ഇന്ത്യ വേദിയാകുന്ന ഫിഫ വനിതാ അണ്ടര്‍ 18 ഫുട്‌ബോള്‍ ലോകകപ്പ് അടുത്ത വര്‍ഷം നവംബറില്‍ നടക്കും. ഫിഫയുടെ സംഘാടക സമിതിയിലാണ് തീരുമാനമുണ്ടായിരിക്കുന്നത്. നവംബര്‍ 2 മുതല്‍ 21 വരെയായിരിക്കും മത്സരങ്ങള്‍ അരങ്ങേറുക.
നിലവില്‍ വേദികളുടെ കാര്യത്തില്‍ തീരുമാനമായില്ലെങ്കിലും കൊല്‍ക്കത്ത,ഭുവനേശ്വര്‍,അഹമ്മദാബാദ്,ഗോവ,മുംബൈ എന്നിവിടങ്ങളില്‍ ഫിഫ സംഘം പരിശോധ നടത്തിയിരുന്നു. ഇന്ത്യ രണ്ടാം തവണയാണ് ഒരു ലോകകപ്പ് ഫുട്‌ബോളിന് വേദിയാകുന്നത്. 2017 ല്‍ പുരുഷ അണ്ടര്‍ 17 ലോകകപ്പിന് ഇന്ത്യ വേദിയായിരുന്നു.