kerala
മതേതരത്വത്തിന് വേണ്ടി ഒരു വിട്ടുവീഴ്ചകള്ക്കും തയാറാകാത്ത അദ്ദേഹത്തിന്റെ ജീവിതം പൊതുപ്രവര്ത്തകര്ക്ക് മാതൃകയാണ്; വി.ഡി സതീശന്
ആര്യാടന് മുഹമ്മദിന്റെ നിര്യാണത്തില് പ്രതിപക്ഷ നേതാവ് വി.ഡി സതീശന് അനുശോചിച്ചു

ആര്യാടന് മുഹമ്മദിന്റെ നിര്യാണത്തില് പ്രതിപക്ഷ നേതാവ് വി.ഡി സതീശന് അനുശോചിച്ചു.മലബാറിലെ കോണ്ഗ്രസ് പ്രസ്ഥാനത്തിന് ഏഴ് പതിറ്റാണ്ടോളം നെടുനായകത്വം വഹിച്ച നേതാവായിരുന്നു ആര്യാടന് മുഹമ്മദ്. വിട്ടുവീഴ്ചയില്ലാത്ത നിലപാടുകള് സ്വീകരിക്കാനും വാക്കിലും പ്രവൃത്തിയിലും തികഞ്ഞ മതേതരവാദിയാകാനും അദ്ദേഹത്തിന് കഴിഞ്ഞു. രാഷ്ട്രീയ പ്രതിസന്ധി ഉണ്ടാക്കിയേക്കുമെന്ന് തോന്നിക്കുമായിരുന്ന സന്ദര്ഭങ്ങള് കൃത്യതയോടെ പരിഹരിച്ച് മുന്നണിയെയും പാര്ട്ടിയേയും ഒരു കാലത്ത് ഒറ്റക്കെട്ടായി മുന്നോട്ട് നയിച്ചത് ആര്യാടന് മുഹമ്മദായിരുന്നു വി.ഡി സതീശന് പറഞ്ഞു.
മതേതരത്വത്തിന് വേണ്ടി ഒരു വിട്ടുവീഴ്ചകള്ക്കും തയാറാകാത്ത അദ്ദേഹത്തിന്റെ ജീവിതം പൊതുപ്രവര്ത്തകര്ക്ക് മാതൃകയാണ്. മികച്ച സാമാജികനായും ഭരണകര്ത്താവായും അദ്ദേഹത്തിന് തിളങ്ങാനായി. ആര്യാടന് മുഹമ്മദിന്റെ വിയോഗം കോണ്ഗ്രസ് പാര്ട്ടിക്കും ഐക്യജനാധിപത്യ മുന്നണിക്കും നികത്താനാകാത്ത നഷ്ടമാണ്.സഹപ്രവര്ത്തകരുടെയും കടുംബാംഗങ്ങളുടെയും ദുഃഖത്തില് പങ്കുചേരുന്നു അദ്ദേഹം കൂട്ടിചേര്ത്തു.

കാനഡയില് വിമാനാപകടത്തില് മരിച്ച മലയാളി യുവാവ് ശ്രീഹരി സുകേഷിന്റെ മൃതദേഹം നാട്ടിലെത്തിച്ചു. സ്വദേശമായ തൃപ്പൂണിത്തുറയിലെ വസതിയില് മൃതദേഹം പൊതുദര്ശനത്തിന് വച്ചിരിക്കുകയാണ്. പരിശീലന പറക്കലിനിടെയാണ് ശ്രീഹരിയുടെ വിമാനം മറ്റൊരു വിമാനവുമായി കൂട്ടിയിടിച്ച് അപകടമുണ്ടായത്.
രാവിലെ എട്ടുമണിയോടെ ഡല്ഹിയില് നിന്നുള്ള എയര് ഇന്ത്യ വിമാനത്തിലാണ് മൃതദേഹം നെടുമ്പാശ്ശേരി വിമാനത്താവളത്തില് എത്തിച്ചത്. തൃപ്പൂണിത്തുറയിലെ താലൂക്ക് ആശുപത്രിയിലേക്ക് മാറ്റിയ മൃതദേഹം 12 മണിയോടെ കുടുംബം താമസിക്കുന്ന തൃപ്പൂണിത്തുറയിലെ ശ്രീകൃഷ്ണ എന്ക്ലേവില് പൊതുദര്ശനത്തിന് വച്ചു. വൈകിട്ട് 4 മണിക്ക് തൃപ്പൂണിത്തുറയിലെ ശ്മശാനത്തിലാണ് സംസ്കാര ചടങ്ങ്.
കാനഡയിലെ മാനിട്ടോബ പ്രവിശ്യയിലെ സ്റ്റെയിന്ബാച്ച് മേഖലയിലായിരുന്നു ജൂലൈ 9 ന്പ്രാദേശിക സമയം രാവിലെ 8:45 ന് അപകടം ഉണ്ടായത്.
വിമാനം ടേക്ക് ഓഫ് ചെയ്യാനും ലാന്ഡ് ചെയ്യാനും പരിശീലിക്കുന്നതിനിടെ കൂട്ടിയിടിക്കുകയായിരുന്നു.
പോസ്റ്റ്മോര്ട്ടം നടപടികള്ക്ക് പിന്നാലെ കാനഡ സര്ക്കാരില് നിന്ന് രേഖകള് കിട്ടാന് വൈകിയതാണ് ശ്രീഹരിയുടെ മൃതദേഹം നാട്ടിലെത്തിക്കുന്നതില് കാലതാമസം ഉണ്ടായത്.
kerala
മഴ മുന്നറിയിപ്പില് മാറ്റം; ഇന്ന് ഒന്പത് ജില്ലകളില് ഓറഞ്ച് അലര്ട്ട്
നേരത്തെ ഏഴു ജില്ലകളിലാണ് ഓറഞ്ച് അലര്ട്ട് നല്കിയിരുന്നത്.

സംസ്ഥാനത്ത് അതിശക്തമായ മഴ തുടരുന്ന സാഹചര്യത്തില് മഴ മുന്നറിയിപ്പില് മാറ്റം വരുത്തി. ഇന്ന് ഒന്പത് ജില്ലകളില് ഒറ്റപ്പെട്ട സ്ഥലങ്ങളില് തീവ്രമഴയാണ് കേന്ദ്ര കാലാവസ്ഥ വകുപ്പ് പ്രവചിക്കുന്നത്. നേരത്തെ ഏഴു ജില്ലകളിലാണ് ഓറഞ്ച് അലര്ട്ട് നല്കിയിരുന്നത്. പത്തനംതിട്ട, കോട്ടയം, എറണാകുളം, ഇടുക്കി, തൃശൂര്, പാലക്കാട്, മലപ്പുറം, കോഴിക്കോട്, വയനാട് ജില്ലകളില് ഇന്ന് തീവ്രമഴയ്ക്ക് സാധ്യതയുണ്ടെന്നാണ് കാലാവസ്ഥ വകുപ്പിന്റെ പ്രവചനത്തില് പറയുന്നത്.
ഇന്ന് എല്ലാ ജില്ലകളിലും മുന്നറിയിപ്പ് ഉണ്ട്. ഓറഞ്ച് അലര്ട്ട് ഇല്ലാത്ത ജില്ലകളില് ശക്തമായ മഴയാണ് പ്രവചിക്കുന്നത്. ജാഗ്രതയുടെ ഭാഗമായി ഈ ജില്ലകളില് യെല്ലോ അലര്ട്ട് പ്രഖ്യാപിച്ചിട്ടുണ്ട്. ഞായറാഴ്ച തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം ഒഴികെയുള്ള എല്ലാ ജില്ലകളിലും മുന്നറിയിപ്പ് ഉണ്ട്. ഒറ്റപ്പെട്ട ശക്തമായ മഴയാണ് പ്രവചിക്കുന്നത്. ജാഗ്രതയുടെ ഭാഗമായി 9 ജില്ലകളില് യെല്ലോ അലര്ട്ട് പ്രഖ്യാപിച്ചിട്ടുണ്ട്.
തിങ്കളാഴ്ച, കോഴിക്കോട്, വയനാട്, കണ്ണൂര്, കാസര്കോട് ജില്ലകളിലും ചൊവ്വാഴ്ചയും ബുധനാഴ്ചയും കണ്ണൂര്, കാസര്കോട് ജില്ലകളിലും യെല്ലോ അലര്ട്ട് പ്രഖ്യാപിച്ചിട്ടുണ്ട്. തിങ്കളാഴ്ചയോടെ സംസ്ഥാനത്ത് മഴ കുറയുമെന്നാണ് കാലാവസ്ഥ വകുപ്പിന്റെ കണക്കുകൂട്ടല്.
കേരളത്തില് ഇന്നു മുതല് നാളെ വരെ ഒറ്റപ്പെട്ടയിടങ്ങളില് മണിക്കൂറില് 50 മുതല് 60 കിലോമീറ്റര് വരെ വേഗത്തില് ശക്തമായ കാറ്റിനു സാധ്യതയുണ്ട്. അതിനാല് ജാഗ്രത പാലിക്കണമെന്നും മുന്നറിയിപ്പില് പറയുന്നു.
kerala
ഗോവിന്ദച്ചാമി ജയില്ചാടിയ സംഭവം; അന്വേഷണത്തിന് പ്രത്യേക സമിതി
സൗമ്യ വധക്കേസ് പ്രതി ഗോവിന്ദച്ചാമി കണ്ണൂര് സെന്ട്രല് ജയിലില് നിന്ന് ചാടി രക്ഷപ്പെട്ട് പിടിയിലായ സംഭവത്തെക്കുറിച്ച് സമഗ്രമായ അന്വേഷണത്തിന് മുഖ്യമന്ത്രി പിണറായി വിജയന് നിര്ദ്ദേശം നല്കി.

സൗമ്യ വധക്കേസ് പ്രതി ഗോവിന്ദച്ചാമി കണ്ണൂര് സെന്ട്രല് ജയിലില് നിന്ന് ചാടി രക്ഷപ്പെട്ട് പിടിയിലായ സംഭവത്തെക്കുറിച്ച് സമഗ്രമായ അന്വേഷണത്തിന് മുഖ്യമന്ത്രി പിണറായി വിജയന് നിര്ദ്ദേശം നല്കി. നിലവില് നടക്കുന്ന പോലീസ് അന്വേഷണത്തിനും വകുപ്പ് തല പരിശോധനകള്ക്കും പുറമെയാണ് സമഗ്ര അന്വേഷണം. ഹൈക്കോടതി റിട്ട. ജസ്റ്റിസ് സിഎന് രാമചന്ദ്രന് നായര്, മുന് പൊലീസ് മേധാവി ജേക്കബ് പുന്നൂസ് എന്നിവരാണ് പ്രത്യേക അന്വേഷണം നടത്തുക. മുഖ്യമന്ത്രി അടിയന്തരമായി വിളിച്ച ഉന്നതതല യോഗത്തിലാണ് തീരുമാനം.
സംസ്ഥാന ചീഫ് സെക്രട്ടറി ഡോ എ ജയതിലക്, പൊലീസ് മേധാവി റവാഡ ചന്ദ്രശേഖര്, ആഭ്യന്തര അഡിഷണല് ചീഫ് സെക്രട്ടറി ബിശ്വനാഥ് സിന്ഹ, പൊതുമരാമത്ത് വകുപ്പ് സെക്രട്ടറി കെ. ബിജു, ജയില് മേധാവി ബല്റാം കുമാര് ഉപാധ്യായ, ഇന്റലിജന്സ് അഡീഷണല് ഡിജിപി പി വിജയന് എന്നിവരാണ് മുഖ്യമന്ത്രി വിളിച്ച യോഗത്തില് പങ്കെടുത്തത്.
കണ്ണൂര് സെന്ട്രല് ജയിലില് സംഭവിച്ചത് ഗൗരവമേറിയ കാര്യമാണെന്നും വിശദമായ പരിശോധന നടത്തി നടപടി സ്വീകരിക്കേണ്ടതാണെന്നും മുഖ്യമന്ത്രി യോഗത്തില് പറഞ്ഞു. അടുത്ത മൂന്നു മാസത്തിനകം സംസ്ഥാനത്തെ പ്രധാനപ്പെട്ട നാലു ജയിലുകളിലും വൈദ്യുതി ഫെന്സിങ് പൂര്ണതോതില് പ്രവര്ത്തനക്ഷമമാക്കണമെന്ന് തീരുമാനമെടുത്തു. സൂക്ഷ്മതലത്തില് ദൃശ്യങ്ങള് പകര്ത്താന് കഴിയുന്ന ഇന്റലിജന്റ് സിസിടിവി നാല് പ്രധാന ജയിലുകളില് സ്ഥാപിക്കും. ഇതിനുള്ള നടപടി അടിയന്തരമായി തുടങ്ങും.
ജയിലിനകത്ത് ഇന്റലിജന്സ് പ്രവര്ത്തനങ്ങള് ശക്തിപ്പെടുത്താനും തീരുമാനം. കൂടുതല് തടവുകാര് ജയിലുകളില് ഉള്ള സാഹചര്യത്തില് പുതിയ ഒരു സെന്ട്രല് ജയില് ആരംഭിക്കും. ഇതിനായി കോട്ടയം, പത്തനംതിട്ട മേഖലകളില് സ്ഥലം കണ്ടെത്താന് ശ്രമിക്കുമെന്നും യോഗം തീരുമാനമെടുത്തു.
നിലവില് നടക്കുന്ന അന്വേഷണങ്ങള് അതിവേഗം പൂര്ത്തിയാക്കാന് മുഖ്യമന്ത്രി നിര്ദ്ദേശം നല്കി.
-
india2 days ago
ഇന്ത്യയില് നിന്നും നൂറുകണക്കിന് മുസ്ലിംകളെ നിയമവിരുദ്ധമായി ബംഗ്ലാദേശിലേക്ക് നാടുകടത്തിയതായി ഹ്യൂമന് റൈറ്റ്സ് വാച്ച് റിപ്പോര്ട്ട്
-
india3 days ago
അഹമ്മദാബാദ് വിമാനാപകടം: വിദേശ പൗരന്മാരുടെ കുടുംബങ്ങള്ക്ക് ലഭിച്ചത് തെറ്റായ മൃതദേഹങ്ങള്
-
Film3 days ago
കറുപ്പിന്റെ ടീസറിന് പിന്നാലെ സൂര്യ 46 ന്റെ പോസ്റ്റർ പുറത്ത്
-
kerala3 days ago
മഴ മുന്നറിയിപ്പില് മാറ്റം; പത്ത് ജില്ലകളില് യെല്ലോ അലേര്ട്ട്
-
india2 days ago
‘മതവികാരം വ്രണപ്പെടും’; കര്ണാടകയില് സര്ക്കാര് സ്കൂളില് മുട്ട വിതരണത്തിനെതിരെ രക്ഷിതാക്കള്
-
kerala3 days ago
കുട്ടനാട്ടില് സ്കൂള് അപകടഭീഷണിയില്; സ്വമേധയാ കേസെടുത്ത് ഹൈക്കോടതി
-
kerala3 days ago
മാസപ്പടി കേസ്: സിബിഐ, ഇഡി അന്വേഷണം ആവശ്യപ്പെട്ടുള്ള ഹർജിയിൽ വീണ വിജയനുൾപ്പെടെയുള്ളവർക്ക് ഹൈക്കോടതി നോട്ടീസ്
-
crime3 days ago
പിണങ്ങിപ്പോയ ഭാര്യ തിരിച്ചെത്തിക്കാന് അഞ്ച് വയസുകാരനെ നരബലി നല്കി യുവാവ്