More
പ്രകോപനവുമായി പന്നീര്സെല്വം: പോയസ്ഗാര്ഡന് സ്മാരകമാക്കാന് നീക്കം

ചെന്നൈ: തമിഴ്നാട്ടിലെ രാഷ്ട്രീയ പ്രതിസന്ധി മൂര്ച്ഛിക്കവെ ശശികലയ്ക്കെതിരെ പ്രകോപന നീക്കവുമായി മുന് മുഖ്യമന്ത്രി ഒ.പന്നീര്സെല്വം. ജയയുടെ പോയസ്ഗാര്ഡനില് നിന്ന് ശശികലയെ ഒഴിപ്പിക്കാനുള്ള നീക്കമാണ് ഒ.പന്നീര്സെല്വം ഇപ്പോള് നടത്തുന്നത്. ഇതു സംബന്ധിച്ച ഔദ്യോഗിക ഉത്തരവുകളൊന്നും വന്നിട്ടില്ലെങ്കിലും അണിയറില് ഇതിനുളള നീക്കങ്ങള് സജീവമായി പുരോഗമിക്കുന്നുണ്ടെന്നാണ് റിപ്പോര്ട്ടുകള്.
അതേസമയം മുന് ചീഫ് സെക്രട്ടറി ജ്ഞാനദേശികനെയും ഐ.എ.എസ് ഉദ്യോഗസ്ഥന് അതുല് ആനന്ദിനെയും തിരിച്ചെടുത്തു. ശശികലയുടെ ആവശ്യപ്രകാരമായിരുന്നു ഇരുവരെയും പുറത്താക്കിയിരുന്നത്. ജയലളിതയുടെ വീട് സ്മാരകമാക്കാനണ് ഒ.പന്നീര്സെല്വം ലക്ഷ്യമിടുന്നത്. ഇതിന് നിയമപരമായ പ്രതിസന്ധികള് തരണം ചെയ്യേണ്ടതുണ്ട്. വീട് ജയലളിതയുടെ സ്വകാര്യ സ്വത്തായതിനാല് ആദ്യം ഇത് സര്ക്കാറിന് ഏറ്റെടുക്കേണ്ടി വരും.
ജയലളിതക്ക് മറ്റ് അനന്തരാവകാശികളില്ലാത്തതിനാല് വീട് സര്ക്കാറിന് ഏറ്റെടുക്കാന് കഴിയും. സമാനമായ നിലയില് എം.ജി.ആറിന്റെ വീട് നേരത്തെ സംസ്ഥാന സര്ക്കാര് ഏറ്റെടുത്തിരുന്നു. പോയസ്ഗാര്ഡന് ഉപയോഗിച്ച് ശശികല ജനങ്ങളെ സ്വാധീനിക്കുമെന്ന് കണ്ടാണ് പന്നീര്സെല്വത്തിന്റെ നീക്കം. ഇന്ന് ഉച്ചയോടെ ഗവര്ണര് വിദ്യാസാഗര് റാവു ചെന്നൈയിലെത്തും. ശേഷം ശശികലയുമായും ഒ.പന്നീര്സെല്വവുമായും കൂടിക്കാഴ്ച നടത്തും.
kerala
ഉരുള് ദുരന്തത്തില് ഉറ്റബന്ധുക്കളെ നഷ്ടമായ നൗഫലിനെ ചേര്ത്തുപിടിച്ച് മസ്കറ്റ് കെഎംസിസി

മുണ്ടക്കൈ ദുരന്തത്തിൽ മുഴുവൻ കുടുംബാംഗങ്ങളും നഷ്ടപ്പെട്ട നൗഫലിന് വീടൊരുക്കി മസ്ക്കറ്റ് കെ.എം.സി.സി. മേപ്പാടി പൂത്തക്കൊല്ലിയിലാണ് പുതിയ വീട് നിർമ്മിച്ചു നൽകിയത്. വീടിന്റെ താക്കോൽദാനം പി.കെ ബഷീർ എം.എൽ.എ നിർവഹിച്ചു. ദുരന്തം പെയ്തിറങ്ങിയ രാവിൽ ഭാര്യയും മക്കളും മാതാപിതാക്കളും അടക്കം 11 പേരാണ് നൗഫലിന് നഷ്ടമായത്.
കുടുംബം പുലർത്തുന്നതിനായി നാടും വീടും വിട്ട് പ്രവാസ ജീവിത നയിച്ചു വരികയായിരുന്നു നൗഫൽ. ദുരന്തസമയത്തും പ്രവാസലോകത്തായിരുന്നു. തന്റെ ഉറ്റവരെ എല്ലാം നഷ്ടപ്പെട്ട നൗഫലിന്റെ അതിജീവന പാതയിൽ ചേർത്തു നിർത്തുകയായിരുന്നു മസ്കറ്റ് കെഎംസിസി. മേപ്പാടി പൂത്തക്കൊല്ലിയിൽ നൗഫൽ തന്നെ കണ്ടെത്തിയ സ്ഥലത്ത് ആറ് മാസം കൊണ്ട് 1200 ചതുരശ്ര അടി വിസ്തീർണമുള്ള വീടാണ് നിർമ്മിച്ചത്. തീരാ വേദനയിലും പുതിയ വീട്ടിലേക്ക് താമസം മാറാൻ കഴിഞ്ഞതിന്റെ ആശ്വാസത്തിലാണ് നൗഫൽ. മസ്കറ്റ് കെ എം സി സി പ്രസിഡന്റ് റഹീസ് അഹമ്മദ് അദ്ധ്യക്ഷത വഹിച്ചു.
ടി സിദ്ദീഖ് എം.ൽ.എ, മുസ്ലിം ലീ ഗ് ജില്ലാ പ്രസിഡന്റ് കെ കെ അഹമ്മദ് ഹാജി, ജനറൽ സെക്രട്ടറി ടി മുഹമ്മദ്, ട്രഷറർ പി കെ അബൂബക്കർ, മസ്ക്കത്ത് കെ.എം.സി.സി ജനറൽ സെക്രട്ടറി റഹിം വറ്റല്ലൂർ, പി അബൂബക്കർ, എൻ കെ റഷീദ്, റസാഖ് കൽപ്പറ്റ, യഹ്യ ഖാൻ തലക്കൽ, ഹാരിസ് പടിഞ്ഞാറത്തറ, ടി. ഹംസ, നജീബ് കാരാടൻ, പി.ടി.കെ ഷമീർ, എ.കെ.കെ തങ്ങൾ, കെ ബാബു, മുഹമ്മദ് പന്തിപൊയിൽ, നവാസ് കൽപ്പറ്റ, പി കെ അഷ്റഫ്, സി ശിഹാബ് സംസാരിച്ചു.
kerala
കേരള സര്വകലാശാല രജിസ്ട്രാറുടെ സസ്പെന്ഷന്: സിന്ഡിക്കേറ്റ് നടപടി നിയമ വിരുദ്ധമെന്ന് വൈസ് ചാന്സലര്

തിരുവനന്തപുരം: കേരള സര്വകലാശാല രജിസ്ട്രാറുടെ സസ്പെന്ഷന് റദ്ദാക്കിയ സിന്ഡിക്കേറ്റ് നടപടി നിയമ വിരുദ്ധമെന്ന് വൈസ് ചാന്സലര് ഗവര്ണര്ക്ക് നല്കിയ റിപ്പോര്ട്ടില് പറയുന്നു. സിന്ഡിക്കേറ്റ് തീരുമാനത്തിനു സാധുത ഇല്ല. രജിസ്ട്രാറിന്റ ചുമതല മിനി കാപ്പന് നല്കിയെന്നും വി.സിയുടെ റിപ്പോര്ട്ടില് പറയുന്നു. ഇന്ന് രാവിലെയാണ് ചാന്സലര് കൂടിയായ ഗവര്ണര് സര്വകലാശാലയുമായി ബന്ധപ്പെട്ട റിപ്പോര്ട്ട് സമര്പ്പിക്കാനുള്ള നിര്ദേശം നല്കിയത്.
അതേസമയം, സസ്പെന്ഡ് ചെയ്തതിനെതിരെ കേരള സര്വകലാശാല രജിസ്ട്രാര് നല്കിയ ഹരജി ഹൈക്കോടതി തീര്പ്പാക്കി. ഹരജി പിന്വലിക്കുന്നതായി രജിസ്ട്രാര് കോടതിയെ അറിയിച്ചു. വിസിക്ക് വേണ്ടി ഹാജരായ അഭിഭാഷകന് എതിര്ത്തെങ്കിലും കോടതി അംഗീകരിച്ചില്ല. കോടതിയെ വിമര്ശിച്ചുള്ള സിന്ഡിക്കേറ്റ് അംഗം ആര്.രാജേഷിന്റെ ഫേസ്ബുക്ക് പോസ്റ്റില് വിമര്ശനം. രാജേഷിനെതിരെ സ്വമേധയാ നടപടിയെടുക്കുമെന്ന് ഹൈക്കോടതി പറഞ്ഞു.
kerala
സാമ്പത്തിക തട്ടിപ്പ് കേസ്: സൗബിൻ ഷാഹിർ ചോദ്യം ചെയ്യലിന് ഹാജരായി
മരട് പൊലീസ് സ്റ്റേഷനിലാണ് മൂവരും ഹാജരായത്

കൊച്ചി:’മഞ്ഞുമ്മൽ ബോയ്സ്’ സിനിമയുമായി ബന്ധപ്പെട്ട സാമ്പത്തിക തട്ടിപ്പ് കേസിൽ നടൻ സൗബിൻ ഷാഹിറും സഹനിർമ്മാതാക്കളായ ബാബു ഷാഹിർ, ഷോൺ ആന്റണി എന്നിവരും ചോദ്യം ചെയ്യലിന് ഹാജരായി. മരട് പൊലീസ് സ്റ്റേഷനിലാണ് മൂവരും ഹാജരായത്.
നേരത്തെ ചോദ്യംചെയ്യിലിന് ഹാജരാകാൻ ആവശ്യപ്പെട്ട് പൊലീസ് രണ്ടു തവണ നോട്ടീസ് നൽകിയെങ്കിലും മുൻകൂർ ജാമ്യ അപേക്ഷ തേടി സൗബിൻ അടക്കമുള്ള പ്രതികൾ ഹൈക്കോടതിയെ സമീപിക്കുകയായിരുന്നു. മൂന്നുപ്രതികളെയും കസ്റ്റഡിയിലെടുത്ത് ചോദ്യം ചെയ്യേണ്ട സാഹചര്യം ഇല്ലെന്ന് നിരീക്ഷിച്ച കോടതി പ്രതികൾക്ക് മുൻകൂർ ജാമ്യം നൽകിയിരുന്നു. വേണ്ടിവന്നാൽ നാളെയും അന്വേഷണ സംഘത്തിന് മുന്നിൽ ഹാജരാകണം എന്നാണ് ഹൈക്കോടതി നിർദേശം.
മഞ്ഞുമ്മല് ബോയ്സിന്റെ ലാഭത്തിന്റെ 40% നൽകാമെന്ന് കാണിച്ച് ഏഴ് കോടി രൂപ കൈപ്പറ്റിയിട്ടും പണം നൽകാതെ വഞ്ചിച്ചെവന്ന് കാട്ടി അരൂർ സ്വദേശി സിറാജ് വലിയവീട്ടിൽ ഹമീദ് എന്നയാളാണ് പരാതി നൽകിയത്.
-
kerala3 days ago
കോട്ടയം മെഡിക്കല് കോളജ് അപകടം: ആരോഗ്യമന്ത്രിക്കെതിരെ സംസ്ഥാന വ്യാപകമായി ഇന്നും പ്രതിഷേധം
-
kerala2 days ago
നിപ; സമ്പര്ക്കപ്പട്ടികയില് ആകെ 425 പേര്
-
india2 days ago
ഇന്ത്യയില് റോയിട്ടേഴ്സ് എക്സ് അക്കൗണ്ട് ബ്ലോക്ക് ചെയ്തു
-
kerala3 days ago
പൊട്ടിപ്പൊളിഞ്ഞ റൂമുകള്; അടര്ന്ന് വീണ് കോണ്ക്രീറ്റ് പാളികള്; കോട്ടയം മെഡിക്കല് കോളജിലെ മെന്സ് ഹോസ്റ്റലും അപകടാവസ്ഥയില്
-
kerala3 days ago
സംസ്ഥാനത്ത് നാളെയും മഴയ്ക്ക് സാധ്യത; രണ്ടു ജില്ലകളിൽ മാത്രം യെല്ലോ അലർട്ട്
-
kerala2 days ago
മുഹറം അവധി തിങ്കളാഴ്ചത്തേക്ക് മാറ്റില്ല; ആവശ്യം തള്ളി സര്ക്കാര്
-
kerala2 days ago
സൂംബ വിവാദം: ടി.കെ അഷ്റഫിന്റെ സസ്പെന്ഷന് പിന്വലിക്കണം; മുസ്ലിം സംഘടനാ നേതാക്കള്
-
kerala2 days ago
പുതുക്കാട് നവജാതശിശുക്കളുടെ കൊലപാതകം: പ്രതികള് പൊലീസ് കസ്റ്റഡിയില്