Connect with us

kerala

മെമ്പര്‍ഷിപ്പ് കാമ്പയിന് പിന്നാലെ മുസ്‌ലിംലീഗ് സംഘടനാതിരഞ്ഞെടുപ്പിലേക്ക്

ആദ്യ വാര്‍ഡ് സമ്മേളനം നാളെ

ഓര്‍ക്കാട്ടേരിയില്‍

Published

on

കോഴിക്കോട്: അംഗത്വ കാമ്പയിന്‍ സമാപിച്ചതിനു പിന്നാലെ മുസ്‌ലിംലീഗ് സംഘടനാ തിരഞ്ഞെടുപ്പിലേക്ക്. അംഗത്വ കാമ്പയിന്റെ എല്ലാ നടപടിക്രമങ്ങളും പൂര്‍ത്തീകരിച്ച വാര്‍ഡ് കമ്മിറ്റികളാണ് ആദ്യഘട്ടത്തില്‍ നിലവില്‍ വരുന്നത്. ഡിസംബര്‍ 31ന് മുമ്പ് വാര്‍ഡ് കമ്മിറ്റികള്‍ രൂപീകരിക്കും. ഇന്‍ഡോര്‍ സമ്മേളനത്തോടുകൂടിയാണ് വാര്‍ഡ് സമ്മേളനങ്ങള്‍ സംഘടിപ്പിക്കുന്നത്. പുതുതായി അംഗത്വമെടുത്തവരും അംഗത്വം പുതുക്കിയവരുമാണ് വാര്‍ഡ് സമ്മേളനങ്ങളില്‍ സംബന്ധിക്കുക. സംസ്ഥാനത്തെ ആദ്യത്തെ വാര്‍ഡ് സമ്മേളനം കോഴിക്കോട് ജില്ലയിലെ ഓര്‍ക്കാട്ടേരി നോര്‍ത്ത് ആറാം വാര്‍ഡില്‍ നാളെ
നടക്കും. മുസ്‌ലിംലീഗ് സംസ്ഥാന ജനറല്‍ സെക്രട്ടറി പി.എം.എ സലാം ഉദ്ഘാടനം ചെയ്യും.

അംഗത്വ വിതരണത്തിന്റെ എല്ലാ നടപടികളും പൂര്‍ത്തിയാക്കിയ സംസ്ഥാനത്തെ മൂന്നാമത്തെ പഞ്ചായത്തായ വടകര മണ്ഡലത്തിലെ ഏറാമലയിലാണ് ഓര്‍ക്കാട്ടേരി നോര്‍ത്ത്. സമ്മേളനത്തോടനുബന്ധിച്ച് വനിതാലീഗ് വാര്‍ഡ് കമ്മിറ്റിയും രൂപീകരിക്കും. വനിതാ ലീഗ് സംസ്ഥാന ജനറല്‍ സെക്രട്ടറി അഡ്വ. പി. കുല്‍സു, മുസ്‌ലിംലീഗ് ജില്ലാ, മണ്ഡലം, പഞ്ചായത്ത് നേതാക്കള്‍ സംബന്ധിക്കും. വാര്‍ഡ് സമ്മേളനങ്ങളുടെ സംസ്ഥാന തല ഉദ്ഘാടനമാണ് ഓര്‍ക്കാട്ടേരിയില്‍ നടക്കുന്നത്.

വര്‍ധിതാവേശത്തോടെയാണ് സംസ്ഥാനത്ത് മെമ്പര്‍ഷിപ്പ് പ്രവര്‍ത്തനങ്ങള്‍ പൂര്‍ത്തിയായത്.അവസാന ഘട്ടത്തില്‍ എന്‍ട്രികള്‍ ഒന്നിച്ച് വന്നതിനാല്‍ സാങ്കേതിക തടസ്സമുണ്ടായത് കൊണ്ട് വിവരങ്ങള്‍ അപ് ലോഡ് ചെയ്യാനും ഫീസടയ്ക്കാനും ഡിസംബര്‍ 15 വരെ സമയം അനുവദിച്ചിട്ടുണ്ട്. മെമ്പര്‍ഷിപ്പ് പ്രവര്‍ത്തനത്തിന്റെ എല്ലാ നടപടിക്രമങ്ങളും പൂര്‍ത്തിയാക്കിയ വാര്‍ഡ് കമ്മിറ്റികള്‍ക്ക് കമ്മിറ്റി രൂപീകരണം ഉള്‍പ്പെടെയുള്ള അടുത്ത ഘട്ടത്തിലേക്ക് പ്രവേശിക്കാവുന്നതാണ്. വാര്‍ഡ് സമ്മേളനങ്ങളോടനുബന്ധിച്ച് കുടുംബ സംഗമങ്ങള്‍ സംഘടിപ്പിക്കണം. കുടുംബ സംഗമങ്ങളില്‍ വനിതാലീഗ് വാര്‍ഡ് കമ്മിറ്റികളും രൂപീകരിക്കും. ഓരോ ഘടകങ്ങളിലും മുസ്‌ലിംലീഗ് കമ്മിറ്റികളും വനിതാലീഗ് കമ്മിറ്റികളും രൂപീകരിച്ചാലേ സംഘടനാ തിരഞ്ഞെടുപ്പിന്റെ അടുത്ത ഘട്ടത്തിലേക്ക് പ്രവേശിക്കാനാവൂ. സംഘടനാ തിരഞ്ഞെടുപ്പ് ഷെഡ്യൂള്‍ പ്രകാരം നടക്കുന്നതിന് അതാത് പ്രദേശങ്ങളിലെ ജില്ലാ, മണ്ഡലം, പഞ്ചായത്ത് നിരീക്ഷകരും കോര്‍ഡിനേറ്റര്‍മാരും പ്രത്യേകം ശ്രദ്ധിക്കണമെന്ന് പി.എം.എ സലാം അറിയിച്ചു.

Continue Reading
Advertisement
Click to comment

Leave a Reply

Your email address will not be published. Required fields are marked *

kerala

അര്‍ബന്‍ നിധി നിക്ഷേപ തട്ടിപ്പ് കേസ്: 30 കോടി തട്ടിപ്പ് നടത്തി ഒളിവിലായിരുന്ന പ്രതി ആന്റണി സണ്ണി പിടിയില്‍

കണ്ണൂര്‍ അര്‍ബന്‍ നിധിയുടെ സഹ സ്ഥാപനമാണ് എനി ടൈം മണി.

Published

on

കണ്ണൂര്‍: കണ്ണൂര്‍ അര്‍ബന്‍ നിധി നിക്ഷേപ തട്ടിപ്പ് കേസില്‍ ഒളിവിലായിരുന്ന പ്രതി ആന്റണി സണ്ണി പിടിയിലായി. തട്ടിപ്പുകള്‍ പുറത്തുവന്നതിന് പിന്നാലെയാണ് എനി ടൈം മണിയുടെ ഡയറക്ടറായിരുന്ന ആന്റണി സണ്ണി ഒളിവില്‍ പോയത്. സംസ്ഥാനത്തെ വിവിധ പൊലീസ് സ്‌റ്റേഷനുകളില്‍ ലഭിച്ച നിരവധി പരാതികളിലായി 30 കോടിയിലേറെ രൂപയുടെ തട്ടിപ്പ് നടന്നതായാണ് പൊലീസ് പറയുന്നത്. 30 കോടിയുടെ തട്ടിപ്പ് നടത്തിയത് ആന്റണിയാണെന്ന് മറ്റുപ്രതികള്‍ മൊഴി നല്‍കിയതായും പൊലീസ് പറയുന്നു.

12% പലിശയും സ്ഥാപനത്തില്‍ ജോലിയും വാഗ്ദാനം ചെയ്താണു നിക്ഷേപകരെ വലയില്‍ വീഴ്ത്തിയത്. കൂലിപ്പണിക്കാര്‍ മുതല്‍ ഡോക്ടര്‍മാരും പ്രവാസികളും വരെ ഇരകളായാതായാണ് വിവരം. 59 ലക്ഷം രൂപ നഷ്ടപ്പെട്ട തലശ്ശേരി സ്വദേശിയായ ഡോകടറുടെ പരാതിയിലാണ് ആദ്യം കേസെടുത്തത്. 5300 രൂപ മുതല്‍, ഒരു കോടിയോളം രൂപ വരെ നിക്ഷേപിച്ചവരുണ്ടെന്ന് പൊലീസ് പറയുന്നു.

കണ്ണൂര്‍ അര്‍ബന്‍ നിധിയുടെ സഹ സ്ഥാപനമാണ് എനി ടൈം മണി. 2020ല്‍ ആണ് കമ്പനി തുടങ്ങിയത്. കഴിഞ്ഞവര്‍ഷം ഓഗസ്റ്റ് വരെ ജീവനക്കാര്‍ക്കു ശമ്പളവും നിക്ഷേപകര്‍ക്കു പലിശയും കൃത്യമായി നല്‍കിയിരുന്നതായാണു വിവരം.

Continue Reading

kerala

4 വയസുള്ള മകളെ ഡോക്ടറെ കാണിച്ച് മടങ്ങളെ അപകടത്തില്‍പെട്ട് മാതാവ് മരിച്ചു

സ്‌കൂട്ടര്‍ മറിഞ്ഞ് ഫാത്തിമ സുല്‍ഫത്ത് ബസ്സിനടിയില്‍പെടുകയായിരുന്നു

Published

on

കോഴിക്കോട്: മകളെ ഡോക്ടറെ കാണിച്ച് മടങ്ങവേ ബസ് സ്‌കൂട്ടറിലിടിച്ച് യുവതി മരിച്ചു. എന്‍.ജി.ഒ ക്വാര്‍ട്ടേഴ്‌സ് മാലൂര്‍കുന്ന് പറക്കുളം ഫാത്തിമ സുല്‍ഫത്ത് (33) ആണ് മരിച്ചത്. വ്യാഴാഴ്ച വൈകീട്ട് പൊറ്റമ്മലിലാണ് അപകടം.

ഒപ്പമുണ്ടായിരുന്ന മകള്‍ ആയിഷ സൈദ(4) നിസ്സാര പരിക്കുകളോടെ രക്ഷപ്പെട്ടു. മകളെ ഡോക്ടറെ കാണിച്ച് കോട്ടുളിയില്‍ നിന്ന് മടങ്ങുന്ന വഴിയാണ് അപകടമുണ്ടായത്. സ്‌കൂട്ടര്‍ മറിഞ്ഞ് ഫാത്തിമ സുല്‍ഫത്ത് ബസ്സിനടിയില്‍പെടുകയായിരുന്നു. തല്‍ക്ഷണം മരിച്ചു.

ഭര്‍ത്താവ്: മുഹമ്മദ് സാലിഹ്. മക്കള്‍: ഷസിന്‍ മുഹമ്മദ്, ആയിഷ സൈദ. പിതാവ്: ആലിക്കോയ. മാതാവ്: പരേതയായ അഫ്‌സത്ത്. സഹോദരങ്ങള്‍: അബ്ദുല്‍ ഖാദര്‍, നുഫൈസ, മാഷിദ.

Continue Reading

india

മുഹമ്മദ് ഫൈസലിന് ആശ്വസം; ഹൈക്കോടതിയുടെ വിധി പരിഗണിക്കണമെന്ന് സുപ്രീംകോടതി

ലക്ഷദ്വീപ് ഉപതെരഞ്ഞെടുപ്പ് തടയണമെന്നാവശ്യപ്പെട്ട് അദ്ദേഹം നല്‍കിയ ഹര്‍ജിയിലാണ് ഇപ്പോള്‍ ഹൈക്കോടതി വിധി പരിഗണിക്കണമെന്ന് സുപ്രീംകോടതി ആവശ്യപ്പെട്ടിരിക്കുന്നത്

Published

on

ലക്ഷദ്വീപ് മുന്‍ എംപി മുഹമ്മദ് ഫൈസലിന് ആശ്വസമായി സുപ്രീംകോടതിയുടെ നിര്‍ദേശം. ലക്ഷദ്വീപ് ഉപതെരഞ്ഞെടുപ്പ് തടയണമെന്നാവശ്യപ്പെട്ട് അദ്ദേഹം നല്‍കിയ ഹര്‍ജിയിലാണ് ഇപ്പോള്‍ ഹൈക്കോടതി വിധി പരിഗണിക്കണമെന്ന് സുപ്രീംകോടതി ആവശ്യപ്പെട്ടിരിക്കുന്നത്.

തെരഞ്ഞെടുപ്പ് നടത്തുന്നതില്‍ കേന്ദ്ര തെരഞ്ഞെടുപ്പ് കമ്മീഷന്‍ തീരുമാനമെടുക്കണമെന്നും സുപ്രീംകോടതി പറഞ്ഞു. കെ.എം ജോസഫ്, ബി.വി നാഗരത്‌ന എന്നിവരടങ്ങുന്ന ബെഞ്ചാണ് ഹര്‍ജി പരിഗണിച്ചത്.

ലക്ഷദ്വീപ് ഉപതെരഞ്ഞെടുപ്പുമായി ബന്ധപ്പെട്ട് കേന്ദ്ര തെരഞ്ഞെടുപ്പ് കമ്മീഷന്‍ തീരുമാനം എടുക്കുമ്പോള്‍ മുഹമ്മദ് ഫൈസല്‍ കുറ്റകാരനെന്ന് കണ്ടെത്തിയ കവരത്തി സെക്ഷന്‍സ് കോടതിയുടെ വിധി റദ്ദാക്കിയ ഹൈക്കോടതിയുടെ ഉത്തരവ് കണക്കിലെടുക്കണമെന്നാണ് കോടതിയുടെ നിര്‍ദേശം.

Continue Reading

Trending