Connect with us

kerala

പി ജയരാജന് പുതിയ കാര്‍ വാങ്ങാന്‍ 32 ലക്ഷം അനുവദിച്ച് സര്‍ക്കാര്‍ ഉത്തരവ്

Published

on

സിപിഎം നേതാവും ഖാദി ബോര്‍ഡ് വൈസ് ചെയര്‍മാനുമായ പി ജയരാജന് പുതിയ കാര്‍ വാങ്ങാന്‍ തുക അനുവദിച്ച് സര്‍ക്കാര്‍ ഉത്തരവ്.കറുത്ത നിറമുള്ള ഇന്നോവ ക്രിസ്റ്റ കാര്‍ വാങ്ങുന്നതിന് 32,117,92 രൂപയാണ് അനുവദിച്ചിരിക്കുന്നത്.

സംസ്ഥാനത്ത് കടുത്ത കടുത്ത സാമ്പത്തിക പ്രതിസന്ധിക്കിടെ പുതിയ വാഹനം വാങ്ങുന്നതിന് ധനവകുപ്പിന്റെ വിലക്ക് നിലനില്‍ക്കെയാണ് ഉത്തരവ് ഇറങ്ങിയിരിക്കുന്നത്.എന്നാല്‍ ഇതിന് ശേഷവും റോഷി അഗസ്റ്റിന്‍, വിഎന്‍ വാസവന്‍, വി അബ്ദുറഹ്മാന്‍, ജിആര്‍ അനില്‍ തുടങ്ങി വലിയ നിരക്ക് തന്നെ സര്‍ക്കാര്‍ തലത്തില്‍ വാഹനങ്ങള്‍ വാങ്ങിയിരുന്നു.അടുത്തിടെയാണ് മുഖ്യമന്ത്രി പിണറായി വിജയനും 33 ലക്ഷത്തോളം രുപ ചിലവഴിച്ച്് പുതിയ കിയ കാര്‍ണിവല്‍ വാങ്ങിയത്.

അതേസമയം വിമര്‍ശനങ്ങള്‍ക്കൊടുവില്‍ ഉയര്‍ന്ന സുരക്ഷാ സംവിധാനം ഉള്ള വാഹനം എന്ന പരാമര്‍ശം ഉത്തരവില്‍ നിന്ന് ഒഴിവാക്കിയിട്ടുണ്ട്.

kerala

സിസേറിയനിലൂടെ പശു ജന്മം നല്‍കിയത് 2 തലയും വാലുമുള്ള വിചിത്രജീവി

ഗര്‍ഭാവസ്ഥയിലേ മരിച്ചു പോയ രണ്ടു തലയും രണ്ടു വാലും ഉള്ള വിചിത്രരൂപത്തെയാണ് പുറത്തെടുത്തത്

Published

on

തിരുവനന്തപുരം: പശുവിന് സിസേറിയനിലൂടെ പിറന്നത് വിചിത്ര ജീവി. ഇട്ട തലയും ഇരട്ട വാലും ഉള്ള വിചിത്ര ജീവിയാണ് സിസേറിയന്‍ ചെയ്തപ്പോ കിട്ടിയത്. മലയിന്‍കീഴ് പഞ്ചായത്തിലെ പേയാട് തച്ചോട്ടുകാവിലെ ശശീധരന്‍ എന്ന ക്ഷീരകര്‍ഷകന്റെ പശുവാണ് സിസേറിയനിലൂടെ വിചിത്രരൂപമുള്ള ജീവിയ്ക്ക് ജന്മം നല്‍കിയത്.

പശുവിന് പ്രസവ വേദന അനുഭവപ്പെട്ട് വെപ്രാളം കാണിക്കാന്‍ തുടങ്ങിയെങ്കിലും പ്രസവം നടക്കാതെ വന്നപ്പോള്‍ ശശിധരന്‍ പരിചയക്കാരനായ മൃഗസംരക്ഷണ വകുപ്പ് ഡയറക്ടറേറ്റിലെ ഡെപ്യൂട്ടി ഡയറക്ടറായ ഡോ. വേണുഗോപാലിനെ വിളിച്ചു വരുത്തുകയായിരുന്നു. അതിസങ്കീര്‍ണമാണെന്ന് കണ്ടെത്തിയത്തിനെത്തുടര്‍ന്ന് തിരുവനന്തപുരം ജില്ലാ വെറ്ററിനറി കേന്ദ്രത്തിലെ വെറ്ററിനറി സര്‍ജന്‍ ഡോ.എ. കെ അഭിലാഷ്, തിരുപുറം വെറ്ററിനറി ഡിസ്‌പെന്‍സറിയിലെ ഡോ. എസ്. ബിജേഷ് എന്നിവരെ വിളിച്ചു വരുത്തി.

സിസേറിയന്‍ ശസ്ത്രക്രിയ അവസാനിപ്പിച്ചപ്പോള്‍ ഗര്‍ഭാവസ്ഥയിലേ മരിച്ചു പോയ രണ്ടു തലയും രണ്ടു വാലും ഉള്ള വിചിത്രരൂപത്തെയാണ് പുറത്തെടുത്തത്. ജന്മനാ ഇത്തരം ശാരീരിക വൈകല്യങ്ങള്‍ ഉള്ള പൈക്കുട്ടികള്‍ ഉണ്ടാകുന്നത് അപൂര്‍വങ്ങളില്‍ അപൂര്‍വ്വമാണെന്ന് ഡോ. ആര്‍ വേണുഗോപാല്‍ പറഞ്ഞു.

Continue Reading

kerala

അര്‍ബന്‍ നിധി നിക്ഷേപ തട്ടിപ്പ് കേസ്: 30 കോടി തട്ടിപ്പ് നടത്തി ഒളിവിലായിരുന്ന പ്രതി ആന്റണി സണ്ണി പിടിയില്‍

കണ്ണൂര്‍ അര്‍ബന്‍ നിധിയുടെ സഹ സ്ഥാപനമാണ് എനി ടൈം മണി.

Published

on

കണ്ണൂര്‍: കണ്ണൂര്‍ അര്‍ബന്‍ നിധി നിക്ഷേപ തട്ടിപ്പ് കേസില്‍ ഒളിവിലായിരുന്ന പ്രതി ആന്റണി സണ്ണി പിടിയിലായി. തട്ടിപ്പുകള്‍ പുറത്തുവന്നതിന് പിന്നാലെയാണ് എനി ടൈം മണിയുടെ ഡയറക്ടറായിരുന്ന ആന്റണി സണ്ണി ഒളിവില്‍ പോയത്. സംസ്ഥാനത്തെ വിവിധ പൊലീസ് സ്‌റ്റേഷനുകളില്‍ ലഭിച്ച നിരവധി പരാതികളിലായി 30 കോടിയിലേറെ രൂപയുടെ തട്ടിപ്പ് നടന്നതായാണ് പൊലീസ് പറയുന്നത്. 30 കോടിയുടെ തട്ടിപ്പ് നടത്തിയത് ആന്റണിയാണെന്ന് മറ്റുപ്രതികള്‍ മൊഴി നല്‍കിയതായും പൊലീസ് പറയുന്നു.

12% പലിശയും സ്ഥാപനത്തില്‍ ജോലിയും വാഗ്ദാനം ചെയ്താണു നിക്ഷേപകരെ വലയില്‍ വീഴ്ത്തിയത്. കൂലിപ്പണിക്കാര്‍ മുതല്‍ ഡോക്ടര്‍മാരും പ്രവാസികളും വരെ ഇരകളായാതായാണ് വിവരം. 59 ലക്ഷം രൂപ നഷ്ടപ്പെട്ട തലശ്ശേരി സ്വദേശിയായ ഡോകടറുടെ പരാതിയിലാണ് ആദ്യം കേസെടുത്തത്. 5300 രൂപ മുതല്‍, ഒരു കോടിയോളം രൂപ വരെ നിക്ഷേപിച്ചവരുണ്ടെന്ന് പൊലീസ് പറയുന്നു.

കണ്ണൂര്‍ അര്‍ബന്‍ നിധിയുടെ സഹ സ്ഥാപനമാണ് എനി ടൈം മണി. 2020ല്‍ ആണ് കമ്പനി തുടങ്ങിയത്. കഴിഞ്ഞവര്‍ഷം ഓഗസ്റ്റ് വരെ ജീവനക്കാര്‍ക്കു ശമ്പളവും നിക്ഷേപകര്‍ക്കു പലിശയും കൃത്യമായി നല്‍കിയിരുന്നതായാണു വിവരം.

Continue Reading

kerala

4 വയസുള്ള മകളെ ഡോക്ടറെ കാണിച്ച് മടങ്ങവെ അപകടത്തില്‍പെട്ട് മാതാവ് മരിച്ചു

സ്‌കൂട്ടര്‍ മറിഞ്ഞ് ഫാത്തിമ സുല്‍ഫത്ത് ബസ്സിനടിയില്‍പെടുകയായിരുന്നു

Published

on

കോഴിക്കോട്: മകളെ ഡോക്ടറെ കാണിച്ച് മടങ്ങവേ ബസ് സ്‌കൂട്ടറിലിടിച്ച് യുവതി മരിച്ചു. എന്‍.ജി.ഒ ക്വാര്‍ട്ടേഴ്‌സ് മാലൂര്‍കുന്ന് പറക്കുളം ഫാത്തിമ സുല്‍ഫത്ത് (33) ആണ് മരിച്ചത്. വ്യാഴാഴ്ച വൈകീട്ട് പൊറ്റമ്മലിലാണ് അപകടം.

ഒപ്പമുണ്ടായിരുന്ന മകള്‍ ആയിഷ സൈദ(4) നിസ്സാര പരിക്കുകളോടെ രക്ഷപ്പെട്ടു. മകളെ ഡോക്ടറെ കാണിച്ച് കോട്ടുളിയില്‍ നിന്ന് മടങ്ങുന്ന വഴിയാണ് അപകടമുണ്ടായത്. സ്‌കൂട്ടര്‍ മറിഞ്ഞ് ഫാത്തിമ സുല്‍ഫത്ത് ബസ്സിനടിയില്‍പെടുകയായിരുന്നു. തല്‍ക്ഷണം മരിച്ചു.

ഭര്‍ത്താവ്: മുഹമ്മദ് സാലിഹ്. മക്കള്‍: ഷസിന്‍ മുഹമ്മദ്, ആയിഷ സൈദ. പിതാവ്: ആലിക്കോയ. മാതാവ്: പരേതയായ അഫ്‌സത്ത്. സഹോദരങ്ങള്‍: അബ്ദുല്‍ ഖാദര്‍, നുഫൈസ, മാഷിദ.

Continue Reading

Trending