ഇന്‍സ്റ്റാഗ്രാം റീല്‍ എടുക്കുന്നതിനിടെ കൗമാരക്കാരന്‍ ട്രെയിനിടിച്ചു മരിച്ചു. ഫര്‍ഹാന്‍ എന്ന 16 കാരനാണ് മരിച്ചത്. ഉത്തര്‍പ്രദേശിലെ ഭാരഭഗിയിലാണ് സംഭവം. ഫര്‍ഹാന്റെ സുഹൃത്ത് മൊബൈല്‍ ഫോണില്‍ ദൃശ്യങ്ങള്‍ പകര്‍ത്തവെയാണ് അപകടം.

ട്രാക്കില്‍ വീഡിയോ ഷൂട്ട് ചെയ്യുന്നതിനിടെ വേഗതയില്‍ വന്ന ട്രെയിന്‍ ഇടിക്കുകയായിരുന്നു. സംഭവത്തില്‍ അന്വേഷണം ആരംഭിച്ചിട്ടുണ്ട്.

നേരത്തെയും സമാനമായ ഇത്തരം സംഭവങ്ങള്‍ റിപ്പോര്‍ട്ട് ചെയ്തിട്ടുണ്ട്.

കണ്ണൂര്‍ കൊടിയേരിക്ക് സമീപം മുഴിക്കരയില്‍ വീടിന് നേരെ ബോംബറിഞ്ഞു. ആര്‍എസ്എസ് പ്രവര്‍ത്തകനായിരുന്ന മൊഴിക്കര സ്വദേശി ഷാജി ശ്രീധരന്റെ വീടിന് നേരെയാണ് ബോംബറിഞ്ഞത്. ഇന്നലെ രാത്രി ഒരു മണിയോടെയാണ് സംഭവം

വീടിനു മുന്നില്‍ നിര്‍ത്തിയിട്ടിരുന്ന ബൈക്കിനും വീടിനും ചെറിയ രീതിയില്‍ കേടുപാട് സംഭവിച്ചു. സംഭവത്തില്‍ ന്യൂ മാഹി പൊലീസ് കേസെടുത്തു അന്വേഷണം ആരംഭിച്ചു.

മൊബൈല്‍ ഫോണ്‍ അമിതമായി ഉപയോഗിച്ചതിന് അമ്മ വഴക്ക് പറഞ്ഞതിനെ തുടര്‍ന്ന് വിദ്യാര്‍ഥിനി ജീവനുടുക്കി. ഉത്തര്‍പ്രദേശിലെ ലക്‌നോവിലാണ് സംഭവം. പന്ത്രണ്ടാം ക്ലാസ് വിദ്യാര്‍ത്ഥിനി സുനിതയാണ് ആത്മഹത്യ ചെയ്തത്.

അമിതമായി മൊബൈല്‍ ഫോണില്‍ കളിച്ചതോടെ അമ്മ കുട്ടിയെ ശകാരിക്കുകയായിരുന്നു. തുടര്‍ന്ന് മാനസിക സംഘര്‍ഷത്തിലായ കുട്ടി വീട്ടില്‍ തൂങ്ങി മരിക്കുകയായിരുന്നു.