Connect with us

kerala

കാട് വരളുന്നു, സ്വാഭാവിക വനം കുറയുന്നു, വന്യമൃഗങ്ങള്‍ കാടിറങ്ങുന്നു

കേരളത്തിലെ കാടുകളില്‍ ആന, കടുവ, മാന്‍ എന്നീ മൃഗങ്ങളുടെ എണ്ണത്തില്‍ വര്‍ധനവ് രേഖപ്പെടുത്തിയതായി വനംകുപ്പിന്റെ കണക്കുകള്‍ പറയുന്നുണ്ട്.

Published

on

വന്യമൃഗങ്ങള്‍ കാടിറങ്ങുന്നതിനും മലയോരങ്ങളില്‍ നാശം വിതയ്ക്കുന്നതിനും പ്രധാന കാരണങ്ങളില്‍ ചിലത് കാടിനുള്ളിലെ വരള്‍ച്ചയും ഭക്ഷണക്ഷാമവും. കഴിഞ്ഞ ഏതാനും വര്‍ഷങ്ങള്‍ക്കിടയിലെ രൂക്ഷമായ വരള്‍ച്ചയാണ് ഇത്തവണ അനുഭവപ്പെടുന്നത്. കാടിനുള്ളിലെ ജലസ്രോതസ്സുകളില്‍ പലതും വറ്റിയിട്ടുണ്ട്. വന്യ ജീവി സങ്കേതങ്ങള്‍ക്കുള്ളില്‍ ജല ലഭ്യത ഉറപ്പു വരുത്താനായി പരിശ്രമങ്ങള്‍ വേണ്ട വിധത്തില്‍ നടക്കുന്നുമില്ല.

സ്വാഭാവിക വനത്തിന്റെ തോത് ആശങ്കാജനകമായി കുറയുന്നത് ആനയുള്‍പ്പെടെയുള്ള ജീവികള്‍ കാടിറങ്ങുന്നതിന് പ്രധാന കാരണമായി ചൂണ്ടിക്കാണിക്കപ്പെടുന്നു. മഞ്ഞക്കൊന്ന, അരിപ്പൂ, അക്കേഷ്യ തുടങ്ങിയ സസ്യങ്ങള്‍ വ്യാപിക്കുകയും ആനകള്‍ക്ക് ഭക്ഷണത്തിനായി ആശ്രയിക്കുന്ന മുള ഉള്‍പ്പെടെയുള്ളവ കുറയുകയും ചെയ്തു. അതേസമയം വന്യമൃഗങ്ങള്‍ കാടിറങ്ങുന്നതിന് പിന്നില്‍ അനേകം കാരണങ്ങളുണ്ടെന്നും അതിലൊന്ന് മാത്രമാണ് വരള്‍ച്ചയെന്നും ഇതിനെ കുറിച്ച് പഠിക്കുന്നവര്‍ ചൂണ്ടിക്കാട്ടുന്നു. ലവണാംശമുള്ള ഭക്ഷണം കഴിച്ചു തുടങ്ങുന്ന ആനകള്‍ ഇത് ശീലമാക്കുന്നതും കാടിന് വെളിയിലേക്കിറങ്ങുന്നതും കാണുന്നുണ്ട്. പുതിയ ഭക്ഷണങ്ങള്‍ തേടിയും ഇവ കാടിറങ്ങുന്നു. ചക്കയുള്‍പ്പെടെയുള്ള പഴങ്ങള്‍ തേടിയും ആനകള്‍ കാടിറങ്ങാറുണ്ട്.

അതേസമയം കേരളത്തിലെ കാടുകളില്‍ ആന, കടുവ, മാന്‍ എന്നീ മൃഗങ്ങളുടെ എണ്ണത്തില്‍ വര്‍ധനവ് രേഖപ്പെടുത്തിയതായി വനംകുപ്പിന്റെ കണക്കുകള്‍ പറയുന്നുണ്ട്. എണ്ണം പെരുകുന്നതിനാലാണ് ഇവ പുറത്തിറങ്ങി നാശം വിതക്കുന്നതെന്ന് കാടിനോട് ചേര്‍ന്ന് താമസിക്കുന്നവരും ചൂണ്ടിക്കാണിക്കുന്നു. നൂറു കണക്കിനാളുകളാണ് വന്യ മൃഗങ്ങളുടെ ആക്രമണത്തിനാല്‍ കൊല്ലപ്പെട്ടത്. കണ്ണൂര്‍ ജില്ലയിലെ ആറളം വന്യജീവ സങ്കേതത്തോട് ചേര്‍ന്ന് മാത്രം പതിനാറോളം പേരെ കാട്ടാന കൊല്ലുകയുണ്ടായി. സംസ്ഥാനത്ത് കടുവയുടെ ആക്രമണത്തിലും നിരവധി പേര്‍ കൊല്ലപ്പെട്ടു. എണ്ണം കൂടുമ്പോള്‍ കടുവകളില്‍ കരുത്തു കുറഞ്ഞവ കാടിനുള്ളില്‍ നിന്ന് പുറത്തിറങ്ങുന്നതിന് നിര്‍ബന്ധിതമാകുന്നു. ഇവ നാടിറങ്ങി വളര്‍ത്തു മൃഗങ്ങളെ പിടിച്ചു തിന്നുകയും മനുഷ്യനെ അക്രമിക്കുകയും ചെയ്യുന്നു.
വന്യജീവികള്‍ കാടിറങ്ങുന്നത് തടയാനായി സ്ഥാപിച്ച വൈദ്യുതി വേലികളുടെ സ്ഥിതി പലയിടങ്ങളിലും പരിതാപകരമാണ്. വൈദ്യുതി വേലികള്‍ കൃത്യമായി പരിപാലിക്കപ്പെടുന്നില്ല. മരക്കൊമ്പുകള്‍ വീണ് മറ്റും ഇവ സ്ഥാപിച്ച് അധിക കാലം കഴിയാതെ നശിച്ചു പോവുകയാണ്. ഇപ്പോള്‍ തന്നെ വലിയ ജോലി ഭാരമുള്ള തങ്ങള്‍ക്ക് വേലി സംരക്ഷണമുള്‍പ്പെടെയുള്ള കാര്യങ്ങള്‍ പൂര്‍ണ്ണമായി ചെയ്യാന്‍ കഴിയാത്ത സാഹചര്യമാണുള്ളത്. വനത്തോട് ചേര്‍ന്നുള്ള പ്രദേശത്ത് താമസിക്കുന്നവര്‍ ജാഗ്രത പുലര്‍ത്തുന്നടങ്ങളില്‍ വേലി കൂറെ കൂടി സംരക്ഷിക്കപ്പെടുന്നുണ്ട്.

റിസര്‍വ് വനത്തിന് അടുത്തായി ജനങ്ങള്‍ കൂടുതലായി താമസിക്കുന്നയിടങ്ങളില്‍ മതിലുകള്‍ സ്ഥാപിക്കണമെന്ന ആവശ്യത്തോട് സര്‍ക്കാര്‍ അനുകൂലമായി പ്രതികരിക്കുന്നില്ല. റിസര്‍വ് വനത്തോട് ചേര്‍ന്ന പ്രദേശങ്ങളില്‍ മാത്രമല്ല അഞ്ച് പത്തും കിലോമീറ്റര്‍ അകലെ വരെ വന്യജീവികള്‍ എത്തി നാശം വിതക്കുന്നത് കേരളത്തില്‍ വ്യാപകമായിട്ടുണ്ട്. ജനങ്ങളുടെ സുരക്ഷ ഉറപ്പാക്കാന്‍ ആവശ്യമായ കാര്യങ്ങള്‍ സര്‍ക്കാര്‍ കൃത്യമായി നടപ്പിലാക്കണമെന്നാണ് കര്‍ഷക സംഘടനകളും വന്യമൃഗങ്ങളുടെ ഭീഷണി ശക്തമായ മലയോരനിവാസികളും ഒരു പോലെ ആവശ്യപ്പെടുന്നത്.

Continue Reading
Advertisement
Click to comment

Leave a Reply

Your email address will not be published. Required fields are marked *

kerala

കോഴിക്കോട് കൂട്ടുകാരോടൊപ്പം കുളിക്കാന്‍ കുളത്തിലിറങ്ങിയ 14കാരന്‍ മുങ്ങിമരിച്ചു

കുളത്തിലേക്ക് ചാടിയ സഞ്ജയ് പൊങ്ങിവരാത്തതിനെ തുടര്‍ന്ന് പരിഭ്രാന്തരായ സുഹൃത്തുക്കള്‍ ബഹളം വയ്ക്കുകയായിരുന്നു

Published

on

കോഴിക്കോട്: സുഹൃത്തുക്കളോടൊപ്പം കുളത്തില്‍ കുളിക്കാനിറങ്ങിയ വിദ്യാര്‍ത്ഥിക്ക് ദാരുണാന്ത്യം. കോഴിക്കോട് മാങ്കാവ് തറക്കല്‍ ക്ഷേത്രത്തിന് സമീപം ദ്വാരക വീട്ടില്‍ ജയപ്രകാശ്-സ്വപ്ന ദമ്പതികളുടെ മകന്‍ സഞ്ജയ് കൃഷ്ണ(14)  ആണ് മരിച്ചത്. കുളത്തില്‍ ചാടുന്നതിനിടെ തലയ്ക്ക് പരുക്കേറ്റ് കുട്ടി മുങ്ങിപ്പോവുകയായിരുന്നു. ആഴ്ചവട്ടം ശിവക്ഷേത്രത്തിലാണ് സഞ്ജയ് കൃഷ്ണയും സുഹൃത്തുക്കളും കുളിക്കാനിറങ്ങിയത്.

കുളത്തിലേക്ക് ചാടിയ സഞ്ജയ് പൊങ്ങിവരാത്തതിനെ തുടര്‍ന്ന് പരിഭ്രാന്തരായ സുഹൃത്തുക്കള്‍ ബഹളം വയ്ക്കുകയായിരുന്നു. തുടര്‍ന്ന് സ്ഥലത്തെത്തിയ അഗ്‌നിരക്ഷാ സേനയാണ് കുട്ടിയെ കരക്കെത്തിച്ചത്. ഉടന്‍ സമീപത്തെ സ്വകാര്യ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. കോഴിക്കോട് സെന്റ്ജോസഫ്സ് ഹയര്‍സെക്കന്‍ഡറി സ്‌കൂളിലെ പത്താംതരം വിദ്യാര്‍ത്ഥിയാണ് സഞ്ജയ്. സഹോദരി: ശ്രീഷ.

Continue Reading

kerala

സംസ്ഥാനത്ത് കനത്ത മഴയിൽ രണ്ട് മരണം

ഇന്നലെ 3 പേരാണു മരിച്ചത്

Published

on

സംസ്ഥാനത്ത് കനത്ത മഴയിൽ രണ്ട് മരണം. കൊച്ചിയിൽ വെള്ളക്കെട്ടിൽ വീണ് മത്സ്യത്തൊഴിലാളിയും കാസർകോട്ട് മിന്നലേറ്റ് വയോധികനും മരിച്ചു. കണ്ണൂരിൽ മേൽക്കൂര തകർന്ന് ആറ് വയസ്സുകാരിക്ക് പരുക്ക്. തിരുവനന്തപുരത്ത് വീടിന്റെ മേൽക്കൂര പൂർണ്ണമായി തകർന്നു. പലയിടങ്ങളിലും വൻ നാശനഷ്ടവും വെള്ളക്കെട്ടുമുണ്ടായി. പൊഴിയൂരിൽ കടലാക്രമണം രൂക്ഷം. ബംഗാൾ ഉൾക്കടലിലെ ന്യൂനമർദ്ദം ഇന്ന് വൈകിട്ടോടെ റെമാൽ ചുഴലിക്കാറ്റാകും.

മിന്നലേറ്റ് കാസർകോട് ബെള്ളൂർ സ്വദേശി ഗംഗാധരനും (76) വെള്ളക്കെട്ടിൽ വീണ് മത്സ്യത്തൊഴിലാളി പുതുവൈപ്പ് കോടിക്കൽ ദിലീപുമാണ് (51) ഇന്ന് മരിച്ചത്. പുതുവൈപ്പ് ബീച്ചിലെ വെള്ളക്കെട്ടിലാണ് ദിലീപ് വീണത്.

ഇന്നലെ 3 പേരാണു മരിച്ചത്. കോട്ടയം പാലാ പയപ്പാറിൽ ചെക്ക്ഡാം തുറന്നു വിടുന്നതിനിടെ കൈകൾ പലകയിൽ കുടുങ്ങി കരൂർ ഉറുമ്പിൽ വീട്ടിൽ രാജു(53), തോട്ടിൽ വീണു മലപ്പുറം ചേലേമ്പ്ര സ്വദേശി പ്രണവാനന്ദൻ (71), കോഴിക്കോട് ബേപ്പൂർ മാത്തോട്ടം കുത്തുകല്ല് റോഡിലെ കനാലിൽ വീണ് രാധ (84) എന്നിവരാണു മരിച്ചത്.

Continue Reading

kerala

വൃക്ക ദാനം ചെയ്താൽ പുതിയ വൃക്ക മുളച്ചുവരുമെന്ന് ദാതാക്കളെ തെറ്റിദ്ധരിപ്പിച്ചും അവയവ കച്ചവടം നടത്തി; സാബിത്തിൽ നിന്ന് ലഭിച്ചത് ഞെട്ടിക്കുന്ന വിവരങ്ങൾ

രണ്ടു വൃക്കയുള്ളതു ശാരീരികവൈകല്യമാണെന്നു തെറ്റിദ്ധരിപ്പിച്ച് ഉത്തരേന്ത്യൻ സ്വദേശികളെ കബളിപ്പിച്ചതായി പൊലീസിന്‍റെ കസ്റ്റഡിയിലുള്ള സാബിത്ത് മൊഴി നൽകി

Published

on

കൊച്ചി: അവയവ മാഫിയ കേസിൽ അറസ്റ്റിലായ സാബിത്തിനെ ചോദ്യം ചെയ്യുന്നത് പൊലീസ് തുടരുന്നതിനിടെ ഇയാളിൽ നിന്ന് ലഭിച്ചത് ഞെട്ടിക്കുന്ന വിവരങ്ങൾ. അറസ്റ്റിലാകുന്നതിനു രണ്ടാഴ്ച മുൻപും ഇയാൾ അവയവ കടത്തിനായി ആൾക്കാരെ വിദേശത്തേക്ക് കടത്തിയതായും തെളിഞ്ഞു.

രണ്ടു വൃക്കയുള്ളതു ശാരീരികവൈകല്യമാണെന്നു തെറ്റിദ്ധരിപ്പിച്ച് ഉത്തരേന്ത്യൻ സ്വദേശികളെ കബളിപ്പിച്ചതായി പൊലീസിന്‍റെ കസ്റ്റഡിയിലുള്ള സാബിത്ത് മൊഴി നൽകി. വൃക്ക ദാനം ചെയ്താൽ പുതിയ വൃക്ക മുളച്ചുവരുമെന്ന് ചിലരെ പറഞ്ഞു വിശ്വസിപ്പിച്ചു. അവയവക്കച്ചവടത്തിന് ഇരകളായവരുടെയും അവയവങ്ങൾ വാങ്ങിയവരുടെയും പട്ടിക സബിത്ത് അന്വേഷണസംഘത്തിനു കൈമാറിയിട്ടുണ്ട്.

ഇറാനിലെ സാഹചര്യങ്ങൾ അവയവ മാഫിയയ്ക്ക് അനുകൂലമാണ്. ഇതാണ് കേരളത്തിലുള്ളവരും ദുരുപയോഗപ്പെടുത്തുന്നത്. വിദേശ ഇൻഷുറൻസ് കമ്പനികളുടെ നിയന്ത്രണത്തിൽ ഇറാൻ കേന്ദ്രീകരിച്ച് അവയവക്കച്ചവട മാഫിയ പ്രവർത്തിക്കുന്നതായി ലോകാരോഗ്യ സംഘടനയുടെ ഏജൻസിയായ ഗ്ലോബൽ ഒബ്‌സർവേറ്ററി ഓൺ ഡൊണേഷൻ ആൻഡ് ട്രാൻസ്പ്ലാന്‍റെഷൻ (ജിഒഡിടി) റിപ്പോർട്ട് ചെയ്തിരുന്നു. ഇറാനിൽ ഒരുവർഷം 10,000 കോടി രൂപയുടെ അവയവക്കച്ചവടം നടക്കുന്നതായി റിപ്പോർട്ടിലുണ്ടായിരുന്നു. ഇതേത്തുടർന്ന് അവയവദാതാക്കൾക്കുള്ള ഉയർന്ന പ്രതിഫലം 600 പൗണ്ടായി (60,000 രൂപ) ഇറാൻ സർക്കാർ നിജപ്പെടുത്തിയതോടെയാണ് ‘ഓർഗൻ ബ്ലാക് മാർക്കറ്റ്’ സജീവമായത്.

സാബിത്ത് അവയവക്കച്ചവടത്തിന് ഇരയാക്കിയ ആളുകളെ കണ്ടെത്തി പരിശോധിക്കുന്നതിന് മെഡിക്കൽ ബോർഡ് രൂപീകരിക്കാനാണ് തീരുമാനം. മാഫിയയുടെ വലയിൽ കുരുങ്ങി അവയവദാനത്തിനായി ഇറാനിലേക്ക് പോയ നിരവധി പേർ ഇപ്പോഴും തിരിച്ചെത്താത്ത സാഹചര്യവും അന്വേഷിക്കും. ഇവർ ഇപ്പോഴും ജീവനോടെയുണ്ടോയെന്നതും വ്യക്തമല്ല. സാമ്പത്തികമായി പിന്നാക്കം നിൽക്കുന്നവരെയാണ് സാബിത്ത് ഇരകളാക്കിയത്. ഇവരുടെ യാത്ര, ചികിത്സ, താമസം എല്ലാം മാഫിയയാണ് വഹിക്കുന്നത്. ശസ്ത്രക്രിയ കഴിഞ്ഞ് മടങ്ങുമ്പോൾ 6 ലക്ഷം രൂപ വരെയാണ് ഇരകൾക്ക് നൽകിയിരുന്നത്. ഈ അവയവങ്ങൾ ഏജന്‍റുമാർ വഴി 60 ലക്ഷം രൂപയ്ക്കാണ് കൈമാറ്റം ചെയ്തിരുന്നതെന്നും സാബിത്ത് മൊഴി നൽകിയിട്ടുണ്ട്.

Continue Reading

Trending