Connect with us

india

യുപിയില്‍ മുസ്‌ലിമിനെ വീണ്ടും അടിച്ചുകൊല്ലുന്നു; ജയിലിലടക്കുന്നു-പുറത്തുവരുന്നത് ആദിത്യനാഥിന്റെ മുസ്‌ലിം വേട്ടയുടെ ഞെട്ടിക്കുന്ന കഥകള്‍

സംഘപരിവാര്‍ നേരിട്ട് നടത്തുന്ന അക്രമങ്ങള്‍ മാത്രമല്ല ഇപ്പോള്‍ യുപിയില്‍ നടക്കുന്നത്. പൊതുസമൂഹത്തെ തന്നെ മുസ്‌ലിം സമുദായത്തിന് എതിരാക്കി വിദ്വേഷം പ്രചരിപ്പിച്ച വലിയ സാമൂഹിക ധ്രുവീകരണമാണ് യോഗി സര്‍ക്കാര്‍ യുപിയില്‍ സൃഷ്ടിച്ചിരിക്കുന്നത്.

Published

on

ലക്‌നൗ: ഉത്തര്‍പ്രദേശില്‍ നിന്ന് പുറത്തുവരുന്നത് ആദിത്യനാഥ് സര്‍ക്കാറിന്റെ ഞെട്ടിക്കുന്ന മുസ്‌ലിം വേട്ടയുടെ കഥകള്‍. സംസ്ഥാന മുഖ്യമന്ത്രിയുടെ നേതൃത്വത്തില്‍ നേരിട്ട് നടക്കുന്ന മുസ്‌ലിം വേട്ടയാണ് യുപിയില്‍ അരങ്ങേറുന്നത്. സംഘപരിവാറിന്റെ വിദ്വേഷ രാഷ്ട്രീയത്തിന് മുഖ്യമന്ത്രി തന്നെ നേരിട്ട് നേതൃത്വം വഹിക്കുന്നതാണ് ഉത്തര്‍പ്രദേശിലെ കാഴ്ച. മുഖ്യധാരയില്‍ നിന്ന് ഭീകരമായ രീതിയില്‍ ഒറ്റപ്പെടുത്തപ്പെടുന്ന മുസ്‌ലിം സമുദായം യുപിയില്‍ വലിയ അസ്തിത്വ പ്രതിസന്ധിയാണ് നേരിടുന്നത്.

മുസ്‌ലിംകളെല്ലാം അക്രമികളും കുഴപ്പക്കാരുമാണ് എന്ന ചിന്തയാണ് സംഘപരിവാര്‍ സമൂഹത്തില്‍ പ്രചരിപ്പിക്കുന്നത്. അതിന്റെ പ്രതിഫലനമായി മുസ്‌ലിംകള്‍ ക്രൂരമായി തെരുവില്‍ കൊല്ലപ്പെടുകയോ ജയിലിലടക്കപ്പെടുകയോ ചെയ്യുന്നു. ഇതിന്റെ ഏറ്റവും അവസാനത്തെ ഇരയാണ് കഴിഞ്ഞ ദിവസം ബറേലിയില്‍ കൊല്ലപ്പെട്ട ബാസിത് ഖാന്‍ എന്ന 32 കാരന്‍. അടുത്തുള്ള സര്‍ക്കാര്‍ ഓഫീസില്‍ നിന്ന് മോഷണം നടത്തിയെന്നാരോപിച്ചാണ് ബാസിത് ഖാനെ മരത്തില്‍ കെട്ടിയിട്ട് ക്രൂരമായി മര്‍ദിച്ചത്. മര്‍ദിച്ച അവശനാക്കി പൊലീസില്‍ ഏല്‍പിച്ചെങ്കിലും ആശുപത്രിയിലെത്തിക്കാന്‍ പൊലീസ് തയ്യാറായില്ല. പൊലീസ് ഇയാളെ വീട്ടിലെത്തിക്കുകയാണ് ചെയ്തത്. പിന്നീട് ബന്ധുക്കളാണ് ഇയാളെ ആശുപത്രിയിലെത്തിച്ചത്. വെള്ളിയാഴ്ച വൈകീട്ടോടെ ബാസിത് മരിച്ചു.

കഴിഞ്ഞ ജൂണില്‍ ഇസ്‌റാര്‍ എന്ന മുസ്‌ലിം യുവാവിനെ നാട്ടുകാര്‍ അടിച്ചു കൊലപ്പെടുത്തിയിരുന്നു. എന്നാല്‍ ഇതിന്റെ പേരില്‍ ഒരാളെ പോലും കസ്റ്റഡിയിലെടുക്കാന്‍ പൊലീസ് തയ്യാറായിരുന്നില്ല. ഇസ്‌റാര്‍ മാനസിക അസ്വാസ്ഥ്യമുള്ള ആളായിരുന്നു എന്നാണ് പൊലീസ് പറഞ്ഞത്. ആള്‍ക്കൂട്ട കൊലയായി കണക്കാക്കാനാവില്ലെന്നായിരുന്നു പൊലീസ് പറഞ്ഞത്. പൗരത്വനിയമത്തിനെതിരായ സമരത്തില്‍ പങ്കെടുത്തതിന്റെ പേരില്‍ നൂറുകണക്കിന് മുസ്‌ലിം യുവാക്കളെയാണ് യുപി പൊലീസ് കസ്റ്റഡിയിലെടുത്ത് ജയിലിലടച്ചത്. നിരവധി പേര്‍ ഇപ്പോഴും ജയിലില്‍ നരകയാതന അനുഭവിക്കുകയാണ്.

ഗൊരഖ്പൂരില്‍ കുട്ടികള്‍ ഓക്‌സിജന്‍ കിട്ടാതെ മരിച്ചത് ലോകത്തോട് വിളിച്ചു പറഞ്ഞതിനാണ് ഡോ.കഫീല്‍ ഖാനെ ആദിത്യനാഥ് വേട്ടയാടിയത്. കള്ളക്കേസ് ചുമത്തി ജയിലിലടച്ച അദ്ദേഹത്തിന് കോടതിയുടെ ഇടപെടല്‍ കൊണ്ട് മാത്രമാണ് കഴിഞ്ഞ ദിവസം പുറത്തിറങ്ങാനായത്. ഇനിയും കള്ളക്കേസ് ചുമത്തി ജയിലിലടക്കുമെന്ന് ഭയമുള്ളതിനാണ് പ്രിയങ്ക ഗാന്ധിയുടെ നിര്‍ദേശപ്രകാരം കഫീല്‍ ഖാന്‍ രാജസ്ഥാനിലേക്ക് താമസം മാറുകയായിരുന്നു.

മുസ്‌ലിംകള്‍ക്ക് ജീവിക്കാന്‍ പറ്റാത്ത സംസ്ഥാനമായി യുപി മാറുന്നു എന്നാണ് പുതിയ റിപ്പോര്‍ട്ടുകള്‍ പറയുന്നത്. സംഘപരിവാര്‍ നേരിട്ട് നടത്തുന്ന അക്രമങ്ങള്‍ മാത്രമല്ല ഇപ്പോള്‍ യുപിയില്‍ നടക്കുന്നത്. പൊതുസമൂഹത്തെ തന്നെ മുസ്‌ലിം സമുദായത്തിന് എതിരാക്കി വിദ്വേഷം പ്രചരിപ്പിച്ച വലിയ സാമൂഹിക ധ്രുവീകരണമാണ് യോഗി സര്‍ക്കാര്‍ യുപിയില്‍ സൃഷ്ടിച്ചിരിക്കുന്നത്.

Continue Reading
Advertisement
Click to comment

Leave a Reply

Your email address will not be published. Required fields are marked *

india

ഗുണനപ്പട്ടിക മറന്നുപോയി; ഒന്‍പതുകാരന്റെ കൈപ്പത്തി ഡ്രില്ലിങ് മെഷീന്‍ ഉപയോഗിച്ച് മുറിച്ച് അധ്യാപകന്‍

കാണ്‍പൂര്‍ പ്രേംനഗറിലെ പ്രൈമറി സ്‌കൂളില്‍ വ്യാഴാഴ്ചയാണ് സംഭവം നടക്കുന്നത്.

Published

on

ഉത്തര്‍പ്രദേശില്‍ ഗുണന പട്ടിക ചൊല്ലാത്തതിന് അഞ്ചാം ക്ലാസുകാരന്റെ കൈപ്പത്തി ഡ്രില്ലിംഗ് മെഷീന്‍ ഉപയോഗിച്ച് മുറിച്ച് അധ്യാപകന്റെ ക്രൂരത. കാണ്‍പൂര്‍ പ്രേംനഗറിലെ പ്രൈമറി സ്‌കൂളില്‍ വ്യാഴാഴ്ചയാണ് സംഭവം നടക്കുന്നത്.

അഞ്ചാം ക്ലാസില്‍ പഠിക്കുന്ന വിവന്‍ എന്ന കുട്ടിക്കാണ് ഈ ദുരനുഭവം ഉണ്ടായത്. അധ്യാപകന്‍ അനുജ് പണ്ടെയാണ് ഈ ക്രൂരത ചെയ്തത്. സ്‌കൂളില്‍ ചില അറ്റകുറ്റപ്പണികള്‍ക്ക് നേതൃത്വം നല്‍കുകയായിരുന്നു അധ്യാപകന്‍. ഇതുവഴി കടന്നുപോയ വിദ്യാര്‍ത്ഥിയോട് ഗുണന പട്ടിക ചൊല്ലാന്‍ ആവശ്യപ്പെടുകയായിരുന്നു. എന്നാല്‍ ആ സമയം ചൊല്ലാന്‍ കഴിഞ്ഞില്ല. ഇതില്‍ പ്രകോപിതനായ അധ്യാപകന്‍ ഡ്രില്ലിങ് മെഷീന്‍ ഉപയോഗിച്ച് വിദ്യാര്‍ഥിയുടെ കൈപ്പത്തി മുറിക്കുകയായിരുന്നു. അടുത്തുണ്ടായിരുന്ന സഹപാഠി ഡ്രില്ലിങ് മെഷീന്റെ പ്ലഗ് ഉടനെ തന്നെ വലിച്ചൂരിയത് വലിയ ആശ്വാസമായി.

Continue Reading

india

ആംബുലന്‍സിന്റെ ഇന്ധനം തീര്‍ന്നതിനാല്‍ ആശുപത്രിയിലെത്താന്‍ വൈകി; രോഗിക്ക് ദാരുണാന്ത്യം

സംഭവത്തില്‍ കുറ്റക്കാര്‍ക്കെതിരെ കര്‍ശന നടപടി സ്വീകരിക്കാന്‍ മഹാരാഷ്ട്ര സര്‍ക്കാര്‍ നിര്‍ദ്ദേശം നല്‍കി.

Published

on

ആശുപത്രിയിലേക്ക് പോകുന്നതിനിടയില്‍ ആംബുലന്‍സിലെ ഇന്ധനം തീര്‍ന്ന് രോഗി ചികിത്സ കിട്ടാതെ മരിച്ചു. മഹാരാഷ്ട്രയിലെ ബന്‍സോരയിലാണ് സംഭവം.

രോഗിയുടെ ബന്ധുക്കള്‍ വാഹനം തള്ളുന്ന വീഡിയോ സാമൂഹ്യ മാധ്യമങ്ങള്‍ പ്രചരിച്ചിരുന്നു. സംഭവം വിവാദമായതിന് പിന്നാലെ അന്വേഷണം ഏര്‍പ്പെടുത്തുമെന്നും മരിച്ചയാളുടെ കുടുംബത്തെ സന്ദര്‍ശിക്കുമെന്നും സി എച്ച് എം ഓ പറഞ്ഞു.

സംഭവത്തില്‍ കുറ്റക്കാര്‍ക്കെതിരെ കര്‍ശന നടപടി സ്വീകരിക്കാന്‍ മഹാരാഷ്ട്ര സര്‍ക്കാര്‍ നിര്‍ദ്ദേശം നല്‍കി.

 

 

Continue Reading

india

സാരിയിലും സല്‍വാറിലും സുന്ദരി,ധരിക്കാതിരുന്നാലും സ്ത്രീകളെ കാണാന്‍ നന്നായിരിക്കും; വിവാദമായി രാംദേവിന്റെ അഭിപ്രായം

മഹാരാഷ്ട്ര ഉപമുഖ്യമന്ത്രി ദേവേന്ദ്ര ഫഡ്നാവിസിന്റെ ഭാര്യ അമൃത ഫഡ്നാവിസ് ക്യാമ്പില്‍ പങ്കെടുത്തിരുന്നു.

Published

on

വിവാദമായി യോഗാ ഗുരു രാംദേവിന്റെ അഭിപ്രായപ്രകടനം.സാരിയിലും സല്‍വാറിലും സത്രീകള്‍ സുന്ദരിയായിരിക്കും.
ധരിക്കാതിരുന്നാലും സ്ത്രീകളെ കാണാന്‍ നന്നായിരിക്കും എന്ന പരമാര്‍ശമാണ് വിവാദമായിരിക്കുന്നത്.
താനെയില്‍ യോഗാ ക്യാമ്പില്‍ സംസാരിക്കവെയാണ് വിവാദ പരാമര്‍ശം ഉണ്ടായത്.

രാംദേവിന്റെ അഭിപ്രായപ്രകടനത്തിന്റെ വീഡിയോ സോഷ്യല്‍ മീഡിയയില്‍ വൈറലായിരിക്കുകയാണ്. പരാമര്‍ശത്തെ അപലപിച്ച് ഡല്‍ഹി വനിതാ കമ്മീഷന്‍ മേധാവി സ്വാതി മലിവാള്‍ വീഡിയോ പങ്കുവെച്ചു. സ്ത്രീകളെ അപമാനിക്കുന്ന തരത്തില്‍ നടത്തിയ പരാമര്‍ശത്തില്‍ രാംദേവ് മാപ്പ് പറയണം, സ്വാതി മലിവാള്‍ ട്വീറ്റ് ചെയ്തു.

‘മഹാരാഷ്ട്ര ഉപമുഖ്യമന്ത്രിയുടെ ഭാര്യക്ക് മുന്നില്‍ സ്ത്രീകളെ കുറിച്ച് സ്വാമി രാംദേവ് നടത്തിയ പരാമര്‍ശം അപലപനീയമാണ്. ഈ പ്രസ്താവന എല്ലാ സ്ത്രീകളെയും വേദനിപ്പിച്ചു, ഈ പ്രസ്താവനയ്ക്ക് ബാബാ രാംദേവ്ജി രാജ്യത്തോട് മാപ്പ് പറയണം!’ സ്വാതി മലിവാള്‍ ട്വീറ്റ് ചെയ്തു.

 

 

Continue Reading

Trending