Connect with us

More

കോഴിക്കോടന്‍ തമാശകള്‍ പങ്ക്‌വെച്ച്; ഖല്‍ബിലെ കോഴിക്കോട്

Published

on

കോഴിക്കോട്: കോഴിക്കോടന്‍ തമാശകള്‍ പങ്ക്‌വെച്ച് വിദ്യാലയ മുറ്റത്ത് അവര്‍ ഒത്തുചേര്‍ന്നു. സെന്റ് ജോസഫ്‌സ് ബോയ്‌സ് എച്ച്.എസ്.എസ് ദ്വിശതോത്തരജൂബിലി ആഘോഷത്തോടനുബന്ധിച്ച് സംഘടിപ്പിച്ച ‘ഖല്‍ബിലെ കോഴിക്കോട്’ സംവാദത്തിലാണ് നര്‍മ്മസല്ലാപത്തിന് വേദിയായത്. കോഴിക്കോടന്‍ നര്‍മത്തിലൂടെ മലയാളസിനിമയെ ചിരിപ്പിക്കുന്ന നടന്‍ മാമുക്കോയ നാടിന്റെ സഹൃദയത്തിന്റെകഥകള്‍ സദസിനോട് പങ്ക്‌വെച്ചു. ജീവിതത്തിലെ ഗൗരവസ്വഭാവം സിനിമയില്‍ ഹാസ്യം ഫലിപ്പിക്കുന്നതിന് തടസമായില്ലെന്ന് മാമുക്കോയ പറഞ്ഞു. കോഴിക്കോടന്‍ തമാശകള്‍ സിനിമാരംഗത്തുള്ള എല്ലാവര്‍ക്കും താല്‍പര്യമുള്ള കാര്യമാണ്. ഇവിടെ ഉപയോഗിക്കുന്ന ചിലപദപ്രയോഗങ്ങള്‍ മറ്റുജില്ലക്കാര്‍ കൗതുകത്തോടെയാണ് കാണുന്നത്. മുന്‍കാലങ്ങളില്‍ സിനിമയില്‍ തമാശയ്ക്കും സ്റ്റന്‍ഡിനുമെല്ലാം പ്രത്യേകം സിനിമാനടന്‍മാരുണ്ടെങ്കില്‍ ഇന്ന് നായകന്‍തന്നെ എല്ലാംചെയ്യുന്ന സ്ഥിതിയായെന്നും മാമുക്കോയ പറഞ്ഞു. സാമൂഹ്യമാധ്യമങ്ങള്‍ തന്നെ നിരന്തരം കൊന്നുകൊണ്ടിരിക്കുകയാണ്. വാര്‍ട്ട്‌സ്ആപ്പിലെ മെസേജ് കണ്ട് നിരവധിപേരാണ് തന്നെ വിളിച്ചത്. ഇതുവഴി നല്ല പ്രചരണമാണ് ലഭിച്ചതെന്നും മാമുക്കോയ നര്‍മത്തില്‍ചാലിച്ച് പറഞ്ഞു. സിനിമയില്‍ പ്രേമരംഗത്ത് അധികം കണ്ടില്ലല്ലോയെന്ന ചോദ്യത്തിന് താന്‍മാത്രം വിചാരിച്ചതുകൊണ്ട് കാര്യമില്ലല്ലോയെന്നായിരുന്നു മാമുക്കോയയുടെ മറുപടി. രാഷ്ട്രീയ രംഗത്തുള്ളവര്‍ക്കെതിരെ നിരന്തരം തൂലികചലിപ്പിച്ചെങ്കിലും നേതാക്കളില്‍നിന്നൊന്നും മോശം അനുഭവമുണ്ടായിട്ടില്ലെന്ന് എന്‍.പി രാജേന്ദ്രന്‍ പറഞ്ഞു. സ്‌കൂളിലെ മുന്‍ അധ്യാപകന്‍കൂടിയായ പോള്‍ കല്ലാനോടും പങ്കെടുത്തു. ഇന്ന് വൈകുന്നേരം 4.30ന് നടക്കുന്ന പരിപാടിയില്‍ സംസ്‌കാരിക സമ്പന്നത വിഷയത്തില്‍ നടന്‍ ജോയ്മാത്യു, ജയപ്രകാശ് കുളൂര്‍, ഡോ.ആര്‍സു എന്നിവര്‍ സംവദിക്കും.

kerala

മലകയറ്റം കഴിഞ്ഞ് മടങ്ങവെ കാട്ടുപോത്തിന്റെ ആക്രമണം; ഇടുക്കിയില്‍ ഒരാള്‍ക്ക് സാരമായ പരിക്ക്

ഇന്ന് ഒരു മണിക്ക് ശേഷമാണ് സംഭവം

Published

on

ഇടുക്കി: ഇടുക്കിയില്‍ കാട്ടുപോത്തിന്റെ ആക്രമണത്തില്‍ ഒരാള്‍ക്ക് സാരമായി പരിക്കേറ്റു. സ്പ്രിങ്ങ് വാലിയില്‍ മുല്ലമല എം ആര്‍ രാജീവനാണ് പരിക്കേറ്റത്. രാജീവിനെ ആശുപത്രിയില്‍ പ്രവേശിപ്പിച്ചു.

ഇന്ന് ഒരു മണിക്ക് ശേഷമാണ് സംഭവം. കൂട്ടുകാര്‍ക്കൊപ്പം കുരിശുമല കയറി തിരികെ വരുമ്പോഴാണ് കാട്ടുപോത്തിന്റെ ആക്രമണം ഉണ്ടായത്. ഏലത്തോട്ടത്തില്‍ ഉണ്ടായിരുന്ന കാട്ടുപോത്ത് റോഡിലേക്ക് കയറി രാജീവിനെ ആക്രമിക്കുകയായിരുന്നു. കൂട്ടുകാര്‍ രാജീവിന്റെ രക്ഷയ്ക്ക് എത്തിയതോടെ, കാട്ടുപോത്ത് പിന്മാറുകയായിരുന്നു.

കഴിഞ്ഞദിവസം രാത്രിയില്‍ അടിമാലി ഇരുമ്പുപാലം പടിക്കപ്പില്‍ കാട്ടുപോത്ത് ഇറങ്ങിയത് നാട്ടുകാരെ പരിഭ്രാന്തിയിലാഴ്ത്തിയിരുന്നു.

Continue Reading

More

ഗസ്സയിലെ വംശഹത്യ തടയണം; ഇസ്രാഈലിന് കടുത്ത നിര്‍ദേശവുമായി അന്താരാഷ്ട്ര കോടതി

ഉത്തരവ് പാലിക്കുന്നെന്ന് ഉറപ്പാക്കി ഒരു മാസത്തിനകം റിപ്പോർട്ട് നൽകണമെന്നാണ് നിർദേശം

Published

on

ഗാസയിൽ തുടരുന്ന ആക്രമണത്തിന് പിന്നാലെ ഇസ്രാഈലിന് കടുത്ത നിർദേശവുമായി അന്താരാഷ്ട്ര കോടതി. ഗാസയിലെ വംശഹത്യ തടയണമെന്ന് ഇസ്രാഈലിനോട് ആവശ്യപ്പെട്ടു. ഉത്തരവ് പാലിക്കുന്നെന്ന് ഉറപ്പാക്കി ഒരു മാസത്തിനകം റിപ്പോർട്ട് നൽകണമെന്നാണ് നിർദേശം.

ഗാസയിലെ സാഹചര്യം ഹൃദയഭേദകമെന്ന് യുഎൻ സെക്രട്ടറി ജനറൽ അന്റോണിയോ ഗുട്ടറസ് പ്രതികരിച്ചു. ഗാസയിലെ ജനങ്ങളോട് മാനുഷിക പരിഗണന അനിവാര്യമെന്നും അദ്ദേഹം പറഞ്ഞു. ഗാസയിൽ 10 ആശുപത്രികൾ ഭാഗികമായി പ്രവർത്തിക്കുന്നെന്ന് ലോകാരോഗ്യ സംഘടന അറിയിച്ചു.

അതേസമയം ഇസ്രാഈൽ സൈന്യം ഗാസ നഗരത്തിലേക്ക് പ്രവേശിക്കാൻ പോവുകയാണെന്നാണ് പ്രസിഡന്റ് ബെഞ്ചമിൻ നെതന്യാഹു മുന്നറിയിപ്പ് നൽകിയത്. ഗുരുതര സാഹചര്യമാണ് ഗാസയിലേതെന്നും പട്ടിണി തടയാനാകുന്നില്ലെന്നുമാണ് ലോകാരോഗ്യ സംഘടന മുന്നറിയിപ്പ് നൽകുന്നത്.

Continue Reading

kerala

കണ്ണൂരില്‍ ഒരാള്‍ക്ക് സൂര്യാഘാതമേറ്റു

ഇന്ന് പത്ത് ജില്ലകളില്‍ ഉയര്‍ന്ന താപനില മുന്നറിയിപ്പ് പ്രഖ്യാപിച്ചിട്ടുണ്ട്

Published

on

കണ്ണൂര്‍: കണ്ണൂരില്‍ ഒരാള്‍ക്ക് സൂര്യാഘാതമേറ്റു. ടെയ്‌ലറിങ് കടയുടമ കരുവന്‍ചാല്‍ പള്ളിക്കവല സ്വദേശി എംഡി രാമചന്ദ്രനാണ് പൊള്ളലേറ്റത്. രാമചന്ദ്രന്റെ ഇരുകാലുകള്‍ക്കും പൊള്ളലേറ്റു. രാമചന്ദ്രനെ ഉടന്‍ സമീപത്തെ ആശുപത്രിയില്‍ പ്രവേശിപ്പിച്ചു. ഇരുപാദങ്ങളിലേയും തൊലി നീക്കം ചെയ്തു.

അതേസമയം, ഇന്ന് പത്ത് ജില്ലകളില്‍ ഉയര്‍ന്ന താപനില മുന്നറിയിപ്പ് പ്രഖ്യാപിച്ചിട്ടുണ്ട്. കൊല്ലം, തൃശൂർ, പാലക്കാട്, പത്തനംതിട്ട, കോട്ടയം, ആലപ്പുഴ, എറണാകുളം, കോഴിക്കോട്, കണ്ണൂർ, തിരുവനന്തപുരം ജില്ലകളിലാണ് മുന്നറിയിപ്പ്. സാധാരണയേക്കാൾ രണ്ട് മുതൽ നാല് ഡി​ഗ്രി സെൽഷ്യസ് വരെ ചൂട് കൂടും. ഈ ജില്ലകളിൽ യെല്ലോ അലർട്ട് പ്രഖ്യാപിച്ചു.

Continue Reading

Trending