Connect with us

kerala

വേഷം മാറി വന്ന ഡിസിപിയോട് വനിതാ പൊലീസ് ചെയ്തത്; തിരിച്ച് ഡിസിപി പണി കൊടുത്തത്; അനന്തരം ഡിസിപിക്ക് ആഭ്യന്തര വകുപ്പിന്റെ രൂക്ഷ വിമര്‍ശനം

ഡിസിപി ഐശ്വര്യ ഡോങ്‌റെയുടെ പെരുമാറ്റം അതിരു കടന്നു പോയെന്ന് ഉദ്യോഗസ്ഥര്‍ വിലയിരുത്തി

Published

on

കൊച്ചി: മഫ്തിയില്‍ പൊലീസ് സ്റ്റേഷനിലേക്കു വന്ന ഡിസിപിയെ തടഞ്ഞ പാറാവുകാരനെ സ്ഥലം മാറ്റിയതില്‍ ആഭ്യന്തര വകുപ്പിന്റെ വിമര്‍ശനം. ഡിസിപി ഐശ്വര്യ ഡോങ്‌റെയുടെ പെരുമാറ്റം അതിരു കടന്നു പോയെന്ന് ഉദ്യോഗസ്ഥര്‍ വിലയിരുത്തി. സ്‌പെഷ്യല്‍ ബ്രാഞ്ച് റിപ്പോര്‍ട്ടിനെ തുടര്‍ന്നാണ് നടപടി.

എറണാകുളം നോര്‍ത്തിലെ വനിതാ സ്‌റ്റേഷനിലേക്ക് മഫ്തിയില്‍ പൊലീസ് സ്റ്റേഷനിലേക്ക് കയറി വന്നതായിരുന്നു ഡിസിപി ഐശ്വര്യ ഡോങ്‌റെ. സ്റ്റേഷനില്‍ പാറാവു ജോലി ചെയ്ത ഉദ്യോഗസ്ഥക്ക് ഈ വന്നതാരാണെന്ന് മനസിലായില്ല. അവര്‍ ഡിസിപിയെ തടഞ്ഞു നിര്‍ത്തി അകത്തേക്കു കയറുന്നതിന്റെ ഭാഗമായുള്ള ചോദ്യം ചെയ്യലുകള്‍ നടത്തി. യൂണിഫോമില്‍ അല്ലാത്തതിനാല്‍ അവര്‍ക്ക് ഇത് ഒരു പൊലീസ് ഉദ്യോഗസ്ഥയാണെന്ന് മനസിലായതേയില്ല. മാത്രവുമല്ല, പുതുതായി ചുമതലയേറ്റ ഡിസിപിയായതിനാല്‍ മുഖപരിചയവും ഇല്ലായിരുന്നു. പിന്നാലെയാണ് ഡിസിപിയെയാണ് താന്‍ തടഞ്ഞതെന്ന് വനിതാ പൊലീസിന് മനസിലായത്.

ഇതോടെ സംഭവത്തില്‍ ഡിസിപി വനിതാ പൊലീസ് ഉദ്യോഗസ്ഥയില്‍ നിന്ന് വിശദീകരണം തേടി. ഇത് തൃപ്തികരമല്ലാതിരുന്നതിനാല്‍ അവരെ ട്രാഫിക്കിലേക്ക് സ്ഥലം മാറ്റി. രണ്ടു ദിവസത്തേക്കാണ് സ്ഥലം മാറ്റം. യൂണിഫോമില്‍ ആയിരുന്നില്ലെങ്കിലും താന്‍ ഔദ്യോഗിക വാഹനത്തില്‍ വന്നത് ശ്രദ്ധിച്ചില്ല എന്നായിരുന്നു ഡിസിപിയുടെ ന്യായം.

കഴിഞ്ഞദിവസമായിരുന്ന വിവാദമായ സംഭവം നടന്നത്. എറണാകുളം നോര്‍ത്തിലെ വനിതാ സ്റ്റേഷനില്‍ പാറാവു ജോലി ചെയ്ത ഉദ്യോഗസ്ഥയെയാണ് ഐശ്വര്യ ട്രാഫിക്കിലേക്ക് സ്ഥലംമാറ്റിയത്. ഈ സംഭവത്തിലാണ് ആഭ്യന്തര വകുപ്പിന്റെ താക്കീത്. തിരക്കേറിയ കൊച്ചി നഗര പരിധിയിലെ സ്റ്റേഷനുകളില്‍ ഇത്തരത്തില്‍ പെരുമാറരുതെന്ന് ഐശ്വര്യക്ക് ആഭ്യന്തര വകുപ്പ് മുന്നറിയിപ്പു നല്‍കി.

ഡിസിപിയുടെ നടപടിക്കെതിരെ പൊലീസുകാര്‍ക്കുള്ളില്‍ രൂക്ഷവിമര്‍ശനമാണ് ഉയര്‍ന്നത്. അടുത്തിടെ ചുമതലയേറ്റ ഡിസിപി യൂണിഫോമില്‍ അല്ലാതെ വന്നാല്‍ എങ്ങനെ തിരിച്ചറിയുമെന്ന് പൊലീസുകാര്‍ ചോദിക്കുന്നു. മാത്രമല്ല, കൊവിഡ് നിയന്ത്രണങ്ങളുള്ളപ്പോള്‍ സ്റ്റേഷനിലേക്ക് വരുന്നയാളെ ചോദ്യമില്ലാതെ കയറ്റിവിട്ടാല്‍ അതും കൃത്യവിലോപമായി കാണില്ലേയെന്നും ഇവര്‍ ചോദിക്കുന്നു.

കഴിഞ്ഞ വെള്ളിയാഴ്ചയാണ് കൊച്ചി ഡിസിപിയായി ഐശ്വര്യ ചുമതലയേറ്റത്.

 

kerala

അറ്റ്‌ലസ് രാമചന്ദ്രന്റെ മൃതദേഹം ദുബായിയില്‍ സംസ്‌കരിച്ചു

മരണശേഷം കൊവിഡ് സ്ഥിരീകരിച്ചതിനെ തുടര്‍ന്ന് ദുബൈ സര്‍ക്കാരിന്റെ കൊവിഡ് മാനദണ്ഡങ്ങള്‍ പാലിച്ചാണ് സംസ്‌കാര ചടങ്ങുകള്‍ നടന്നത്.

Published

on

അന്തരിച്ച പ്രമുഖ വ്യവസായിയും അറ്റ്‌ലസ് ഗ്രൂപ്പ് ചെയര്‍മാനുമായ അറ്റ്‌ലസ് രാമചന്ദ്രന്റെ മൃതദേഹം ദുബായിയില്‍ സംസ്‌കരിച്ചു. ജബല്‍ അലി ഹിന്ദു ക്രിമേഷന്‍ സെന്ററില്‍ ഇന്ന് പ്രാദേശിക സമയം വൈകിട്ട് 5.30നായിരുന്നു സംസ്‌കാര ചടങ്ങുകള്‍ നടന്നത്. ഭാര്യയും മക്കളും അടുത്ത ബന്ധുക്കളും സാമൂഹികപ്രവര്‍ത്തകരും മാത്രമാണ് ചടങ്ങുകളില്‍ സംബന്ധിച്ചത്.

മരണശേഷം കൊവിഡ് സ്ഥിരീകരിച്ചതിനെ തുടര്‍ന്ന് ദുബൈ സര്‍ക്കാരിന്റെ കൊവിഡ് മാനദണ്ഡങ്ങള്‍ പാലിച്ചാണ് സംസ്‌കാര ചടങ്ങുകള്‍ നടന്നത്.

ഹൃദയാഘാതത്തെ തുടര്‍ന്ന് ദുബായിലെ ആസ്റ്റര്‍ മന്‍ഖൂള്‍ ഹോസ്പിറ്റലില്‍ ഞായറാഴ്ച രാത്രിയോടെയായിരുന്നു അന്ത്യം. നിരവധി വര്‍ഷങ്ങളായി കുടുംബത്തോടൊപ്പം ദുബായില്‍ സ്ഥിരതാമസക്കാരനായിരുന്നു. അറ്റ്‌ലസ് വീണ്ടും തുറക്കാനുള്ള ശ്രമങ്ങള്‍ തുടരുന്നതിനിടെയാണ് അദ്ദേഹം അകാലത്തില്‍ മരണത്തിന് കീഴടങ്ങുന്നത്.

സിനിമാ മേഖലയില്‍ സജീവമായിരുന്ന അറ്റ്‌ലസ് രാമചന്ദ്രന്‍ നിരവധി സിനിമികള്‍ നിര്‍മിക്കുകയും ഒപ്പം അഭിനയിക്കുകയും ചെയ്തിട്ടുണ്ട്.ഫിലിം പ്രൊഡ്യൂസേഴ്‌സ് അസോസിയേഷന്‍ വൈസ് പ്രസിഡന്റ്,ഫിലിം മാഗസിനായ ചലച്ചിത്രത്തിന്റെ എഡിറ്ററായും അദ്ദേഹം പ്രവര്‍ത്തിച്ചു.

Continue Reading

kerala

മുന്‍ എംഎല്‍എയും കോണ്‍ഗ്രസ് നേതാവുമായ പുനലൂര്‍ മധു അന്തരിച്ചു

തിരുവനന്തപുരം കിംസ് ആശുപത്രിയില്‍ ചികിത്സയിലിരിക്കെയാണ് അന്ത്യം.

Published

on

കോണ്‍ഗ്രസ് നേതാവ് പുനലൂര്‍ മധു അന്തരിച്ചു. 66 വയസായിരുന്നു. തിരുവനന്തപുരം കിംസ് ആശുപത്രിയില്‍ ചികിത്സയിലിരിക്കെയാണ് അന്ത്യം.

കെ പി സി സി ഭാരവാഹിയുമായിരുന്നു. മുന്‍ പുനലൂര്‍ എം.എല്‍.എയായിരുന്നു. 1991ലാണ് പുനലൂരില്‍ നിന്ന് വിജയിച്ചത്. കെ എസ് യു മുന്‍ സംസ്ഥാന അധ്യക്ഷന്‍, മുന്‍ യൂത്ത് കോണ്‍ഗ്രസ് സംസ്ഥാന ജനറല്‍ സെക്രട്ടറി, ദേവസ്വം ബോര്‍ഡ് മുന്‍ അംഗം തുടങ്ങിയ ചുമതലകള്‍ വഹിച്ചിരുന്നു. സംസ്‌ക്കാരം നാളെ വൈകിട്ട് വീട്ടുവളപ്പില്‍ വെച്ച് നടക്കും.

Continue Reading

kerala

കാനം രാജേന്ദ്രന്‍ വീണ്ടും സിപിഐ സംസ്ഥാന സെക്രട്ടറി

മത്സരമില്ലാതെയാണ് സംസ്ഥാന സമ്മേളനം കാനത്തെ തിരഞ്ഞെടുത്തത്.

Published

on

സി.പി.ഐ സംസ്ഥാന സെക്രട്ടറിയായി കാനം രാജേന്ദ്രനെ വീണ്ടും തെരഞ്ഞെടുത്തു. ഇത് മൂന്നാം തവണയാണ് കാനം സംസ്ഥാന സെക്രട്ടറിയാകുന്നത്. മത്സരമില്ലാതെയാണ് സംസ്ഥാന സമ്മേളനം കാനത്തെ തിരഞ്ഞെടുത്തത്.

പാര്‍ട്ടിയില്‍ വിഭാഗീയത സജീവമായിരുന്ന സാഹചര്യത്തിലാണ് ഇത്തവണ പാര്‍ട്ടി സംസ്ഥാന സമ്മേളനം നടന്നത്. സംസ്ഥാന കൗണ്‍സില്‍ അംഗങ്ങളുടെ പ്രായപരിധി സംബന്ധിച്ചായിരുന്നു  പാര്‍ട്ടിയില്‍ വിഭാഗീയത.

അതേസമയം, പ്രായപരിധി കടന്നതിനെ തുടര്‍ന്ന് സി.ദിവാകരന് പിന്നാലെ കെ.ഇ.ഇസ്മായിലും സംസ്ഥാന കൗണ്‍സിലില്‍നിന്ന് പുറത്തായി.

കാനം വിരുദ്ധ വിഭാഗത്തിന്റെ എതിര്‍പ്പ് പ്രതിനിധി സമ്മേളനത്തില്‍ പ്രകടമാകുമെന്ന് കരുതപ്പെട്ടിരുന്നു. പക്ഷേ അതിനെയെല്ലാം മറികടന്ന് പദവിയിലെത്താന്‍ കാനത്തിന് വീണ്ടും സാധിച്ചു.

Continue Reading

Trending