കോഴിക്കോട് കൊയിലാണ്ടിയില്‍ ഭര്‍ത്താവ് ഭാര്യയെ കൊലപ്പെടുത്തിയതിനു ശേഷം പൊലീസ് സ്‌റ്റേഷനില്‍ കീഴടങ്ങി. ലേഖ (42)നെയാണ് ഭര്‍ത്താവ് രവീന്ദ്രന്‍ കഴുത്ത് ഞെരിച്ച് കൊലപ്പെടുത്തിയത്. വിവരം അറിഞ്ഞ് വീട്ടിലെത്തിയ പൊലീസ് മൃതദേഹം കൊയിലാണ്ടി താലൂക്ക് ആശുപത്രിയിലേക്ക് മാറ്റി. പോസ്റ്റ്‌മോര്‍ട്ടത്തിനു ശേഷം മൃതദേഹം ബന്ധുക്കള്‍ക്ക് കൈമാറും.
കൊല നടത്താന്‍ പ്രതിയെ മറ്റാരെങ്കിലും സഹായിച്ചിട്ടുണ്ടൊയെന്നും അന്വേഷിച്ച് വരികയാണ്. എന്നാല്‍ താന്‍ തനിയെയാണ് കൃത്യം ചെയ്തതെന്നാണ് ഇയാള്‍ പൊലീസില്‍ മൊഴി നല്‍കിയിരിക്കുന്നത്.