Connect with us

Culture

കുമ്മനത്തിന് സമാധാന സന്ദേശമോതി ബിനോയ് വിശ്വം; വേദിയില്‍ നിന്നിറങ്ങി കുമ്മനം

Published

on

വര്‍ക്കല: ബിജെപി സംസ്ഥാന അധ്യക്ഷന്‍ കുമ്മനംരാജശേഖരനെ വേദിയിലിരുത്തി സമാധാനത്തിന്റെ പ്രാധാന്യത്തെക്കുറിച്ച് സിപിഐ നേതാവ് ബിനോയ് വിശ്വത്തിന്റെ പ്രസംഗം. എന്നാല്‍ പ്രസംഗം അവസാനിക്കുന്നതിന് മുമ്പ് കുമ്മനം വേദിയില്‍ നിന്ന് ഇറങ്ങിപ്പോകുകയായിരുന്നു. വര്‍ക്കലയിലെ ശിവഗിരി തീര്‍ത്ഥാടനത്തിന്റെ ഭാഗമായി ‘സംഘര്‍ഷമില്ലാത്ത സംഘടന പ്രവര്‍ത്തനം’ എന്ന പരിപാടിയിലാണ് സംഭവം.

സംഘര്‍ഷത്തിലൂടെയുള്ള രാഷ്ട്രീയം വിട്ട് ചര്‍ച്ചയിലൂടെ സമാധാനത്തില്‍ എത്തിച്ചേരാനാണ് കുമ്മനത്തോട് ബിനോയ് വിശ്വം പറഞ്ഞത്. എന്നാല്‍ ബിനോയ് വിശ്വം സംസാരിച്ചുകൊണ്ടിരിക്കുന്നതിനിടെ കുമ്മനം വേദിയില്‍ നിന്ന് ഇറങ്ങിപ്പോകുകയായിരുന്നു. ബിനോയ് വിശ്വത്തിന് മുമ്പ് സംസാരിച്ച സിപിഎം സംസ്ഥാന സെക്രട്ടറി കോടിയേരി ബാലകൃഷ്ണനും അക്രമങ്ങള്‍ ഇല്ലാതാക്കാന്‍ രാഷ്ട്രീയപാര്‍ട്ടികള്‍ തുറന്നചര്‍ച്ചക്ക് തയ്യാറാകണമെന്ന് ആവശ്യപ്പെട്ടിരുന്നു. എന്നാല്‍ അതിനും മറുപടി പ്രസംഗത്തില്‍ പ്രതികരിക്കാന്‍ കുമ്മനം തയ്യാറായില്ല. തുടര്‍ന്നായിരുന്നു ബിനോയ് വിശ്വം പ്രസംഗം ആരംഭിച്ചത്.

സംഘടനകൊണ്ട് ശക്തരാകൂ എന്നാണ് ഗുരുവിന്റെ ആശയമെന്ന് ബിനോയ് വിശ്വം പറഞ്ഞു. ഇന്ന് നടക്കുന്ന കൊലപാതക രാഷ്ട്രീയവും സംഘര്‍ഷ രാഷ്ട്രീയവും അവസാനിപ്പിക്കണമെന്നും അദ്ദേഹം ആവശ്യപ്പെട്ടു. കൊലപാതക രാഷ്ട്രീയം ജനങ്ങളെ പരാജയപ്പെടുത്തുമെന്നും അതുകൊണ്ടുതന്നെ സമാധാന ചര്‍ച്ചകള്‍ക്ക് ബിജെപി തയാറാകണം. അതിനുവേണ്ടി ഒരു മധ്യസ്ഥതയില്‍ ഏര്‍പ്പെടാന്‍ പാര്‍ട്ടി തയ്യാറാണെന്നും ബിനോയ് വിശ്വം കൂട്ടിച്ചേര്‍ത്തു.

Continue Reading
Advertisement
Click to comment

Leave a Reply

Your email address will not be published. Required fields are marked *

Culture

IFFK 2022: സമകാലിക ജീവിത കാഴ്ചകളുമായി വനിതാ സംവിധായകരുടെ 32 ചിത്രങ്ങള്‍

ലോകമെങ്ങുമുള്ള സ്ത്രീകളുടെ സമകാലിക ജീവിതക്കാഴ്ചയുമായി രാജ്യാന്തര മേളയില്‍ വനിതാ സംവിധായകരുടെ 32 ചിത്രങ്ങള്‍.

Published

on

ലോകമെങ്ങുമുള്ള സ്ത്രീകളുടെ സമകാലിക ജീവിതക്കാഴ്ചയുമായി രാജ്യാന്തര മേളയില്‍ വനിതാ സംവിധായകരുടെ 32 ചിത്രങ്ങള്‍. അന്താരാഷ്ട്ര മത്സര വിഭാഗത്തിലെ ഉക്രൈന്‍ ചിത്രം ക്ലൊണ്ടൈക്കും വിയറ്റ്‌നാം ചിത്രം മെമ്മറിലാന്‍ഡും ഉള്‍പ്പടെ 17 രാജ്യങ്ങളിലെ വനിതകളുടെ ചിത്രങ്ങളാണ് മേളയില്‍ പ്രദര്‍ശിപ്പിക്കുന്നത് .

ലോക സിനിമ വിഭാഗത്തിലെ 25 ചിത്രങ്ങളും, 19(1)(മ) എന്ന ഇന്ദു വി എസ് ചിത്രം, ഫ്രീഡം ഫൈറ്റ് എന്ന ആന്തോളജിയുടെ ഭാഗമായ കുഞ്ഞില മാസിലാമണി ചിത്രം അസംഘടിതര്‍ എന്നീ രണ്ട് മലയാള ചിത്രങ്ങളും ഓറ്റര്‍ ഓട്‌സ് വിഭാഗത്തിലെ ബോത്ത് സൈഡ്‌സ് ഓഫ് ദി ബ്ലേഡ് /ഫയര്‍ ,കലെയ്‌ഡോസ്‌കോപ്പ് വിഭാഗത്തിലെ നന്ദിതാ ദാസ് ചിത്രം സ്വിഗാറ്റോ,ബേലാ താറിനൊപ്പം ആഗ്‌നസ് റെനസ്‌കി സംവിധാനം ചെയ്ത ദ ട്യൂറിന്‍ ഹോഴ്‌സ് ,വെര്‍ക്ക്മീസ്റ്റര്‍ ഹാര്‍മണീസ് തുടങ്ങിയ ചിത്രങ്ങളാണ് വനിതകള്‍ ഒരുക്കിയിരിക്കുന്നത് .

ഉക്രൈനിലെ സ്ത്രീകളുടെ ജീവിത യാഥാര്‍ഥ്യങ്ങളാണ് ലോക സിനിമാ വിഭാഗത്തില്‍ പ്രദര്‍ശിപ്പിക്കുന്ന മറീന എര്‍ ഗോര്‍ബച് ചിത്രം ക്ലൊണ്ടൈക്ക് പ്രമേയമാക്കുന്നത് . മിയ ഹാന്‍സെന്‍ ലു ചിത്രം വണ്‍ ഫൈന്‍ മോര്‍ണിംഗ് , മറിയം തുസാനിയുടെ ദ ബ്ലൂ കഫ്താന്‍, മാരീ ക്രോയ്ട്‌സാ ,കോസ്റ്റാറിക്കന്‍ സംവിധായിക വാലന്റ്റീന മൗരേല്‍, അല്ലി ഹാപസലോ, കാര്‍ല സിമോണ്‍ , ജൂലിയ മുറാദ്, തുടങ്ങിയവരുടെ ചിത്രങ്ങളും മേളയില്‍ പ്രദര്‍ശിപ്പിക്കും .

Continue Reading

Culture

സംസ്ഥാന സ്കൂള്‍ കായികോത്സവത്തിന് ശനിയാഴ്ച തുടക്കം

ഡിസംബര്‍ മൂന്ന് മുതല്‍ ആറുവരെ തിരുവനന്തപുരം ചന്ദ്രശേഖരന്‍ നായര്‍ സ്റ്റേഡിയം, യൂണിവേഴ്സിറ്റി സ്റ്റേഡിയം എന്നിവിടങ്ങളിലാണ് മേള

Published

on

64-ാമത് സംസ്ഥാന സ്കൂള്‍ കായികോത്സവത്തിന് നാളെ തിരുവനന്തപുരത്ത് തുടക്കം. ഡിസംബര്‍ മൂന്ന് മുതല്‍ ആറുവരെ തിരുവനന്തപുരം ചന്ദ്രശേഖരന്‍ നായര്‍ സ്റ്റേഡിയം, യൂണിവേഴ്സിറ്റി സ്റ്റേഡിയം എന്നിവിടങ്ങളിലാണ് മേള.86 വ്യക്തിഗത ഇനങ്ങളും രണ്ട് ക്രോസ് കണ്‍ട്രി മത്സരങ്ങളും 10 ടീം ഇനങ്ങളും ഉള്‍പ്പെടെ 98 ഇനങ്ങളിലാണ് മത്സരങ്ങള്‍ നടക്കുന്നത്.

സബ് ജൂനിയര്‍, ജൂനിയര്‍, സീനിയര്‍ കാറ്റഗറികളിലായി 2737 മത്സരാര്‍ഥികളാണ് പങ്കെടുക്കുന്നത്. ഇതില്‍ 1443 ആണ്‍കുട്ടികളും, 1294 പെണ്‍കുട്ടികളും ഉള്‍പ്പെടുന്നു. 350 ഓളം ഒഫിഷ്യല്‍സും മേളയില്‍ പങ്കെടുക്കും. സ്കൂള്‍ കായികമേളയുടെ മുഴുവന്‍ മത്സരക്രമവും ഫലങ്ങളും തത്സമയം ലഭിക്കുന്നതിനുള്ള ഓണ്‍ലൈന്‍ സംവിധാനം കൈറ്റ് സജ്ജമാക്കി.മത്സര വേദികളിലെ തത്സമയ ഫലവും, മീറ്റ് റിക്കാര്‍ഡുകളും www.sports.kite.kerala.gov.in എന്ന പോര്‍ട്ടലിലൂടെ ലഭിക്കും.

Continue Reading

Culture

അന്തരാഷ്ട്ര ഡോക്യുമെന്ററി ഫെസ്റ്റിവല്‍ എന്‍ട്രികള്‍ ഡിസംബര്‍ 31 വരെ സ്വീകരിക്കുന്നു

ഇരുപതു മിനുട്ടില്‍ താഴെ ദൈര്‍ഘ്യമുള്ള ഡോക്യുമെന്ററികളാണ് മത്സരത്തിനായി പരിഗണിക്കുക.

Published

on

അന്തരിച്ച ചലച്ചിത്രകാരന്‍ കെ. ആര്‍. മോഹനന്റെ സ്മരണക്കായി ഇന്‍സൈറ്റ് ദ് ക്രിയേറ്റീവ് ഗ്രൂപ് നടത്തിവരുന്ന കെ. ആര്‍. മോഹനന്‍ മെമ്മോറിയല്‍ ഇന്റര്‍നാഷണല്‍ ഡോക്യുമെന്ററി ഫെസ്റ്റിവലിന്റെ ആറാമത് എഡിഷന്‍ 2023 ഫെബ്രുവരി 19 നു ഞായറാഴ്ച പാലക്കാട് ലയണ്‍സ് സ്‌കൂളിലെ ഗോള്‍ഡന്‍ ജൂബിലി ഹാളില്‍ വച്ചു നടക്കും.

ഇരുപതു മിനുട്ടില്‍ താഴെ ദൈര്‍ഘ്യമുള്ള ഡോക്യുമെന്ററികളാണ് മത്സരത്തിനായി പരിഗണിക്കുക.

ഡോക്യുമെന്ററി/ചലച്ചിത്ര മേഖലയിലെ പ്രഗത്ഭര്‍ അടങ്ങുന്ന ജൂറി തിരഞ്ഞെടുക്കുന്ന ഡോക്യൂമെന്ററിക്കു പതിനായിരം രൂപയും ഫലകവും പ്രശസ്തിപത്രവും അടങ്ങുന്ന കെ. ആര്‍. മോഹനന്‍ മെമ്മോറിയല്‍ ഡോക്യുമെന്ററി അവാര്‍ഡ് സമ്മാനിക്കും. ‘മോഹനസ്മൃതി’ കെ. ആര്‍. മോഹനന്‍ അനുസ്മരണവും മേളയുടെ ഭാഗമായി നടക്കും.

മത്സര ഡോക്യൂമെന്ററികള്‍ ഡിസംബര്‍ 31 വരെ www.insightthecreativegroup.com എന്ന വെബ്സൈറ്റിലൂടെ സമര്‍പ്പിക്കാവുന്നതാണ്. കൂടുതല്‍ വിവരങ്ങള്‍ക്ക്: Phone 9446000373, 9496094153

 

Continue Reading

Trending