തിരുവനന്തപുരം: ശ്രീലങ്കക്കെതിരായ മൂന്നാം ഏകദിനത്തില്‍ വിരാട് കോഹ്ലിയുടെയും ശുഭ്മാന്‍ ഗില്ലിന്റെയും തേരോട്ടം. ഇരുവരും പുറത്താകാതെ യാഥാക്രമം 166, 116 സ്‌കോറുകളാണ് വാരിക്കൂട്ടിയത്. കോഹ്ലി-ശുഭ്മാന്‍ കൂട്ടുക്കെട്ടില്‍ ഇന്ത്യ ലങ്കക്കെതിരെ കൂറ്റന്‍ കോട്ടയാണ് കെട്ടിയത്. ലങ്കക്ക് തകര്‍ക്കാന്‍ വിയര്‍പ്പൊഴുക്കണമെന്ന കാര്യത്തില്‍ തീരുമാനമായി. 50 ഓവറില്‍ അഞ്ച് വിക്കറ്റ് നഷ്ടത്തില്‍ 390 റണ്‍സാണ് ഇന്ത്യ അടിച്ചെടുത്തത്.
110 പന്തില്‍ 13 ബൗണ്ടറികളും എട്ട് സിക്‌സറുകളുമാണ് കോഹ്ലിയുടെ ഇന്നിങ്‌സില്‍ എഴുതിതീര്‍ത്തത്. ഇതോടെ നാട്ടില്‍ ഏറ്റവും കൂടുതല്‍ ഏകദിന സെഞ്ചുറി നേടുന്ന താരമെന്ന സച്ചിന്റെ റെക്കോര്‍ഡ് കോഹ്ലി മറികടന്നു. ഇന്ത്യയില്‍ കോലിയുടെ 21ാം സെഞ്ചുറിയാണിത്. 46ാമത് ഏകദിന സെഞ്ചുറിയും. 97 പന്തില്‍ 14 ബൗണ്ടറിയും രണ്ട് സിക്‌സറും അടിച്ചിട്ടാണ് ഗില്ലിന്റെ ഇന്നിങ്‌സ്.