kerala
നിബന്ധനകള്ക്ക് പുല്ലുവില; ഗതാഗത മന്ത്രിയുടെ അനുമതിയില് ചട്ടവിരുദ്ധ നടപടി
ഗതാഗത മന്ത്രി കെ.ബി.ഗണേഷ് കുമാറിന്റെ നിര്ദ്ദേശപ്രകാരമായിരുന്നു വിവാദ നീക്കം

കണ്ണൂര് : പുതുവല്സര ദിനത്തില് വൈകുന്നേരം ഉണ്ടായ സ്കൂള് ബസ് അപകടത്തില് സര്ക്കാരും ഗതാഗത വകുപ്പും പ്രതിസന്ധിയിലായിരിക്കുകയാണ്. ഫിറ്റ്നസ് കാലാവധി അവസാനിച്ച സ്കൂള് ബസുകള്ക്ക് ഗതാഗത മന്ത്രി ചട്ടവിരുദ്ധമായി കാലാവധി നീട്ടി നല്കിയത് ഗുരുതര വിമര്ശനങ്ങള്ക്കാണ് വഴിയൊരുക്കിയത്. ഗതാഗത മന്ത്രി കെ.ബി.ഗണേഷ് കുമാറിന്റെ നിര്ദ്ദേശപ്രകാരമായിരുന്നു വിവാദ നീക്കം.
ഫിറ്റ്നസ് കാലാവധി നീട്ടിനല്കാനുള്ള അധികാരം കേന്ദ്ര സര്ക്കാരിന്റേത് മാത്രമാണ്. അവിടെ ഗതാഗത മന്ത്രിക്ക് പ്രത്യേക അധികാരങ്ങള് ഒന്നും ലഭിക്കുന്നില്ല. ഈ അവസരത്തിലാണ് സ്കൂളുകളുടെ സമ്മര്ദ്ദത്തിനും മന്ത്രിയുടെ ഉത്തരവിനും പിന്നാലെയുള്ള നിയമവിരുദ്ധ നടപടി. കേരള സര്ക്കാരിന് മാത്രം വേറെ നിയമമാണോ എന്ന വിമര്ശനവും ഉയരുന്നു.
ഡ്രൈവര് നിസാമിന്റെ വെളിപ്പെടുത്തലുകള് കൂടി സംഭവത്തിന് ഗൗരവം കൂട്ടുന്നു. ഡിസംബറില് തന്നെ ഫിറ്റ്നസ് കാലാവധി അവസാനിച്ചിരുന്ന ബസിലാണ് ഇന്നലെ അപകടം നടന്ന് ഒരു വിദ്യാര്ത്ഥിനി അതിദാരുണമായി മരണപ്പെട്ടത്. െ്രെഡവര് ഫോണ് ഉപയോഗിച്ചതാണ് അപകടത്തിന് ഇടയാക്കിയത് എന്നാണ് പ്രാഥമിക നിഗമനം.
ഗതാഗത മന്ത്രിയുടെയും കേരള സര്ക്കാരിന്റെയും ഫിറ്റ്നസ് ഇല്ലാത്ത ബസുകള്ക്കുള്ള ആനുകൂല്യം ചട്ടവിരുദ്ധം തന്നെയാണ്. ഇതിനെതിരെ കേന്ദ്രസര്ക്കാരും കോടതിയും ഇടപെടണം എന്ന ആവശ്യവും ഉയരുന്നു
kerala
ഐബി ഉദ്യോഗസ്ഥയുടെ മരണം; പ്രതി സുകാന്ത് സുരേഷിന് ജാമ്യം
വിചാരണക്കോടതിയുടെ അനുമതിയില്ലാതെ രാജ്യം വിടരുതെന്ന വ്യവസ്ഥയോടെ ഹൈക്കോടതി സിംഗിള് ബെഞ്ചാണ് ജാമ്യം നല്കിയത്.

ഐബി ഉദ്യോഗസ്ഥ ജീവനൊടുക്കിയ സംഭവത്തില് പ്രതി സുകാന്ത് സുരേഷിന് ജാമ്യം. വിചാരണക്കോടതിയുടെ അനുമതിയില്ലാതെ രാജ്യം വിടരുതെന്ന വ്യവസ്ഥയോടെ ഹൈക്കോടതി സിംഗിള് ബെഞ്ചാണ് ജാമ്യം നല്കിയത്.
മാര്ച്ച് 24നാണ് പേട്ട റെയില്വേ സ്റ്റേഷന് സമീപം ഐബി ഉദ്യോഗസ്ഥയെ ട്രെയിന് തട്ടി മരിച്ച നിലയില് കണ്ടെത്തിയത്. തുടര്ന്ന് മാനസികവും ശാരീരികവുമായി പെണ്കുട്ടിയെ പീഡിപ്പിച്ചതിന്റെ തെളിവുകള് സുകാന്തിനെതിരെ പൊലീസ് കണ്ടെത്തിയിരുന്നു. യുവതി ആത്മഹത്യ ചെയ്ത ശേഷം രണ്ടുമാസത്തോളം ഒളിവിലായിരുന്ന സുകാന്ത് ഹൈക്കോടതി മുന്കൂര് ജാമ്യപേക്ഷ തള്ളിയതിനെ തുടര്ന്ന് പൊലീസില് കീഴടങ്ങുകയായിരുന്നു. സുകാന്തിനെതിരെ ഫോണിലെ ഡിജിറ്റല് തെളിവുകള് ഉള്പ്പെടെ പൊലീസ് കണ്ടെത്തിയിരുന്നു.
പ്രതി സുകാന്ത് വിവാഹ വാഗ്ദാനം നല്കി ഐബി ഉദ്യോഗസ്ഥയെ ലൈംഗികമായി ചൂഷണം ചെയ്തിരുന്നെന്നും സുകാന്ത് വിവാഹത്തില് നിന്ന് പിന്മാറിയതാണ് ആത്മഹത്യയ്ക്ക് കാരണമെന്നും റിമാന്ഡ് റിപ്പോര്ട്ടില് പറയുന്നു.
kerala
വയനാട് ചീരാലില് വീണ്ടും പുലിയിറങ്ങി
രണ്ടാഴ്ച്ചയ്ക്കു മുന്പ് ചീരാലിനടുത്ത് നമ്പ്യാര്കുന്നില് മറ്റൊരു പുലി കൂട്ടില് കുടുങ്ങിയിരുന്നു.

വയനാട് സുല്ത്താന് ബത്തേരി ചീരാലില് വീണ്ടും പുലിയിറങ്ങി. കരിങ്കാളിക്കുന്ന് ഉന്നതിയിലെ നാരായണിയുടെ വളര്ത്തു നായയെ പുലി ആക്രമിച്ച് പകുതി ഭക്ഷിച്ച നിലയില് വീടിനു സമീപത്തെ കൃഷിയിടത്തില് നിന്ന് കണ്ടെത്തിയിരുന്നു. ഏറെ നാളായി ചീരാല് മേഖലയില് പുലിയുടെ ശല്യം രൂക്ഷമാണ്. രണ്ടാഴ്ച്ചയ്ക്കു മുന്പ് ചീരാലിനടുത്ത് നമ്പ്യാര്കുന്നില് മറ്റൊരു പുലി കൂട്ടില് കുടുങ്ങിയിരുന്നു.
kerala
കൈക്കൂലിക്കേസ്; ഇ ഡി അസിസ്റ്റന്റ് ഡയറക്ടര്ക്ക് മുന്കൂര് ജാമ്യം
കേസില് നേരിട്ട് പങ്കുള്ള മൂന്നു പേരെ നേരത്തെ ജാമ്യത്തില് വിട്ടിരുന്നു.

കൈക്കൂലിക്കേസില് കുറ്റാരോപിതനായ ഇ ഡി അസിസ്റ്റന്റ് ഡയറക്ടര് ശേഖര് കുമാറിന് മുന്കൂര് ജാമ്യം നല്കി ഹൈക്കോടതി സിംഗിള് ബെഞ്ച്. കൊല്ലം സ്വദേശിയായ കശുവണ്ടി വ്യവസായി അനീഷ് വിജിലന്സില് നല്കിയ പരാതിയിലാണ് ശേഖര് കുമാറിന് ഒന്നാം പ്രതിയാക്കി കേസെടുത്തത്.
കേസില് നേരിട്ട് പങ്കുള്ള മൂന്നു പേരെ നേരത്തെ ജാമ്യത്തില് വിട്ടിരുന്നു. പരാതിക്കാരന് തനിക്കെതിരെ വ്യാജ ആരോപണങ്ങള് ഉന്നയിക്കുകയാണ് എന്നായിരുന്നു ജാമ്യാപേക്ഷയില് ശേഖര് കുമാര് പറഞ്ഞത്. അന്വേഷണത്തോട് പൂര്ണ്ണമായി സഹകരിക്കണമെന്ന് ഹൈക്കോടതി നിര്ദേശമുണ്ട്.
-
kerala3 days ago
സാമ്പത്തിക തട്ടിപ്പ് കേസ്: സൗബിൻ ഷാഹിർ ചോദ്യം ചെയ്യലിന് ഹാജരായി
-
kerala3 days ago
ഉരുള് ദുരന്തത്തില് ഉറ്റബന്ധുക്കളെ നഷ്ടമായ നൗഫലിനെ ചേര്ത്തുപിടിച്ച് മസ്കറ്റ് കെഎംസിസി
-
kerala3 days ago
ഹിറ്റാച്ചിക്ക് മുകളിലേക്ക് പാറ ഇടിഞ്ഞുവീണു; രണ്ടുപേര് കുടുങ്ങി
-
kerala2 days ago
കൊച്ചി റിഫൈനറിയില് അപകടം; 45ഓളം കുടുംബങ്ങളെ ഒഴിപ്പിച്ചു
-
kerala3 days ago
കൽദായ സഭയുടെ ആർച്ച് ബിഷപ്പ് ഡോ. മാർ അപ്രേം അന്തരിച്ചു
-
kerala3 days ago
വീണാ ജോർജിന്റെ രാജി ആവശ്യപ്പെട്ട് സംസ്ഥാന വ്യാപകമായി പ്രതിപക്ഷ പ്രതിഷേധം; ജലപീരങ്കി പ്രയോഗിച്ച് പൊലീസ്
-
kerala3 days ago
കേരള സര്വകലാശാല രജിസ്ട്രാറുടെ സസ്പെന്ഷന്: സിന്ഡിക്കേറ്റ് നടപടി നിയമ വിരുദ്ധമെന്ന് വൈസ് ചാന്സലര്
-
GULF3 days ago
ഒമാനിൽ ചുഴലിക്കാറ്റിൽപെട്ട വാഹനത്തിൽനിന്ന് പുറത്തേക്ക് തെറിച്ചുവീണ് മലയാളി ബാലിക മരിച്ചു