Connect with us

More

തളര്‍ച്ചയിലും കരുത്ത് കാട്ടി ഗാനിം കോര്‍ണീഷ് റോഡില്‍

Published

on

ദോഹ: പതിമൂന്ന് കാരനായ ഖത്തരി ബാലന്‍ ഗാനിം അല്‍മുഫ്തയെ അറിയാത്തവര്‍ ജി.സി.സി രാജ്യങ്ങളില്‍ ചുരുക്കമാണ്. തളര്‍ച്ചയിലും അവിശ്വസനീയമായ ധൈര്യവും ആത്മവിശ്വാസവുമായി ലോകത്തിന്റെ കൈയ്യടി നേടിയ ഈ ബാലന് കഴിഞ്ഞ ദിവസം ഖത്തറില്‍ വ്യത്യസ്തമായൊരു ആദരവ് ലഭിച്ചു.

ganim-al-muftha-rides1

ജി.സി.സിയിലെ അറിയപ്പെട്ട ബൈക്ക് റൈസര്‍മാരും മല്‍സരയോട്ടക്കാരുമാണ് ചടങ്ങില്‍ മുഖ്യമായി പങ്കെടുത്തത്. കോര്‍ണീഷിലെ വിശാലമായ റോഡില്‍ മുന്നില്‍ നിന്ന് ഗാനിം നിയിക്കുകായണ്, തന്റെ മുച്ചക്ര വാഹനത്തില്‍. പിറകില്‍ വരുന്നതോ, ജി.സി.സിയിലെയും ഖത്തറിലെയും അറിയപ്പെട്ട ബൈക് റൈസര്‍മാരും. ഭിന്ന ശേഷിക്കാരനായ ഈ ബാലന്റെ പ്രകടനം കാണാന്‍ കോര്‍ണീഷ് റോഡിന്റെ ഓരങ്ങളില്‍ നിരവധി പേരാണ് തടിച്ചു കൂടിയത്. ഗാനിമിനെ ആദരിക്കാനായി ചീഫ് എം.സി.സി, അല്‍അദാം എം.സി.സി എന്നിവരുമായി ചേര്‍ന്ന് ബതാബി ഖത്തറാണ് പരിപാടി സംഘടിപ്പിച്ചത്.
നട്ടെല്ലിന്റെ താഴെ വളര്‍ച്ചയ്ക്ക് ക്ഷതമേറ്റ അവസ്ഥയിലാണ് ഗാനിം ജനിച്ചു വീണത്. പക്ഷെ തളര്‍ച്ചയില്‍ ജീവിതം കൈവിടാതെ കായിക പ്രതിഭയാകാനുള്ള തയ്യാറെടപ്പിലാണ് ഈ ബാലന്‍. ഭാവിയില്‍ ഒരു പാരാലിമ്പ്യന്‍ ആകുക എന്നതാണ് ഗാനിമന്റെ ലക്ഷ്യം. തന്റെ പേരിന്റെ അര്‍ഥം പേലെ വിജയിക്കാനുള്ള ഗാനിമിന്റെ സമര്‍പ്പണം ഏവരാലും വാഴ്ത്തപ്പെടുകയാണ്. ഗാനിം നേതൃത്വം നല്‍കിയ ബൈക്ക് റാലി ദോഹ മാരിയട്ട് ഹോട്ടലിലാണ് സമാപിച്ചത്.
ജീവിതത്തില്‍ നിശ്ചയ ദാര്‍ഢ്യം പ്രകടിപ്പിച്ച ഒരു കുട്ടിയെ ആദരിക്കാന്‍ ഇത്തരം ഒരു ബൈക്ക് റാലിക്ക് മേഖലയിലെ പ്രധാന റൈഡര്‍മാരെല്ലാം ഒത്തുകൂടിയതില്‍ വലിയ സന്തോഷമുണ്ടെന്ന് പ്രാദേശിക ബൈക്ക് റൈഡര്‍ അഹമ്മദ് പറഞ്ഞു. ചില പ്രത്യേക അവസരങ്ങളില്‍ ബൈക്ക് റാലികള്‍ സാധാരണമാണ്. എന്നാല്‍ എല്ലാ വിഭാഗത്തിലുംപെട്ട ബൈക്ക് റൈഡര്‍മാര്‍ ഗാനിമിനെ ആദരിക്കാന്‍ ഇവിടെ ഒത്തുകൂടിയിട്ടുണ്ടെന്നും ഇത്തരമൊരു സംഭവം ആദ്യത്തേതാണെന്നും അദ്ദേഹം പറഞ്ഞു.
ഇന്‍സ്റ്റാഗ്രാമില്‍ പത്ത് ലക്ഷത്തോളം ഫോളോവേഴ്‌സുള്ള ഖത്തറിലെ ഹീറോയാണ് ഗാനിം. അത് കൊണ്ട്തന്നെ ഈ അത്ഭുദ ബാലനെ ആദരിക്കാന്‍ മാരിയറ്റ് ഹോട്ടലില്‍ നൂറുകണക്കിന് ആളുകളും കുടുംബങ്ങളുമാണ് എത്തിയത്. ഭിന്നശേഷിക്കാരായ കുട്ടികള്‍ക്കായി പ്രവര്‍ത്തിക്കുന്ന സര്‍ക്കാര്‍, സര്‍ക്കാരേതര സംഘടനകളുടെ പ്രതിനിധികളും ചടങ്ങില്‍ സംബന്ധിച്ചു. റാലിക്ക് ശേഷം നടന്ന ചടങ്ങില്‍ സംസാരിച്ചവരെല്ലാം ഗാനിമിന്റെ നിശ്ചയദാര്‍ഢ്യത്തെ പ്രശംസിച്ചു. ഗാനിമിന്റെ കഥ ജീവിതത്തില്‍ പകച്ചു നില്‍ക്കുന്നവര്‍ക്കെല്ലാം വലിയ പ്രചോദനമാണെന്ന് ദോഹയിലെ മുതിര്‍ന്ന ബൈക്ക് റൈഡര്‍ എലിയാസ് ഡി ബിസ് പെനിന്‍സുലയോട് പറഞ്ഞു. ദോഹ 2015 ഐ.പി.സി അത്‌ലറ്റിക് വേള്‍ഡ് ചാമ്പ്യന്‍ ഷിപ്പിന് മുമ്പ് സംഘാടകര്‍ പുറത്തിറക്കിയ ‘എന്റെ അവശ്വസനീയമായ കഥ’ എന്ന ദൃശ്യാവിഷ്‌കാരത്തില്‍ ഗാനിം ചീത്രീകരിക്കപ്പെട്ടിരുന്നു.
തന്റെതായ സന്നദ്ധ പ്രവര്‍ത്തനങ്ങളും സ്‌പോര്‍ട്‌സ് ക്ലബ്ബും നോക്കിനടത്തുന്ന ഈ ബാലന്‍ ഐസ്‌ക്രീം ഷോപ്പും നടത്തിവരുന്നു. ഇന്‍സ്റ്റാഗ്രാമിലെ ജനകീയതയ്ക്ക്് കഴിഞ്ഞ വര്‍ഷം ഗാനിമിന് അറബ് സോഷ്യന്‍ മീഡിയ സമ്മിറ്റ് അവാര്‍ഡ് ലഭിച്ചിരുന്നു. ഇന്‍സ്റ്റാഗ്രാമിലൂടെയാണ് ഗാനിം തന്റെ കഥകള്‍ ലോകവുമായി പങ്കുവെക്കുന്നത്.

Continue Reading
Advertisement
Click to comment

Leave a Reply

Your email address will not be published. Required fields are marked *

Football

കാണികൾക്ക് നേരെ അശ്ലീല ആംഗ്യം; ക്രിസ്റ്റ്യാനോക്ക് ഒരു മത്സരത്തിൽ പിഴയും വിലക്കും

വിലക്കിനെതിരെ അപ്പീൽ സാധ്യമല്ല

Published

on

റിയാദ്: ആരാധകർക്കെതിരെ അശ്ലീല ആംഗ്യം കാണിച്ചതിന് പോർച്ചുഗൽ സൂപ്പർ താരം ക്രിസ്റ്റ്യാനോ റൊണാൾഡോയ്ക്കെതിരെ നടപടി. ഒരു മത്സരത്തിൽനിന്ന് പിഴയും വിലക്കുമാണ് റൊണാൾഡോയ്ക്കുള്ള ശിക്ഷ.

20,000 റിയാൽ പിഴയും വിധിച്ചു. അൽ ഷബാബിനെതിരായ 3-2 വിജയത്തിനു ശേഷം എതിർ കാണികൾക്കു നേരെ അശ്ലീല മുദ്ര കാണിച്ചതിനാണ് സൗദി ഫുട്ബോൾ ഫെഡറേഷന്റെ അച്ചടക്ക സമിതി നടപടി സ്വീകരിച്ചത്. വിലക്കിനെതിരെ അപ്പീൽ സാധ്യമല്ല. കഴിഞ്ഞ ദിവസം അൽ ഷബാബിനെതിരായ മത്സരത്തിനിടെ ആരാധകർ ഗാലറിയിൽനിന്ന് ലയണൽ മെസ്സിയുടെ പേര് ചാന്റ് ചെയ്തപ്പോഴായിരുന്നു റൊണാൾഡോയുടെ പ്രതികരണം.

ഗ്രൗണ്ടിൽവച്ച് അശ്ലീല ആംഗ്യം കാണിക്കുന്ന താരത്തിന്റെ ദൃശ്യങ്ങൾ സമൂഹമാധ്യമത്തിൽ വൈറലായിരുന്നു. പിന്നാലെ സംഭവത്തിൽ സൗദി ഫുട്ബോൾ ഫെ‍ഡറേഷൻ അന്വേഷണം പ്രഖ്യാപിച്ചു. തുടര്‍ന്നാണു നടപടി വന്നത്.

Continue Reading

kerala

സിദ്ധാർത്ഥിന്‍റെ മരണം: ‘കുറ്റവാളികള്‍ക്കെതിരെ കര്‍ശന നടപടി എടുത്തില്ലെങ്കില്‍ കേരളം കാണാത്ത സമരപരിപാടികളുണ്ടാകും’: വി.ഡി സതീശൻ

അറസ്റ്റ് ചെയ്യാതെ എസ്.എഫ്.ഐ നേതാക്കള്‍ക്ക് ജാമ്യം കിട്ടുന്നതിനുള്ള സൗകര്യം ഒരുക്കിക്കൊടുക്കുകയാണ് പൊലീസ് അദ്ദേഹം ആരോപിച്ചു

Published

on

തിരുവനന്തപുരം: വയനാട് പൂക്കോട് വെറ്റനറി കോളജിലെ വിദ്യാര്‍ത്ഥിയായ സിദ്ധാർത്ഥിന്റെ മരണത്തിൽ എസ്.എഫ്.ഐ നേതാക്കർളെ പൊലീസ് സംരക്ഷിക്കുകയാണെന്ന് പ്രതിപക്ഷ നേതാവ് വി.ഡി സതീശൻ. അറസ്റ്റ് ചെയ്യാതെ എസ്.എഫ്.ഐ നേതാക്കള്‍ക്ക് ജാമ്യം കിട്ടുന്നതിനുള്ള സൗകര്യം ഒരുക്കിക്കൊടുക്കുകയാണ് പൊലീസ്. കേട്ടുകേള്‍വിയില്ലാത്ത രീതിയില്‍ നൂറുകണക്കിന് കുട്ടികളുടെ മുന്നില്‍ വിവസ്ത്രനാക്കി ബെല്‍റ്റും കമ്പിവടിയും ഉപയോഗിച്ചാണ് സിദ്ധാര്‍ത്ഥിനെ തല്ലിക്കൊന്നതെന്നും അദ്ദേഹം ആരോപിച്ചു.

ടി.പി ചന്ദ്രശേഖരനെ ക്രൂരമായി കൊലപ്പെടുത്താന്‍ ഗൂഡാലോചന നടത്തിയ സി.പി.എം നേതാക്കള്‍ വളര്‍ത്തിയെടുക്കുന്ന എസ്.എഫ്.ഐ ഏറ്റവും വലിയ ക്രിമിനലുകളായി മാറിക്കൊണ്ടിരിക്കുകയാണ്. ടി.പിയുടെ തലച്ചോറ് തെങ്ങിന്‍ പൂക്കുല പോലെ ചിതറിക്കുമെന്ന് സി.പി.എം പറഞ്ഞപ്പോള്‍ ചാലക്കുടിയിലെ എസ്.ഐയെ പേപ്പട്ടിയെ പോലെ വഴിയിലിട്ട് തല്ലുമെന്നാണ് എസ്.എഫ്.ഐ നേതാക്കള്‍ പറഞ്ഞത്. കാമ്പസുകളിലെ ക്രിമിനല്‍ സംഘമായി എസ്.എഫ്.ഐ മാറി. സിദ്ധാര്‍ത്ഥിന് സംഭവിച്ചത് തങ്ങളുടെ മക്കള്‍ക്കും പറ്റുമോയെന്ന ഭീതിയിലാണ് കേരളത്തിലെ രക്ഷിതാക്കള്‍. എന്നിട്ടും പ്രതികള്‍ക്കെതിരെ ദുര്‍ബലമായാണ് പൊലീസ് പ്രതികരിക്കുന്നത്. ഇവിടെ ആര്‍ക്കാണ് നീതി കിട്ടുന്നതെന്നും വി.ഡി സതീശൻ ചോദിച്ചു. കുറ്റവാളികള്‍ക്കെതിരെ കര്‍ശന നടപടി എടുത്തില്ലെങ്കില്‍ കേരളം കാണാത്ത സമരപരിപാടികളുണ്ടാകുമെന്നും അദ്ദേഹം പറ‌‌ഞ്ഞു.

ക്രൂരമായ റാഗിങും ആക്രമണവും നടന്നിട്ടും ഡീന്‍ ഉള്‍പ്പെടെയുള്ള അധ്യാപകര്‍ ഇത് മറച്ചുവച്ചു. ഇത്തരം അധ്യാപകര്‍ ഒരു കാരണവശാലും അവിടെ പഠിപ്പിക്കാന്‍ പാടില്ല. അധ്യാപകരെയും പ്രതികളാക്കി യുക്തമായ നടപടി സ്വീകരിക്കണം. നടപടി എടുത്തില്ലെങ്കില്‍ ഈ അധ്യാപകരെ പുറത്തിറങ്ങാന്‍ അനുവദിക്കില്ലെന്നും അദ്ദേഹം പറഞ്ഞു.

Continue Reading

kerala

സർക്കാറിന് തിരിച്ചടി; സര്‍വകലാശാലകളുടെ അധികാരങ്ങളിൽനിന്നു ഗവർണറെ ഒഴിവാക്കില്ല, മൂന്ന് ബില്ലുകള്‍ രാഷ്ട്രപതി തടഞ്ഞെന്ന് രാജ്ഭവന്‍

സംസ്ഥാനത്തെ 14 സര്‍വകലാശാലകളുടെയും ചാന്‍സലര്‍ സ്ഥാനത്ത് നിന്ന് ഗവര്‍ണറെ മാറ്റുകയാണ് സര്‍വകലാശാല ഭേദഗതി ബില്ലിലൂടെ സര്‍ക്കാര്‍ ലക്ഷ്യമിട്ടത്

Published

on

ഗവര്‍ണർ രാഷ്ട്രപതിയുടെ പരിഗണനയ്ക്ക് അയച്ച മൂന്നു ബില്ലുകൾക്ക് അനുമതി ലഭിച്ചില്ല. ഗവർണറെ സർവകലാശാലകളിലെ ചാൻസലർ പദവിയിൽനിന്ന് ഒഴിവാക്കുന്ന കേരള യൂണിവേഴ്സിറ്റി നിയമങ്ങൾ ഭേദഗതി ബിൽ (ഭേദഗതി 2) 2022, യൂണിവേഴ്സിറ്റി നിയമങ്ങൾ ഭേദഗതി ബിൽ 2022, യൂണിവേഴ്സിറ്റി നിയമങ്ങൾ ഭേദഗതി ബിൽ 2021 എന്നിവയ്ക്കാണ് രാഷ്ട്രപതി അനുമതി നിഷേധിച്ചത്.

രാഷ്ട്രപതിയുടെ അനുമതി ലോകായുക്ത ബില്ലിന് മാത്രമാണെന്നും കുറിപ്പില്‍ പറയുന്നു. ഏഴ് ബില്ലുകളാണ് രാഷ്ട്രപതിയുടെ അനുമതിയ്ക്കായി ഗവര്‍ണര്‍ ആരിഫ് മുഹമ്മദ് ഖാന്‍ അയച്ചത്. സംസ്ഥാനത്തെ 14 സര്‍വകലാശാലകളുടെയും ചാന്‍സലര്‍ സ്ഥാനത്ത് നിന്ന് ഗവര്‍ണറെ മാറ്റുകയാണ് സര്‍വകലാശാല ഭേദഗതി ബില്ലിലൂടെ സര്‍ക്കാര്‍ ലക്ഷ്യമിട്ടത്.

 

Continue Reading

Trending