Connect with us

kerala

നാളെ മുതല്‍ മഴ സജീവമാകും

Published

on

കൊച്ചി: മധ്യ കിഴക്കന്‍ ബംഗാള്‍ ഉള്‍ക്കടലിനു മുകളില്‍ രൂപം കൊണ്ട ചക്രവാതച്ചുഴി ഇന്ന് രാവിലെയോടെ ന്യൂനമര്‍ദ്ദമായി മാറും. ശനിയാഴ്ച ഉച്ചക്ക് ശേഷം കേരളത്തില്‍ മണ്‍സൂണ്‍ മഴ സജീവമാകുമെന്ന് കാലാവസ്ഥ വിദഗ്ധരുടെ കൂട്ടായ്മയായ മെറ്റ്ബീറ്റ് വെതര്‍ അറിയിച്ചു.

മണ്‍സൂണ്‍ പാറ്റേണ്‍ സാധാരണ നിലയിലേക്ക് മാറുകയാണ്. നാളെ രാത്രിയോടെ കാസര്‍കോട്, കണ്ണൂര്‍, കോഴിക്കോട്, വയനാട്, മലപ്പുറം ജില്ലകളില്‍ മഴ ശക്തിപ്പെട്ടേക്കും. ഇടുക്കിയിലും പാലക്കാട്ടും, തൃശൂരും ഒറ്റപ്പെട്ട ഇടത്തരം മഴ സാധ്യതയുണ്ട്. 13ന് മേല്‍പറഞ്ഞ പ്രദേശങ്ങളില്‍ കൂടുതല്‍ ശക്തമായി മഴ ലഭിക്കും. കണ്ണൂര്‍, കോഴിക്കോട്, മലപ്പുറം മലയോര മേഖലയില്‍ അതിശക്തമായ മഴ പ്രതീക്ഷിക്കാം.

ഇടുക്കി, പത്തനംതിട്ട. കോട്ടയം ജില്ലകളുടെ മലയോരത്തും മഴ സാധ്യതയുണ്ട്. 16 വരെ ഇതേ രീതിയില്‍ മഴ തുടരാനുള്ള സാധ്യതയുണ്ട്. അറബിക്കടലില്‍ മതിയായ തോതില്‍ മേഘരൂപീകരണം സാധ്യമാകാത്തതിനാലാണ് കേരളത്തില്‍ ഇപ്പോള്‍ മഴ ലഭിക്കാത്തത്. ഈ സ്ഥിതിക്ക് നാളെ മുതല്‍ മാറ്റം വരും. കേരളം ഉള്‍പ്പെടെ പടിഞ്ഞാറന്‍ തീരത്ത് ശക്തമായ മഴ ലഭിക്കും.

തെക്കന്‍ കേരളത്തേക്കാള്‍ വടക്കന്‍ ജില്ലകളിലാണ് ശക്തമായ മഴ സാധ്യതയുള്ളത്. ഒപ്പം രാജ്യത്തിന്റെ മറ്റു ഭാഗങ്ങളിലും കാലവര്‍ഷം സജീവമാകും. കേരളം, കര്‍ണാടക, ലക്ഷദ്വീപ് തീരങ്ങളില്‍ ഇന്ന് മുതല്‍ 14 വരെ മത്സ്യത്തൊഴിലാളികള്‍ കടലില്‍ പോകരുതെന്ന് കേന്ദ്ര കാലാവസ്ഥാ വകുപ്പ് അറിയിച്ചു. മണിക്കൂറില്‍ 50 കി.മി വരെ കാറ്റിന് വേഗതയുണ്ടാകാന്‍ സാധ്യതയുള്ളതിനാലാണിത്.

Continue Reading
Advertisement
Click to comment

Leave a Reply

Your email address will not be published. Required fields are marked *

gulf

തെരഞ്ഞെടുപ്പു ക്യാമ്പയിനു തുടക്കം കുറിച്ചു

ഐക്യ ജനാധിപത്യ മുന്നണിയുടെ വിജയത്തിനായി സൗദി കെഎംസിസി നാഷണൽ കമ്മിറ്റിയിയുടെ നേതൃത്വത്തിൽ വൺ കാൾ വൺ വോട്ട് എന്ന ശീർഷകത്തിൽ തെരഞ്ഞെടുപ്പു ക്യാമ്പയിന് സൗദി തലത്തിൽ തുടക്കം കുറിചു.

Published

on

ദമാം: ആസന്നമായ ലോക്സഭാ തെരഞ്ഞെടുപ്പിന്റെ പ്രചാരണ പ്രവർത്തനത്തിന്റെ ഭാഗമായി ഐക്യ ജനാധിപത്യ മുന്നണിയുടെ വിജയത്തിനായി സൗദി കെഎംസിസി നാഷണൽ കമ്മിറ്റിയിയുടെ നേതൃത്വത്തിൽ വൺ കാൾ വൺ വോട്ട് എന്ന ശീർഷകത്തിൽ തെരഞ്ഞെടുപ്പു ക്യാമ്പയിന് സൗദി തലത്തിൽ തുടക്കം കുറിചു.

ദമാം അൽറയാൻ പോളിക്ലിനിക് ആഡിറ്റോറിയത്തിൽ വെച്ച് നടന്ന ഉദ്‌ഘാടന സമ്മേളനത്തിൽ നിരവധി പ്രവാസി സംഘടനാ നേതാക്കൾ പങ്കെടുത്തു സംസാരിച്ചു. ജനാധിപത്യ ധ്വംസനം നടത്തിക്കൊണ്ടു ഫാസിസ്റ്റു ഭരണം കൊണ്ടുവരാൻ നടത്തുന്ന ശ്രമം കേരളത്തിലെയും ഇന്ത്യയിലെയും വോട്ടർമാർ ജാഗ്രതയോടെ നിർവഹിക്കണമെന്നും പ്രവാസലോകത്തു നിന്ന്കൊണ്ടു അതിനായി ഒരു ഫോൺ കാളിൽ കൂടി തെരഞ്ഞെടുപ്പു സന്ദേശങ്ങൾ നൽകണമെന്നും കെ.എം.സി.സി നാഷണൽ കമ്മിറ്റി ചെയർമാൻ ഖാദർ ചെങ്കള സമ്മേളനം ഉദ്ഘാടനം ചെയ്തുകൊണ്ട് അഭിപ്രായപെട്ടു.

സൗദി കെ.എം.സി.സി നാഷണൽ കമ്മിറ്റി തെരഞ്ഞെടുപ്പ് ഉപ സമിതി ചെയർമാൻ ആലിക്കുട്ടി ഒളവട്ടൂർ അദ്ധ്യക്ഷത വഹിച്ചു. നാഷണൽ കമ്മിറ്റി വൈസ് പ്രസിഡന്റ്‌ ഉസ്മാൻ അലി പാലത്തിങ്ങൽ, ഇ. കെ. സലിം (ഒ.ഐ.സി.സി), കെ. എം. ബഷീർ (കെ ഐ ജി), സാജിത് ആറാട്ടുപുഴ, മാലിക് മക്ബൂൽ,
മുഹമ്മദ് റഫീഖ് (മഹാരാഷ്ട്ര), ശബ്‌ന നജീബ്, ലിബി ജെയിംസ് (ഒഐസിസി )
കൊണ്ടോട്ടി മണ്ഡലം മുസ്‌ലിം ലീഗ് ട്രഷറർ ഷൌക്കത്ത് അലി ഹാജി തുടങ്ങിയവർ സംസാരിച്ചു.

പി. ടി. അലവി, നൗഷാദ് ഇരിക്കൂർ, സവാദ് ഫൈസി, സി. എച്ച്. മൗലവി, അൻവർ റയാൻ, നാഷണൽ കമ്മിറ്റി സെക്രട്ടറിയേറ്റ് അംഗങ്ങളായ അഷ്‌റഫ്‌ ഗസാൽ, നൗഷാദ് കെ.സ് പുരം, സമദ് വേങ്ങര, സലിം പാണമ്പ്ര, ബഷീർ വെട്ടുപാറ തുടങ്ങിയവർ സംബന്ധിച്ചു. കിഴക്കൻ പ്രവിശ്യ, സെൻട്രൽ, ജില്ലാ കമ്മിറ്റി ഭാരവാഹികളായ റഹ്‌മാൻ കാരയാട്, ഹമീദ് വടകര, ഇക്ബാൽ ആനമങ്ങാട്, മുഷ്താഖ് പേങ്ങാട്, കാദർ മാസ്റ്റർ, മജീദ് കൊടുവള്ളി, നജീബ് ചീക്കിലോട്, ശംസുദ്ദിൻ പള്ളിയാളി, ടി. ടി. കരീം, നൗഷാദ് തിരുവനന്തപുരം, ഹുസ്സൈൻ വേങ്ങര,ജൗഹർ കുനിയിൽ, ഫൈസൽ കൊടുമ, ഷെരീഫ് പാലക്കാട്‌, ഖാദർ അണങ്കൂർ, അറഫാത്ത് കാസറഗോഡ്, സഹീർ മുസ്ലിയാരങ്ങാടി, ആസിഫ് മേലങ്ങാടി, റസാഖ് ഓമാനൂർ, അലി പാച്ചേരി, ഹാജറ സലീം തുടങ്ങിയവർ പരിപാടികൾക്ക് നേതൃത്വം നൽകി. കിഴക്കൻ പ്രവിശ്യ ജനറൽ സെക്രട്ടറി സിദ്ദിഖ് പാണ്ടികശാല സ്വാഗതവും മുജീബ് കൊളത്തൂർ നന്ദിയും പറഞ്ഞു.

Continue Reading

kerala

പൊന്‍മുടി മരംമുറിയ്ക്കല്‍: കൂടുതല്‍ മരങ്ങള്‍ മുറിച്ചത് വനംവകുപ്പിന്റെ ശ്രദ്ധയില്‍പ്പെട്ടില്ല; മുറിച്ച മരങ്ങളുടെ കൃത്യമായ കണക്കും വനംവകുപ്പിന്റെ പക്കലില്ല

ഇക്കോ ടൂറിസം പദ്ധതിയുടെ മറവിലും മരംമുറിയുണ്ടായിട്ടുണ്ടെന്നാണ് ആക്ഷേപം. 

Published

on

പൊന്‍മുടി മരംമുറിയ്ക്കലില്‍ കൃത്യമായ കണക്കില്ലാതെ വനംവകുപ്പ്. വനത്തിനുള്ളില്‍ നിന്ന് കൂടുതല്‍ മരങ്ങള്‍ മുറിച്ച് മാറ്റിയത് പോലും വനംവകുപ്പിന്റെ ശ്രദ്ധയില്‍പ്പെട്ടില്ല. ഇത് ഉദ്യോഗസ്ഥര്‍ക്കിടയില്‍ തന്നെ സംശയമുണ്ടാക്കുന്നുണ്ട്. ഇക്കോ ടൂറിസം പദ്ധതിയുടെ മറവിലും മരംമുറിയുണ്ടായിട്ടുണ്ടെന്നാണ് ആക്ഷേപം.

വനത്തിനരികിലെ റോഡരികില്‍ നിന്ന് ചെറുമരങ്ങള്‍ മാത്രമല്ല മുറിച്ചുമാറ്റിയിരുന്നു. ഒന്നര കിലോമീറ്റര്‍ ചുറ്റളവില്‍ നിന്നിരുന്ന കൂടുതല്‍ മരങ്ങള്‍ മുറിച്ചതിന്റെ ദൃശ്യങ്ങള്‍ ഉള്‍പ്പെടെ  പുറത്തുവന്നിരുന്നു.
എന്നാല്‍ ഇതിന്റെ യാതൊരു കൃത്യമായ കണക്കുകളും വനംവകുപ്പിന്റെ പക്കല്‍ ഇല്ല.

തെരഞ്ഞെടുപ്പ് മറയാക്കി നടന്ന മരം മുറിയില്‍ 260 മരങ്ങള്‍ മാത്രമല്ലെന്ന സൂചനയും  ലഭിച്ചിട്ടുണ്ട്. മുളയും ഈറയും മുറിക്കാമെങ്കിലും പൊന്മുടി ഇക്കോ ടൂറിസം പദ്ധതിക്ക് വേണ്ടി മരങ്ങള്‍ മുറിച്ചു.വേലി കെട്ടി. അതിന്റെ മറവിലും കടത്തു നടന്നുവെന്നും ആക്ഷേപമുണ്ട്.

Continue Reading

kerala

കണ്ണൂരില്‍ ആവേശമായി കെ. സുധാകരന്‍റെയും സാദിഖലി ശിഹാബ് തങ്ങളുടെയും റോഡ് ഷോ

രാജ്യത്തിന്‍റെ ഉന്നതമൂല്യങ്ങൾ കാറ്റിൽ പറത്തിക്കൊണ്ട് ഭരണം നടത്തുന്ന ബിജെപിക്ക് എതിരായ വിധിയെഴുത്ത് ഉണ്ടാവണമെന്ന് സാദിഖലി ശിഹാബ് തങ്ങൾ പറഞ്ഞു.

Published

on

 യുഡിഎഫ് പ്രവർത്തകർക്ക് ആവേശമായി കണ്ണൂരിലെ യുഡിഎഫ് സ്ഥാനാർത്ഥി കെ. സുധാകരന്‍റെയും മുസ്‌ലിം ലീഗ് സംസ്ഥാന അധ്യക്ഷൻ സാദിഖലി ശിഹാബ് തങ്ങളുടെയും റോഡ് ഷോ. ഇരിക്കൂറിലും കണ്ണൂരിലുമാണ് ഇരു നേതാക്കളും പങ്കെടുത്ത റോഡ് ഷോ നടന്നത്. രാജ്യത്തിന്‍റെ ഉന്നതമൂല്യങ്ങൾ കാറ്റിൽ പറത്തിക്കൊണ്ട് ഭരണം നടത്തുന്ന ബിജെപിക്ക് എതിരായ വിധിയെഴുത്ത് ഉണ്ടാവണമെന്ന് സാദിഖലി ശിഹാബ് തങ്ങൾ പറഞ്ഞു.

ചേടിച്ചേരി നിന്നാണ് ഇരിക്കൂർ നിയോജക മണ്ഡലത്തിലെ റോഡ് ഷോ ആരംഭിച്ചത്. മൂവർണ്ണക്കൊടിയും ഹരിത പതാകയുമേന്തി നൂറു കണക്കിന് യുഡിഎഫ് പ്രവർത്തകരാണ് റോഡ് ഷോയിൽ അണിചേർന്നത്. നിരവധി ഇരുചക്രവാഹനങ്ങളും ബാൻഡ് വാദ്യവും റോഡ് ഷോയ്ക്ക് കൊഴുപ്പേകി. മുസ്‌ലിം ലീഗ് സംസ്ഥാന പ്രസിഡന്‍റ് സാദിഖലി ശിഹാബ് തങ്ങൾ ഇരിക്കൂർ വളവുപാലത്തിന് സമീപത്ത് വെച്ച് റോഡ് ഷോയിൽ പങ്കാളിയായി.

ഇതോടെ പ്രവർത്തകരുടെ ആവേശം ഇരട്ടിയായി. ഇരിക്കൂർ മണ്ണുർ പാലത്ത് റോഡ് ഷോ സമാപിച്ചു. രാജ്യത്തിന്‍റെ ഉന്നത മൂല്യങ്ങൾ കാറ്റിൽ പറത്തിക്കൊണ്ട് ഭരണം നടത്തുന്ന ബിജെപിക്ക് എതിരായ വിധിയെഴുത്ത് ഉണ്ടാവണമെന്ന് സാദിഖലി ശിഹാബ് തങ്ങൾ പറഞ്ഞു.

കണ്ണൂർ സിറ്റിയിലെത്തിയ കെ. സുധാകരനും സാദിഖലി ശിഹാബ് തങ്ങൾക്കും ആവേശകരമായ സ്വീകരണമാണ് യുഡിഎഫ് പ്രവർത്തകർ നൽകിയത്. ബാൻഡ് വാദ്യത്തിനൊപ്പം പ്രവർത്തകർ നൃത്തം വെച്ചു. സാദിഖലി ശിഹാബ് തങ്ങളുടെ സന്ദർശനം യുഡിഎഫ് പ്രവർത്തകരിൽ വലിയ ആവേശമാണ് ഉളവാക്കിയിരിക്കുന്നത്.

Continue Reading

Trending