Connect with us

Culture

ലോ അക്കാദമി: ചര്‍ച്ച പാളി; സമരം തുടരും

Published

on

തിരുവനന്തപുരം: ലോ അക്കാദമിയിലെ സമരം അവസാനിപ്പിക്കാനായി വിദ്യാര്‍ത്ഥി സംഘടനാ നേതാക്കളുമായി മാനേജ്‌മെന്റ് നടത്തിയ ചര്‍ച്ച പരാജയപ്പെട്ടു. ലക്ഷ്മിനായരെ പ്രിന്‍സിപ്പല്‍ സ്ഥാനത്ത് നിന്ന് തല്‍ക്കാലത്തേക്ക് മാറ്റിനിര്‍ത്താമെന്ന് യോഗത്തെ അറിയിച്ചുവെങ്കിലും എത്രകാലത്തേക്കായിരിക്കുമെന്ന വിദ്യാര്‍ത്ഥികളുടെ ചോദ്യത്തിന് മാനേജ്‌മെന്റ് ഒരു ഉറപ്പും നല്‍കാത്തതാണ് ചര്‍ച്ച പരാജയപ്പെടാന്‍ കാരണം. പ്രിന്‍സിപ്പല്‍ രാജിവെച്ചേ മതിയാകൂവെന്ന ആവശ്യത്തില്‍ വിദ്യാര്‍ത്ഥി പ്രതിനിധികള്‍ ഉറച്ചുനിന്നതോടെ രണ്ട് തവണയായി നടന്ന ചര്‍ച്ച പരാജയപ്പെടുകയായിരുന്നു.

എസ്.എഫ്.ഐ നേതാക്കള്‍ മാത്രമാണ് രാജി ആവശ്യത്തില്‍ നിര്‍ബന്ധം പിടിക്കാതിരുന്നത്. സമരം തുടരുമെന്ന് വിദ്യാര്‍ത്ഥി സംഘടനകള്‍ അറിയിച്ചു. വിഷയത്തില്‍ സര്‍ക്കാറിന്റെ തീരുമാനം ഇന്നുണ്ടാകുമെന്ന് വിദ്യാഭ്യാസ മന്ത്രി സി. രവീന്ദ്രനാഥും അറിയച്ചു. സമരത്തിന് മുന്നില്‍ സര്‍ക്കാര്‍ പോലും അടിപതറുന്ന സാഹചര്യത്തിലാണ് ഡയരക്ടര്‍ ബോര്‍ഡ് വിദ്യാര്‍ത്ഥികളുമായി ചര്‍ച്ചക്ക് തയാറായത്. ഇന്നലെ രാത്രി എട്ടുമണിക്ക് ചര്‍ച്ചക്കെത്തിയ വിദ്യാര്‍ത്ഥികളില്‍ നിന്നും ആവശ്യങ്ങള്‍ ഡയരക്ടര്‍ ബോര്‍ഡ് എഴുതിവാങ്ങി. തുടര്‍ന്ന്, പ്രിന്‍സിപ്പല്‍ സ്ഥാനത്ത് നിന്നു തല്‍ക്കാലത്തേക്കു മാറിനില്‍ക്കാമെന്നും വൈസ് പ്രിന്‍സിപ്പലിനു അധികാരം കൈമാറുമെന്നും ലക്ഷ്മി നായര്‍ അഭിപ്രായപ്പെട്ടു. എന്നാല്‍, മാറിനില്‍ക്കുന്നത് എത്ര കാലത്തേക്കാണെന്ന് ലക്ഷ്മി നായര്‍ വ്യക്തമാക്കിയതുമില്ല. അതില്‍ പ്രതിഷേധിച്ച് എസ്.എഫ്.ഐ ഒഴികെയുള്ള സംഘടനാ നേതാക്കള്‍ ചര്‍ച്ചയില്‍ നിന്നിറങ്ങിപ്പോയി.

പിന്നാലെയെത്തിയ മാനേജ്‌മെന്റ് പ്രതിനിധികള്‍ എല്ലാവരെയും വീണ്ടും ചര്‍ച്ചക്ക് ക്ഷണിക്കുകയായിരുന്നു. പ്രിന്‍സിപ്പലിന്റെ രാജി ആവശ്യത്തില്‍ കുറഞ്ഞതൊന്നും തങ്ങള്‍ അംഗീകരിക്കില്ലെന്ന് അവര്‍ വ്യക്തമാക്കിയതോടെ രണ്ടു മണിക്കൂറോളും നീണ്ട ചര്‍ച്ച പരാജയപ്പെട്ടു. രണ്ടാംവട്ടവും പ്രതിഷേധവുമായി ഒരുമിച്ചിറങ്ങിയ വിദ്യാര്‍ത്ഥികളോടൊപ്പം പുറത്തിറങ്ങാന്‍ എസ്.എഫ്.ഐ പ്രതിനിധികള്‍ തുനിഞ്ഞില്ല. ഏറ്റവും അവസാനമാണ് അവര്‍ പുറത്തിറങ്ങിയത്. വിദ്യാര്‍ത്ഥി സംഘടനകളുടെ രണ്ടുവീതം പ്രതിനിധികളെയും അഞ്ചു വിദ്യാര്‍ത്ഥി പ്രതിനിധികളെയുമാണു ചര്‍ച്ചക്ക് വിളിച്ചിരുന്നത്.

 

അടുത്ത അധ്യായന വര്‍ഷം വരെ ലക്ഷ്മിനായരെ മാറ്റിനിര്‍ത്താമെന്ന നിലപാടാണ് മാനേജ്‌മെന്റ് യോഗത്തില്‍ സ്വീകരിച്ചത്. പകരം ചുമതല വൈസ് പ്രിന്‍സിപ്പല്‍ മാധവന്‍പോറ്റിക്ക് നല്‍കും. അധ്യാപികയായി ലക്ഷ്മി നായര്‍ തുടരുമെന്നും മാനേജ്‌മെന്റ് യോഗത്തെ അറിയിച്ചു.
എന്നാല്‍ ഇത് എം.എസ്.എഫ്, കെ.എസ്.യു, എ.ഐ.എസ്.എഫ്, എ.ബി.വി.പി പ്രതിനിധികള്‍ തള്ളി. ലക്ഷ്മി നായരെ മാറ്റിനിര്‍ത്തുന്ന കാര്യം ആലോചനയിലുണ്ടെന്ന് പിതാവും അക്കാദമി ഡയരക്ടറുമായ നാരായണന്‍ നായര്‍ യോഗത്തിനു മുമ്പ് മാധ്യമങ്ങളോട് പ്രതികരിച്ചതോടെ പ്രശ്‌നപരിഹാരത്തിന് വഴിതെളിയുമെന്ന സൂചന നല്‍കിയിരുന്നു. എന്നാല്‍ ലക്ഷ്മി നായര്‍ നിലപാടില്‍ ഉറച്ചുനിന്നതോടെ സാധ്യത അടയുകയായിരുന്നു.അതേസമയം ദളിത് വിദ്യാര്‍ ത്ഥിയെ ജാതിപ്പേര് വിളിച്ച് അപമാനിച്ചെന്ന പരാതിയില്‍ ലക്ഷ്മി നായര്‍ക്കെതിരെ പേരൂര്‍ക്കട പൊലീസ് ജാമ്യമില്ലാ വകുപ്പു പ്രകാരം കേസ് രജിസ്റ്റര്‍ ചെയ്തു.

Continue Reading
Advertisement
Click to comment

Leave a Reply

Your email address will not be published. Required fields are marked *

Film

‘മഞ്ഞുമ്മല്‍ ബോയ്‌സ്’ നിര്‍മാതാക്കള്‍ നടത്തിയത് സാമ്പത്തിക തട്ടിപ്പെന്ന് പൊലീസ് റിപ്പോര്‍ട്ട്; പരാതിക്കാരന് മുടക്കുമുതല്‍ പോലും തിരിച്ചു നല്‍കിയിട്ടില്ലെന്ന് അന്വേഷണ റിപ്പോര്‍ട്ട്‌

സാമ്പത്തിക തട്ടിപ്പ് കേസില്‍ നിര്‍മാതാക്കള്‍ സമര്‍പ്പിച്ച മുന്‍കൂര്‍ ജാമ്യാപേക്ഷ ഇന്ന് കോടതി പരിഗണിക്കും

Published

on

സാമ്പത്തിക തട്ടിപ്പ് പരാതിയില്‍ മഞ്ഞുമ്മല്‍ ബോയ്‌സ് സിനിമയുടെ നിര്‍മാതാക്കള്‍ക്കെതിരെ പൊലീസ് റിപ്പോര്‍ട്ട്. സിനിമാ നിര്‍മാതാക്കള്‍ സാമ്പത്തിക തട്ടിപ്പ് നടത്തിയെന്ന് പൊലീസ് റിപ്പോര്‍ട്ട്. പറവ ഫിലിംസ് നടത്തിയത് കരുതിക്കൂട്ടിയുള്ള ചതിയെന്നാണ് പൊലീസ് റിപ്പോര്‍ട്ട്. സിനിമയുടെ നിര്‍മാണത്തില്‍ പങ്കാളിയാക്കാമെന്നും ലാഭവിഹിതം നല്‍കാമെന്നും പറഞ്ഞ് പണം വാങ്ങിയെന്ന സിറാജ് വലിയത്തറ ഹമീദ് എന്നയാളുടെ പരാതിയിലാണ് പൊലീസിന്റെ റിപ്പോര്‍ട്ട്.

ഈ സിനിമയുടെ നിര്‍മാണത്തിനായി ഒരു രൂപ പോലും നിര്‍മാണ കമ്പനിയായ പറവ ഫിലിംസ് ചെലവഴിച്ചിട്ടില്ലെന്നും ഏഴു കോടി മുതല്‍മുടക്കിയ പരാതിക്കാരന് മുടക്കുമുതല്‍ പോലും തിരിച്ചുനല്‍കിയില്ലെന്നും അന്വേഷണ റിപ്പോര്‍ട്ടിലുണ്ട്. സാമ്പത്തിക തട്ടിപ്പ് കേസില്‍ നിര്‍മാതാക്കള്‍ സമര്‍പ്പിച്ച മുന്‍കൂര്‍ ജാമ്യാപേക്ഷ ഇന്ന് കോടതി പരിഗണിക്കും. ഒരു മാസത്തേക്ക് നിര്‍മാതാക്കളെ അറസ്റ്റ് ചെയ്യരുതെന്ന് കോടതി നേരത്തേ നിര്‍ദേശിച്ചിരുന്നു. തുടര്‍ന്ന് ഇക്കാര്യത്തില്‍ അന്വേഷണ റിപ്പോര്‍ട്ട് സമര്‍പ്പിക്കാനും ഉത്തരവിടുകയായിരുന്നു.

Continue Reading

Film

സംവിധായകൻ ഒമർ ലുലുവിനെതിരെ ലൈംഗികാതിക്രമ കേസ്

സിനിമയിൽ അവസരം വാഗ്ദാനം ചെയ്ത് നിരവധി തവണ തന്നെ ബലാത്സംഗം ചെയ്തതെന്ന് നടിയുടെ പരാതിയില്‍ പറയുന്നു

Published

on

മലയാള ചലച്ചിത്ര സംവിധായകൻ ഒമർ ലുലുവിനെതിരെ ബലാത്സംഗ കേസ്. യുവ നടിയുടെ പരാതിയിലാണ് കേസ് എടുത്തിരിക്കുന്നത്. സിനിമയിൽ അവസരം വാഗ്ദാനം ചെയ്ത് നിരവധി തവണ തന്നെ ബലാത്സംഗം ചെയ്തതെന്ന് നടിയുടെ പരാതിയില്‍ പറയുന്നു. സംഭവത്തില്‍ നെടുമ്പാശ്ശേരി പൊലീസ് നടിയുടെ മൊഴി രേഖപ്പെടുത്തി.

അതേസമയം, കേസിന് പിന്നിൽ വ്യക്തിവിരോധം ആണെന്നാണ് ഒമർ ലുലു പ്രതികരിച്ചത്. നടിയുമായി അടുത്ത സൗഹൃദം ഉണ്ടായിരുന്നുവെന്നും സൗഹൃദം ഉപേക്ഷിച്ചതിലുള്ള വിരോധമാണ് പരാതിക്ക് പിറകിലെന്നും ഒമർ ലുലു പറഞ്ഞു. പണം തട്ടിയെടുക്കാനുള്ള ബ്ലാക്മെയിലിംഗിന്‍റെ ഭാഗം കൂടിയാണ് പരാതിയെന്നും സംവിധായകൻ ആരോപിച്ചു.

Continue Reading

Film

ഗായകൻ ഹരിശ്രീ ജയരാജ് അന്തരിച്ചു

ഹൃദയാഘാതത്തെ തുടര്‍ന്നാണ് മരണം

Published

on

കൊച്ചി: ഗായകൻ ഹരിശ്രീ ജയരാജ് (54) ഹൃദയാഘാതത്തെ തുടർന്ന് അന്തരിച്ചു. ആലുവ അശോകപുരം സ്വദേശിയാണ്. ജയറാം നായകനായ ‘കുടുംബശ്രീ ട്രാവൽസ്’ സിനിമയിലെ ‘തപ്പും തകിലടി’ എന്ന ഗാനത്തിലൂടെയാണ് ഹരിശ്രീ ജയരാജ് പിന്നണി ഗാനരംഗത്തെത്തിയത്. മൂന്നു പതിറ്റാണ്ടായി സംഗീത മേഖലയിൽ പ്രവർത്തിക്കുന്ന ജയരാജ് കലാഭവൻ, ഹരിശ്രീ തുടങ്ങിയ പ്രമുഖ ട്രൂപ്പുകളിലും പ്രവർത്തിച്ചിട്ടുണ്ട്.

സംഗീത ലോകത്തെ സമഗ്ര സംഭാവനയ്‌ക്ക് നൽകുന്ന തിരുവനന്തപുരം ജെ.സി. ഡാനിയേൽ ഫൗണ്ടേഷൻ ഏർപ്പെടുത്തിയ ജെ.സി.ഡാനിയേൽ പുരസ്‌കാരം ജയരാജ് നേടിയിട്ടുണ്ട്. ആകാശവാണി തൃശൂർ, കൊച്ചി നിലയങ്ങളിൽ ലളിതഗാനത്തിന് ബി ഹൈഗ്രേഡ് നേടിയ ഹരിശ്രീ ജയരാജ്, ഒട്ടേറേ ഭക്തിഗാനങ്ങൾ പാടുകയും സംഗീത സംവിധാനം നിർവഹിക്കുകയും ചെയ്തു.

Continue Reading

Trending