കൊച്ചി: സംസ്ഥാനത്ത് സ്വര്‍ണവില വീണ്ടും വര്‍ധിച്ചു. ആറുദിവസത്തെ ഇടവേളക്കുശേഷമാണ് വര്‍ധന. പവന്റെ വില 400 രൂപകൂടി 36,880 രൂപയായി. ഗ്രാമിന്റെ വില 50 രൂപ വര്‍ധിച്ച് 4610 രൂപയുമായി. മെയ് 20 മുതല്‍ 25വരെ 36,480 രൂപയില്‍ മാറ്റമില്ലാതെ തുടരുകയായിരുന്നു.

പണപ്പെരുപ്പ ഭീഷണിയാണ് ആഗോള വിപണിയില്‍ സ്വര്‍ണവിലയെ സ്വാധീനിക്കുന്നത്.

രാജ്യത്തെ കമ്മോഡിറ്റി വിപണിയായ എംസിഎക്‌സില്‍ പത്ത് ഗ്രാം 24 കാരറ്റ് സ്വര്‍ണത്തിന്റെ വില 49,049 രൂപയുമായി. വെള്ളിയിലും സമാനമായ വിലവര്‍ധനവുണ്ടായിട്ടുണ്ട്.