Connect with us

kerala

സ്‌കൂളുകളിലെ പതാക വിതരണം; ഫ്‌ളാഗ് കോഡ് കാറ്റില്‍ പറത്തി വിദ്യാഭ്യാസ വകുപ്പ്

സ്വാതന്ത്ര്യത്തിന്റെ 75 ാം വാര്‍ഷികത്തോടനുബന്ധിച്ച് ആസാദി കാ അമൃത് മഹോത്സവത്തിന്റെ ഭാഗമായി വിദ്യാര്‍ഥികള്‍ക്ക് വിതരണം ചെയ്യാനെത്തിച്ച പതാകകള്‍ സകല മാനദണ്ഡങ്ങളും ലംഘിക്കുന്നതെന്ന് ആക്ഷേപം.

Published

on

സ്വാതന്ത്ര്യത്തിന്റെ 75 ാം വാര്‍ഷികത്തോടനുബന്ധിച്ച് ആസാദി കാ അമൃത് മഹോത്സവത്തിന്റെ ഭാഗമായി വിദ്യാര്‍ഥികള്‍ക്ക് വിതരണം ചെയ്യാനെത്തിച്ച പതാകകള്‍ സകല മാനദണ്ഡങ്ങളും ലംഘിക്കുന്നതെന്ന് ആക്ഷേപം. കേരള സര്‍ക്കാര്‍ നിര്‍ദ്ദേശ പ്രകാരം സംസ്ഥാനത്തെ കുടുംബശ്രീകള്‍ നിര്‍മിച്ച പതാകകളാണ് ഫ്‌ളാഗ് കോഡ് ലംഘിക്കുന്നതായത്. പതാക ദീര്‍ഘചതുരാകൃതിയില്‍ 3:2 എന്ന അനുപാതത്തില്‍ നീളവും വീതിയുമാണ് ക്രമീകരിക്കേണ്ടത്. ഈ അനുപാതം ലംഘിച്ചതും അച്ചടിച്ച അശോക ചക്രത്തിന്റെ സ്ഥാനം മാറിയതുമായ പതാകകളാണ് വിവിധ സ്‌കൂളുകളില്‍ ഇന്നലെ വിതരണത്തിനെത്തിച്ചത്. കൂടാതെ കോട്ടണ്‍, പോളിസ്റ്റര്‍, പോളി സില്‍ക്ക്, ഖാദി തുണികള്‍ ഉപയോഗിച്ചു നിര്‍മിച്ച പതാകകള്‍ മാത്രമേ ഉപയോഗിക്കാന്‍ പാടുള്ളുവെന്നതും ലംഘിച്ച് സംസ്ഥാനത്തെ വിവിധ സ്‌കൂളുകളില്‍ വിതരണത്തിനെത്തിച്ചത് പ്ലാസ്റ്റികില്‍ പ്രിന്റ് ചെയ്തവയാണ്. ഇതോടെ വിതരണത്തിനെത്തിച്ച പതാകകള്‍ കുറ്റമറ്റതാണെന്ന് പ്രധാനാധ്യാപകര്‍ ഉറപ്പുവരുത്തണമെന്ന നിര്‍ദ്ദേശം പുറത്തിറക്കിയിരിക്കുകയാണ് വിദ്യാഭ്യാസ വകുപ്പ്. കോഴിക്കോട് വിദ്യാഭ്യാസ ഉപഡയറക്ടറാണ് ഇത് സംബന്ധിച്ച് ഉത്തരവ് പുറത്തിറക്കിയത്. വിവിധ സ്‌കൂളുകളില്‍ വിതരണത്തിനെത്തിച്ചവ ദേശീയ പതാകയെ അവഹേളിക്കുന്നതിന് തുല്യമാണെന്ന് ബോധ്യപ്പെട്ടതോടെയാണ് വിദ്യാഭ്യാസ ഉപ ഡയറക്ടര്‍ക്ക് ഉത്തരവ് ഇറക്കേണ്ടി വന്നത്.

നേരത്തെ സ്വാതന്ത്ര്യത്തിന്റെ 75ാം വാര്‍ഷികത്തോടനുബന്ധിച്ച് എല്ലാ വീടുകളിലും പതാക ഉയര്‍ത്തുന്നതിനായി വിദ്യാര്‍ഥികള്‍ മുഖാന്തരം പതാക വിതരണം ചെയ്യാനായിരുന്നു സര്‍ക്കാര്‍ നിര്‍ദ്ദേശം. ഇതിനായി സ്‌കൂളുകളിലെ വിദ്യാര്‍ഥികള്‍ക്ക് ആവശ്യമുള്ള പതാകയുടെ എണ്ണം പഞ്ചായത്ത്, മുനിസിപ്പല്‍ സെക്രട്ടറിമാര്‍ക്ക് നല്‍കണമെന്നും ഓരോ പതാകക്കും 40 രൂപ തോതില്‍ നല്‍കണമെന്നും ആവശ്യപ്പെട്ടിരുന്നു. ഇത് പ്രകാരം പണം പിരിക്കുകയും ചെയ്തു. സ്വാതന്ത്ര ദിനത്തിന് മുമ്പുള്ള അവസാന പ്രവര്‍ത്തി ദിവസമെന്ന നിലയില്‍ ഇന്നലെ തന്നെ പതാക വിതരണം പൂര്‍ത്തിയാക്കണമായിരുന്നു. എന്നാല്‍ സംസ്ഥാനത്ത് പല സ്‌കൂളുകളിലും പതാക എത്തിയില്ലെന്ന് മാത്രമല്ല, എത്തിയതില്‍ തന്നെ ഭൂരിഭാഗവും പ്ലാസ്റ്റികില്‍ പ്രിന്റ് ചെയ്തതും പതാകയുടെ അനുപാതം കൃത്യമല്ലാത്തതുമായിരുന്നു.കുടുംബശ്രീ യൂണിറ്റുകള്‍ക്ക് സാമ്പത്തിക നേട്ടമുണ്ടാക്കാനാണ് സര്‍ക്കാര്‍ പതാക നിര്‍മാണത്തിന്റെ ചുമതല ഏല്‍പ്പിച്ചതെന്നും രാഷ്ട്രത്തിന് സ്വാതന്ത്യം ലഭിച്ചതിന്റെ 75 ാം വാര്‍ഷികം ആഘോഷിക്കുമ്പോളാണ് ദേശീയ പതാകയെ തന്നെ അവഹേളിക്കുന്ന തരത്തില്‍ പദ്ധതി മാറിയതെന്നുമാണ് ഉയരുന്ന ആക്ഷേപം.

Continue Reading
Advertisement
Click to comment

Leave a Reply

Your email address will not be published. Required fields are marked *

kerala

അറ്റ്‌ലസ് രാമചന്ദ്രന്റെ മൃതദേഹം ദുബായിയില്‍ സംസ്‌കരിച്ചു

മരണശേഷം കൊവിഡ് സ്ഥിരീകരിച്ചതിനെ തുടര്‍ന്ന് ദുബൈ സര്‍ക്കാരിന്റെ കൊവിഡ് മാനദണ്ഡങ്ങള്‍ പാലിച്ചാണ് സംസ്‌കാര ചടങ്ങുകള്‍ നടന്നത്.

Published

on

അന്തരിച്ച പ്രമുഖ വ്യവസായിയും അറ്റ്‌ലസ് ഗ്രൂപ്പ് ചെയര്‍മാനുമായ അറ്റ്‌ലസ് രാമചന്ദ്രന്റെ മൃതദേഹം ദുബായിയില്‍ സംസ്‌കരിച്ചു. ജബല്‍ അലി ഹിന്ദു ക്രിമേഷന്‍ സെന്ററില്‍ ഇന്ന് പ്രാദേശിക സമയം വൈകിട്ട് 5.30നായിരുന്നു സംസ്‌കാര ചടങ്ങുകള്‍ നടന്നത്. ഭാര്യയും മക്കളും അടുത്ത ബന്ധുക്കളും സാമൂഹികപ്രവര്‍ത്തകരും മാത്രമാണ് ചടങ്ങുകളില്‍ സംബന്ധിച്ചത്.

മരണശേഷം കൊവിഡ് സ്ഥിരീകരിച്ചതിനെ തുടര്‍ന്ന് ദുബൈ സര്‍ക്കാരിന്റെ കൊവിഡ് മാനദണ്ഡങ്ങള്‍ പാലിച്ചാണ് സംസ്‌കാര ചടങ്ങുകള്‍ നടന്നത്.

ഹൃദയാഘാതത്തെ തുടര്‍ന്ന് ദുബായിലെ ആസ്റ്റര്‍ മന്‍ഖൂള്‍ ഹോസ്പിറ്റലില്‍ ഞായറാഴ്ച രാത്രിയോടെയായിരുന്നു അന്ത്യം. നിരവധി വര്‍ഷങ്ങളായി കുടുംബത്തോടൊപ്പം ദുബായില്‍ സ്ഥിരതാമസക്കാരനായിരുന്നു. അറ്റ്‌ലസ് വീണ്ടും തുറക്കാനുള്ള ശ്രമങ്ങള്‍ തുടരുന്നതിനിടെയാണ് അദ്ദേഹം അകാലത്തില്‍ മരണത്തിന് കീഴടങ്ങുന്നത്.

സിനിമാ മേഖലയില്‍ സജീവമായിരുന്ന അറ്റ്‌ലസ് രാമചന്ദ്രന്‍ നിരവധി സിനിമികള്‍ നിര്‍മിക്കുകയും ഒപ്പം അഭിനയിക്കുകയും ചെയ്തിട്ടുണ്ട്.ഫിലിം പ്രൊഡ്യൂസേഴ്‌സ് അസോസിയേഷന്‍ വൈസ് പ്രസിഡന്റ്,ഫിലിം മാഗസിനായ ചലച്ചിത്രത്തിന്റെ എഡിറ്ററായും അദ്ദേഹം പ്രവര്‍ത്തിച്ചു.

Continue Reading

kerala

മുന്‍ എംഎല്‍എയും കോണ്‍ഗ്രസ് നേതാവുമായ പുനലൂര്‍ മധു അന്തരിച്ചു

തിരുവനന്തപുരം കിംസ് ആശുപത്രിയില്‍ ചികിത്സയിലിരിക്കെയാണ് അന്ത്യം.

Published

on

കോണ്‍ഗ്രസ് നേതാവ് പുനലൂര്‍ മധു അന്തരിച്ചു. 66 വയസായിരുന്നു. തിരുവനന്തപുരം കിംസ് ആശുപത്രിയില്‍ ചികിത്സയിലിരിക്കെയാണ് അന്ത്യം.

കെ പി സി സി ഭാരവാഹിയുമായിരുന്നു. മുന്‍ പുനലൂര്‍ എം.എല്‍.എയായിരുന്നു. 1991ലാണ് പുനലൂരില്‍ നിന്ന് വിജയിച്ചത്. കെ എസ് യു മുന്‍ സംസ്ഥാന അധ്യക്ഷന്‍, മുന്‍ യൂത്ത് കോണ്‍ഗ്രസ് സംസ്ഥാന ജനറല്‍ സെക്രട്ടറി, ദേവസ്വം ബോര്‍ഡ് മുന്‍ അംഗം തുടങ്ങിയ ചുമതലകള്‍ വഹിച്ചിരുന്നു. സംസ്‌ക്കാരം നാളെ വൈകിട്ട് വീട്ടുവളപ്പില്‍ വെച്ച് നടക്കും.

Continue Reading

kerala

കാനം രാജേന്ദ്രന്‍ വീണ്ടും സിപിഐ സംസ്ഥാന സെക്രട്ടറി

മത്സരമില്ലാതെയാണ് സംസ്ഥാന സമ്മേളനം കാനത്തെ തിരഞ്ഞെടുത്തത്.

Published

on

സി.പി.ഐ സംസ്ഥാന സെക്രട്ടറിയായി കാനം രാജേന്ദ്രനെ വീണ്ടും തെരഞ്ഞെടുത്തു. ഇത് മൂന്നാം തവണയാണ് കാനം സംസ്ഥാന സെക്രട്ടറിയാകുന്നത്. മത്സരമില്ലാതെയാണ് സംസ്ഥാന സമ്മേളനം കാനത്തെ തിരഞ്ഞെടുത്തത്.

പാര്‍ട്ടിയില്‍ വിഭാഗീയത സജീവമായിരുന്ന സാഹചര്യത്തിലാണ് ഇത്തവണ പാര്‍ട്ടി സംസ്ഥാന സമ്മേളനം നടന്നത്. സംസ്ഥാന കൗണ്‍സില്‍ അംഗങ്ങളുടെ പ്രായപരിധി സംബന്ധിച്ചായിരുന്നു  പാര്‍ട്ടിയില്‍ വിഭാഗീയത.

അതേസമയം, പ്രായപരിധി കടന്നതിനെ തുടര്‍ന്ന് സി.ദിവാകരന് പിന്നാലെ കെ.ഇ.ഇസ്മായിലും സംസ്ഥാന കൗണ്‍സിലില്‍നിന്ന് പുറത്തായി.

കാനം വിരുദ്ധ വിഭാഗത്തിന്റെ എതിര്‍പ്പ് പ്രതിനിധി സമ്മേളനത്തില്‍ പ്രകടമാകുമെന്ന് കരുതപ്പെട്ടിരുന്നു. പക്ഷേ അതിനെയെല്ലാം മറികടന്ന് പദവിയിലെത്താന്‍ കാനത്തിന് വീണ്ടും സാധിച്ചു.

Continue Reading

Trending