ജറൂസലം: പടിഞ്ഞാറന് ജറൂസലമില് പ്രകോപനം കൂടാതെ ഫലസ്തീന് യുവാവിനെ വെടിവെച്ചു വീഴ്ത്തി ഇസ്രാഈല് ക്രൂരത. ഇസ്രാഈല് കുടിയേറ്റക്കാരനെ കുത്താന് ശ്രമിച്ചുവെന്ന് ആരോപിച്ചായിരുന്നു വെടിവെപ്പ്. ഇരുപത് വയസുള്ള ഫലസ്തീനിയുടെ നില അതീവ ഗുരുതരമാണെന്നാണ് റിപ്പോര്ട്ട്. കത്തിയാക്രമണം നടത്തിയെന്നും വാഹനം ഇടിച്ചുവീഴ്ത്താന് ശ്രമിച്ചെന്നും ആരോപിച്ച് ഇസ്രാഈല് സേന സമീപ കാലത്ത് നിരവധി ഫലസ്തീനികളെ വെടിവെച്ചു കൊലപ്പെടുത്തിയിട്ടുണ്ട്. കൊല്ലപ്പെട്ട ഫലസ്തീനികള് ഒരു നിലയ്ക്കും ഭീഷണിയായിരുന്നില്ലെന്ന് മനുഷ്യാവകാശ സംഘടനകള് പറയുന്നു.