Connect with us

News

ഇന്ത്യ-ഓസ്‌ട്രേലിയ ടി-20 പരമ്പര ഇന്ന്

ഓസ്‌ട്രേലിയക്കെതിരായ ടി-20 പരമ്പര ഇന്ന് രാത്രി 7-30 ന് ആരംഭിക്കാനിരിക്കെ വിരാത് കോലിയെ പിണക്കാതെയും കെ.എല്‍ രാഹുലിനെ ഒപ്പം നിര്‍ത്തിയും നായകന്‍ രോഹിത് ശര്‍മയുടെ നയതന്ത്രം.

Published

on

മൊഹാലി:ഓസ്‌ട്രേലിയക്കെതിരായ ടി-20 പരമ്പര ഇന്ന് രാത്രി 7-30 ന് ആരംഭിക്കാനിരിക്കെ വിരാത് കോലിയെ പിണക്കാതെയും കെ.എല്‍ രാഹുലിനെ ഒപ്പം നിര്‍ത്തിയും നായകന്‍ രോഹിത് ശര്‍മയുടെ നയതന്ത്രം. മല്‍സരത്തിന് മുന്നോടിയായി ഇന്നലെ നടത്തിയ വാര്‍ത്താ സമ്മേളനത്തില്‍ സംസാരിക്കവെ കോലി ടീമിന്റെ മൂന്നാം ഓപ്പണറാണെന്നും എന്നാല്‍ കെ.എല്‍ രാഹുലിനെ ടീം കൈവിടില്ലെന്നും അദ്ദേഹമാണ് ഓപ്പണര്‍ സ്ഥാനത്തെ പ്രഥമ ചോയിസെന്നും നായകന്‍ പറഞ്ഞു.

ഏഷ്യാ കപ്പിലെ അവസാന മല്‍സരത്തില്‍ അഫ്ഗാനിസ്താനെതിരെ ഓപ്പണറായി ഇറങ്ങിയ കോലി കരിയറിലെ ആദ്യ ടി-20 സെഞ്ച്വരി സ്വന്തമാക്കിയിരുന്നു. ഈ പശ്ചാത്തലത്തിലാണ് അദ്ദേഹത്തെ മൂന്നാം ഓപ്പണറുടെ റോളില്‍ പരിഗണിക്കുമെന്ന് രോഹിത് വ്യക്തമാക്കിയത്. അഫ്ഗാനെതിരെ രോഹിത് പുറത്തിരുന്നപ്പോഴായിരുന്നു കോലിക്ക് അവസരം നല്‍കിയത്. ലോകകപ്പ് പോലെ വലിയ ചാമ്പ്യന്‍ഷിപ്പിലേക്ക് പോവുമ്പോള്‍ ടീമില്‍ കൂടുതല്‍ ഓപ്ഷനുകള്‍ നല്ലതാണ്. ഏത് പൊസിഷനിലും കളിക്കാന്‍ ഒന്നിലധികം താരങ്ങളുള്ളത് നായകന്‍ എന്ന നിലയില്‍ തനിക്കും കാര്യങ്ങള്‍ എളുപ്പമാക്കുമെന്ന് രോഹിത് പറഞ്ഞു. കഴിഞ്ഞ കൂറെ മല്‍സരങ്ങളില്‍ ധാരാളം പരീക്ഷണങ്ങള്‍ നടത്തി. അതെല്ലാം പരിഗണനയിലുണ്ട്. ടീമില്‍ മൂന്നാമതൊരു ഓപ്പണര്‍ ഇല്ലെന്നിരിക്കെ തീര്‍ച്ചയായും വിരാതിനെ പരിഗണിക്കും.

ലോകകപ്പിന് മുന്നോടിയായി ഇന്ത്യ കളിക്കുന്ന ആറ് ടി-20 മല്‍സരങ്ങളില്‍ ഏതെങ്കിലും മല്‍സരത്തില്‍ ഓപ്പണറായി കോലിയെ പരിഗണിക്കുമോ എന്ന് ചോദിച്ചപ്പോള്‍ ഇക്കാര്യത്തില്‍ രാഹുല്‍ ഭായിയുമായി (രാഹുല്‍ ദ്രാവിഡ്) സംസാരിച്ച് തീരുമാനമെടുക്കുമെന്നായിരുന്നു മറുപടി. ഇതിനര്‍ത്ഥം കെ.എല്‍ രാഹുലിനെ അവഗണിക്കുമെന്നല്ല. ലോകകപ്പില്‍ ഒന്നാം ഓപ്പണര്‍ രാഹുലാണ്. ടീമിലെ വളരെ പ്രധാനപ്പെട്ട താരമാണ് അദ്ദേഹം. കഴിഞ്ഞ രണ്ട് മൂന്ന് വര്‍ഷത്തെ അദ്ദേഹത്തിന്റെ പ്രകടനം മാത്രം വിലയിരുത്തിയാല്‍ മികവ് വ്യക്തമാവുമെന്നും നായകന്‍ പറഞ്ഞു. അതേ സമയം ഇന്ത്യയെ ഭയമില്ലെന്നും ലോകകപ്പിന് മുന്നോടിയായി കരുത്തോടെ ഒരുങ്ങുകയാണ് പ്രധാനമെന്നും ഓസീസ് ക്യാപ്റ്റന്‍ അരോണ്‍ ഫിഞ്ച് വ്യക്തമാക്കി. ഡേവിഡ് വാര്‍ണറെ പോലുള്ള അനുഭവ സമ്പന്നര്‍ ഇല്ലാത്തത് ടീമിനെ ബാധിക്കില്ല. നല്ല യുവതാരങ്ങളുണ്ട്. സ്റ്റീവന്‍ സ്മിത്ത് മൂന്നാം നമ്പറില്‍ കളിക്കാന്‍ സാധ്യതയുണ്ടെന്നും അദ്ദേഹം സൂചിപ്പിച്ചു.

ഇന്ത്യ

രോഹിത് ശര്‍മ (ക്യാപ്റ്റന്‍), കെ.എല്‍ രാഹുല്‍ (വൈസ് ക്യാപ്റ്റന്‍), രവിചന്ദ്രന്‍ അശ്വിന്‍, ജസ്പ്രീത് ബുംറ, യുസവേന്ദ്ര ചാഹല്‍, ദീപക് ചാഹര്‍, ദീപക് ഹുദ, ദിനേശ് കാര്‍ത്തിക്, വിരാത് കോലി, ഭുവനേശ്വര്‍ കുമാര്‍, ഹാര്‍ദിക് പാണ്ഡ്യ, റിഷാഭ് പന്ത്, അക്‌സര്‍ പട്ടേല്‍, ഹര്‍ഷല്‍ പട്ടേല്‍, ഉമേഷ് യാദവ്, സൂര്യകുമാര്‍ യാദവ്.

ഓസ്‌ട്രേലിയ

അരോണ്‍ ഫിഞ്ച് (ക്യാപ്റ്റന്‍), പാറ്റ് കമിന്‍സ് (വൈസ് ക്യാപ്റ്റന്‍), സീന്‍ അബോട്ട്, ആഷ്ടണ്‍ ആഗര്‍, ടീം ഡേവിഡ്, നതാന്‍ എലിസ്, കാമറൂണ്‍ ഗ്രീന്‍, ജോഷ് ഹേസില്‍വുഡ്, ജോ ഇന്‍ഗ്ലിസ്, ഗ്ലെന്‍ മാക്‌സ് വെല്‍, കെയിന്‍ റിച്ചാര്‍ഡ്‌സണ്‍, ഡാനിയല്‍ സാംസ്, സ്റ്റീവന്‍ സ്മിത്ത്, മാത്യു വെയിഡെ, ആദം സാംപ

Continue Reading
Advertisement
Click to comment

Leave a Reply

Your email address will not be published. Required fields are marked *

kerala

മുന്നോട്ട് കുതിച്ച് ബാലകേരളം

വിദ്യാര്‍ത്ഥികളുടെ സര്‍ഗ്ഗാത്മകതക്ക് പ്രോത്സാഹനം നല്‍കി ഏറെ ശ്രദ്ധേയമായിക്കൊണ്ടാണ് ബാലകേരളം സംഘടിപ്പിക്കുന്നത്.

Published

on

എം.എസ്.എഫ് സംസ്ഥാന കമ്മിറ്റിയുടെ ബാല കേരളം പദ്ധതി വിലയിരുത്താനായി കോര്‍ഡിനേറ്റേര്‍സ് പാര്‍ലിമെന്റ് കോഴിക്കോട് ബാഫഖി യൂത്ത് സെന്ററില്‍ വെച്ച് സംഘടിപ്പിച്ചു. മലബാര്‍ മേഖലയിലെ പഞ്ചായത്ത് തലം മുതലുള്ള കോര്‍ഡിനേറ്റര്‍മാരാണ് പരിപാടിയില്‍ പങ്കെടുത്തത്. വിദ്യാര്‍ത്ഥികളുടെ സര്‍ഗ്ഗാത്മകതക്ക് പ്രോത്സാഹനം നല്‍കി ഏറെ ശ്രദ്ധേയമായിക്കൊണ്ടാണ് ബാലകേരളം സംഘടിപ്പിക്കുന്നത്.

വര്‍ത്തമാന കാലത്ത് നടന്നുകൊണ്ടിരിക്കുന്ന വിദ്യാര്‍ഥികളിലെ ലഹരി ഉപയോഗം ഉള്‍പ്പെടെയുള്ള ഭവിഷ്യത്തുകളെ നേരിടാന്‍ വിദ്യാര്‍ത്ഥികളില്‍ ക്രിയാത്മകമായ കൂട്ടായ്മകള്‍ രൂപപ്പെടേണ്ടത് അനിവാര്യമാണെന്നും ബാലകേരളത്തിലൂടെ അത് സാധ്യമാകുമെന്നും എംഎസ്എഫ് സംസ്ഥാന പ്രസിഡന്റ് പികെ നവാസ് യോഗം ഉദ്ഘാടനം ചെയ്തുകൊണ്ട് സംസാരിച്ചു. ഒക്ടോബര്‍ 1 മുതല്‍ 4 വരെ സംസ്ഥാനത്ത് ഉടനീളം ‘മാസ്സ് യൂണിറ്റ് ഫോര്‍മേഷന്‍’ എന്നപേരില്‍ ക്യാംപയിനിലൂടെ യൂണിറ്റ് രൂപീകരണം പൂര്‍ത്തിയാക്കുമെന്നും തുടര്‍ന്ന് പഞ്ചായത്ത്, മണ്ഡലം, ജില്ലാ, സംസ്ഥാന തലങ്ങളില്‍ സംഗമങ്ങള്‍ സംഘടിപ്പിച്ച് വിപുലമായ സംഘടനാ രംഗത്തേക്ക് ബാലകേരളത്തെ വിഭാവനം ചെയ്യുമെന്നും അദ്ദേഹം കൂട്ടിച്ചേര്‍ത്തു.

സംസ്ഥാന ജന. സെക്രട്ടറി സി.കെ നജാഫ്, ട്രഷറര്‍ അഷ്ഹര്‍ പെരുമുക്ക്, ബാലവേദി വിംഗ് കണ്‍വീനര്‍ വിഎം റഷാദ്, സംസ്ഥാന കമ്മിറ്റി അംഗങ്ങളായ നസീഫ് ഷെര്‍ഷ്, വസീം മാലിക്, പി മുസ്തഫ തുടങ്ങിയവര്‍ സംസാരിച്ചു.

Continue Reading

columns

നിലപാടില്‍ വേറിട്ടുനിന്ന വ്യക്തിത്വം- എഡിറ്റോറിയല്‍

രാഷ്ട്രീയ നിലപാടില്‍ പലരും അദ്ദേഹത്തോട് വിയോജിക്കുന്നുണ്ടെങ്കിലും ഈ വിടവാങ്ങല്‍ ഇസ്‌ലാമിക ലോകത്തിന് കനത്ത നഷ്ടമാണ്.

Published

on

നിലപാട്‌കൊണ്ട് ചരിത്രം രചിച്ച ലോക പ്രശസ്ത ഇസ്‌ലാമിക പണ്ഡിതനായിരുന്നു ഇന്നലെ അന്തരിച്ച ശൈഖ് യൂസഫ് അല്‍ ഖര്‍ളാവി. സമഗ്ര ഇസ്‌ലാമിക വ്യവസ്ഥയെ കാലികമായി സമര്‍പ്പിച്ച ഖര്‍ളാവി ആധുനിക ലോകത്ത് ബഹുമത സംവാദത്തിന്റെ പ്രാധാന്യം ഊന്നിപ്പറയുകയും ചെയ്തു. സമകാലിക ഇസ്‌ലാമിക സമൂഹത്തിന്റെ പ്രശ്‌നങ്ങളില്‍ അദ്ദേഹത്തിന്റെ നിലപാടുകള്‍ മുസ്‌ലിം ലോകത്തിന്റെ തന്നെ നിലപാടെന്ന നിലക്കാണ് വിലയിരുത്തപ്പെടാറുള്ളത്. ഒട്ടേറെ ഇസ്‌ലാമിക വിഷയങ്ങളില്‍ അദ്ദേഹം നല്‍കിയ ഫത്‌വ ശ്രദ്ധേയമാണ്. ചെറുപ്പത്തില്‍ തന്നെ പഠനകാര്യങ്ങളില്‍ വൈഭവം കാട്ടിയ അദ്ദേഹം ഒമ്പതാം വയസില്‍ ഖുര്‍ആന്‍ ഹൃദിസ്ഥമാക്കിയിരുന്നു.

തന്റെ നിലപാട് കാരണം ജന്മനാടായ ഈജിപ്തില്‍ നിന്നും ഓടിപ്പോകേണ്ടിവന്നു. പിന്നീട് മരണം വരെ ഖത്തറിലായിരുന്നു താമസിച്ചിരുന്നത്. ഈജിപ്തിലെ ഇമാം ശഹീദ് ഹസനുല്‍ ബന്നയുടെ പ്രസ്ഥാനമായ മുസ്‌ലിം ബ്രദര്‍ഹുഡില്‍ ആകൃഷ്ടനായ അദ്ദേഹത്തെ നിരവധി തവണ ഭരണകൂടം തടവിലിട്ടിട്ടുണ്ട്. 1949, 54, 56 കാലങ്ങളില്‍ ജയില്‍വാസമനുഷ്ഠിച്ചു. കര്‍ക്കശമായ സാമ്രാജ്യത്വവിരുദ്ധ നിലപാടുകളായിരുന്നു സ്വീകരിച്ചിരുന്നത്. അന്തര്‍ദേശീയ മുസ്‌ലിം പണ്ഡിതസഭയുടെ രൂപവത്കരണ യോഗത്തില്‍ പങ്കെടുക്കാനായി ബ്രിട്ടനിലെത്തിയെങ്കിലും ബ്രിട്ടനും അമേരിക്കയും ഫ്രാന്‍സും വിസാനിരോധമേര്‍പ്പെടുത്തുകയായിരുന്നു. 2008 ഫെബ്രുവരി ഏഴിന് അദ്ദേഹത്തിന്റെ വിസാ അപേക്ഷ ബ്രിട്ടന്‍ നിരസിക്കുകയുണ്ടായി. ചികിത്സാര്‍ഥമാണ് അദ്ദേഹം സന്ദര്‍ശനാനുമതി തേടിയത്. സംഘടനാ, രാഷ്ട്രീയ ഭേദമന്യേ അദ്ദേഹം ഉയര്‍ത്തിപ്പിടിച്ച സാമ്രാജ്യത്വ വിരുദ്ധ സമീപനങ്ങള്‍ ശ്രദ്ധേയമായിരുന്നു. ഇസ്രാഈലുമായി യാതൊരു വിട്ടുവീഴ്ചക്കും തയാറായിരുന്നില്ല. ഫലസ്തീനില്‍ പോരാടുന്ന ജനതക്കൊപ്പമായിരുന്നു. എന്നാല്‍ തീവ്രവാദത്തെ ഒരിക്കലും അംഗീകരിച്ചിരുന്നുമില്ല. 2004 ലാണ് ഖര്‍ളാവി അവസാനമായി ബ്രിട്ടന്‍ സന്ദര്‍ശിച്ചത്. അന്തര്‍ദേശീയ മുസ്‌ലിം പണ്ഡിതസഭയുടെ രൂപവത്കരണ യോഗത്തില്‍ പങ്കെടുക്കാനായിരുന്നു യാത്ര. അന്നത് ബ്രിട്ടനില്‍ വന്‍ വിവാദത്തിന് തിരികൊളുത്തിയിരുന്നു. ഫലസ്തീനിലെ ചാവേറാക്രമണത്തെ പിന്തുണക്കുന്നതിനാല്‍ വിസയനുവദിക്കരുതെന്ന് തീവ്ര വലതുപക്ഷ കക്ഷികള്‍ ടോണിബ്ലയര്‍ സര്‍ക്കാറിനോടാവശ്യപ്പെട്ടു. ലണ്ടന്‍ മേയര്‍ കെന്‍ ലിവിങ്സ്റ്റണ്‍ ഈ സമയത്ത് അദ്ദേഹവുമായി വേദി പങ്കിടുകയും അദ്ദേഹത്തെ ന്യായീകരിക്കുകയുമാണ് ചെയ്തത്. ഫലസ്തീനില്‍ അധിനിവേശം നടത്തി നിലവില്‍ വന്ന ഇസ്രാഈലിന്റെ അസ്തിത്വം പോലും അംഗീകരിക്കരുതെന്ന വാദക്കാരനാണദ്ദേഹം. സയണിസ്റ്റുകളുമായുള്ള ചര്‍ച്ചകളെയും അദ്ദേഹം നിരാകരിച്ചു.

ഏകാധിപതികള്‍ അടക്കി വാണിരുന്ന നാടുകളില്‍ ജനാധിപത്യത്തിന്റെ തിരികൊളുത്താന്‍ അദ്ദേഹത്തിന്റെ വാക്കുകള്‍ക്ക് സാധിച്ചിട്ടുണ്ട്. അറബ് ലോകത്തും മധ്യ പൗരസ്ത്യ ദേശങ്ങളിലും രൂപപ്പെട്ട സ്വേച്ഛാധിപരായ ഭരണാധികാരികള്‍ക്കെതിരെയുണ്ടായ ജനകീയ സ്വാതന്ത്ര്യ പോരാട്ടങ്ങളെ ശക്തമായി പിന്തുണച്ചു. സമകാലിക അറബ് ലോകത്ത് സയണിസ്റ്റ് വിരുദ്ധ വികാരം വളര്‍ത്തുന്നതില്‍ അദ്ദേഹത്തിന് വലിയ സ്വാധീനമുണ്ട്. വര്‍ത്തമാന ഇസ്‌ലാമിക ലോകത്തെ മധ്യമനിലപാടിന്റെ മുന്നണിപ്പോരാളിയായ അദ്ദേഹം പക്ഷേ ഭരണാധികാരികള്‍ക്ക് സ്തുതിഗീതമോതാന്‍ ഒരിക്കലും തയ്യാറായില്ല. സമഗ്ര ഇസ്‌ലാമിക വ്യവസ്ഥയെ കാലികമായി സമര്‍പ്പിച്ചു. മുസ്‌ലിം ഐക്യത്തിന്റെ ശക്തനായ വക്താവായ ഖര്‍ളാവി വിവിധ ഇസ്‌ലാമിക ചിന്താധാരകള്‍ക്കിടയില്‍ സംവാദ പരിപാടികള്‍ക്ക് മുന്‍കൈയെടുക്കുന്നു. ആധുനിക ലോകത്ത് ബഹുമത സംവാദത്തിന്റെ പ്രാധാന്യം ഊന്നിപ്പറയുകയും ചെയ്തു. ലോകത്തിന്റെ വിവിധ ഭാഗങ്ങളിലേക്ക് ശൈഖ് ഖര്‍ളാവിയുടെ ആശയധാര പരന്നുകിടക്കുന്നുണ്ട്. എന്നാല്‍ അദ്ദേഹത്തിന്റെ എല്ലാ നിലപാടുകളും മുസ്‌ലിം ലോകത്തിന് അംഗീകരിക്കാനാകുന്നതായിരുന്നില്ല. പല നിലപാടുകളും വിമര്‍ശന വിധേയമായിട്ടുണ്ട്. പല രചനകള്‍ക്കും ചില രാജ്യങ്ങളില്‍ വിലക്കുമുണ്ട്. സര്‍വ മത നിന്ദക്കെതിരായ അദ്ദേഹത്തിന്റെ നിലപാടുകള്‍ ശ്രദ്ധേയമാണ്. വിവിധ രാജ്യങ്ങളില്‍ പരന്നുകിടക്കുന്ന നിരവധി ശിഷ്യന്‍മാര്‍ അദ്ദേഹത്തിനുണ്ട്. കേരളത്തില്‍ രണ്ട് തവണ സന്ദര്‍ശനം നടത്തി. നൂറിലേറെ ഗ്രന്ഥങ്ങളുടെ കര്‍ത്താവാണ്. പല പുസ്തകങ്ങളും മലയാളത്തിലേക്ക് പരിവര്‍ത്തനം ചെയ്യപ്പെട്ടിട്ടുണ്ട്. രാഷ്ട്രീയ നിലപാടില്‍ പലരും അദ്ദേഹത്തോട് വിയോജിക്കുന്നുണ്ടെങ്കിലും ഈ വിടവാങ്ങല്‍ ഇസ്‌ലാമിക ലോകത്തിന് കനത്ത നഷ്ടമാണ്.

Continue Reading

kerala

നടന്‍ ശ്രീനാഥ് ഭാസിക്ക് സിനിമയില്‍ താല്‍ക്കാലിക വിലക്ക്

ഫിലിം പ്രൊഡ്യൂസേഴ്‌സ് അസോസിയേഷന്റേതാണ് തീരുമാനം.

Published

on

ഓണ്‍ലൈന്‍ മാധ്യമപ്രവര്‍ത്തകയെ അഭിമുഖത്തിനിടെ അപമാനിച്ച നടന്‍ ശ്രീനാഥ് ഭാസിക്ക് വിലക്കേര്‍പ്പെടുത്തി സിനിമ നിര്‍മാതാക്കളുടെ സംഘടന. ഫിലിം പ്രൊഡ്യൂസേഴ്‌സ് അസോസിയേഷന്റേതാണ് തീരുമാനം. നടനെ സിനിമയില്‍ നിന്ന് താല്‍ക്കാലികമായി  മാറ്റിനിര്‍ത്തുമെന്ന് സംഘടന അറിയിച്ചു.

തെറ്റ് പറ്റിയതായി ശ്രീനാഥ് ഭാസി സമ്മതിച്ചു. ഇനി ആവര്‍ത്തിക്കില്ലെന്ന് പറഞ്ഞെങ്കിലും നടപടി സ്വീകരിക്കുകയാണെന്ന് സംഘടന വ്യക്തമാക്കി. നിലവില്‍ അഭിനയിക്കുന്ന സിനിമകള്‍ പൂര്‍ത്തിയാക്കിയാല്‍ ശ്രീനാഥ് ഭാസിയോട് മാറിനില്‍ക്കാന്‍ ആവശ്യപ്പെടും. പോലീസിന് പരാതി നല്‍കിയതിനൊപ്പം സിനിമ നിര്‍മാതാക്കളുടെ സംഘടനയ്ക്കും  യുവതി പരാതി നല്‍കിയിരുന്നു. ഇത് പരിഗണിച്ചാണ് സംഘടന തീരുമാനമെടുത്തത്.

ഓണ്‍ലൈന്‍ മാധ്യമപ്രവര്‍ത്തകയോട് അഭിമുഖത്തിനിടെ അസഭ്യം പറഞ്ഞെന്ന കേസില്‍ കഴിഞ്ഞ ദിവസമാണ് ശ്രീനാഥ് ഭാസിയെ അറസ്റ്റ് ചെയ്ത് ജാമ്യത്തില്‍ വിട്ടയച്ചത്.  മരട് പോലീസ് സ്‌റ്റേഷനിലായുന്നു നടന്‍ ചോദ്യം ചെയ്യലിന് ഹാജരായത്. സ്‌റ്റേഷന്‍ ജാമ്യത്തിലാണ് വിട്ടയച്ചത്. സ്ത്രീത്വത്തെ അപമാനിച്ചുവെന്നതാണ് നടനെതിരെയുള്ള  കേസ്.

Continue Reading

Trending