ക്രിമിനൽ പോലീസിന് സംരക്ഷണം ഒരുക്കിയും സംഘ്പരിവാറിന് ഒത്താശ ചെയ്തും ഭരണം നടത്തുന്ന കേരള മുഖ്യമന്ത്രി പിണറായി വിജയന്റെ രാജി ആവശ്യപ്പെട്ട് യു.ഡി.വൈ.എഫ് സംസ്ഥാന സമിതി ഒക്ടോബർ 8ന് നടത്തിയ നിയമസഭ മാർച്ചിനെ തുടർന്ന് അന്യായമായി കേസ് ചാർജ് ചെയ്ത് യു.ഡി.വൈ.എഫ് നേതാക്കളെ പിണറായിയുടെ പോലീസ് ജയിലിടച്ചിരിക്കുന്നതിൽ പ്രതിഷേധിച്ച് കൊണ്ട് യു.ഡി.വൈ.എഫ് ജില്ല കമ്മിറ്റികളുടെ നേതൃത്വതിൽ പ്രതിഷേധ ജ്വാലകൾ സംഘടിപ്പിച്ചു.

യൂത്ത് ലീഗ് സംസ്ഥാന ജനറൽ സെക്രട്ടറി പി. കെ ഫിറോസ്, യൂത്ത് കോൺഗ്രസ് സംസ്ഥാന പ്രസിഡന്റ് രാഹുൽ മാങ്കൂട്ടത്തിൽ, യൂത്ത് ലീഗ് സംസ്ഥാന സെക്രട്ടറിമാരായ അഡ്വ. കാര്യറ നസീർ, ടിപിഎം ജിഷാൻ, ഫാത്തിമ തെഹ്ലിയ, കോഴിക്കോട് ജില്ല പ്രസിഡന്റ് മിസ്ഹബ് കീഴരിയൂർ ഉൾപ്പെടെ 37പേരാണ് ജാമ്യം നിഷേധിക്കപ്പെട്ട് തിരുവനന്തപുരത്ത് ജയിലിൽ കഴിയുന്നത്.

യു.ഡി.വൈ.എഫ് നിയമ സഭ മാർച്ചിൽ കേരളത്തിലെ യുവജനതയുടെ വികാരമാണ് മുഴങ്ങിയത്. ഇതിൽ വിറളി പൂണ്ടാണ് അന്യായമായി കേസ് ചാർജ് ചെയ്ത് നേതാക്കളെ പിണറായിയുടെ പോലീസ് ജയിലിടച്ചിരിക്കുന്നത്. ഇതിനെതിരെ സംസ്ഥാന വ്യാപകമായി പ്രതിഷേധം അലയടിക്കുകയാണ്.

‘ഓർമ്മയില്ലേ ഷുക്കൂറിനെ… ഞങ്ങളെ നേരെ വന്നപ്പോൾ….. ഇല്ലാതായത് ഓർക്കുന്നില്ലേ… കയ്യും കാലും കൊത്തിയെടുത്ത്….. പാണക്കാട്ടെ തറവാട്ടിലേക്ക്…. പാഴ്‌സൽ അയച്ചു കളയും കേട്ടോ’ കൊയിലാണ്ടി മുചുകുന്ന് ബാഫഖി തങ്ങൾ ഗവ:കോളേജിൽ യൂത്ത്‌ലീഗ്,യൂത്ത്‌കോൺഗ്രസ്, എം.എസ്.എഫ്, കെ.എസ്.യു നേതാക്കൾക്കെതിരെ എസ്.എഫ്.ഐക്കാരും ഡി.വൈ.എഫ്.ഐക്കാരും പോലീസിന്റെ സാന്നിധ്യത്തിൽ വിളിച്ച കൊലവിളി മുദ്രാവാക്യമാണിത്.

ഇന്നലെ എസ്.എഫ്.ഐയുടെ ചുകന്ന തുരുത്തായ മുചുക്കുന്ന് കോളേജിൽ 49 വർഷത്തിന് ശേഷം എം.എസ്.എഫ് യു.യു.സി ഉൾപ്പെടെയുള്ള സീറ്റുകളിൽ അട്ടിമറി വിജയം നേടിയതിൽ പ്രകോപിതരായാണ് എസ്.എഫ്.ഐക്കാർ കൊലവിളി മുദ്രാവാക്യവുമായി ഇറങ്ങിയത്. കൊലവിളി മുദ്രാവാക്യം മുഴക്കിയ ഡി.വൈ.എഫ്.ഐ, എസ്.എഫ്.ഐ നേതാക്കൾക്കെതിരെ കൊയിലാണ്ടി പൊലീസിൽ നിയോജക മണ്ഡലം എം.എസ്.എഫ് കമ്മറ്റിയുടെ നേതൃത്വത്തിൽ പരാതി നൽകി.

‘അജയന്റെ രണ്ടാം മോഷണം’ എന്ന ചിത്രത്തിന്റെ വ്യാജപതിപ്പ് പ്രചരിപ്പിച്ചവരെ ബെംഗളൂരുവില്‍നിന്ന് പൊലീസ് പിടികൂടി. തമിഴ്‌നാട് സ്വദേശികളായ പ്രവീണ്‍, കുമരേശന്‍ എന്നിവരെയാണ് സൈബര്‍ പൊലീസ് പിടികൂടിയത്. ‘വണ്‍തമിള്‍എംവി’ എന്ന വെബ്‌സൈറ്റ് വഴിയാണ് വ്യാജപതിപ്പുകള്‍ ഇറക്കിയത്. മൂന്നുപേരാണ് ഇതിനു പിന്നിലെന്ന് പൊലീസ് കണ്ടെത്തി. ഇതില്‍ ഒരാളെ കൂടി പിടികൂടാനുണ്ട്. അതേസമയം വ്യാജ പതിപ്പ് പ്രചരിപ്പിച്ച വെബ്‌സൈറ്റ് സൈബര്‍സെല്‍ പൂട്ടിച്ചു.

പുതിയ സിനിമ റിലീസായാല്‍ മണിക്കൂറുകള്‍ക്കകം ഈ സംഘം വ്യാജപതിപ്പ് പുറത്തിറക്കുകയായിരുന്നു. കോയമ്പത്തൂരിലെ തിയറ്റില്‍നിന്നാണ് ചിത്രം മൊബൈലില്‍ പകര്‍ത്തിയതെന്നാണു പ്രാഥമിക വിവരം. വ്യാജപതിപ്പ് പ്രചരിപ്പിച്ചവരുടെ കയ്യില്‍ ഇന്നലെ പുറത്തിറങ്ങിയ രജനികാന്ത് സിനിമ വേട്ടയ്യന്റെ വ്യാജ പതിപ്പും ഉണ്ടായിരുന്നതായി പൊലീസ് പറഞ്ഞു.

‘അജയന്റെ രണ്ടാം മോഷണം’ ചിത്രത്തിന്റെ സംവിധായകന്‍ ജിതിന്‍ ലാലിന്റെ പരാതിയിലാണ് കേസ് റജിസ്റ്റര്‍ ചെയ്തത്. ഒരു ട്രെയിന്‍ യാത്രികന്‍ മൊബൈലില്‍ സിനിമയുടെ വ്യാജ പതിപ്പ് കാണുന്ന ദൃശ്യങ്ങള്‍ ജിതിന്‍ ലാല്‍ സമൂഹമാധ്യമത്തില്‍ പങ്കുവച്ചിരുന്നു. ഹൃദയഭേദകമായ കാഴ്ചയാണെന്ന അടിക്കുറിപ്പോടെയാണ് ദൃശ്യം പങ്കുവച്ചത്.