Connect with us

Culture

കെ.ടി ജലീല്‍ സമസ്തയോട് നീതി കാണിച്ചിട്ടില്ലെന്ന് അബ്ദുല്‍ ഹമീദ് ഫൈസി അമ്പലക്കടവ്

Published

on

കോഴിക്കോട്: മന്ത്രി കെ.ടി ജലീല്‍ സമസ്തയോട് നീതി കാണിച്ചിട്ടില്ലെന്ന് അബ്ദുല്‍ ഹമീദ് ഫൈസി അമ്പലക്കടവ്. പ്രൊഫ.കെ ആലിക്കുട്ടി മുസ്ലിയാര്‍ക്കും ഹൈദരലി ശിഹാബ് തങ്ങള്‍ക്കും എതിരെ കെ.ടി ജലീല്‍ നടത്തിയ പ്രസ്താവനയോട് പ്രതികരിച്ചുകൊണ്ടുള്ള ഫെയ്‌സ്ബുക്ക് പോസ്റ്റിലാണ് അദ്ദേഹം നിലപാട് വ്യക്തമാക്കിയത്. ‘മന്ത്രിയുടെ നിലപാടുകള്‍ നിഷ്പക്ഷവും സത്യസന്ധവുമല്ലെന്ന് ഇതിന് മുമ്പ് തന്നെ അദ്ദേഹം തെളിയിച്ചിട്ടുണ്ട് .
സമസ്ത എപി വിഭാഗം പള്ളി മദ്രസാ തര്‍ക്കങ്ങള്‍ തീര്‍ക്കാന്‍ മന്ത്രി അദാലത്ത് പ്രഖ്യാപിച്ചു . സമസ്ത സഹകരണം വാഗ്ദാനം ചെയ്തു . പക്ഷെ , സമസ്തയെ വഞ്ചിക്കാന്‍ ഈ അവസരം മന്ത്രി ഉപയോഗപെടുത്തുന്നുവെന്ന് ബോധ്യപെട്ടപ്പോള്‍ സമസ്ത അദാലത്തില്‍ നിന്ന് പിന്‍വാങ്ങുന്നു എന്ന് മന്ത്രിയെ നേരിട്ടറിയിക്കുകയായിരുന്നു . ഇതൊന്നും സമസ്ത മന്ത്രിക്കെതിരെ പ്രചരണായുധമാക്കിയിട്ടില്ല’-ഹമീദ് ഫൈസി ഫെയ്‌സ്ബുക്കില്‍ കുറിച്ചു

ഫെയ്‌സ്ബുക്ക് പോസ്റ്റിന്റെ പൂര്‍ണരൂപം:

മന്ത്രി ജലീലിനെന്ത് പറ്റി ?

അബ്ദുല്‍ഹമീദ് ഫൈസി അമ്പലക്കടവ്

മന്ത്രി ബന്ധുവിന്‍റെ ജോലി വിവാദം നാട്ടില്‍ കത്തി നില്‍ക്കുന്നു . മുസ്ലിം യൂത്ത് ലീഗ് മന്ത്രിക്ക് എതിരെ ആഞ്ഞടിക്കുന്നു .
ആരോപണ പ്രത്യാ- രോപണങ്ങളുമായി ഭരണ പക്ഷവും പ്രതിപക്ഷവും പോര്‍ക്കളത്തില്‍ അരങ്ങ് തകര്‍ക്കുന്നു .
സ്വജന പക്ഷപാതവും നീതി നിഷേധവും നല്ല പ്രവണതയാണന്ന് ധര്‍മ്മ ബോധമുള്ള ആരും പറയില്ല . മന്ത്രി സഭയിലെ മുസ്ലിം പ്രതിനിധി നീതിയിലും ധര്‍മ്മത്തിലും മാതൃകയാകേണ്ടതായിരുന്നു . അതുണ്ടായില്ലന്ന് മാത്രമല്ല വിവാദത്തില്‍ കക്ഷിയല്ലാത്ത സമസ്തയുടെ അജയ്യനായ ജനഃ സെക്രട്ടറിയെ എന്തിനാണ് ഈ വിവാദത്തിലേക്ക് മന്ത്രി വലിച്ചിഴച്ച് കൊണ്ടു വന്നത് ?
ആദരണീയനായ പാണക്കാട് സയ്യിദ് ഹൈദറലി ശിഹാബ് തങ്ങളേയും എന്തിനാണ് വിമര്‍ശിക്കുന്നത് ?

കേരളത്തിലെ മുസ്ലിം പണ്ഡിത സംഘടനയുടെ ആദര്‍ശ ധീരനും വിനയാന്വിതനുമായ ജനഃ സെക്രട്ടറി ശൈഖുല്‍ ജാമിഅ ആലികുട്ടി മുസ്ലിയാര്‍ കക്ഷി രാഷ്ട്രീയ വിവാദങ്ങളിലൊന്നും ഇടപെടാറില്ല .
സമസ്തയുടെ പ്രതിയോഗികള്‍ പോലും ഉസ്താദിനെ വിമര്‍ശിക്കാറില്ല . വന്ദ്യരായ പാണക്കാട് തങ്ങളാകട്ടെ എല്ലാ വിഭാഗം ജനങ്ങളും ആദരിക്കുകയും ആത്മീയ നായകനായി കാണുകയും ചെയ്യുന്ന മഹാനാണ് .

മന്ത്രി ജലീല്‍ ചെയ്യുന്ന തെറ്റുകള്‍ രാഷ്ട്രീയ പ്രതിയോഗികള്‍ ചൂണ്ടി കാണിക്കുമ്പോള്‍ ഈ മഹാത്മാക്കളെ എന്തിനാണ് വേദനിപ്പിക്കുന്നത് ?

മന്ത്രിയുടെ നിലപാടുകള്‍ നിഷ്പക്ഷവും സത്യസന്ധവുമല്ലെന്ന് ഇതിന് മുമ്പ് തന്നെ അദ്ദേഹം തെളിയിച്ചിട്ടുണ്ട് .
സമസ്ത -എപി വിഭാഗം പള്ളി മദ്രസാ തര്‍ക്കങ്ങള്‍ തീര്‍ക്കാന്‍ മന്ത്രി അദാലത്ത് പ്രഖ്യാപിച്ചു . സമസ്ത സഹകരണം വാഗ്ദാനം ചെയ്തു . പക്ഷെ , സമസ്തയെ വഞ്ചിക്കാന്‍ ഈ അവസരം മന്ത്രി ഉപയോഗപെടുത്തുന്നുവെന്ന് ബോധ്യപെട്ടപ്പോള്‍ സമസ്ത അദാലത്തില്‍ നിന്ന് പിന്‍വാങ്ങുന്നു എന്ന് മന്ത്രിയെ നേരിട്ടറിയിക്കുകയായിരുന്നു . ഇതൊന്നും സമസ്ത മന്ത്രിക്കെതിരെ പ്രചരണായുധമാക്കിയിട്ടില്ല .

ആദരണീയരായ നേതാക്കള്‍ക്കെതിരെ മന്ത്രി നടത്തിയ പരാമര്‍ശങ്ങള്‍ പിന്‍വലിക്കുകയും ക്ഷമാപണം നടത്തുകയും ചെയ്യുമായിരിക്കും ഉചിതമെന്ന് ശ്രദ്ധയില്‍ പെടുത്തുന്നു .

Film

വാണി ജയറാമിന്റെ ശരീരത്തില്‍ മുറിവ്: മൃതദേഹം പോസ്റ്റ്‌മോര്‍ട്ടത്തിനായി മാറ്റി

വാണി കുഴഞ്ഞു വീണതാകാം എന്നും മൃതദേഹത്തില്‍ കണ്ടെത്തിയ മുറിവ് വീഴ്ചയില്‍ മുറിയിലെ ടീപ്പോയിയില്‍ തലയിടിച്ചപ്പോള്‍ സംഭവിച്ചതാവാമെന്നും ശേഖര്‍ ദേശ്മുഖ് മാധ്യമങ്ങളോട് പറഞ്ഞു.

Published

on

വാണി ജയറാമിന്റെ മൃതദേഹത്തില്‍ മുറിവ്. ചെന്നൈ നുങ്കമ്പാക്കത്തെ ഹാഡോസ് റോഡില്‍ ഉള്ള വസതിയിലാണ് വാണിയെ മരിച്ച നിലയില്‍ കണ്ടെത്തിയത്. ഇന്ന് രാവിലെ 11 മണിയോടെ സഹായിയായ സ്ത്രീ വീട്ടിലെത്തിയെങ്കിലും വാണി വാതില്‍ തുറന്നില്ല. തുടര്‍ന്ന് ഇവര്‍ ബന്ധുക്കളേയും പൊലീസിനേയും വിവരം അറിയിക്കുകയായിരുന്നു. പൊലീസ് എത്തി വാതില്‍ പൊളിച്ച് അകത്ത് പ്രവേശിച്ചപ്പോഴാണ് കിടപ്പുമുറിയില്‍ മരണപ്പെട്ട നിലയില്‍ കണ്ടെത്തിയത്.

ചെന്നൈ ഡെപ്യൂട്ടി കമ്മിഷണര്‍ ശേഖര്‍ ദേശ്മുഖ് വാണി ജയറാമിന്റെ വീട്ടില്‍ നേരിട്ടെത്തി പരിശോധന നടത്തി. വാണി കുഴഞ്ഞു വീണതാകാം എന്നും മൃതദേഹത്തില്‍ കണ്ടെത്തിയ മുറിവ് വീഴ്ചയില്‍ മുറിയിലെ ടീപ്പോയിയില്‍ തലയിടിച്ചപ്പോള്‍ സംഭവിച്ചതാവാമെന്നും ശേഖര്‍ ദേശ്മുഖ് മാധ്യമങ്ങളോട് പറഞ്ഞു. പോസ്റ്റ്‌മോര്‍ട്ടത്തിനായി മൃതദേഹം ഓമന്തുരാര്‍ സര്‍ക്കാര്‍ ആശുപത്രി മോര്‍ച്ചറിയിലേക്ക് മാറ്റി. 2018ല്‍ ഭര്‍ത്താവ് ജയറാം അന്തരിച്ച ശേഷം വാണി ഒറ്റയ്ക്കായിരുന്നു വീട്ടില്‍ താമസിച്ചത്.

Continue Reading

Film

വഞ്ചനാക്കേസ്: നടന്‍ ബാബുരാജ് അറസ്റ്റില്‍

അടിമാലി പൊലീസ് സ്‌റ്റേഷനില്‍ ഹാജരയാപ്പോഴാണ് അറസ്റ്റ് രേഖപ്പെടുത്തിയത്

Published

on

തൊടുപുഴ: വഞ്ചനാക്കേസില്‍ സിനിമാ നടന്‍ ബാബുരാജ് അറസ്റ്റില്‍. റവന്യു നടപടി നേരിടുന്ന കല്ലാറിലെ റിസോര്‍ട്ട് പാട്ടത്തിനു നല്‍കി പണം തട്ടിയെടുത്തെന്ന പരാതിയുടെ അടിസ്ഥാനത്തിലാണ് നടപടി. ഹൈക്കോടതിയുടെ നിര്‍ദേശപ്രകാരം അടിമാലി പൊലീസ് സ്‌റ്റേഷനില്‍ ഹാജരയാപ്പോഴാണ് അറസ്റ്റ് രേഖപ്പെടുത്തിയത്.

കേസില്‍ ഹൈക്കോടതി മുന്‍കൂര്‍ ജാമ്യം നല്‍കുകയും ചോദ്യം ചെയ്യലിന് സ്‌റ്റേഷനില്‍ ഹാജരാകാന്‍ നിര്‍ദേശിക്കുകയും ചെയ്തിരുന്നു. ആനവിരട്ടി കമ്പി ലൈനില്‍ ബാബുരാജിന്റെ ഉടമസ്ഥതയിലുള്ള റിസോര്‍ട്ട് കോതമംഗലം സ്വദേശിക്ക് പാട്ടത്തിന് നല്‍കിയതു സംബന്ധിച്ചാണ് കേസ്.

Continue Reading

Film

മാളികപ്പുറം സിനിമ അന്‍പതാം ദിനാഘോഷം: അന്‍പത് കുട്ടികള്‍ക്ക് മജ്ജമാറ്റിവെക്കല്‍ ശസ്ത്രക്രിയക്ക് സഹായം

മിംസ് ചാരിറ്റബിള്‍ ട്രസ്റ്റിന്റെയും ഡി എം ഹെല്‍ത്ത് കെയറിന്റെയും സാമൂഹിക പ്രതിബദ്ധത നിലനിര്‍ത്തുന്ന പ്രമുഖ വ്യക്തിത്വങ്ങളുടേയും സഹകരണത്തോടെയാണ് പദ്ധതി നടപ്പിലാക്കുന്നത്.

Published

on

കോഴിക്കോട്: മാളികപ്പുറം സിനിമയുടെ അന്‍പതാം ദിനാഘോഷത്തിന്റെ ഭാഗമായി നിര്‍ദ്ധന കുടുംബങ്ങളിലെ അന്‍പത് കുഞ്ഞുങ്ങള്‍ക്ക് ബോണ്‍മാരോ ട്രാന്‍സ്പ്ലാന്റ് നിര്‍വ്വഹിക്കുന്നതിനുള്ള സഹായം നല്‍കുമെന്ന് നിര്‍മ്മാതാവ് ആന്റോ ജോസഫ് അറിയിച്ചു.

കേരളത്തിലെ ആസ്റ്റര്‍ ഹോസ്പിറ്റലുകളുമായി സഹകരിച്ചാണ് പദ്ധതി നടപ്പിലാക്കുക. ‘പുണ്യം’ എന്ന് നാമകരണം ചെയ്ത ഈ പദ്ധതിയുടെ ഭാഗമായി ബോണ്‍മാരോ ട്രാന്‍സ്പ്ലാന്റിന് പുറമെ റേഡിയേഷന്‍ തെറാപ്പിക്ക് 50% ഇളവ്, റോബോട്ടിക് സര്‍ജറി, ഓര്‍ത്തോ ഓങ്കോ സര്‍ജറി ഉള്‍പ്പെടെയുള്ള ഓങ്കോ സര്‍ജറികള്‍ക്കും കീമോതെറാപ്പിക്കും പ്രത്യേക ഇളവുകള്‍, 60 വയസിനു മുകളില്‍ പ്രായമായവര്‍ക്ക് തടസ്സങ്ങളേതുമില്ലാതെ ചികിത്സ ലഭ്യമാക്കുന്നതിനായി പ്രത്യേക ആനുകൂല്യങ്ങള്‍ ഉള്‍പ്പെടെയുള്ള മുന്‍ഗണനാ കാര്‍ഡ് തുടങ്ങിയ നേട്ടങ്ങളും ലഭ്യമാകും.

ഇന്ത്യയില്‍ ആദ്യമായാണ് ഒരു സിനിമയുടെ വിജയാഘോഷത്തിന്റെ ഭാഗമായി കാന്‍സര്‍ രോഗികള്‍ക്ക് ഇതുപോലെ ഒരു ചികിത്സാ പദ്ധതി പ്രഖ്യാപിക്കുന്നത്. 30 ലക്ഷം മുതല്‍ 50 ലക്ഷം വരെയാണ് ബോണ്‍മാരോ ട്രാന്‍സ്പ്ലാന്റിന് ഒരു വ്യക്തിക്ക് ചെലവ് വരുന്നത്. മാളികപ്പുറം സിനിമയുടെ ലാഭവിഹിതത്തിന്റെ ഭാഗമായി നല്‍കുന്ന സാമ്പത്തിക സഹായവും, മിംസ് ചാരിറ്റബിള്‍ ട്രസ്റ്റിന്റെയും ഡി എം ഹെല്‍ത്ത് കെയറിന്റെയും സാമൂഹിക പ്രതിബദ്ധത നിലനിര്‍ത്തുന്ന പ്രമുഖ വ്യക്തിത്വങ്ങളുടേയും സഹകരണത്തോടെയാണ് പദ്ധതി നടപ്പിലാക്കുന്നത്.

കോഴിക്കോട് മലബാര്‍ പാലസില്‍ വെച്ച് നടന്ന ചടങ്ങില്‍ മാളികപ്പുറം സിനിമയുടെ നായകന്‍ ശ്രീ. ഉണ്ണി മുകുന്ദന്‍, ആസ്റ്റര്‍ മിംസ് കേരള & തമിഴ്‌നാട് റീജ്യണല്‍ ഡയറക്ടര്‍ ശ്രീ. ഫര്‍ഹാന്‍ യാസിന്‍, അഭിനേതാക്കളായ ബേബി ദേവനന്ദ, മാസ്റ്റര്‍ ശ്രീപദ്, സംവിധായകന്‍ വിഷ്ണു ശശിശങ്കര്‍, തിരക്കഥാകൃത്ത് അഭിലാഷ് പിള്ള, ആസ്റ്റര്‍ ഇന്റര്‍നാഷണല്‍ ഇന്‍സ്റ്റിറ്റിയൂട്ട് ഓഫ് ഓങ്കോളജി വിഭാഗം തലവന്‍ ഡോ. കെ. വി. ഗംഗാധരന്‍ തുടങ്ങിയവര്‍ സംസാരിച്ചു.

Continue Reading

Trending