വടക്കാഞ്ചേരി: ജിം ട്രയിനറും ബോഡി ബില്‍ഡറുമായ കുമരനല്ലൂര്‍ ഒന്നാംകല്ല് ചങ്ങാലി പടിഞ്ഞാറേതില്‍ മണികണ്ഠന്റെ മകന്‍ മാധവ് (27) മരിച്ച സംഭവത്തില്‍ ദുരൂഹത. പോസ്റ്റ്മോര്‍ട്ടം റിപ്പോര്‍ട്ടില്‍ പാമ്പുകടിയേറ്റതിന്റെ പാടുകളോ രക്തത്തില്‍ വിഷത്തിന്റെ അംശമോ കണ്ടെത്താനായിട്ടില്ലെന്ന് തൃശൂര്‍ മെഡിക്കല്‍ കോളേജ് ആശുപത്രിയില്‍ ഡോക്ടര്‍മാര്‍ സ്ഥിരീകരിച്ചു. ബുധനാഴ്ച രാവിലെ കിടപ്പുമുറിയില്‍ മരിച്ച നിലയില്‍ മാധവിനെ കണ്ടെത്തിയതോടെ സംഭവം പുറത്ത് വന്നത്. ദിവസവും പുലര്‍ച്ചെ ജിമ്മിലേക്ക് പോകാറുണ്ടായിരുന്ന മാധവ് അന്ന് എഴുന്നേല്‍ക്കാതിരുന്നതിനെ തുടര്‍ന്ന് മാതാവ് അയല്‍വാസികളുടെ സഹായത്തോടെ മുറിയുടെ വാതില്‍ ചവിട്ടി തുറക്കുകയായിരുന്നു. അപ്പോള്‍ മൃതദേഹം നീലനിറമായ നിലയിലായിരുന്നതായും മുറിയിലെ തറയില്‍ രക്തം കാണപ്പെട്ടതായും പറയുന്നു. മരണത്തിന് മുന്‍ ദിവസം രാത്രി 8.30ഓടെ വീടിന് മുന്നില്‍ പാമ്പിനെ കണ്ട മാധവ് അതിന്റെ ചിത്രം സുഹൃത്തിന് അയച്ചിരുന്നതായാണ് ബന്ധുക്കളുടെ മൊഴി. ഇതിനെ തുടര്‍ന്നാണ് ആദ്യം പാമ്പുകടിയെന്ന സംശയം ഉയര്‍ന്നത്. എന്നാല്‍ വൈദ്യപരിശോധനയില്‍ ആ സംശയം തെറ്റാണെന്ന് വ്യക്തമായി. പ്രാഥമിക പരിശോധനയില്‍ മരണകാരണം വ്യക്തമാകാത്തതിനാല്‍, മാധവിന്റെ ആന്തരികാവയവങ്ങളുടെ സാമ്പിളുകള്‍ വിശദപരിശോധനക്കായി ലാബിലേക്ക് അയച്ചിട്ടുണ്ട്. വരാനിരിക്കുന്ന വെയ്റ്റ് ലിഫ്റ്റിങ് മത്സരത്തിനു തയ്യാറെടുക്കുകയായിരുന്ന മാധവ് പ്രോട്ടീന്‍ പൗഡര്‍ പോലുള്ള ചില സപ്ലിമെന്റുകള്‍ ഉപയോഗിച്ചിരുന്നതായി റിപ്പോര്‍ട്ടുകളുണ്ട്. ഇവയ്ക്കും മരണത്തിനും തമ്മില്‍ ബന്ധമുണ്ടോ എന്നത് കൂടുതല്‍ പരിശോധനകള്‍ക്ക് ശേഷമേ വ്യക്തമാകൂ എന്ന് അധികൃതര്‍ അറിയിച്ചു.

ഇലക്ടറൽ റോളിന്റെ സ്‌പെഷ്യൽ ഇന്റന് സീവ് റിവിഷൻ (എസ്.ഐ.ആർ) നടപടികളിൽ പ്രവാസി വോട്ടർമാർ ഉൾപ്പടെയുള്ളവർ നേരിടുന്ന ബുദ്ധിമുട്ടുകൾ ചൂണ്ടിക്കാട്ടി ഇന്ത്യൻ യൂണിയൻ മുസ്ലിംലീഗ് മു ഖ്യ തിരഞ്ഞെടുപ്പ് ഓഫീസർക്ക് പരാതി നൽകി. മുസ്ലിംലീഗ് സംസ്ഥാന സെക്രട്ടറി അഡ്വ. മുഹമ്മദ് ഷാ മുഖ്യ തിരഞ്ഞെടുപ്പ് ഓഫീസറെ നേരിൽ കണ്ട് വിജ്ഞാപനത്തിലെ അപാകതകൾ ചൂണ്ടിക്കാട്ടി. ഈ രൂപത്തിൽ റിവിഷൻ നടത്തിയാൽ രേഖകളുടെ അഭാവം മൂലം ആളുകൾ വോട്ടർ പട്ടികയിൽ നിന്ന് ഒഴിവാക്കപ്പെടും എന്ന് മുഖ്യ തിരഞ്ഞെടുപ്പ് ഓഫീസറുടെ ശ്രദ്ധയിൽപ്പെടുത്തി. പ്രവാസി വോട്ടർമാരുടെ വോട്ടവകാശം ഉറപ്പാക്കുന്നതിൽ നിലവിലെ നടപടിക്രമങ്ങളിലുള്ള പ്രായോഗിക ബുദ്ധിമുട്ടുകൾ കൂടിക്കാഴ്ചയിൽ വിശദമായി അറിയിച്ചു. പ്രവാസി വോട്ടർമാർ വിദേശത്തായിരിക്കുന്നതിനാൽ ബൂത്ത് ലെ വൽ ഓഫീസർമാർ വീടുകൾ എത്ര തവണ സന്ദർശിച്ചാലും പൂരിപ്പിച്ച് ഫോമുകൾ നൽകാൻ കഴിയാത്ത സാഹചര്യമുണ്ടാവും. എന്യൂമറേഷൻ ഫോം ഓൺലൈനായി ഡൗൺലോഡ് ചെയ്യാനും ആവശ്യമായ രേഖകൾ സഹിതം ഓൺലൈൻ പോർട്ടൽ വഴി അപ്ലോഡ് ചെയ്യാനും പ്രവാസികൾക്ക് സൗകര്യമുണ്ടാക്കുകയും ഫോമുകൾ പൂരിപ്പിക്കുന്നതിന് വേണ്ടിയിട്ടുള്ള 2002 ലെ വോട്ടർ പട്ടിക ഉൾപ്പടെയുള്ള രേഖ കൾ കമ്മീഷന്റെ വെബ്‌സൈറ്റിൽ ലഭ്യമാക്കുകയും പ്രവാസി സംഘടനകൾ വഴി നടപടി ക്രമങ്ങൾ സംബന്ധിച്ച് സംശയ ദുരീകരണം നടത്തുന്നതിനുള്ള സൗകര്യം ചെയ്യേണ്ടതുണ്ട്.

വീടുകൾ സന്ദർശിക്കുന്ന ബൂത്ത് ലെവൽ ഓഫീസർമാർ തങ്ങളുടെ കൈവശം ഫോം 6നോടൊപ്പം പ്രവാസികൾക്കായുള്ള ഫോം 6 നിർബന്ധമായും കരുതണം എന്നും തിരഞ്ഞെടുപ്പ് കമ്മീഷൻ വ്യക്തമായ നിർദ്ദേശം നൽകണം. നേരിട്ടും ഓൺലൈനായും ലഭിക്കുന്ന എല്ലാ എമെറേഷൻ ഫോമുകളും കരട് വോട്ടർ പട്ടി കയിൽ ഉൾപ്പെട്ടിട്ടുള്ളതായി ഉറപ്പാക്കണം. കരട് വോട്ടർ പട്ടിക പ്രസിദ്ധീകരിച്ച ശേഷം, നാട്ടിലുള്ള വോട്ടർമാർക്ക് ഫോം 6 ഉപയോഗിച്ച് വോട്ട് ചേർക്കാൻ കഴിയുന്നത് പോലെ പ്രവാസികൾക്ക് വോട്ട് ചേർക്കുന്നതിന് ഫോം 6എ ഉപയോഗിക്കാം എന്ന് തിരഞ്ഞെടുപ്പ് കമ്മീഷൻ വ്യക്തമാക്കണം ഓൺ ലൈനായി ഫോം സമർപ്പിക്കുന്നവർക്ക് അക്‌നോളജ് മെന്റ് ഉറപ്പാക്കുകയും, പ്രതിനിധികൾ മുഖേന ഉദ്യോഗസ്ഥർക്ക് മുന്നിൽ ഹാജരാകാൻ പ്രവാസി വോട്ടർമാരെ അനുവദിക്കുകയും ചെയ്യണം. മുസ്ലിംലീഗ് ഉന്നയിച്ച എല്ലാ ആവശ്യങ്ങളും പരിഗണിക്കാമെന്ന് മുഖ്യ തെരഞ്ഞെടുപ്പ് ഓഫീസർ ഉറപ്പു നൽകി. പ്രവാസി വോട്ടർമാർക്ക് ബുദ്ധിമുട്ടില്ലാതെ എസ്.ഐ.ആർ നടപടികളിൽ പങ്കുചേരാൻ സാധിക്കുന്ന തരത്തിൽ ആവശ്യമായ മാർഗ്ഗനിർദ്ദേശങ്ങളും നിർദ്ദേശങ്ങളും ഉടൻ തന്നെ പുറത്തിറക്കാൻ നടപടി സ്വീകരിക്കുമെന്നും അദ്ദേഹം അറിയിച്ചു.

അതിജീവനത്തിന്റെ രാഷ്ട്രീയത്തിന് കരുത്ത് പകരുക എന്ന ശീർഷകത്തിൽ യൂത്ത് ലീഗ് ദേശീയ കമ്മിറ്റി നടത്തുന്ന പ്രവർത്തന ഫണ്ട് ക്യാമ്പയിൻ ഇംദാദ് ഇന്ന് (നവംബർ എഴിന് വെള്ളിയാഴ്ച) രാത്രി 12 മണിക്ക് സമാപിക്കുമെന്ന് ദേശീയ കമ്മിറ്റി അറിയിച്ചു. ഉത്തരേന്ത്യയിൽ സംഘടനക്ക് പുത്തനുണർവ് നൽകാനും ഫാസിസ്റ്റ് സർക്കാരിന്റെ ന്യൂനപക്ഷ വേട്ടയെയും ജനാധിപത്യ വിരുദ്ധ നീക്കങ്ങളെയും പ്രതിരോധിക്കാനുമാണ് ‘ഇംദാദ്’ ക്യാമ്പയിനിലൂടെ യൂത്ത് ലീഗ് ലക്ഷ്യമിടുന്നത്. ഇംദാദ് എന്ന ആപ്പിലൂടെ ദേശീയ തലത്തിൽ നടത്തിയ ഫണ്ട് ശേഖരണത്തിൽ 13 സംസ്ഥാനങ്ങളിൽ നിന്നുള്ള പ്രവർത്തകർ ഇതിനകം പങ്കാളികളായി. സമാപന ദിവസമായ ഇന്ന് നടത്തുന്ന 250 രൂപ ചലഞ്ചിൽ ഓരോ പ്രവർത്തകനും പങ്കാളിയാവണമെന്നും പൊതുജനങ്ങളെ പങ്കാളികളാക്കാനും പഞ്ചായത്ത്, ശാഖ യൂത്ത് ലീഗ് കമ്മിറ്റികൾ രംഗത്തിറങ്ങി ക്യാമ്പയിൻ വിജയിപ്പിക്കണമെന്നും ദേശീയ പ്രസിഡന്റ് അഡ്വ.സർഫറാസ് അഹമ്മദും ജനറൽ സെക്രട്ടറി ടിപി അഷ്റഫലിയും അഭ്യർത്ഥിച്ചു.