Connect with us

Culture

സബാഷ് സൂപ്പര്‍ ഇറാന്‍; മുഴുവന്‍ മല്‍സരങ്ങളും ജയിച്ച് ഇറാനിയന്‍ കുതിപ്പ്

Published

on

മഡ്ഗാവ്: അതിവേഗം ബഹുദൂരം മുന്നേറുകയാണ് ഇറാന്‍….ഫിഫ അണ്ടര്‍ 17 ലോകകപ്പ് ഫുട്‌ബോള്‍ ഗ്രൂപ്പ് സിയില്‍ മുഴുവന്‍ മല്‍സരങ്ങളും വിജയിച്ച ഇറാനികള്‍ ഒന്നാമന്മാരായി. വടക്കേ അമേരിക്കയില്‍ നിന്നുമെത്തിയ കോസ്റ്റാറിക്കക്കാരെ മൂന്ന് ഗോളിനാണ് ഇന്നലെ ഇറാന്‍ മുക്കിയത്. തോല്‍വിയോടെ മൂന്ന് മല്‍സരങ്ങളില്‍ നിന്ന് കേവലം ഒരു പോയന്റുമായി കോസ്റ്റാറിക്ക പുറത്തായി. ഒന്നാം പകുതിയില്‍ പിറന്ന രണ്ട് പെനാല്‍ട്ടി കിക്കുകളും രണ്ടാം പകുതിയിലെ സൂപ്പര്‍ ഗോളുമാണ് ഇറാന്റെ മേധാവിത്വത്തിന് അടിവരയിട്ടത്. ക്യാപ്റ്റന്‍ മുഹമ്മദ് ഗോബ്‌സാവിയാണ് ആദ്യ പെനാല്‍ട്ടി കിക്ക് ഗോളാക്കി മാറ്റിയത്. നാല് മിനുട്ടിന് ശേഷം ലഭിച്ച പെനാല്‍ട്ടി കിക്ക് താഹ ഷര്‍സാതി ഗോളാക്കി മാറ്റി. രണ്ടാം പകുതിയിലും ഇറാന്റെ ആധിപത്യം പ്രകടമായിരുന്നു. ഏഷ്യന്‍ ശക്തിയുടെ ഒരേ ഒരു നിരാശ ക്യാപ്റ്റന്‍ മുഹമ്മദ് ഇന്നലെയും മഞ്ഞക്കാര്‍ഡ് കണ്ടതാണ്. കഴിഞ്ഞ മല്‍സരത്തിലും ബുക്ക് ചെയ്യപ്പെട്ടതിനാല്‍ പ്രി ക്വാര്‍ട്ടര്‍ പോരാട്ടം നായകന് നഷ്ടമാവും.

അതിവേഗം, ബഹുദൂരം

ഫുട്‌ബോള്‍ ലോകത്തെ അതികായന്മാരായ ബ്രസീലിനും ജര്‍മനിക്കുമൊന്നുമില്ലാത്തൊരു റെക്കോര്‍ഡ് ഒരു ഏഷ്യന്‍ രാജ്യത്തിനുണ്ട്-2016-17 വര്‍ഷത്തില്‍ ഫിഫ നടത്തിയ അഞ്ച് ചാമ്പ്യന്‍ഷിപ്പുകള്‍ക്ക് യോഗ്യത നേടുക എന്ന അത്യപൂര്‍വ്വ ബഹുമതി സ്വന്തമാക്കിയിരിക്കുന്നത് മറ്റാരുമല്ല-ഇറാനാണ്…! ഇന്ത്യയില്‍ ഇപ്പോള്‍ പുരോഗമിക്കുന്ന ഫിഫ അണ്ടര്‍ 17 ലോകകപ്പ് ഉള്‍പ്പെടെ ഫിഫയുടെ എല്ലാ സമീപകാല ചാമ്പ്യന്‍ഷിപ്പുകളിലും ഗംഭീര പ്രകടനമാണ് ഇറാന്‍ നടത്തുന്നത്. അടുത്ത വര്‍ഷം റഷ്യയില്‍ നടക്കുന്ന ലോകകപ്പ് ഫുട്‌ബോള്‍ ഫൈനല്‍ റൗണ്ടിന് ഏഷ്യയില്‍ നിന്നും യോഗ്യത ഉറപ്പാക്കിയ ആദ്യ ടീമെന്ന ബഹുമതിക്ക് പിറകെ ഫിഫ അണ്ടര്‍ 20, ഫിഫ ഫൂട്‌സാല്‍, ഫിഫ ബീച്ച് ഫുട്‌ബോള്‍ എന്നീ ചാമ്പ്യന്‍ഷിപ്പുകളിലും ഇറാന്‍ മിന്നുന്ന പ്രകടനമാണ് നടത്തിയത്.

പോര്‍ച്ചുഗീസുകാരനായ കാര്‍ലോസ് ക്വിറസ് പരിശീലിപ്പിക്കുന്ന സീനിയര്‍ സംഘം റഷ്യന്‍ ടിക്കറ്റ് നേടിയത് യോഗ്യതാ റൗണ്ടില്‍ കളിച്ച പതിനെട്ട് മല്‍സരങ്ങളില്‍ ഒന്നില്‍ പോലും പരാജയമറിയാതെയാണ്. അഞ്ചാം ലോകകപ്പിന് അവര്‍ ടിക്കറ്റ് സ്വന്തമാക്കിയത് യോഗ്യതാ റൗണ്ടില്‍ രണ്ട് മല്‍സരങ്ങള്‍ ശേഷിക്കവെയാണ്. 1978,1998,2006,2014 ലോകകപ്പുകളില്‍ പങ്കെടുത്ത ഇറാന് ഇത്തവണയാണ് വലിയ പ്രതീക്ഷകള്‍.

ഇന്ത്യയില്‍ നടക്കുന്ന അണ്ടര്‍ 17 ഫുട്‌ബോളില്‍ ഇതിനകം കളിച്ച രണ്ട് മല്‍സരങ്ങളിലും ഞെട്ടിക്കുന്ന വിജയമാണ് ടീം സ്വായത്തമാക്കിയത്. ആദ്യ മല്‍സരത്തില്‍ ഗുനിയയെ 3-1ന് തരിപ്പണമാക്കിയവര്‍ രണ്ടാം മല്‍സരത്തിലാണ് സത്യത്തില്‍ ഞെട്ടിച്ചത്. സീനിയര്‍ ലോക ചാമ്പ്യന്മാരായ ജര്‍മനിയെ മറുപടിയില്ലാത്ത നാല് ഗോളുകള്‍ക്കാണ് ഇറാന്‍ തകര്‍ത്തത്. കൊറിയയില്‍ നടന്ന അണ്ടര്‍ 20 യില്‍ കോസ്റ്റാറിക്ക ഉള്‍പ്പെടെയുള്ള ശക്തരെ പരാജയപ്പെടുത്തിയിരുന്നു ഇറാന്‍. ബഹമാസില്‍ നടന്ന ഫിഫ ബിച്ച് ഫുട്‌ബോളിലും കൊളംബിയയില്‍ കഴിഞ്ഞ വര്‍ഷം നടന്ന ഫിഫ ഫൂട്‌സാലിലും ഇറാന്‍ ഗംഭീര പ്രകടനം നടത്തിയിരുന്നു.

Continue Reading
Advertisement
Click to comment

Leave a Reply

Your email address will not be published. Required fields are marked *

Film

തിയറ്ററിലിരുന്ന് കരയുകയായിരുന്നു, എന്‍റെ ജീവിതമാണത്’: നജീബ്

നടൻ പൃഥ്വിരാജിനെ കണ്ടിരുന്നെങ്കിൽ കെട്ടിപ്പിടിച്ച് ഉമ്മ കൊടുക്കുമായിരുന്നു എന്നും അദ്ദേഹം പറഞ്ഞു

Published

on

കൊച്ചി: ‘ആടുജീവിതം’ സിനിമ കണ്ടപ്പോൾ ചില രംഗങ്ങൾ കണ്ട് തിയേറ്ററിനുള്ളിൽ ഇരുന്ന് കരയുകയായിരുന്നു താനെന്ന് നജീബ്. തന്റെ ജീവിതമാണ് സ്ക്രീനിലൂടെ കണ്ടതെന്നും നടൻ പൃഥ്വിരാജിനെ കണ്ടിരുന്നെങ്കിൽ കെട്ടിപ്പിടിച്ച് ഉമ്മ കൊടുക്കുമായിരുന്നു എന്നും അദ്ദേഹം പറഞ്ഞു. ‘ആടുജീവിതം’ ആദ്യ ഷോ കണ്ടിറങ്ങിയപ്പോഴായിരുന്നു നജീബിന്‍റെ പ്രതികരണം.

പൃഥ്വിരാജ് വളരെ നന്നായി അഭിനയിച്ചിട്ടുണ്ട്. സിനിമ തിയേറ്ററിൽ എത്തുന്നത് കുടുംബം കാത്തിരിക്കുകയായിരുന്നു. എന്നാൽ മകന്റെ കുഞ്ഞ് മരിച്ചതോടെ എല്ലാവരും ദുഃഖത്തിലാണ്. എല്ലാവരും നിർബന്ധിച്ചത് കൊണ്ടാണ് ഇന്ന് സിനിമ കാണാൻ എത്തിയത്. ഇന്ന് തന്നെ സിനിമ കാണുമെന്ന് പറഞ്ഞ് നിരവധി പേരാണ് തന്നെ വിളിക്കുന്നത് -നജീബ് പറഞ്ഞു.

അതേസമയം, ഇന്ന് തിയറ്ററുകളിലെത്തിയ ചിത്രത്തിന് മികച്ച അഭിപ്രായമാണ് ലഭിക്കുന്നത്. ലോകോത്തര നിലവാരത്തിലുള്ള സിനിമയെന്നും, ബ്ലെസ്സി എന്ന സംവിധായകന്‍റെ 16 വർഷത്തെ കഠിനാധ്വാനം ഫലം കണ്ടിരിക്കുന്നുവെന്നുമെല്ലാം പ്രേക്ഷകർ അഭിപ്രായപ്പെടുന്നു.

Continue Reading

Art

സ്റ്റാൻഡപ്പ് കോമഡി വേദികളിൽ നിന്നും ചലച്ചിത്ര അരങ്ങിലേക്ക്

ജോബി വയലുങ്കൽ സംവിധാനം ചെയ്ത് അരിസ്റ്റോ സുരേഷ് നായകനാകുന്ന ചിത്രത്തിലാണ് നാൽവർ സംഘം ഭാഗമാകുന്നത്.

Published

on

മലയാളത്തിലെ ആദ്യത്തെ സ്റ്റാൻഡപ്പ് കോമഡി റിയാലിറ്റി ഷോ ആയ ഫൺസ് അപ്പോൺ എ ടൈം സീസൺ 3 യുടെ മത്സരാർത്ഥികൾ ചലച്ചിത്ര അരങ്ങിലേക്ക്. ഷോയിലൂടെ ശ്രദ്ധേയരായ അൻസിൽ, ധരൻ, സംഗീത് റാം, സോബിൻ കുര്യൻ എന്നീ 4 കോമേഡിയന്മാരാണ് ആദ്യ സിനിമയിലേക്ക് ചുവട് വെച്ചത്. ജോബി വയലുങ്കൽ സംവിധാനം ചെയ്ത് അരിസ്റ്റോ സുരേഷ് നായകനാകുന്ന ചിത്രത്തിലാണ് നാൽവർ സംഘം ഭാഗമാകുന്നത്. വയലുങ്കൽ ഫിലംസ്ന്റെ ബാന്നറിൽ ഒരുങ്ങുന്ന ചിത്രത്തിന്റെ പേര് വൈകാതെ പ്രഖ്യാപിക്കും.

സംവിധായകനൊപ്പം ധരൻ ചിത്രത്തിന്റെ കഥ തിരക്കഥ കൈകാര്യം ചെയ്തിരിക്കുന്നു. മറ്റുള്ളവർ പ്രധാനപ്പെട്ട വേഷങ്ങളും കൈകാര്യം ചെയ്തിരിക്കുന്നു. വിഷ്ണു പ്രസാദ്, ബോബൻ ആലുമ്മൂടൻ, സജി വെഞ്ഞാറമൂട്, കൊല്ലം തുളസി, യവനിക ഗോപാലകൃഷ്ണൻ, ഹരിശ്രീ മാർട്ടിൻ, ഷാജി മാവേലിക്കര, വിനോദ്, ഭാസി, അരുൺ വെഞ്ഞാറമൂട് തുടങ്ങിയവർ അഭിനയിച്ചിരിക്കുന്നു.

ക്യാമറ: എ കെ ശ്രീകുമാർ, എഡിറ്റ്‌: ബിനോയ്‌ ടി വർഗീസ്, കൺട്രോളർ: രാജേഷ് നെയ്യാറ്റിൻകര. സംഗീതം: ജസീർ, ആലാപനം: അരവിന്ദ് വേണുഗോപാൽ, വൈക്കം വിജയലക്ഷ്മി, തൊടുപുഴയിൽ ചിത്രീകരണം പൂർത്തിയായ ചിത്രം വൈകാതെ തീയേറ്ററുകളിൽ എത്തും.

Continue Reading

Film

നടി നേഹ ശർമ്മ കോൺഗ്രസ് സ്ഥാനാർത്ഥിയായേക്കും; സൂചന നൽകി പിതാവ്

ബിഹാറിലെ ഭഗല്‍പൂരില്‍ നിന്നുള്ള കോണ്‍ഗ്രസ് എംഎല്‍എയാണ് നേഹയുടെ അച്ഛന്‍ അജയ് ശര്‍മ.

Published

on

ബോളിവുഡ് താരം നേഹ ശര്‍മ്മ വരാനിരിക്കുന്ന ലോക്സഭാ തിരഞ്ഞെടുപ്പില്‍ കോണ്‍ഗ്രസിനായി മത്സരിച്ചേക്കുമെന്ന സൂചന നല്‍കി പിതാവ്. ബിഹാറിലെ ഭഗല്‍പൂരില്‍ നിന്നുള്ള കോണ്‍ഗ്രസ് എംഎല്‍എയാണ് നേഹയുടെ അച്ഛന്‍ അജയ് ശര്‍മ. സഖ്യകക്ഷികളുമായുള്ള ധാരണയ്‌ക്കൊടുവില്‍ ഭഗല്‍പൂര്‍ സീറ്റ് കോണ്‍ഗ്രസിന് ലഭിക്കുകയാണെങ്കില്‍ മകളെ നാമനിര്‍ദേശം ചെയ്യുമെന്ന് അജയ് അറിയിച്ചു.

‘കോണ്‍ഗ്രസിന് ഭഗല്‍പൂര്‍ ലഭിക്കണം, ഞങ്ങള്‍ മത്സരിച്ച് സീറ്റ് നേടും. കോണ്‍ഗ്രസിന് ഭഗല്‍പൂര്‍ ലഭിച്ചാല്‍, എന്റെ മകള്‍ നേഹ ശര്‍മ്മ മത്സരിക്കണമെന്ന് ഞാന്‍ ആഗ്രഹിക്കുന്നു. പക്ഷേ പാര്‍ട്ടിക്ക് ഞാന്‍ മത്സരിക്കണമെന്നാണ് ആഗ്രഹിമെങ്കില്‍ അത് ചെയ്യും’ അജയ് ശര്‍മ്മ പറഞ്ഞു.

Continue Reading

Trending