Connect with us

Culture

നവാസ് ശരീഫിനെ വീഴ്ത്തിയ പനാമ എന്താണ്

Published

on

അനധികൃത സ്വത്തുക്കള്‍ സമ്പാദന കേസില്‍ കുറ്റവാളിയാണെന്ന് കോടതി വിധി പാക് പ്രധാനമന്ത്രി നവാസ് ശരീഫിന്റെ രാജിയിലെത്തിയിരിക്കുകയാണ്. പാക് രാഷ്ട്രീയത്തെ പിടിച്ചുലച്ചതും പ്രധാനമന്ത്രി നവാസ് ശരീഫിന്റെ തല്‍സ്ഥാനം നഷ്ടപ്പെടുത്തിയതും പനാമ പേപ്പര്‍ കേസാണ്.

വിദേശത്ത് ശരീഫും കുടുംബവും വന്‍ തോതില്‍ അനധികൃത സ്വത്തുക്കള്‍ സമ്പാദിച്ചുവെന്നായിരുന്നു പനാമ രേഖകളിലൂടെ പുറത്തുവന്നത്. ഇത് ശരിയാണെന്നു കണ്ടെത്തിയ കോടതി നവാസ് ശരീഫിന്റെ പാര്‍ലമെന്റ് അംഗത്വം അടിയന്തരമായി റദ്ദാക്കാന്‍ നടപടി സ്വീകരിക്കണമെന്ന് തെരഞ്ഞെടുപ്പ് കമ്മീഷനോട് ഉത്തരവിടുകയും ചെയ്യുകയായിരുന്നു.

പനാമ ആസ്ഥാനമായി കള്ളപ്പണം നിക്ഷേപിക്കാന്‍ വന്‍കിട വ്യവസായികള്‍ക്കും സമ്പന്നര്‍ക്കും സൗകര്യം ഒരുക്കിക്കൊടുക്കുന്ന പനാമന്‍ നിയമകമ്പനി മൊസ്സാക് ഫൊണ്‍സേകയുടെ രേഖകളാണ് പനാമ രേഖകള്‍ എന്നറിയപ്പെടുന്നത്. 2016ലാണ് ഇവരുടെ 40 വര്‍ഷത്തെ രേഖകള്‍ ചോര്‍ന്നത്. ഇന്റര്‍നാഷണല്‍ കണ്‍സോര്‍ഷ്യം ഓഫ് ഇന്‍വസ്റ്റിഗേറ്റീവ് ജേര്‍ണലിസം എന്ന അമേരിക്കയിലെ സന്നദ്ധ സംഘടനയാണ് രേഖകള്‍ പുറത്തുവിട്ടത്. ഇത് 11.5 ദശലക്ഷം രേഖകള്‍ വരും.

പനാമ രേഖകളിലെ ഇന്ത്യയ്ക്കാര്‍

പനാമ രേഖകളില്‍ അഞ്ഞൂറിലധികം ഇന്ത്യക്കാരുടെ പേരുകളാണ് ഉള്‍പ്പെട്ടിട്ടുള്ളത്. അമിതാഭ് ബച്ചന്‍, ഐശ്വര്യറായ്, ഡി.എല്‍.എഫ് ഉടമ കെ.പി സിങ്, ഗൗതം അദാനിയുടെ മൂത്ത സഹോദരന്‍ വിനോദ് അദാനി, പശ്ചിമബംഗാളില്‍ നിന്നുള്ള രാഷ്ട്രീയ നേതാവ് ശിശിര്‍ ബജോരിയ, ലോക്‌സത്ത പാര്‍ട്ടിയുടെ മുന്‍ ഡല്‍ഹി നേതാവ് അനുരാഗ് കെജ്‌രിവാള്‍, മുംബൈയിലെ അധോലോക നായകന്‍ ഇഖ്ബാല്‍ മിര്‍ച്ചി തുടങ്ങിയവരുടെ പേരുകളാണ് ഇന്ത്യയില്‍ നിന്നുള്ളത്.

Continue Reading
Advertisement
Click to comment

Leave a Reply

Your email address will not be published. Required fields are marked *

Film

മലയാള സിനിമ റിലീസ് തടയില്ല, തുടരും; നിലപാട് മാറ്റി ഫിയോക്

കാര്യങ്ങൾ മുമ്പത്തെ പോലെ മുന്നോട്ടു പോകുമെന്നും ദിലീപ് വ്യക്തമാക്കി.

Published

on

നിലപാടിൽ അയവ് വരുത്തി തിയേറ്റർ ഉടമകളുടെ സംഘടനയായ ഫിയോക്. മലയാള സിനിമകൾ കേരളത്തിലെ തിയേറ്ററുകളിൽ റിലീസ് തുടരുമെന്നും സിനിമ മേഖലയിലെ പ്രശ്നങ്ങൾ ചർച്ച ചെയ്ത് പരിഹരിക്കുമെന്നും ഫിയോക്ക് ചെയർമാൻ ദിലീപ് പറഞ്ഞു. കാര്യങ്ങൾ മുമ്പത്തെ പോലെ മുന്നോട്ടു പോകുമെന്നും ദിലീപ് വ്യക്തമാക്കി.

ഫെബ്രുവരി 22ന് മലയാള ചിത്രങ്ങൾ റിലീസ് ചെയ്യുമെന്ന് ഫിയോക്ക് വ്യക്തമാക്കിയിരുന്നു. സിനിമകള്‍ തിയേറ്ററില്‍ റിലീസ് ചെയ്ത് വളരെ വേഗം ഒടിടി പ്ലാറ്റുഫോമുകൾക്ക് വിട്ടുകൊടുക്കുന്നതാണ് സമരത്തിന്റെ പ്രധാനകാരണമായി തിയേറ്റര്‍ ഉടമകള്‍ ചൂണ്ടിക്കാണിച്ചത്.
ഇത് കൂടാതെ ഷെയറിങ് രീതികളിൽ മാറ്റം വരുത്തണം, പബ്ലിസിറ്റി കോൺട്രിബ്യൂഷൻ, പേസ്റ്റിങ് ചാർജ് എന്നിവ പൂർണ്ണമായും നിർത്തലാക്കണം, വിപിഎഫ് ചാർജ് പ്രൊഡ്യൂസറോ ഡിസ്ട്രിബ്യൂട്ടറോ നൽകണം എന്നിവയും ഫിയോക്ക് മുന്നോട്ടു വച്ച പ്രധാന ആവശ്യങ്ങളിൽ പറയുന്നു.

Continue Reading

Film

അക്ഷയ് കുമാർ-ടൈഗർ ഷ്‌റോഫ് പരിപാടിയിൽ സംഘർഷം, ചെരിപ്പേറ്; ലാത്തിച്ചാർജ് നടത്തി പൊലീസ്

തിങ്കളാഴ്ച ലഖ്‌നൗവിലെ ചരിത്രപ്രസിദ്ധമായ ഹുസൈനാബാദ് ക്ലോക്ക് ടവറിനു സമീപത്തായിരുന്നു പരിപാടി

Published

on

ബോളിവുഡ് നടന്മാരായ അക്ഷയ് കുമാര്‍ ടൈഗര്‍ ഷൊറഫ് എന്നിവര്‍ പങ്കെടുത്ത പരിപാടിയില്‍ ആരാധകര്‍ക്ക് നേരെ പൊലീസ് ലാത്തി ചാര്‍ജ് നടത്തി. പരിപാടിക്ക് ഇടയില്‍ സുരക്ഷാ ബാനര്‍ തകര്‍ത്ത് ആരാധകര്‍ താരങ്ങള്‍ക്കടുത്തേക്ക് എത്തിയപ്പോഴാണ് പൊലീസ് ലാത്തി ചാര്‍ജ് നടത്തിയതെന്ന് ദേശീയ മാധ്യമങ്ങള്‍ റിപ്പോര്‍ട്ട് ചെയ്തു.

തിങ്കളാഴ്ച ലഖ്‌നൗവിലെ ചരിത്രപ്രസിദ്ധമായ ഹുസൈനാബാദ് ക്ലോക്ക് ടവറിനു സമീപത്തായിരുന്നു പരിപാടി. താരങ്ങളെ കാണാനായി ആയിരങ്ങളാണു തടിച്ചുകൂടിയിരുന്നത്. ചിത്രത്തിന്റെ പ്രമോഷന്റെ ഭാഗമായി അക്ഷയ് കുമാറും ടൈഗര്‍ ഷ്‌റോഫും സമ്മാനങ്ങള്‍ വാരിവിതറിയതോടെയാണ് ആള്‍ക്കൂട്ടത്തിന്റെ നിയന്ത്രണം നഷ്ടമായത്. ആളുകള്‍ സൃഷ്ടിച്ച ഉന്തിലും തള്ളിലും നിരവധി പേര്‍ക്ക് പരിക്ക് പറ്റിയതായും വീഡിയോകളില്‍ നിന്നും വ്യക്തമാണ്.

Continue Reading

Film

നടൻ സുരാജ് വെഞ്ഞാറമൂടിന്റെ ഡ്രൈവിംഗ് ലൈസൻസ് സസ്‌പെൻഡ് ചെയ്യാനൊരുങ്ങി മോട്ടോർ വാഹന വകുപ്പ്

മോട്ടോർ വാഹന വകുപ്പ് മൂന്നുതവണ കാരണം കാണിക്കൽ നോട്ടീസ് അയച്ചിട്ടും മറുപടി ലഭിക്കാതായതോടെയാണ് സസ്‌പെൻഷൻ നടപടി സ്വീകരിക്കാൻ അധികൃതർ തീരുമാനിച്ചത്

Published

on

നടൻ സുരാജ് വെഞ്ഞാറമൂടിൻ്റെ ലൈസൻസ് സസ്പെൻഡ് ചെയ്യാൻ മോട്ടോർ വാഹന വകുപ്പ്. രാത്രി അമിത വേഗത്തിൽ ഓടിച്ച കാർ ഇടിച്ച്‌ ബൈക്ക് യാത്രക്കാരനു പരുക്കേറ്റ സംഭവത്തിലാണ് നടപടി. മോട്ടോർ വാഹന വകുപ്പ് മൂന്നുതവണ കാരണം കാണിക്കൽ നോട്ടീസ് അയച്ചിട്ടും മറുപടി ലഭിക്കാതായതോടെയാണ് സസ്‌പെൻഷൻ നടപടി സ്വീകരിക്കാൻ അധികൃതർ തീരുമാനിച്ചത്.

തമ്മനം-കാരണക്കോടം റോഡിലാണ് കേസിനാസ്പദമായ സംഭവം. 2023 ജൂലൈ 29ന് രാത്രിയിൽ സുരാജിന്റെ അമിതവേഗതയിൽ വന്ന കാർ മഞ്ചേരി സ്വദേശി ശരത്തിൻ്റെ ബൈക്കിൽ ഇടിക്കുകയായിരുന്നു. ശരത്തിൻ്റെ (31) വലതുകാലിൻ്റെ പെരുവിരലിന് പൊട്ടലും മറ്റ് കാൽവിരലുകൾക്ക് പരിക്കേൽക്കുകയും ചെയ്തിരുന്നു.

 

Continue Reading

Trending