kerala
കോട്ടയത്തും ചോരക്കൊതി; പൊലീസിനെക്കൊണ്ടും എസ്എഫ്ഐക്കാരെക്കൊണ്ടും നാട്ടില് ജീവിക്കാന് വയ്യാത്ത അവസ്ഥ: കെ സുധാകരന്
കുട്ടികളുടെ ചോര മണക്കുന്നവരാണ് അധികാരസ്ഥാനങ്ങളിലിരിക്കുന്നത്. അവര് എന്നും അവിടെ ഉണ്ടാകില്ലെന്ന് പൊലീസുകാര് ഓര്ത്തിരിക്കണമെന്ന് സുധാകരന് പറഞ്ഞു.

പൊലീസിനെക്കൊണ്ടും എസ്എഫ്ഐക്കാരെക്കൊണ്ടും നാട്ടില് ജീവിക്കാന് വയ്യാത്ത അവസ്ഥയാണെന്നും ഈ തീക്കളി ഇവിടം കൊണ്ട് അവസാനിപ്പിക്കണമെന്നും കെപിസിസി പ്രസിഡന്റ് കെ സുധാകരന് എംപി.
കാലിക്കട്ട് യൂണിവേഴ്സിറ്റി സര്വകലാശാല ഡി സോണ് കലോത്സവത്തില് ഉണ്ടായ അക്രമത്തില് പ്രതികളായ എസ് എഫ് ഐക്കാരെ പൊലീസ് സംരക്ഷിക്കുന്നതില് പ്രതിഷേധിച്ച് കെഎസ്യു സംസ്ഥാന കമ്മിറ്റിയുടെ ആഭിമുഖ്യത്തില് ഡിഐജി ഓഫീസിലേക്കു നടത്തിയ മാര്ച്ചിനെ പൊലീസ് കിരാതമായി അടിച്ചൊതുക്കുകയാണ് ചെയ്തത്.
പൊലീസ് നടത്തിയ ജലപീരങ്കി പ്രയോഗത്തിലും ലാത്തിച്ചാര്ജിലും കെഎസ് യു സംസ്ഥാന പ്രസിഡന്റ് അലോഷ്യസ് സേവ്യര്, സംസ്ഥാന ജനറല് സെക്രട്ടറിമാരായ അനീഷ് ആന്റണി, മിവ ജോളി, ആദേശ് സുദര്മന് തുടങ്ങിയവര്ക്ക് പരിക്കേറ്റു. കെപിസിസി വര്ക്കിംഗ് പ്രസിഡന്റ് ടിഎന് പ്രതാപനെ പോലീസ് കൈയറ്റം ചെയ്തു.
കലോത്സവത്തെ തുടക്കം മുതല് അലങ്കോലപ്പെടുത്താനാണ് എസ്എഫ്ഐക്കാര് ശ്രമിച്ചത്. അതിന് കൂട്ടുനില്ക്കാന് പോലീസും. ഭരണത്തിന്റെ തണലില് പോലീസ് നടത്തുന്ന നരനായാട്ടിന് ഇന്നല്ലെങ്കില് നാളെ അവര് മറുപടി പറയേണ്ടി വരും. കുട്ടികളുടെ ചോര മണക്കുന്നവരാണ് അധികാരസ്ഥാനങ്ങളിലിരിക്കുന്നത്. അവര് എന്നും അവിടെ ഉണ്ടാകില്ലെന്ന് പൊലീസുകാര് ഓര്ത്തിരിക്കണമെന്ന് സുധാകരന് പറഞ്ഞു.
വയനാട് പൂക്കോട് വെറ്ററിനറി കോളജില് സിദ്ധാര്ത്ഥിന്റെ ജീവനെടുത്ത എസ്എഫ് ഐക്കാരുടെ ചോരക്കൊതി കോട്ടയത്ത് ഗവ മെഡിക്കല് കോളജിലെ വിദ്യാര്ത്ഥികളുടെ ജീവിതം തുലയ്ക്കുന്ന സാഹചര്യമുണ്ടായി. സിപിഎമ്മുമായി ബന്ധമുള്ള കേരള ഗവ സ്റ്റുഡന്റ്സ് നഴ്സസ് അസോസിയേഷന് ഭാരവാഹികളാണ് ഒന്നാം വര്ഷ വിദ്യാര്ത്ഥികളെ റാഗ് ചെയ്ത് മൃതപ്രായമാക്കിയത്. കട്ടിലില് ബലമായി കിടത്തി കയ്യും കാലും തോര്ത്തുകൊണ്ട് കെട്ടി ലോഷനൊഴിച്ച് ദേഹത്തുകയറിയിരുന്ന് ശരീരമാസകലം വരഞ്ഞ് മുറവേല്പ്പിച്ചു. വേദനിച്ചു കരഞ്ഞവരുടെ വായില് ലോഷന് ഒഴിച്ചു. ശബ്ദം പുറത്തുവന്നാല് കൊല്ലുമെന്ന് ഭീഷണിപ്പെടുത്തി. എസ്എഫ് ഐക്കാര്ക്ക് മദ്യപിക്കാന് പണം നല്കിയില്ലെങ്കില് അതിനു വേറെ മര്ദനം. വാനര സേനപോലും ലജ്ജിക്കുന്ന രീതിയിലാണ് എസ്എഫ്ഐയുടെ പ്രവര്ത്തനമെന്ന് സുധാകരന് ചൂണ്ടിക്കാട്ടി.
എസ്എഫ്ഐയുടെ കാടത്തത്തിനെതിരേ ശക്തമായ പ്രതിഷേധം ഉണ്ടാകും. ഇത്തരം കാപാലികരെ അഴിച്ചുവിടുന്ന നേതൃത്വമാണ് ഇതിന്റെ ഉത്തരവാദികള്. അവര്ക്കെതിരേയാണ് പൊലീസ് നടപടിയും പാര്ട്ടി നടപടിയും ഉണ്ടാകേണ്ടതെന്ന് സുധാകരന് ചൂണ്ടിക്കാട്ടി.
kerala
പരപ്പനങ്ങാടിയില് ഒഴുക്കില്പെട്ട് കാണാതായ 17കാരന്റെ മൃതദേഹം കണ്ടെത്തി
മലപ്പുറം പരപ്പനങ്ങാടിയില് ഒഴുക്കില്പെട്ട് കാണാതായ പതിനേഴുകാരന്റെ മൃതദേഹം കടലില് നിന്ന് കണ്ടെത്തി.

മലപ്പുറം പരപ്പനങ്ങാടിയില് ഒഴുക്കില്പെട്ട് കാണാതായ പതിനേഴുകാരന്റെ മൃതദേഹം കടലില് നിന്ന് കണ്ടെത്തി. തൃശൂര് അഴീക്കോട് ബീച്ചില് നിന്നുമാണ് മൃതദ്ദേഹം കണ്ടെത്തിയത്. താനൂര് സ്വദേശി ജൂറൈജാണ് മരിച്ചത്.
ബന്ധുക്കളെത്തി മൃതദേഹം തിരിച്ചറിഞ്ഞു. കഴിഞ്ഞ ബുധനാഴ്ചയാണ് പരപ്പനങ്ങാടിയില് പുഴയില് കുളിക്കുന്നതിനിടെ വിദ്യാര്ത്ഥി ഒഴുക്കില്പ്പെട്ടത്.
എന്ഡിആര്എഫ്, ഫയര്ഫോഴ്സ് എന്നിവര്ക്ക് ഒപ്പം സന്നദ്ധ സംഘടനകളും നാട്ടുകാരും സ്വന്തം നിലക്ക് തിരച്ചില് നടത്തിയിരുന്നു. ശക്തമായ അടി ഒഴുക്കും പാറ കുഴികളും നിറഞ്ഞതിനാല് രക്ഷാപ്രവര്ത്തനം ദുഷ്കരമാക്കുകയായിരുന്നു.
kerala
മലപ്പുറത്ത് തെരുവ നായ ഇടിച്ച് ഓട്ടോ മറിഞ്ഞു; ഡ്രൈവര് മരിച്ചു
വെള്ളില സ്വദേശി നൗഫല് ആണ് മരിച്ചത്.

മലപ്പുറം: മലപ്പുറത്ത് തെരുവ് നായ ഇടിച്ച് ഓട്ടോ മറിഞ്ഞ് ഡ്രൈവര് മരിച്ചു. വെള്ളില സ്വദേശി നൗഫല് ആണ് മരിച്ചത്. മലപ്പുറം മങ്കട കര്ക്കിടകത്താണ് അപകടം.
ഇന്ന് രാവിലെയായിരുന്നു അപകടമുണ്ടായത്. തെരുവ് നായ ഇടിച്ചതൊടെ ഓട്ടോറിക്ഷ നിയന്ത്രണം വിട്ട് മറിയുകയായിരുന്നു. ഓട്ടോയിലെ യാത്രക്കാര്ക്ക് പരിക്കേറ്റു. തലയടിച്ചു വീണാണ് നൗഫല് മരണപ്പെട്ടത്. മൃതദേഹം മഞ്ചേരി മെഡിക്കല് കോളജ് ആശുപത്രിയിലേക്ക് മാറ്റി.
kerala
കൂടരഞ്ഞി ഇരട്ടക്കൊലപാതകം; കൊല്ലപ്പെട്ടയാളുടെ രേഖാചിത്രം പുറത്തുവിട്ടു
കോഴിക്കോട് കൂടരഞ്ഞിയില് 39 വര്ഷങ്ങള്ക്ക് മുമ്പ് ഇരട്ട കൊലപാതകം നടത്തിയെന്ന പ്രതിയുടെ വെളിപ്പെടുത്തലില് കൊല്ലപ്പെട്ടയാളുടെ രേഖാചിത്രം പുറത്തുവിട്ടു.

കോഴിക്കോട് കൂടരഞ്ഞിയില് 39 വര്ഷങ്ങള്ക്ക് മുമ്പ് ഇരട്ട കൊലപാതകം നടത്തിയെന്ന പ്രതിയുടെ വെളിപ്പെടുത്തലില് കൊല്ലപ്പെട്ടയാളുടെ രേഖാചിത്രം പുറത്തുവിട്ടു. വീട്ടുടമ ചിത്രം സ്ഥിരീകരിച്ചു. പ്രതിയുമായുള്ള ചോദ്യം ചെയ്യലില് നിന്ന് ലഭിച്ച വിവരമനുസരിച്ച് മുന് പോലീസ് ഉദ്യോഗസ്ഥന് പ്രേംദാസാണ് രേഖാചിത്രം വരച്ചത്.
പ്രതിയുടെ വെളിപ്പെടുത്തല് അന്വേഷിക്കാന് ഏഴംഗ ക്രൈം സ്ക്വാഡ് രൂപീകരിച്ചിരുന്നു. വെള്ളയില് കൊലപാതകത്തില് മുഹമ്മദലിക്ക് ഒപ്പമുണ്ടായിരുന്നയാളെ കണ്ടെത്താനുള്ള ശ്രമം പൊലീസ് ആരംഭിച്ചിരുന്നു. 1989ല് കോഴിക്കോട് വെള്ളയില് ബീച്ചില് വെച്ച് യുവാവിനെ കൊലപ്പെടുത്തി എന്ന് മുഹമ്മദലി വെളിപ്പെടുത്തിയിരുന്നു. ഇതിന് സുഹൃത്ത് ബാബുവിന്റെ സഹായം ലഭിച്ചതായും മൊഴിയിലുണ്ട്. 1989 സെപ്തംബര് 24 ന് കടപ്പുറത്ത് യുവാവ് മരിച്ചിരുന്നു. എന്നാല് മരിച്ചത് ആരെന്ന് തിരിച്ചറിയാന് കഴഞ്ഞില്ല. മുഹമ്മദലിയുടെ മൊഴിയുടെ അടിസ്ഥാനത്തില് പോലീസ് ഈ കേസ് വീണ്ടും അന്വേഷിക്കുന്നുണ്ട്.
ഈ കേസില് അന്വേഷണം പുരോഗമിക്കുന്നതിനിടെയായിരുന്നു 39 വര്ഷം മുമ്പ് കൂടരഞ്ഞിയില് വച്ച് യുവാവിനെ കൊലപ്പെടുത്തി എന്ന് കൂടി മുഹമ്മദലി വെളിപ്പെടുത്തിയത്. കൂടരഞ്ഞിയിലെ തോട്ടിന് സമീപത്തി തെളിവെടുപ്പ് നടത്തി അങ്ങനെ ഒരാള് അന്ന് തോട്ടില് വീണു മരിച്ചിട്ടുണ്ടെന്ന് പൊലീസ് സ്ഥിരീകരിച്ചു. എന്നാല് കൊല്ലപ്പെട്ടതാരാണെന്ന് ഇതുവരെ തിരിച്ചറിഞ്ഞിട്ടില്ല.
-
kerala2 days ago
മലക്കം മറിഞ്ഞ് മന്ത്രി; പ്രതിഷേധം ശക്തമായപ്പോള് സ്കൂള് സമയമാറ്റത്തില് ചര്ച്ചക്ക് തയ്യാറാണെന്ന് മന്ത്രി ശിവന്കുട്ടി
-
kerala2 days ago
നിമിഷ പ്രിയയുടെ മോചന ഫണ്ടിലേക്ക് ഒരു കോടി രൂപ നൽകും: ബോബി ചെമ്മണ്ണൂർ
-
india2 days ago
കരാര് സംബന്ധിച്ച് തീരുമാനമായില്ല; ഐഎസ്എല് അനിശ്ചിതകാലത്തേക്ക് നീട്ടി
-
kerala3 days ago
കൈക്കൂലിക്കേസ്; പാലക്കാട് ഫയര് സ്റ്റേഷന് ഓഫീസര്ക്ക് സസ്പെന്ഷന്
-
kerala2 days ago
കാസർഗോഡിന് പിന്നാലെ കണ്ണൂരിലും സ്കൂളിൽ പാദപൂജ; റിപ്പോർട്ട് തേടി മന്ത്രി വി. ശിവൻകുട്ടി
-
kerala2 days ago
അമിത് ഷാ പങ്കെടുത്ത ബി.ജെ.പിയുടെ ഓഫിസ് ഉദ്ഘാടനത്തില് പങ്കെടുക്കാതെ സുരേഷ്ഗോപി
-
kerala3 days ago
എ.പി ഉണ്ണികൃഷ്ണന് മാധ്യമ പുരസ്കാരം ലുഖ്മാന് മമ്പാടിന് സമ്മാനിച്ചു
-
kerala2 days ago
‘സമരത്തിന്റെ പേരിൽ നടന്നത് കോപ്രായം’; എസ്എഫ്ഐ യൂണിവേഴ്സിറ്റി സമരത്തെ വിമർശിച്ച് ഓർത്തഡോക്സ് സഭാധ്യക്ഷൻ