Connect with us

Culture

കാസര്‍കോഡ് യുവാക്കള്‍ക്ക് പോലീസ് മര്‍ദ്ദനം; യുവാക്കളെ മുതുകില്‍ ചവിട്ടി ക്രൂരത

Published

on

കാസര്‍കോഡ്: വാഹനപരിശോധനയ്ക്കിടെ കാസര്‍കോഡ് യുവാക്കള്‍ക്ക് പൊലീസിന്റെ ക്രൂര മര്‍ദ്ദനം. മര്‍ദ്ദനത്തില്‍ പരിക്കേറ്റ മൂന്ന് യുവാക്കളെ സ്വകാര്യ ആശുപത്രിയില്‍ പ്രവേശിപ്പിച്ചു. കോളിയടുക്കം ബെണ്ടിച്ചാല്‍ സ്വദേശികളായ ബാരിക്കാട് ഹംസ മുഹമ്മദ് (28), മുഹമ്മദ് ഷംസീര്‍(26) മുഹമ്മദ് സക്കീര്‍(24) എന്നിവരെയാണ് പോലീസ് അതിക്രൂരമായി മര്‍ദ്ദിച്ചത്.

രണ്ടു ബൈക്കുകളിലായി എത്തിയ ഇവരെ പോലീസ് പട്രോളിങ്ങിനിടെ കൈകാണിച്ച് നിര്‍ത്തുകയായിരുന്നു. ലൈസന്‍സും മറ്റു രേഖകളുമില്ലാത്തതിനാല്‍ ഇവരോട് സ്‌റ്റേഷനിലെത്താന്‍ പോലീസ് നിര്‍ദ്ദേശിച്ചു. തുടര്‍ന്ന് സ്‌റ്റേഷനിലെത്തിയ യുവാക്കളെ പോലീസ് സംഘം ചേര്‍ന്ന് മര്‍ദ്ദിക്കുകയായിരുന്നു. എന്നാല്‍ ക്രൂരമര്‍ദ്ദനത്തിന് പുറമെ പരുക്കേറ്റ യുവാക്കള്‍ക്കെതിരെ പൊലീസുകാരെ കയ്യേറ്റം ചെയ്‌തെന്ന് ആരോപിച്ച് കേസെടുക്കുകയും ചെയ്തിട്ടുണ്ട്.

നിലത്ത് കിടത്തി ബൂട്ട് ഉപയോഗിച്ച് ചവിട്ടിയെന്നും ലാത്തി ഉപയോഗിച്ച് പുറത്തു തല്ലിയെന്നും യുവാക്കള്‍ പറഞ്ഞു. എട്ടുപോലീസുകാര്‍ ചേര്‍ന്നാണ് മര്‍ദ്ദിച്ചതെന്നും അവര്‍ വ്യക്തമാക്കി. യുവാക്കളുടെ മൊഴിയെടുത്ത ശേഷം ഇവരുടെ പരാതിയില്‍ കേസ് രജിസ്റ്റര്‍ ചെയ്യുമെന്ന് കാസര്‍കോട് ടൗണ്‍ സിഐ അബ്ദുല്‍ റഹീം അറിയിച്ചു.

Continue Reading
Advertisement
Click to comment

Leave a Reply

Your email address will not be published. Required fields are marked *

Film

മലയാള സിനിമ റിലീസ് തടയില്ല, തുടരും; നിലപാട് മാറ്റി ഫിയോക്

കാര്യങ്ങൾ മുമ്പത്തെ പോലെ മുന്നോട്ടു പോകുമെന്നും ദിലീപ് വ്യക്തമാക്കി.

Published

on

നിലപാടിൽ അയവ് വരുത്തി തിയേറ്റർ ഉടമകളുടെ സംഘടനയായ ഫിയോക്. മലയാള സിനിമകൾ കേരളത്തിലെ തിയേറ്ററുകളിൽ റിലീസ് തുടരുമെന്നും സിനിമ മേഖലയിലെ പ്രശ്നങ്ങൾ ചർച്ച ചെയ്ത് പരിഹരിക്കുമെന്നും ഫിയോക്ക് ചെയർമാൻ ദിലീപ് പറഞ്ഞു. കാര്യങ്ങൾ മുമ്പത്തെ പോലെ മുന്നോട്ടു പോകുമെന്നും ദിലീപ് വ്യക്തമാക്കി.

ഫെബ്രുവരി 22ന് മലയാള ചിത്രങ്ങൾ റിലീസ് ചെയ്യുമെന്ന് ഫിയോക്ക് വ്യക്തമാക്കിയിരുന്നു. സിനിമകള്‍ തിയേറ്ററില്‍ റിലീസ് ചെയ്ത് വളരെ വേഗം ഒടിടി പ്ലാറ്റുഫോമുകൾക്ക് വിട്ടുകൊടുക്കുന്നതാണ് സമരത്തിന്റെ പ്രധാനകാരണമായി തിയേറ്റര്‍ ഉടമകള്‍ ചൂണ്ടിക്കാണിച്ചത്.
ഇത് കൂടാതെ ഷെയറിങ് രീതികളിൽ മാറ്റം വരുത്തണം, പബ്ലിസിറ്റി കോൺട്രിബ്യൂഷൻ, പേസ്റ്റിങ് ചാർജ് എന്നിവ പൂർണ്ണമായും നിർത്തലാക്കണം, വിപിഎഫ് ചാർജ് പ്രൊഡ്യൂസറോ ഡിസ്ട്രിബ്യൂട്ടറോ നൽകണം എന്നിവയും ഫിയോക്ക് മുന്നോട്ടു വച്ച പ്രധാന ആവശ്യങ്ങളിൽ പറയുന്നു.

Continue Reading

Film

അക്ഷയ് കുമാർ-ടൈഗർ ഷ്‌റോഫ് പരിപാടിയിൽ സംഘർഷം, ചെരിപ്പേറ്; ലാത്തിച്ചാർജ് നടത്തി പൊലീസ്

തിങ്കളാഴ്ച ലഖ്‌നൗവിലെ ചരിത്രപ്രസിദ്ധമായ ഹുസൈനാബാദ് ക്ലോക്ക് ടവറിനു സമീപത്തായിരുന്നു പരിപാടി

Published

on

ബോളിവുഡ് നടന്മാരായ അക്ഷയ് കുമാര്‍ ടൈഗര്‍ ഷൊറഫ് എന്നിവര്‍ പങ്കെടുത്ത പരിപാടിയില്‍ ആരാധകര്‍ക്ക് നേരെ പൊലീസ് ലാത്തി ചാര്‍ജ് നടത്തി. പരിപാടിക്ക് ഇടയില്‍ സുരക്ഷാ ബാനര്‍ തകര്‍ത്ത് ആരാധകര്‍ താരങ്ങള്‍ക്കടുത്തേക്ക് എത്തിയപ്പോഴാണ് പൊലീസ് ലാത്തി ചാര്‍ജ് നടത്തിയതെന്ന് ദേശീയ മാധ്യമങ്ങള്‍ റിപ്പോര്‍ട്ട് ചെയ്തു.

തിങ്കളാഴ്ച ലഖ്‌നൗവിലെ ചരിത്രപ്രസിദ്ധമായ ഹുസൈനാബാദ് ക്ലോക്ക് ടവറിനു സമീപത്തായിരുന്നു പരിപാടി. താരങ്ങളെ കാണാനായി ആയിരങ്ങളാണു തടിച്ചുകൂടിയിരുന്നത്. ചിത്രത്തിന്റെ പ്രമോഷന്റെ ഭാഗമായി അക്ഷയ് കുമാറും ടൈഗര്‍ ഷ്‌റോഫും സമ്മാനങ്ങള്‍ വാരിവിതറിയതോടെയാണ് ആള്‍ക്കൂട്ടത്തിന്റെ നിയന്ത്രണം നഷ്ടമായത്. ആളുകള്‍ സൃഷ്ടിച്ച ഉന്തിലും തള്ളിലും നിരവധി പേര്‍ക്ക് പരിക്ക് പറ്റിയതായും വീഡിയോകളില്‍ നിന്നും വ്യക്തമാണ്.

Continue Reading

Film

നടൻ സുരാജ് വെഞ്ഞാറമൂടിന്റെ ഡ്രൈവിംഗ് ലൈസൻസ് സസ്‌പെൻഡ് ചെയ്യാനൊരുങ്ങി മോട്ടോർ വാഹന വകുപ്പ്

മോട്ടോർ വാഹന വകുപ്പ് മൂന്നുതവണ കാരണം കാണിക്കൽ നോട്ടീസ് അയച്ചിട്ടും മറുപടി ലഭിക്കാതായതോടെയാണ് സസ്‌പെൻഷൻ നടപടി സ്വീകരിക്കാൻ അധികൃതർ തീരുമാനിച്ചത്

Published

on

നടൻ സുരാജ് വെഞ്ഞാറമൂടിൻ്റെ ലൈസൻസ് സസ്പെൻഡ് ചെയ്യാൻ മോട്ടോർ വാഹന വകുപ്പ്. രാത്രി അമിത വേഗത്തിൽ ഓടിച്ച കാർ ഇടിച്ച്‌ ബൈക്ക് യാത്രക്കാരനു പരുക്കേറ്റ സംഭവത്തിലാണ് നടപടി. മോട്ടോർ വാഹന വകുപ്പ് മൂന്നുതവണ കാരണം കാണിക്കൽ നോട്ടീസ് അയച്ചിട്ടും മറുപടി ലഭിക്കാതായതോടെയാണ് സസ്‌പെൻഷൻ നടപടി സ്വീകരിക്കാൻ അധികൃതർ തീരുമാനിച്ചത്.

തമ്മനം-കാരണക്കോടം റോഡിലാണ് കേസിനാസ്പദമായ സംഭവം. 2023 ജൂലൈ 29ന് രാത്രിയിൽ സുരാജിന്റെ അമിതവേഗതയിൽ വന്ന കാർ മഞ്ചേരി സ്വദേശി ശരത്തിൻ്റെ ബൈക്കിൽ ഇടിക്കുകയായിരുന്നു. ശരത്തിൻ്റെ (31) വലതുകാലിൻ്റെ പെരുവിരലിന് പൊട്ടലും മറ്റ് കാൽവിരലുകൾക്ക് പരിക്കേൽക്കുകയും ചെയ്തിരുന്നു.

 

Continue Reading

Trending