Connect with us

Football

വണ്ടര്‍ ഗോളുമായി പാട്രിക്ക് ഷിക്ക് ; സ്‌കോട്ട്‌ലന്‍ഡിനെ തകര്‍ത്ത് ചെക്ക് റിപ്പബ്ലിക്ക്

കദേശം 45 മീറ്റര്‍ അകലെ നിന്നായിരുന്നു ഷിക്കിന്റെ ഈ ഷോട്ട്

Published

on

ഗ്ലാസ്ഗൗ: യൂറോ കപ്പില്‍ സ്‌കോട്ട്‌ലന്‍ഡിനെ തകര്‍ത്ത് ചെക്ക് റിപ്പബ്ലിക്ക്. ഗ്രൂപ്പ് ഡിയിലെ മത്സരത്തില്‍ എതിരില്ലാത്ത രണ്ടു ഗോളിനാണ് ചെക്ക് ടീം സ്‌കോട്ട്‌ലന്‍ഡിനെ തകര്‍ത്തത്. ലഭിച്ച മികച്ച അവസരങ്ങള്‍ മുതലാക്കാന്‍ സാധിക്കാതിരുന്നതാണ് സ്‌കോട്ട്‌ലന്‍ഡിന് തിരിച്ചടിയായത്.

ഇരട്ട ഗോളുമായി തിളങ്ങിയ പാട്രിക് ഷിക്കാണ് ചെക്ക് ഹീറോ. മത്സരത്തിന്റെ 52ാം മിനിറ്റില്‍ ഷിക്ക് നേടിയ ഗോള്‍ യൂറോ കപ്പ് ചരിത്രത്തിലെ തന്നെ ഏറ്റവും മികച്ച ഗോളുകളിലൊന്നായി. ചെക്കിനായി കഴിഞ്ഞ 11 മത്സരങ്ങളില്‍ നിന്ന് ഷിക്കിന്റെ എട്ടാം ഗോളായിരുന്നു ഇത്.

https://twitter.com/BBCMOTD/status/1404456370489921545

ഇരു ടീമുകളും മികച്ച കളി പുറത്തെടുത്ത മത്സരത്തില്‍ 42ാം മിനിറ്റിലായിരുന്നു ഷിക്കിന്റെ ആദ്യ ഗോള്‍. വ്ളാഡിമിര്‍ കൗഫലിന്റെ ക്രോസ് മികച്ചൊരു ഹെഡറിലൂടെ ഷിക്ക് വലയിലെത്തിച്ചു.

ആദ്യ പകുതിയിലുടനീളം മികച്ച അവസരങ്ങള്‍ സൃഷ്ടിച്ചത് സ്‌കോട്ട്‌ലന്‍ഡായിരുന്നുവെങ്കിലും പലപ്പോഴും ഫിനിഷിങ്ങില്‍ അവര്‍ക്ക് പിഴച്ചു. ആദ്യ പകുതി ചെക്ക് ടീമിന്റെ ലീഡില്‍ അവസാനിച്ച ശേഷം 52ാം മിനിറ്റിലായിരുന്നു കാണികളെ അമ്പരപ്പിച്ച ഷിക്കിന്റെ ത്രില്ലിങ് ഗോള്‍.

ചെക്ക് ടീമിന്റെ കൗണ്ടര്‍ അറ്റാക്കില്‍ നിന്നായിരുന്നു ഗോളിന്റെ പിറവി. സോസെക് നല്‍കിയ പാസ് സ്വീകരിച്ച് സ്‌കോട്ട്‌ലന്‍ഡ് ഹാഫിലേക്ക് കയറിയ ഷിക്ക് ഗോള്‍കീപ്പര്‍ മാര്‍ഷല്‍ സ്ഥാനം തെറ്റിനില്‍ക്കുന്നത് ശ്രദ്ധിച്ചു. ഈ അവസരം മുതലെടുത്ത് താരത്തിന്റെ ഇടംകാലനടി മാര്‍ഷലിന് യാതൊരു അവസരവും നല്‍കാതെ വലയില്‍. ഏകദേശം 45 മീറ്റര്‍ അകലെ നിന്നായിരുന്നു ഷിക്കിന്റെ ഈ ഷോട്ട്.

Continue Reading
Advertisement
Click to comment

Leave a Reply

Your email address will not be published. Required fields are marked *

Football

തന്റെ ഫുട്ബോൾ കരിയറിലെ അവസാന ക്ലബ് ഇന്റർ മയാമി; ലൂയിസ് സുവാരസ്

മേജർ ലീ​ഗ് സോക്കറിന് മുമ്പായുള്ള സൗഹൃദ മത്സരത്തിന് പിന്നാലെയാണ് സുവാരസിന്റെ വാക്കുകൾ.

Published

on

തന്റെ ഫുട്ബോൾ കരിയറിലെ അവസാന ക്ലബ് ഇന്റർ മയാമിയെന്ന് ലൂയിസ് സുവാരസ്. മേജർ ലീ​ഗ് സോക്കറിന് മുമ്പായുള്ള സൗഹൃദ മത്സരത്തിന് പിന്നാലെയാണ് സുവാരസിന്റെ വാക്കുകൾ. ഡിസംബർ ആദ്യമാണ് ബ്രസീലിയൻ ക്ലബായ ഗ്രെമിയോയിൽ സുവാരസിന്റെ കരാർ അവസാനിച്ചത്.

കാൽമുട്ടിന് ശസ്ത്രക്രിയ ആവശ്യമുള്ളതിനാൽ താരം കരിയർ അവസാനിപ്പിക്കുമെന്ന് സൂചനകളുണ്ടായിരുന്നു. പക്ഷേ ബാഴ്സലോണയിലെ തന്റെ സഹാതാരങ്ങൾക്കൊപ്പം സുവാരസ് വീണ്ടും ഒന്നിച്ചു.

തന്റെ തീരുമാനം തന്റെ കുടുംബത്തിന് അറിയാം. എന്നാൽ താൻ എത്രകാലം മയാമിക്കൊപ്പം ഉണ്ടാകുമെന്ന് അറിയില്ല. തന്റെ കുടുംബത്തോടൊപ്പം ഇനിയുള്ള കാലം ചെലവഴിക്കാനാണ് തീരുമാനമെന്നും സുവാരസ് പറഞ്ഞു.

Continue Reading

Football

കേരള പ്രീമിയര്‍ ലീഗില്‍ കേരള യുണൈറ്റഡ്‌ എഫ്‌.സി സാറ്റ്‌ തിരൂര്‍ ഫെെനല്‍ ഇന്ന്

കേരള പ്രീമിയർ ലീഗില്‍ നിലവിലെ ചാമ്പ്യന്മാരാണ്‌ യുണൈറ്റഡ്‌ എഫ്‌.സി ആദ്യമായാണ്‌ സാറ്റ്‌ തിരൂർ ഫൈനലിലെത്തുന്നത്‌.

Published

on

കണ്ണൂർ: ഒരു മാസത്തിലധികമായി കണ്ണൂരില്‍ നടന്നുവരുന്ന കേരള പ്രീമിയര്‍ ലീഗില്‍ ഇന്ന് കലാശപോര്. വൈകിട്ട്‌ ഏഴിന്‌ നടക്കുന്ന ഫെെനലില്‍ കേരള യുണൈറ്റഡ്‌ എഫ്‌.സിയും സാറ്റ്‌ തിരൂരും ഏറ്റുമുട്ടും.

മലപ്പുറം കോട്ടപ്പുറം മെെതാനത്ത് പ്രാഥമിക തല മത്സരങ്ങള്‍ പൂര്‍ത്തിയാക്കി കണ്ണൂര്‍ ജവഹര്‍ മെെതാനത്ത് രണ്ടാം പാദ മത്സരങ്ങളും ക്വാര്‍ട്ടറും സെമിഫെെനലുള്‍പ്പെടെ പൂര്‍ത്തിയാക്കിയാണ് കലാശപോരിന് കണ്ണൂര്‍ ഒരുങ്ങിയത്. കേരള പ്രീമിയർ ലീഗില്‍ നിലവിലെ ചാമ്പ്യന്മാരാണ്‌ യുണൈറ്റഡ്‌ എഫ്‌.സി ആദ്യമായാണ്‌ സാറ്റ്‌ തിരൂർ ഫൈനലിലെത്തുന്നത്‌.

Continue Reading

Football

ഏഷ്യന്‍ കപ്പ് ഫുട്‌ബോള്‍; ഇറാനെ വീഴ്ത്തി ഖത്തര്‍ ഫൈനലില്‍

ശനിയാഴ്ച നടക്കുന്ന ഫൈനലില്‍ ജോര്‍ദാനാണ് ഖത്തറിന്റെ എതിരാളികള്‍.

Published

on

എ.എഫ്.സി ഏഷ്യന്‍ കപ്പ് ഫുട്‌ബോളില്‍ ഖത്തര്‍ ഫൈനലില്‍. ഇറാനെ രണ്ടിനെതിരെ 3 ഗോളുകള്‍ക്ക് തകര്‍ത്താണ് ഖത്തര്‍ ഫൈനല്‍ പ്രവേശനം സാധ്യമാക്കിയത്. ശക്തമായ പോരാട്ടം കാഴ്ചവെച്ചിട്ടും ആതിഥേയ രാജ്യത്തിന് മുന്നില്‍ തോറ്റ് മടങ്ങാനായിരുന്നു ഇറാന്റെ വിധി. ശനിയാഴ്ച നടക്കുന്ന ഫൈനലില്‍ ജോര്‍ദാനാണ് ഖത്തറിന്റെ എതിരാളികള്‍.

ഇറാന്റെ ഗോളോടെയാണ് മത്സരം ഉണര്‍ന്നത്. സര്‍ദാര്‍ അസ്മൗണ്‍ ഇറാന്‍ നിരയെ മുന്നിലെത്തിച്ചു. എന്നാല്‍ അധികം വൈകാതെ ഖത്തര്‍ മത്സരത്തിലേക്ക് തിരികെ വന്നു. 17-ാം മിനിറ്റില്‍ ജാസിം ഗബര്‍ അബ്ദുല്‍സല്ലാം ഖത്തറിനായി സമനില ഗോള്‍ നേടി. 43-ാം മിനിറ്റില്‍ അക്രം അഫീഫിലൂടെ ഖത്തര്‍ മത്സരത്തില്‍ മുന്നിലെത്തി.

ആദ്യ പകുതി പിന്നിടുമ്പോള്‍ 2-1ന് ആതിഥേയര്‍ ലീഡ് ചെയ്തു. എങ്കിലും 51-ാം മിനിറ്റില്‍ ലഭിച്ച പെനാല്‍റ്റിയിലൂടെ ഇറാന്‍ ഒപ്പമെത്തി. അലിരേസ ജഹാന്‍ബക്ഷ് ആണ് ഗോള്‍ നേടിയത്. 82-ാം മിനിറ്റില്‍ അല്‍മോസ് അലിയുടെ ഗോളിലൂടെ ഖത്തര്‍ വീണ്ടും മുന്നിലെത്തി. പിന്നീട് തിരിച്ചുവരവിനുള്ള ഇറാന്റെ കഠിന ശ്രമങ്ങള്‍ ഫലം കണ്ടില്ല. ഇതോടെ സ്വന്തം നാട്ടുകാര്‍ക്ക് മുന്നില്‍ ഖത്തര്‍ സംഘം വിജയം ആഘോഷിച്ചു.

 

 

Continue Reading

Trending