Connect with us

kerala

ലോക്‌സഭ തൂത്തുവാരിയവരാണ് ഞങ്ങള്‍; നിയമസഭ തെരഞ്ഞെടുപ്പിലും ആ തിരിച്ചുവരവുണ്ടാകും; പികെ കുഞ്ഞാലിക്കുട്ടി

വരുന്ന നിയമസഭാ തിരഞ്ഞെടുപ്പില്‍ യുഡിഎഫ് തിരിച്ചുവരവ് നടത്തുമെന്ന് മുസ്‌ലിംലീഗ്. അതിനുള്ള നിര്‍ദേശങ്ങള്‍ മുന്നോട്ടുവയ്ക്കുമെന്ന് പികെ കുഞ്ഞാലിക്കുട്ടി പറഞ്ഞു

Published

on

തിരുവനന്തപുരം: വരുന്ന നിയമസഭാ തിരഞ്ഞെടുപ്പില്‍ യുഡിഎഫ് തിരിച്ചുവരവ് നടത്തുമെന്ന് മുസ്‌ലിംലീഗ്. അതിനുള്ള നിര്‍ദേശങ്ങള്‍ മുന്നോട്ടുവയ്ക്കുമെന്ന് പികെ കുഞ്ഞാലിക്കുട്ടി പറഞ്ഞു. തിരുവനന്തപുരത്ത് ലീഗ് നേതൃയോഗത്തിന് ശേഷം നേതാക്കള്‍ കോണ്‍ഗ്രസ് നേതൃത്വവുമായി ചര്‍ച്ച നടത്തി. ചര്‍ച്ച പോസിറ്റീവെന്ന് പികെ കുഞ്ഞാലിക്കുട്ടി പ്രതികരിച്ചു.

കഴിഞ്ഞ ലോക്‌സഭാ തെരഞ്ഞെടുപ്പ് തൂത്തുവാരിയവരാണ് യുഡിഎഫ്. ഇപ്പോള്‍ പഞ്ചായത്ത് തെരഞ്ഞെടുപ്പില്‍ പരാജയപ്പെടുകയുണ്ടായി. ഇനി വരാനിരിക്കുന്നത് അസംബ്ലി തെരഞ്ഞെടുപ്പാണ്. പാര്‍ലമെന്റ് തെരഞ്ഞെടുപ്പ് തൂത്തു വാരിയ പോലെ ഒരു തിരിച്ചുവരവ് അസംബ്ലി തെരഞ്ഞെടുപ്പില്‍ ഉണ്ടാകും. അതിനായുള്ള വഴികളും നിര്‍ദേശങ്ങളും തങ്ങള്‍ മുന്നോട്ടുവക്കുമെന്നും കുഞ്ഞാലിക്കുട്ടി പറഞ്ഞു.

രമേശ് ചെന്നിത്തല, മുല്ലപ്പള്ളി രാമചന്ദ്രന്‍, ഉമ്മന്‍ചാണ്ടി എന്നിവരെയാണ് ലീഗ് നേതാക്കള്‍ കണ്ടത്.

 

kerala

സിദ്ദിഖ് കാപ്പന്‍ ഐക്യദാര്‍ഢ്യ സദസ്സ് റദ്ദാക്കി; സംഘര്‍ഷ സാധ്യതയെന്ന് പൊലീസ് റിപ്പോര്‍ട്ട്

ഇന്ന് വൈകിട്ട് കോഴിക്കോട് ടൗണ്‍ ഹാളിലായിരുന്നു പരിപാടി നടത്താനിരുന്നത്.

Published

on

കോഴിക്കോട്ട് ഇന്ന് സംഘടിപ്പിക്കാനിരുന്ന സിദ്ദിഖ് കാപ്പന്‍ ഐക്യദാര്‍ഢ്യ സദസ്സ് റദ്ദാക്കി. പരിപാടിക്കെതിരെ ബിജെപി പൊലീസ് മേധാവിക്ക് പരാതി നല്‍കിയ സാഹചര്യത്തില്‍ സംഘര്‍ഷ സാധ്യതയുണ്ടെന്ന പൊലീസ് റിപ്പോര്‍ട്ടിന്റെ അടിസ്ഥാനത്തിലാണ് പരിപാടി റദ്ദാക്കിയത്.

ഇന്ന് വൈകിട്ട് കോഴിക്കോട് ടൗണ്‍ ഹാളിലായിരുന്നു പരിപാടി നടത്താനിരുന്നത്. മുസ്‌ലിം ലീഗ് നേതാവ് മുനവ്വറലി ശിഹാബ് തങ്ങളാണ് പരിപാടി ഉദ്ഘാടനം ചെയ്യേണ്ടിയിരുന്നത്.

Continue Reading

kerala

പഴം ഇറക്കുമതിയുടെ മറവില്‍ ലഹരിക്കടത്ത്; മലയാളി പിടിയില്‍

ദക്ഷിണാഫ്രിക്കയില്‍ നിന്നുള്ള ഓറഞ്ച് എന്ന വ്യാജേനയാണ് ലഹരി വസ്തുക്കള്‍ എത്തിച്ചത്.

Published

on

പഴം ഇറക്കുമതിയുടെ മറവില്‍ 1476 കോടി രൂപയുടെ ലഹരിമരുന്ന് കടത്തിയ കേസില്‍ മലയാളി പിടിയില്‍. എറണാകുളം കാലടിയില്‍ നിന്നുള്ള വിജിന്‍ വര്‍ഗീസാണ് അറസ്റ്റിലായത്. മഹാരാഷ്ട്രയിലെ വാസിയില്‍ നടന്ന റെയ്ഡിലാണ് ലഹരിമരുന്ന് ഡി.ആര്‍.ഐ പിടിച്ചെടുത്തത്. ദക്ഷിണാഫ്രിക്കയില്‍ നിന്നുള്ള ഓറഞ്ച് എന്ന വ്യാജേനയാണ് ലഹരി വസ്തുക്കള്‍ എത്തിച്ചത്.

198 കിലോ മെത്തും 9 കിലോ കൊക്കെയ്‌നുമാണ് പിടികൂടിയത്. വിജിന്‍ ഉടമയായ കമ്പനിയുടെ പേരില്‍ ലഹരിമരുന്നുകള്‍ എത്തിയതിനെ തുടര്‍ന്ന് ഇയാളെ ഡി ആര്‍ ഐ കസ്റ്റഡിയിലെടുക്കുകയായിരുന്നു. ഇയാളുടെ സുഹൃത്ത് തച്ചാംപറമ്പന്‍ മന്‍സൂറിനെ കണ്ടെത്താനായി ഡി ആര്‍ ഐ സംഘം അന്വേഷണം നടത്തുകയാണ്.

ലഹരി ഇടപാടില്‍ 70 ശതമാനം ലാഭം വിജിനും 30 ശതമാനം മന്‍സൂറിനുമാണ് വീതം വെച്ചിരുന്നതെന്ന് ഡിആര്‍ഐ അധികൃതര്‍ അറിയിച്ചു. സംഭവത്തിന് പിന്നാലെ റവന്യൂ ഇന്റലിജന്‍സിന്റെ നേതൃത്വത്തില്‍ എറണാകുളം കാലടിയിലുള്ള ഇയാളുടെ സ്ഥാപനത്തില്‍ പരിശോധന നടത്തി.

Continue Reading

kerala

നെടുമ്പാശേരി വിമാനത്താവളത്തില്‍ വന്‍ സ്വര്‍ണവേട്ട

മലപ്പുറം , കോഴിക്കോട് , കാസര്‍ഗോഡ് എന്നിവിടങ്ങളിലെ യാത്രക്കാരില്‍ നിന്നാണ് പിടികൂടിയത്.

Published

on

കൊച്ചി അന്താരാഷ്ട്ര വിമാന താവളം വഴി അനധികൃതമായി കടത്താന്‍ ശ്രമിച്ച 1 . 5 കോടി രൂപ വിലവരുന്ന സ്വര്‍ണ്ണം കസ്റ്റംസ് എയര്‍ ഇന്റലിജന്‍സ് വിഭാഗം പിടികൂടി. മലപ്പുറം , കോഴിക്കോട് , കാസര്‍ഗോഡ് എന്നിവിടങ്ങളിലെ യാത്രക്കാരില്‍ നിന്നാണ് പിടികൂടിയത്. ഇന്ന് പുലര്‍ച്ചെ ദുബായില്‍ നിന്നാണ് ഇവര്‍ എത്തിയത്.

പൊടിരൂപത്തിലും ബേസ്‌ബോര്‍ഡ് പെട്ടിയിലൊളിപ്പിച്ചും ഗുളിക രൂപത്തിലുമാക്കിയാണ് ഇവര്‍ സ്വര്‍ണം കടത്താന്‍ ശ്രമിച്ചത്.

Continue Reading

Trending