഉ​പ​യോ​ഗി​ക്കാ​ൻ സിം​കാ​ർ​ഡും സം​ഘ​ടി​പ്പി​ച്ച് ന​ൽ​കി​യ​ത് മോ​ഹ​ൻ നാ​യ​കാ​ണെ​ന്നാ​ണ് അ​ന്വേ​ഷ​ണ സം​ഘ​ത്തി​ന്റെ ക​​ണ്ടെ​ത്ത​ൽ. കേ​സി​ൽ ആ​കെ 17 പ്ര​തി​ക​ൾ അ​റ​സ്റ്റി​ലാ​യി​രു​ന്നു. 2002 ജൂ​ലൈ നാ​ലി​ന് വി​ചാ​ര​ണ ആ​രം​ഭി​ച്ച കേ​സി​ൽ 527 സാ​ക്ഷി​ക​ളി​ൽ 130 പേ​രെ മാ​ത്ര​മാ​ണ് ഇ​തു​വ​രെ വി​സ്ത​രി​ച്ച​ത്.

പി​ടി​യി​ലാ​യ പ്ര​തി​ക​ൾ​ക്ക് ന​രേ​ന്ദ്ര ദാ​ഭോ​ൽ​ക​ർ, ഗോ​വി​ന്ദ് പ​ൻ​സാ​രെ, എം.​എം. ക​ൽ​ബു​ർ​ഗി എ​ന്നി​വ​രു​ടെ കൊ​ല​പാ​ത​ക​ങ്ങ​ളു​മാ​യും ബ​ന്ധ​മു​ണ്ടെ​ന്ന് ക​ണ്ടെ​ത്തി​യി​ട്ടു​ണ്ട്. ഗോ​വ ആ​സ്ഥാ​ന​മാ​യി പ്ര​വ​ർ​ത്തി​ക്കു​ന്ന തീ​വ്ര ഹി​ന്ദു​ത്വ സം​ഘ​ട​ന​യാ​യ സ​നാ​ത​ൻ സ​ൻ​സ്ത​യു​മാ​യി ബ​ന്ധ​മു​ള്ള​വ​രാ​ണ് മോ​ഹ​ൻ നാ​യ​ക് അ​ട​ക്ക​മു​ള്ള പ്ര​തി​ക​ൾ.

Continue Reading

india

‘മദ്‌റസ വിദ്യാർഥികൾക്ക് അവാർഡില്ല, വേണ്ടവർ സഊദിയിലേക്ക് പോകൂ’; യു.പി ബി.ജെ.പി നേതാവ്

മദ്‌റസ വിദ്യാർഥികളെ അവഗണിച്ചതിൽ ആദിത്യനാഥ് സർക്കാരിനെതിരെ രം​ഗത്തെത്തിയ സമാജ്‌വാദി പാർട്ടിയും കോൺഗ്രസും എല്ലാ മതങ്ങൾക്കും തുല്യ സംരക്ഷണം നൽകണമെന്ന് ആവശ്യപ്പെട്ടിരുന്നു.

Published

on

മദ്‌റസ വിദ്യാര്‍ഥികള്‍ക്ക് അവാര്‍ഡില്ലെന്നും അങ്ങനെ വേണ്ടവര്‍ സഊദി അറേബ്യയിലേക്ക് പോകൂ എന്നും യു.പിയിലെ ബി.ജെ.പി നേതാവ്. മുതിര്‍ന്ന ബി.ജെ.പി നേതാവും മുന്‍ മന്ത്രിയുമായ മൊഹ്സിന്‍ റാസയാണ് വിവാദ പരാമര്‍ശവുമായി രംഗത്തെത്തിയത്. സംസ്‌കൃതം, സ്റ്റേറ്റ് ബോര്‍ഡ് സ്‌കൂളുകളില്‍ ഉന്നതവിജയം നേടിയവരെപ്പോലെ മദ്‌റസ ബോര്‍ഡ് പരീക്ഷകളില്‍ മികവ് പ്രകടിപ്പിക്കുന്ന വിദ്യാര്‍ഥികളെ സര്‍ക്കാര്‍ ആദരിച്ചില്ലെന്ന പ്രതിപക്ഷ വിമര്‍ശനത്തിന് പിന്നാലെയായിരുന്നു നേതാവിന്റെ പ്രതികരണം.

മദ്‌റസ വിദ്യാര്‍ഥികളെ അവഗണിച്ചതില്‍ യോഗി ആദിത്യനാഥ് സര്‍ക്കാരിനെതിരെ രംഗത്തെത്തിയ സമാജ്വാദി പാര്‍ട്ടിയും കോണ്‍ഗ്രസും എല്ലാ മതങ്ങള്‍ക്കും തുല്യ സംരക്ഷണം നല്‍കണമെന്ന് ആവശ്യപ്പെട്ടിരുന്നു.

‘സംസ്‌കൃത സ്‌കൂളുകളിലെയും യു.പി ബോര്‍ഡ് സ്‌കൂളുകളിലെയും മികച്ച കുട്ടികള്‍ക്ക് ഉത്തര്‍പ്രദേശ് സര്‍ക്കാര്‍ അവാര്‍ഡുകള്‍ വിതരണം ചെയ്യുകയും ആദരിക്കുകയും ചെയ്യുന്നത് നിങ്ങള്‍ കണ്ടിട്ടുണ്ടാവും. സബ്കാ സാത്ത് സബ്കാ വികാസ്’ എന്ന മുദ്രാവാക്യം ഉയര്‍ത്തിയ സര്‍ക്കാര്‍ എന്തുകൊണ്ട് മദ്രസാ ബോര്‍ഡിലെ കുട്ടികളെ ആദരിക്കുന്നില്ല? അവര്‍ക്ക് അവാര്‍ഡുകള്‍ നല്‍കിയില്ല?’- സേലംപൂര്‍ എം.പിയും സമാജ്വാദി പാര്‍ട്ടി നേതാവുമായ രമാശങ്കര്‍ രാജ്ഭര്‍ ചോദിച്ചു.

ഭരണഘടന എല്ലാ മതങ്ങളെയും ഭാഷകളേയും സംരക്ഷിക്കുന്നുവെന്നും എല്ലാ മതങ്ങള്‍ക്കും തുല്യ സംരക്ഷണം ലഭിക്കണമെന്നും കോണ്‍ഗ്രസ് രാജ്യസഭാ എം.പി പ്രമോദ് തിവാരി പറഞ്ഞു. പ്രതിപക്ഷ വിമര്‍ശനത്തിനെതിരെ രംഗത്തെത്തിയ ബി.ജെ.പി നേതാവ് മൊഹ്സിന്‍ റാസ, മതവിദ്യാഭ്യാസത്തിലെ പുരോഗതിക്ക് അവാര്‍ഡുകളൊന്നും നല്‍കുന്നില്ലെന്നും അഭിപ്രായപ്പെട്ടു. ‘അങ്ങനെ അവാര്‍ഡുകള്‍ വല്ലതും വേണമെങ്കില്‍ സഊദി അറേബ്യയിലേക്ക് പോയ്‌ക്കൊള്ളൂ. അവാര്‍ഡ് അവിടെ കിട്ടും’- മുന്‍ ന്യൂനപക്ഷക്ഷേമ മന്ത്രിയായ റാസ പറഞ്ഞു. ഇതാണ് വിവാദമായിരിക്കുന്നത്.

യു.പി ബോര്‍ഡിന്റെ 10-ാം ക്ലാസ്, 12-ാം ക്ലാസ് പരീക്ഷകളില്‍ ഉന്നതവിജയം നേടിയ വിദ്യാര്‍ഥികള്‍ക്ക് ഒരു ലക്ഷം രൂപ വീതം സമ്മാനമായി നല്‍കുമെന്ന് അടുത്തിടെ സര്‍ക്കാര്‍ പ്രഖ്യാപിച്ചിരുന്നു. യു.പി ബോര്‍ഡ് ഓഫ് സെക്കന്‍ഡറി സംസ്‌കൃത വിദ്യാഭ്യാസ കൗണ്‍സില്‍, സിബിഎസ്ഇ, സിഐഎസ്സിഇ പരീക്ഷകളില്‍ മികച്ച വിജയം നേടിയവരെയും ആദരിക്കും. 4.73 കോടി രൂപയാണ് അവാര്‍ഡുകള്‍ക്കായി സര്‍ക്കാര്‍ വകയിരുത്തിയിരിക്കുന്നത്.

അംഗീകാരമില്ലാത്ത മദ്‌റസകളിലെ എല്ലാ വിദ്യാര്‍ഥികളെയും സര്‍ക്കാര്‍ എയ്ഡഡ് മദ്രസകളില്‍ പഠിക്കുന്ന മുസ്ലിമേതര വിദ്യാര്‍ഥികളെയും സര്‍ക്കാര്‍ സ്‌കൂളുകളിലേക്ക് മാറ്റണമെന്ന് അടുത്തിടെ ഉത്തര്‍പ്രദേശ് സര്‍ക്കാര്‍ നിര്‍ദേശം നല്‍കിയിരുന്നു.

 

Continue Reading

Trending