തിരുവനന്തപുരം: പോത്തന്‍കോട് വീട്ടമ്മയെ വീടിനോട് ചേര്‍ന്നുള്ള പുരയിടത്തില്‍ മരിച്ച നിലയില്‍ കണ്ടെത്തി. കൊയ്ത്തൂര്‍കോണം സ്വദേശി മണികണ്ഠ ഭവനില്‍ തങ്കമണി (65) ആണ് മരിച്ചത്. ഇന്ന് രാവിലെയാണ് തങ്കമണിയെ മരിച്ച നിലയില്‍ കണ്ടെത്തിയത്. ഇവരുടെ മുഖത്ത് മുറിവേറ്റ പാടുകളുണ്ട്. ബ്ലൗസ് കീറിയ നിലയിലും ഉടുത്തിരുന്ന ലുങ്കി മൃതദേഹത്തില്‍ മൂടിയ നിലയിലുമായിരുന്നു.

ഇന്ന് പുലര്‍ച്ചെ തങ്കമണി പൂ പറിക്കാന്‍ പോയിരുന്നുവെന്നാണ് പൊലീസിന്റെ സംശയം. മൃതദേഹത്തിന് സമീപത്ത് പൂക്കള്‍ കിടപ്പുണ്ടായിരുന്നു. തങ്കമണിയുടെ കാതിലുണ്ടായിരുന്ന കമ്മല്‍ നഷ്ടപ്പെട്ടിട്ടുണ്ട്. മരണത്തിലെ ദുരൂഹത കണക്കിലെടുത്ത് മംഗലപുരം പൊലീസ് അന്വേഷണം തുടങ്ങി.

സഹോദരിയാണ് തങ്കമണിയെ ആദ്യം മരിച്ച നിലയില്‍ കണ്ടെത്തിയത്. പിന്നീട് പൊലീസിനെ വിവരം അറിയിക്കുകയായിരുന്നു. ഇന്‍ക്വസ്റ്റ് നടപടികള്‍ക്ക് ശേഷം മൃതദേഹം ആശുപത്രിയിലേക്ക് മാറ്റും. നിയമപരമായ നടപടിക്രമങ്ങള്‍ക്ക് ശേഷം ബന്ധുക്കള്‍ക്ക് വിട്ടുകൊടുക്കും. ഡോഗ് സ്‌ക്വാഡ് അടക്കം സ്ഥലത്ത് എത്തിയിട്ടുണ്ട്. വിശദമായ അന്വേഷണം ആരംഭിച്ചെന്ന് പൊലീസ് അറിയിച്ചു.

അദാനി വിഷയം ഉന്നയിച്ച് ഭരണപക്ഷത്തിന്റെ വായടപ്പിക്കാനുള്ള നീക്കത്തിന് തടയിടുന്ന പ്രസ്താവനയാണ്‌, ഇന്ത്യ മുന്നണിയുടെ ഭാഗമെന്ന് അവകാശപ്പെടുന്ന സിപിഎമ്മിന്റെ രാജ്യസഭാംഗമായ ജോണ്‍ ബ്രിട്ടാസിന്റെ ഭാഗത്തു നിന്നുമുണ്ടായത്. മണിപ്പൂര്‍, അദാനി സംഭല്‍ വിഷയങ്ങള്‍ നിരന്തരം പാര്‍ലമെന്റില്‍ ഉന്നയിക്കുകയാണ് പ്രതിപക്ഷം.

എന്നാല്‍ ഇതുവരെയും ചര്‍ച്ചയ്ക്ക് പോലും ഭരണപക്ഷം തയ്യാറായിട്ടില്ല. ഈ അവസരത്തിലാണ് പ്രതിപക്ഷപാര്‍ട്ടിയായ കോണ്‍ഗ്രസിനെതിരെ വ്യാജ ആരോപണവുമായി ബി.ജെ.പി രംഗത്തുവരുന്നത്. കോണ്‍ഗ്രസ് എം.പിമാര്‍ രാജ്യസഭയില്‍ ഉന്നയിച്ച വിഷയങ്ങളില്‍ നിന്നും ശ്ര്ദ്ധതിരിക്കാനുള്ള നീക്കമാണിതെന്ന്ത് പകല്‍ പോലെ വ്യക്തം. ഈ ഘട്ടത്തിലാണ് ബിജെപിക്ക് കുടപിടിക്കുന്ന നിലപാടുമായി സി.പി.എം എം.പി ജോണ്‍ ബ്രിട്ടാസ് പരസ്യമായി രംഗത്തു വരുന്നത്

ഭരണപക്ഷത്തിന്റെ ആവശ്യത്തെ പിന്തുണച്ച് രാജ്യസഭയില്‍ സി.പി.എം രംഗത്തുവന്നതിന് തൊട്ടുപിന്നാലെ, ഇത് അദാനിയെ രക്ഷിക്കാനാണെന്ന കാര്യം ഉന്നയിച്ച് സിപിഐ എംപി സന്തോഷ്‌കുമാര്‍ രംഗത്തുവന്നു. ഇതോടെ സി.പി.എമ്മിന്‍രെ ബി.ജെ.പി അനുകൂല നിലപാട് സി.പി.ഐ പൂര്‍ണമായും തള്ളുകയുമാണ്.

കോണ്‍ഗ്രസിനെതിരായ വ്യാജ ആരോപണത്തില്‍ ചര്‍ച്ച വേണമെന്ന ആവശ്യം സ്പീക്കര്‍ ജഗ്ദീപ് ധന്‍ഖര്‍ തള്ളിക്കളഞ്ഞ ശേഷവും സഭാ ചട്ടങ്ങള്‍ക്ക് വിരുദ്ധമായി ബി.ജെ.പി എം.പിമാരെ ആരോപണം ഉന്നയിക്കാന്‍ അനുവദിച്ചത് രാജ്യസഭാ പ്രതിപക്ഷ നേതാവ് മല്ലികാര്‍ജുന്‍ ഖാര്‍ഗെയുടെ നേതൃത്വത്തില്‍ ഇന്ത്യ എം.പിമാര്‍ ചോദ്യം ചെയ്തു. ഇതിനിടയിലാണ് വിഷയം പാര്‍ലമെന്റ് ചര്‍ച്ച ചെയ്യണമെന്ന് ജോണ്‍ ബ്രിട്ടാസ് ആവശ്യപ്പെട്ടത്.

ബിജെപിയെ സഹായിക്കാനുള്ള സിപിഎം എംപിയുടെ തത്രപ്പാടിനെ ആശ്ചര്യത്തോടെയാണ് രാഷ്ട്രീയ നിരീക്ഷകരടക്കം നോക്കിക്കാണുന്നത്. സിപിഎം നിലപാടിനെ തള്ളിക്കൊണ്ട്, അദാനിയെ രക്ഷിക്കാനാണു വിവാദമെന്ന് സിപിഐയിലെ പി. സന്തോഷ്‌കുമാര്‍ ചൂണ്ടിക്കാട്ടിയതു ബ്രിട്ടാസിനു തിരിച്ചടിയായി.

ഇന്ത്യ സഖ്യത്തിലും കേരളത്തിലെ എല്‍ഡിഎഫിലും ഭിന്നതയുണ്ടാക്കുന്നതാണു ബ്രിട്ടാസിന്റെ അനവാശ്യവും ദുരുദ്യേശപരവുമായ പ്രസ്താവനയെന്നാണ് വിലയിരുത്തല്‍. ഇന്ത്യ മുന്നണിക്കൊപ്പമെന്ന് ആവകാശപ്പെടുകയും ബിജെപിയെ അനുകൂലിക്കുകയും ചെയ്യുന്ന സിപിഎമ്മിന്റെ ഇരട്ടമുഖമാണ് ബ്രിട്ടാസിലൂടെ പുറത്തു വന്നത്

തിരുവനന്തപുരം: സ്ത്രീപക്ഷ നിലപാടുകളോടുള്ള ഐക്യ ദാര്‍ഢ്യമായി 29-ാമത് കേരള രാജ്യാന്തര ചലച്ചിത്രമേളയിലെ 177 ചിത്രങ്ങളില്‍ സ്ത്രീ സംവിധായകരുടെ 52 സിനിമകള്‍ പ്രദര്‍ശിപ്പിക്കും. എ.എഫ്.എ ഫ്.കെ ലൈഫ് ടൈം അച്ചീവ്‌മെന്റ് അവാര്‍ഡ് ജേതാവായ ആന്‍ ഹ്യൂ, സ്പിരിറ്റ് ഓഫ് സിനിമ പുരസ്‌കാരത്തിന് അര്‍ഹ യായ പായല്‍ കപാഡിയ, മേളയുടെ ക്യുറേറ്റര്‍ ഗോള്‍ഡ സെല്ലം, ജൂറി അധ്യക്ഷ ആഗ്നസ് ഗൊദാര്‍ദ് തുടങ്ങിയവരുടെ ചിത്രങ്ങള്‍ മേളയിലുണ്ട്. മലയാളി വനിതാ സംവിധായകരുടെ ചിത്രങ്ങളായ കാമദേവന്‍ നക്ഷത്രം കണ്ടു, ഗേള്‍ഫ്രണ്ട്‌സ്, വിക്ടോറിയ, അപ്പുറം എന്നിവയും മേളയില്‍ പ്രദര്‍ശിപ്പിക്കും.

തിരുവനന്തപുരം സെന്‍ട്രല്‍ സ്റ്റേറ്റ് ലൈബ്രറിയിലെ ലൈബ്രേറിയനായ ശോഭന പടിഞ്ഞാറ്റിലിന്റെ ആദ്യ ചിത്രമാണ് ഗേള്‍ഫ്രണ്ട്‌സ്. ഒരു ട്രാന്‍സ് വുമണിന്റെയും അവരുടെ സ്ത്രീ സുഹൃത്തുക്കളുടെയും കഥയാണ് ചിത്രത്തിന്റെ പ്രമേയം. പോണ്ടിച്ചേരി യൂണിവേഴ്‌സിറ്റിയിലെ വിദ്യാത്ഥിനിയായ ആദിത്യ ബേബിയുടെ ആദ്യ ചിത്രമാണ് ‘കാമദേവന്‍ നക്ഷത്രം കണ്ടു’. പൗരുഷത്തിന്റെ പരമ്പരാഗത സങ്കല്‍പ്പങ്ങളെ ചോദ്യം ചെയ്യുന്ന ചിത്രം പൂര്‍ണമായും ഐ ഫോണിലാണ് ചിത്രീകരിച്ചിട്ടുള്ളത്. ചലച്ചിത്ര വികസന കോര്‍പറേഷന്റെ സഹായത്തോടെ പുറത്തിറങ്ങിയ ശിവരഞ്ജിനിയുടെ സിനിമയായ വിക്ടോറിയ ബ്യൂട്ടിപാര്‍ലര്‍ ജീവനക്കാരിയായ യുവതിയുടെ ജീവിത സംഘര്‍ഷങ്ങളാണ് ചിത്രീകരിക്കുന്നത്. അന്താരാഷ്ട്ര മത്സര വിഭാഗത്തിലെ ഏക മലയാളി വനിതാസാന്നിധ്യമായ ഇന്ദുലക്ഷ്മിയുടെ അപ്പുറം എന്ന സിനിമ അന്ധവിശ്വാസം, ലിംഗ വിവേചനം എന്നീ വിഷയങ്ങള്‍ ചര്‍ച്ച ചെയ്യുന്നു.