Connect with us

kerala

കോട്ടയത്ത് ദൃശ്യം മോഡല്‍ കൊല; വീടിന്റെ തറ പൊളിച്ചപ്പോള്‍ യുവാവിന്റെ മൃതദേഹം

ബിന്ദുകുമാറിനെ സുഹൃത്തായ മുത്തുകുമാര്‍ കൊലപ്പെടുത്തിയെന്നാണ് പോലീസിന്റെ നിഗമനം.

Published

on

കോട്ടയത്ത് ദൃശ്യം മോഡല്‍ കൊലപാതകം. ചങ്ങനാശേരിയില്‍ വീടിന്റെ തറ തുരന്ന് യുവാവിന്റെ മൃതദേഹം കണ്ടെത്തി. യുവാവിനെ കൊലപ്പെടുത്തി വീടിന്റെ തറ തുരന്ന് കുഴിച്ചിട്ടെന്ന് സംശയത്തിന്റെ അടിസ്ഥാനത്തില്‍ നടത്തിയ പരിശോധനയിലാണ് മൃതദേഹം കണ്ടെത്തിയത്.

ചങ്ങനാശ്ശേരി എസി റോഡില്‍ രണ്ടാം പാലത്തിന് സമീപത്തെ ഒരു വീടിന്റെ തറ തുറന്ന് പരിശോധന നടത്തിയപ്പോഴാണ്  മൃതദേഹം കണ്ടെത്തിയത്.

മൃതദേഹം ആലപ്പുഴയില്‍ നിന്ന് കാണാതായ ബിന്ദുകുമാറി(41 വയസ്)ന്റേതാണെന്നാണ് പോലീസിന്റെ സംശയം. എന്നാല്‍ ശാസ്ത്രീയ പരിശോധനയ്ക്ക് ശേഷം മാത്രമേ ബിന്ദു കുമാറിന്റെ മൃതദേഹമാണെന്ന കാര്യം സ്ഥിരീകരിക്കാനാവൂ എന്ന് പോലീസ് അറിയിച്ചു. ബിന്ദുകുമാറിനെ സുഹൃത്തായ മുത്തുകുമാര്‍ കൊലപ്പെടുത്തിയെന്നാണ് പോലീസിന്റെ നിഗമനം.

ബിന്ദുകുമാറിനെ കാണാനില്ലെന്ന് കാണിച്ച് ഇയാളുടെ മാതാവ് പൊലീസില്‍ പരാതി നല്‍കിയിരുന്നത്. കാണാതായ യുവാവിന്റെ ബൈക്ക് പോലീസ് നേരത്തെ കണ്ടെത്തിയിരുന്നു. വാകത്താനത്തിന് അടുത്തുള്ള തോട്ടില്‍ നിന്നാണ് കണ്ടെത്തിയത്. തുടര്‍ന്ന് നടത്തിയ പരിശോധനയിലാണ് പൊലീസ് ചങ്ങനാശ്ശേരിയില്‍ എത്തിയത്.

kerala

സംസ്ഥാന സര്‍ക്കാറിനെ താഴെയിറക്കാന്‍ മോദിക്ക് 5 മിനിറ്റ് പോലും വേണ്ടെന്ന് കെ സുരേന്ദ്രന്‍

കെ.ടി ജയകൃഷ്ണന്‍ അനുസ്മരണ യോഗത്തിലാണ് ഭീഷണിയുമായി കെ സുരേന്ദ്രന്‍ രംഗത്തെത്തിയത്.

Published

on

സംസ്ഥാന സര്‍ക്കാരിനെതിരെ ഭീഷണിയുമായി ബിജെപി അധ്യക്ഷന്‍ കെ സുരേന്ദ്രന്‍. കെ.ടി ജയകൃഷ്ണന്‍ അനുസ്മരണ യോഗത്തിലാണ് ഭീഷണിയുമായി കെ സുരേന്ദ്രന്‍ രംഗത്തെത്തിയത്.

വേണ്ടിവന്നാല്‍ സര്‍ക്കാരിനെ വലിച്ചു താഴെ ഇടുമെന്ന് അദ്ദേഹം പറഞ്ഞു. മോദിക്ക് സര്‍ക്കാറിനെ താഴെ ഇറക്കാന്‍ 5 മിനിറ്റ് പോലും സമയം വേണ്ടെന്നും ബിജെപി അയച്ച ഗവര്‍ണര്‍ ആണ് ആരിഫ് മുഹമ്മദ് ഖാന്‍ എന്ന് ഓര്‍മ്മ വേണമെന്നും അദ്ദേഹം പറഞ്ഞു.

Continue Reading

kerala

മുഖ്യമന്ത്രിയും സംഘവും ലണ്ടനില്‍ താമസിക്കാന്‍ ചെലവിട്ടത് 43.14 ലക്ഷം രൂപ

വിമാനയാത്ര ഒഴിച്ചുള്ള കണക്കാണ് നിലവില്‍ പുറത്തുവന്നിരിക്കുന്നത്.

Published

on

കഴിഞ്ഞ ഒക്ടോബറില്‍ മുഖ്യമന്ത്രിയും സംഘവും ലണ്ടനില്‍ തങ്ങിയപ്പോള്‍ ഹോട്ടല്‍ താമസത്തിനും ഭക്ഷണത്തിനും നഗര യാത്രകള്‍ക്കുമായി ആകെ ചെലവിട്ടത് 43.14 ലക്ഷം രൂപ.

ലണ്ടന്‍ ഹൈ കമ്മീഷനില്‍ നിന്ന് വിവരാവകാശ നിയമപ്രകാരം ആവശ്യപ്പെട്ടപ്പോഴാണ് ഇക്കാര്യം പുറത്തുവന്നത്. ഹോട്ടല്‍ താമസത്തിന് 18.54 ലക്ഷം രൂപയും യാത്രകള്‍ക്കായി 22.38 ലക്ഷം രൂപയും വിമാനത്താവളത്തിലെ ലോഞ്ചിലെ ഫീസ് ആയി 2.21 ലക്ഷം രൂപയുമാണ് ചിലവായത്. ലണ്ടനിലെ ഇന്ത്യന്‍ ഹൈ കമ്മീഷന്‍ ആണ് ഈ തുക ചെലവഴിച്ചത് പിന്നീട് അത് സംസ്ഥാന സര്‍ക്കാരില്‍ നിന്ന് കൈപ്പറ്റുകയും ചെയ്തു.

മുഖ്യമന്ത്രി പിണറായി വിജയന്‍, മന്ത്രിമാരായ വി ശിവന്‍കുട്ടി, പി രാജീവ്, വീണ ജോര്‍ജ്, ആസൂത്രണ ബോര്‍ഡ് വൈസ് ചെയര്‍മാന്‍ വി കെ രാമചന്ദ്രന്‍, ചീഫ് സെക്രട്ടറി വി പി ജോയ്, ഓഫീസര്‍ ഓണ്‍ സപെഷ്യല്‍ ഡ്യൂട്ടി വേണു രാജാമണി, വ്യവസായ സെക്രട്ടറി സുമന്‍ ബില്ല, പൊതു വിദ്യാഭ്യാസ സെക്രട്ടറി എ പി എം മുഹമ്മദ് ഹനീഷ്, മുഖ്യമന്ത്രിയുടെ പി എ സുനീഷ് എന്നിവരാണ് ഔദ്യോഗിക സംഘത്തില്‍ ഉണ്ടായിരുന്നത്. കുടുംബാംഗങ്ങളും ഒപ്പം ഉണ്ടായിരുന്നു.

വിമാനയാത്ര ഒഴിച്ചുള്ള കണക്കാണ് നിലവില്‍ പുറത്തുവന്നിരിക്കുന്നത്. ഒക്ടോബര്‍ 2 മുതല്‍ 12 വരെയായിരുന്നു ലണ്ടന്‍ സന്ദര്‍ശനം.

Continue Reading

kerala

ഗവിയിലേക്കു പോവാം കെഎസ്ആര്‍ടിസിയില്‍; ടൂറിസം പാക്കേജിനു തുടക്കം

മലയാളികള്‍ക്ക് ഏറെ ഇഷ്ടമുള്ള സ്ഥലമാണ് പത്തനംതിട്ട ഗവി.

Published

on

മലയാളികള്‍ക്ക് ഏറെ ഇഷ്ടമുള്ള സ്ഥലമാണ് പത്തനംതിട്ട ഗവി. പക്ഷെ യാത്രയും താമസവുമെല്ലാം സാധാരണക്കാര്‍ക്ക് പലപ്പോഴും മനോഹരമായ ഗവി ഒരു സ്വപ്നമാകുന്നു. ഇതിനൊരു പരിഹാരമായിരിക്കുകയാണ്. പത്തനംതിട്ടയില്‍ നിന്ന് ഗവിയിലേക്കുള്ള കെഎസ്ആര്‍ടിസിയുടെ വിനോദയാത്രാ പാക്കേജിന്റെ ഉദ്ഘാടനം കഴിഞ്ഞ ദിവസം മന്ത്രി വീണ ജോര്‍ജ് നിര്‍വഹിച്ചു.

ബജറ്റ് ടൂറിസം പ്രോജക്ടിന്റെ ഭാഗമായി ദിവസവും മൂന്ന് കെഎസ്ആര്‍ടിസി ബസുകളാണ് കേരളത്തിലെ പല ഡിപ്പോകളില്‍ നിന്നായി സര്‍വീസ് നടത്തുന്നത്. തിരുവനന്തപുരം, എറണാകുളം, കോഴിക്കോട് എന്നിവിടങ്ങളില്‍ നിന്നുള്ളവരെ പത്തനംതിട്ടയിലെത്തിച്ച് ഇവിടെ നിന്നുള്ള ബസിലാണ് ഗവിയിലേക്ക് കൊണ്ടുപോകുക.

പത്തനംതിട്ടയില്‍ നിന്നും പുറപ്പെടുന്ന യാത്രയ്ക്ക് പ്രവേശനഫീസ്, ബോട്ടിംഗ്, ഉച്ചഊണ്, യാത്രാ നിരക്ക് ഉള്‍പ്പെടെ 1300 രൂപയാണ്. ജില്ലയിലെ പ്രധാന അണക്കെട്ടുകളായ മൂഴിയാര്‍, കക്കി, ആനത്തോട്, പമ്പ, ഗവി തുടങ്ങിയവയും മൊട്ടക്കുന്നുകളും പുല്‍മൈതാനങ്ങളും അടങ്ങിയ പ്രകൃതിയുടെ മനോഹാരിതയും കാനനഭംഗിയും ആസ്വദിച്ച് ഗവിയില്‍ എത്താം. തുടര്‍ന്ന് ബോട്ടിംഗും ഉച്ച ഊണും കഴിഞ്ഞ് വണ്ടിപ്പെരിയാര്‍ വഴി പാഞ്ചാലിമേടും കണ്ട് തിരിച്ച് പത്തനംതിട്ടയില്‍ എത്തുന്നതാണ് പാക്കേജ്. ദിവസവും രാവിലെ ഏഴിന് പത്തനംതിട്ടയില്‍ നിന്ന് യാത്ര തുടങ്ങും. രാത്രി എട്ടരയോടെ മടങ്ങിയെത്തും. നിലവില്‍ ഗവിയിലേക്ക് രണ്ട് ഓര്‍ഡിനറി സര്‍വീസ് പത്തനംതിട്ടയില്‍ നിന്നും ദിവസവുമുണ്ട്. രാവിലെ അഞ്ചരയ്ക്കും ആറരയ്ക്കും. ഈ സര്‍വീസിന് മാറ്റമില്ല

അതേസമയം പത്തനംതിട്ട കെഎസ്ആര്‍ടിസി ഡിപ്പോയില്‍ രാത്രി താമസത്തിനുള്ള സൗകര്യം ഒരുക്കും. ശബരിമല തീര്‍ഥാടകര്‍ക്കും മറ്റ് യാത്രക്കാരും ഉള്‍പ്പെടെ മുപ്പത്തിയേഴ് പേര്‍ക്ക് രാത്രി താമസിക്കാനുള്ള ഡോര്‍മിറ്ററി സൗകര്യങ്ങളും ഉടന്‍ ഒരുക്കും.

Continue Reading

Trending