Connect with us

News

അഞ്ചാം ടി20 ഇന്ന്; ജയിക്കുന്നവര്‍ക്ക് പരമ്പര

ഡല്‍ഹിയിലും കട്ടക്കിലും ആധികാരിക വിജയം കരസ്ഥമാക്കിയത് ദക്ഷിണാഫ്രിക്ക. വിശാഖപ്പട്ടണത്തും രാജ്‌ക്കോട്ടിലും ആധികാരികമായി തിരിച്ചടിച്ച് ഇന്ത്യ. 2-2 ല്‍ നില്‍ക്കുന്ന ടി-20 പരമ്പരയിലെ അവസാന മല്‍സരം ഇന്ന് ചിന്നസ്വാമി സ്‌റ്റേഡിയത്തില്‍ നടക്കുമ്പോള്‍ വര്‍ധിത ആത്മവിശ്വാസം ഇന്ത്യക്ക്.

Published

on

ബെംഗളൂരു: ഡല്‍ഹിയിലും കട്ടക്കിലും ആധികാരിക വിജയം കരസ്ഥമാക്കിയത് ദക്ഷിണാഫ്രിക്ക. വിശാഖപ്പട്ടണത്തും രാജ്‌ക്കോട്ടിലും ആധികാരികമായി തിരിച്ചടിച്ച് ഇന്ത്യ. 2-2 ല്‍ നില്‍ക്കുന്ന ടി-20 പരമ്പരയിലെ അവസാന മല്‍സരം ഇന്ന് ചിന്നസ്വാമി സ്‌റ്റേഡിയത്തില്‍ നടക്കുമ്പോള്‍ വര്‍ധിത ആത്മവിശ്വാസം ഇന്ത്യക്ക്.

പഞ്ചമല്‍സര ടി-20 പരമ്പരയിലെ ആദ്യ രണ്ട് മല്‍സരങ്ങളില്‍ നിറം മങ്ങിയ ഇന്ത്യന്‍ ബൗളിംഗും ബാറ്റിംഗും അവസാന രണ്ട് മല്‍സരങ്ങളില്‍ നിലവാരത്തിനൊത്തുയര്‍ന്നിരിക്കുന്നു. രാജ്‌ക്കോട്ടിലെ നാലാം മല്‍സരത്തില്‍ മുന്‍നിരയിലെ നാല് പേര്‍ വേഗത്തില്‍ പുറത്തായിട്ടും ഇന്ത്യ 169 റണ്‍സ് സ്വന്തമാക്കിയത് മധ്യനിരയില്‍ വൈസ് ക്യാപ്റ്റന്‍ ഹാര്‍ദിക് പാണ്ഡ്യ, വിക്കറ്റ് കീപ്പര്‍ ദിനേശ് കാര്‍ത്തിക് എന്നിവര്‍ പ്രകടിപ്പിച്ച മികവിലാണ്. അവസാന അഞ്ച് ഓവറുകളില്‍ 78 റണ്‍സാണ് ഇരുവരും നേടിയത്. ബൗളിംഗിലും ഇന്ത്യ കരുത്തരായി. മൂന്നാം മല്‍സരത്തില്‍ മൂന്ന് വിക്കറ്റ് നേടിയ യൂസവേന്ദ്ര ചാഹല്‍ നാലാം മല്‍സരത്തില്‍ രണ്ട പേരെ പുറത്താക്കി. ആവേശ് ഖാന്‍ എന്ന മീഡിയം പേസര്‍ നാല് വിക്കറ്റ് നേടി. ഭുവനേശ്വര്‍ കുമാര്‍ ആദ്യ ഓവറുകള്‍ ഗംഭീരമാക്കി. ഫീല്‍ഡിംഗിലും കാര്യമായ പിഴവുകല്‍ വന്നില്ല.

അതേ സമയം ദക്ഷിണാഫ്രിക്കക്ക് തൊട്ടതെല്ലാം പിഴച്ചു. നായകന്‍ ടെംപോ ബവൂമ പരുക്കില്‍ പുറത്തായി. ഇന്ന് അദ്ദേഹം കളിക്കാന്‍ സാധ്യതയില്ല. ആദ്യ രണ്ട് മല്‍സരങ്ങളിലും ഗംഭീര ബാറ്റിംഗ് നടത്തിയ ഡേവിഡ് മില്ലര്‍, ഹെന്‍ട്രിക് ക്ലാസണ്‍, വാന്‍ഡര്‍ ഡൂസര്‍ എന്നിവര്‍ക്കൊന്നും കൂറ്റനടികള്‍ക്കായില്ല. ബൗളിംഗിലും ഇത് തന്നെ അവസ്ഥ. കാഗിസോ റബാദ നാലാം മല്‍സരത്തില്‍ മാറി നിന്നപ്പോള്‍ പകരക്കാരനായി പന്തെറിഞ്ഞ ലുന്‍ഗി എന്‍ഗിടിക്ക് ഇന്ത്യന്‍ മധ്യനിരക്കെതിരെ കൃത്യത പുലര്‍ത്താനായില്ല. സ്പിന്നര്‍മാരായ ഷംസിക്കും കേശവ് മഹാരാജിനും ഇന്ത്യന്‍ ബാറ്റര്‍മാരെ കബളിപ്പിക്കാനാവുന്നില്ല.

ചിന്നസ്വാമി സ്‌റ്റേഡിയം ഇന്ത്യയുടെ ഭാഗ്യ വേദിയാണ്. ഇവിടെ നടന്ന മല്‍സരങ്ങളില്ലെല്ലാം ഇന്ത്യ കരുത്തരായിരുന്നു. ദിനേശ് കാര്‍ത്തിക് വ്യക്തമാക്കിയത് ഐ.പി.എല്ലില്‍ ബെംഗളൂരു റോയല്‍ ചാലഞ്ചേഴ്‌സിന്റെ താരമായിട്ടും ചിന്നസ്വാമിയില്‍ കളിക്കാന്‍ കഴിയാത്ത നിരാശ ഇന്ന് അതേ വേദിയില്‍ കളിച്ച് തീര്‍ക്കണമെന്നാണ്. മല്‍സരം 7-00 മുതല്‍. പക്ഷേ മഴ മല്‍സരത്തില്‍ വില്ലനാവാന്‍ സാധ്യതയുണ്ട്.

Continue Reading
Advertisement
Click to comment

Leave a Reply

Your email address will not be published. Required fields are marked *

kerala

‘തെറി പറഞ്ഞ് തെരഞ്ഞെടുപ്പില്‍ നിന്നും ശ്രദ്ധ തിരിക്കാന്‍ ശ്രമം; അസഭ്യം പറയാന്‍ ലൈസന്‍സ് ഉണ്ടെന്നാണ് ധാരണ’: ഡീന്‍ കുര്യാക്കോസ്

ഇടുക്കി ഇപ്പോള്‍ അനുഭവിക്കുന്ന മുഴുവന്‍ ബുദ്ധിമുട്ടുകള്‍ക്കും കാരണം ഇടതുസര്‍ക്കാരാണ് ഡീന്‍ കുര്യാക്കോസ് പറഞ്ഞു

Published

on

ഇടുക്കി: സിപിഎം നേതാവ് എംഎം മണിയുടെ അധിക്ഷേപ പരാമര്‍ശങ്ങള്‍ക്ക് മറുപടിയുമായി ഇടുക്കിയിലെ യുഡിഎഫ് സ്ഥാനാര്‍ത്ഥി ഡീന്‍ കുര്യാക്കോസ്. എംഎം മണി നടത്തിയത് തെറിയഭിഷേകമാണ്. ഇതൊന്നും നാടന്‍ പ്രയോഗമായി കണക്കാക്കാനാവില്ല. തെറി പറഞ്ഞ് തെരഞ്ഞെടുപ്പില്‍ നിന്നും ശ്രദ്ധ തിരിക്കാനുള്ള ശ്രമം ജനങ്ങള്‍ വിലയിരുത്തുമെന്നും ഡീന്‍ കുര്യാക്കോസ് പറഞ്ഞു.

തെറിക്കുത്തരം മുറിപ്പത്തല്‍ എന്നതാണ് സിപിഎം ആഗ്രഹിക്കുന്നതെങ്കില്‍ എന്റേത് ആ ശൈലിയല്ല. നാടന്‍ പ്രയോഗങ്ങള്‍ എന്ന പേരില്‍ മണി മോശം വാക്കുകള്‍ പറയുന്നു. അസഭ്യം പറയാന്‍ ലൈസന്‍സുള്ള പോലെയാണ് മണിയുടെ പരാമര്‍ശങ്ങള്‍. അത്തരത്തില്‍ മറുപടി പറയാന്‍ താനില്ല. സാംസ്‌കാരിക നായകന്മാരും മാധ്യമങ്ങളും എംഎം മണിക്ക് വിശുദ്ധ പരിവേഷം നല്‍കുകയാണ്.
നേരത്തെയും എംഎം മണി തനിക്കെതിരെ ഇത്തരം പരാമര്‍ശങ്ങള്‍ നടത്തിയിട്ടുണ്ട്. ഇടുക്കി ഇപ്പോള്‍ അനുഭവിക്കുന്ന മുഴുവന്‍ ബുദ്ധിമുട്ടുകള്‍ക്കും കാരണം ഇടതുസര്‍ക്കാരാണ്. എംഎം മണി മന്ത്രി ആയിരുന്ന കാലത്താണ് ബഫര്‍ സോണ്‍ ഉത്തരവും നിര്‍മ്മാണ നിരോധനവും കൊണ്ടുവന്നത്. അന്ന് എന്തുകൊണ്ട് അതിനെ എതിര്‍ത്തില്ലെന്ന് എംഎം മണി വ്യക്തമാക്കണമെന്നും ഡീന്‍ കുര്യാക്കോസ് ആവശ്യപ്പെട്ടു.

Continue Reading

india

സി.എ.എ: അനുകൂല വിധി ഉണ്ടാകുമെന്ന് പ്രതീക്ഷ: മുസ്‌ലിംലീഗ്

തെരഞ്ഞെടുപ്പ് വിജഞാപനം വന്ന ശേഷം കോടതിയിൽ കിടക്കുന്ന കേസുകൾ ഇനി എന്ത് ചെയ്യാ​നാണെന്നും കുഞ്ഞാലിക്കുട്ടി ചോദിച്ചു

Published

on

ന്യൂഡൽഹി: പൗരത്വ സമരത്തിൽ പ​​ങ്കെടുത്തവരുടെ കേസുകൾ പിൻവലിക്കാനുള്ള കേരള സർക്കാർ തീരുമാനം ഏറെ ​വൈകിപ്പോയെന്നും തെരഞ്ഞെടുപ്പ് വന്നപ്പോൾ കൈകൊണ്ട ഒന്നാണെന്നും മുസ്‌ലിംലീഗ് ദേശീയ ജനറൽ സെക്രട്ടറി പി.കെ കുഞ്ഞാലിക്കുട്ടി പറഞ്ഞു. കോടതിയിൽ ഏതൊക്കൊയോ ഘട്ടങ്ങളിലെത്തിക്കഴിഞ്ഞ കേസ് തെരഞ്ഞെടുപ്പ് വിജഞാപനമൊക്കെ വന്ന ശേഷം എങ്ങിനെ പിൻവലിക്കാനാകുമെന്നും കുഞ്ഞാലിക്കുട്ടി ചോദിച്ചു.

തെരഞ്ഞെടുപ്പ് പ്രഖ്യാപിച്ച് വിജഞാപനം വന്ന ശേഷം കൈകൊണ്ട ഈ തീരു​മാനം പ്രചാരണത്തിൽ പറയാമെന്നല്ലാതെ ഒരുകാര്യവുമില്ലെന്നും കുഞ്ഞാലിക്കുട്ടി വ്യക്തമാക്കി. ഈ കേസുകളൊക്കെ നേരത്തെ പിൻവലിക്കാമായിരുന്നു. തെരഞ്ഞെടുപ്പ് വിജഞാപനം വന്ന ശേഷം കോടതിയിൽ കിടക്കുന്ന കേസുകൾ ഇനി എന്ത് ചെയ്യാ​നാണെന്നും കുഞ്ഞാലിക്കുട്ടി ചോദിച്ചു.

പൗരത്വ സമരത്തിൽ പ​​ങ്കെടുത്തവരുടെ കേസുകൾ പിൻവലിക്കാൻ സർക്കാർ തീരുമാനിച്ചതിനെ കുറിച്ചുള്ള മാധ്യമപ്രവർത്തകരുടെ ചോദ്യത്തിനാണ് ന്യൂഡൽഹി കേരള ഹൗസിൽ കുഞ്ഞാലിക്കുട്ടി ഈ മറുപടി നൽകിയത്.

പൗരത്വ വിഷയത്തിൽ ജനങ്ങൾ ആശങ്കയിലാണെന്ന് ലീഗ് സംസ്ഥാന അധ്യക്ഷൻ പാണക്കാട് സാദിഖലി ശിഹാബ് തങ്ങൾ പറഞ്ഞു. ഈ വിഷയത്തിൽ കേസുമായി ലീഗ് മുന്നോട്ടു പോവുകയാണ്. അനുകൂല വിധി പ്രതീക്ഷിക്കുന്നുവെന്നും സാദിഖലി തങ്ങൾ മാധ്യമങ്ങളോട് വ്യക്തമാക്കി.

പൗരത്വ നിയമ ഭേദഗതിക്കെതിരായ കേസ് പരിഗണിക്കുന്ന സാഹചര്യത്തിൽ സുപ്രീംകോടതിയിലേക്ക് പോകാനായി മുസ്‍ലിം ലീഗ് സംസ്ഥാന പ്രസിഡന്റ് പാണക്കാട് സാദിഖലി ശിഹാബ് തങ്ങൾക്കൊപ്പം ഡൽഹിയിലെത്തിയതാണ് പി.കെ. കുഞ്ഞാലിക്കുട്ടി, പി.വി അബ്ദുൽ വഹാബും അടക്കമുള്ള നേതാക്കൾ.

പൗരത്വ നിയമത്തിനെതിരായ കേസിലെ മുഖ്യ ഹരജിക്കാർ എന്ന നിലയിൽ മുസ്‍ലിം ലീഗി​ന് വേണ്ടി ഹാജരാകുന്ന മുതിർന്ന അഭിഭാഷകൻ കപിൽ സിബലിനെ തിങ്കളാഴ്ച വൈകീട്ട് കണ്ട് ലീഗ് നേതാക്കൾ അഡ്വ. ഹാരിസ് ബീരാന്റെ സാന്നിധ്യത്തിൽ ചർച്ച നടത്തിയിരുന്നു.

Continue Reading

kerala

ആലപ്പുഴയില്‍ കടൽ ഉൾവലിഞ്ഞു

ഇന്നു രാവിലെ 6.30 ന് ശേഷമാണ് സംഭവം

Published

on

ആലപ്പുഴ: പുറക്കാട് കടൽ തീരത്ത് 50 മീറ്റർ കടൽ ഉൾവലിഞ്ഞു. പുറക്കാട് മുതൽ തെക്കോട്ട് 300 മീറ്റർ ഭാഗത്ത് ഇന്നു രാവിലെ 6.30 ന് ശേഷമാണ് സംഭവം. ആശങ്കപ്പെടാനില്ലെന്നാണ് തീരദേശവാസികൾ പറയുന്നത്. അതേസമയം, കടൽ ഉൾവലിഞ്ഞതിന്റെ കാരണം വ്യക്തമല്ല.

തീരത്ത് ചളി അടിഞ്ഞ അവസ്ഥയാണ്. ഇന്ന് പുലർച്ചെ മത്സ്യബന്ധത്തിനു പോയ മത്സ്യത്തൊഴിലാളികൾക്ക് തിരികെ വരാൻ കഴിയാത്ത സാഹചര്യമാണ്. ചെളി അടിഞ്ഞതാണ് തിരിച്ചു വരവ് ദുഷ്കരമാക്കുന്നത്. നിലവിൽ ആശങ്കപ്പെടേണ്ട സാഹചര്യമില്ലെന്നാണ് പരമ്പരാ​ഗത മത്സ്യത്തൊഴിലാളികൾ പറയുന്നത്.

 

Continue Reading

Trending