ലക്ഷദ്വീപ്: ലക്ഷദ്വീപ് കലക്ടറുടെ വിശദീകരണം ഐകകണ്ഠ്യേന തള്ളി ലക്ഷദ്വീപിലെ സര്വകക്ഷി യോഗം. ഓണ്ലൈന് വഴിലാണ് യോഗം ചേര്ന്നത്. ബിജെപി ഉള്പ്പെട്ട സര്വകക്ഷിയോഗമാണ് കലക്ടറുടെ വിശദീകരണം തള്ളിയത്. മറ്റന്നാള് വീണ്ടും യോഗം ചേര്ന്ന് സര്വകക്ഷികളും ഉള്ക്കൊണ്ട സ്റ്റിയറിങ് കമ്മിറ്റി രൂപീകരിക്കും.
ഒരിക്കല് കൂടി അഡ്മിനിസ്ട്രേറ്ററെ കണ്ട് വിയോജിപ്പുകള് അറിയിച്ച ശേഷം തുടര് പ്രക്ഷോഭങ്ങളിലേക്ക് കടക്കും. ജനങ്ങള്ക്കൊപ്പം നില്ക്കുമെന്ന നിലപാട് ലക്ഷദ്വീപ് ബിജെപി ആവര്ത്തിച്ചു.
ഇന്ന് കൊച്ചിയിലാണ് ലക്ഷദ്വീപ് കലക്ടര് വാര്ത്താസമ്മേളനം വിളിച്ച് വിശദീകരണം നടത്തിയത്. ലക്ഷദ്വീപിന്റെ വികസനത്തിനും ജനങ്ങളുടെ നന്മക്കുമാണ് പുതിയ പരിഷ്കാരമെന്നും കലക്ടര് വാദിച്ചു.