Connect with us

Culture

പുജാരക്കും രഹാനെക്കും സെഞ്ച്വറി; ആദ്യ ദിനം ഇന്ത്യക്ക് സ്വന്തം

Published

on

കൊളംബോ: ശ്രീലങ്കക്കെതിരായ രണ്ടാം ടെസ്റ്റിന്റെ ആദ്യദിനം ഇന്ത്യന്‍ ആധിപത്യം. സിംഹളീസ് ക്രിക്കറ്റ് ഗ്രൗണ്ടില്‍ സ്റ്റംപെടുക്കുമ്പോള്‍ സന്ദര്‍ശകര്‍ മൂന്ന് വിക്കറ്റ് നഷ്ടത്തില്‍ 344 റണ്‍സ് എന്ന ശക്തമായ നിലയിലാണ്. ചേതേശ്വര്‍ പുജാരയുടെ (128 നോട്ടൗട്ട്) യും അജിങ്ക്യ രഹാനെയുടെയും (103 നോട്ടൗട്ട്) ശതകങ്ങളും ലോകേഷ് രാഹുലിന്റെ (57) അര്‍ധ സെഞ്ച്വറിയുമാണ് ഇന്ത്യയെ മികച്ച നിലയിലെത്തിച്ചത്. നാലാം വിക്കറ്റില്‍ പുജാരയും രഹാനെയും ചേര്‍ന്ന് ഇതിനകം 211 റണ്‍സ് ചേര്‍ത്തു കഴിഞ്ഞു.

പരമ്പരയിലെ ആദ്യ മത്സരം ജയിച്ച ഇന്ത്യക്ക് ടോസ് നേടി ബാറ്റിങ് തെരഞ്ഞെടുക്കാന്‍ രണ്ടാമതൊന്ന് ആലോചിക്കേണ്ടി വന്നില്ല. പരിക്കും അസുഖവും കാരണം ദീര്‍ഘകാലം ടീമില്‍ നിന്ന് വിട്ടുനില്‍ക്കേണ്ടി വന്ന ലോകേഷ് രാഹുലും മികച്ച ഫോമിലുള്ള ശിഖര്‍ ധവാനും (35) ഒന്നാം വിക്കറ്റില്‍ 56 റണ്‍സ് ചേര്‍ത്തു. അഞ്ച് ഫോറും ഒരു സിക്‌സറുമടക്കം ഏകദിന ശൈലിയില്‍ ബാറ്റ് വീശിയ ധവാന്‍ ദില്‍റുവന്‍ പെരേരയുടെ പന്തില്‍ വിക്കറ്റിനു മുന്നില്‍ കുടുങ്ങി മടങ്ങുകയായിരുന്നു. 50-ാം ടെസ്റ്റ് കളിക്കുന്ന പുജാരയുടേതായിരുന്നു അടുത്ത ഊഴം. രാഹുലും പുജാരയും പരസ്പര ധാരണയോടെ കളിച്ചു തുടങ്ങിയപ്പോള്‍ സമ്മര്‍ദം ലങ്കയ്ക്കു മേലായി. എന്നാല്‍, അനാവശ്യ സിംഗിളിന് ശ്രമിച്ച് രാഹുല്‍ റണ്ണൗട്ടായതോടെ ഇന്ത്യക്ക് രണ്ടാം വിക്കറ്റ് നഷ്ടമായി. ആദ്യം റണ്ണിന് വിളിച്ച് പാതിവഴിയില്‍ പിന്മാറിയ പുജാരയുടെ മനംമാറ്റമാണ് രാഹുലിനെ ചതിച്ചത്.

നാലാം നമ്പറിലിറങ്ങിയ ക്യാപ്ടന്‍ വിരാട് കോഹ്ലിക്ക് (13) അധിക നേരം വാഴാന്‍ കഴിഞ്ഞില്ല. രങ്കണ ഹെറാത്തിന്റെ പന്തില്‍ മനോഹരമായ ക്യാച്ചെടുത്ത് മുന്‍ ക്യാപ്ടന്‍ എയ്ഞ്ചലോ മാത്യൂസ് കോഹ്ലിയെ മടക്കി. ഇന്ത്യന്‍ സ്‌കോര്‍ 133-ലെത്തിയിരുന്നു അപ്പോള്‍.

തുടര്‍ന്നെത്തിയ രഹാനെ തുടക്കം മുതല്‍ തന്നെ ആധികാരികമായാണ് കളിച്ചത്. പിന്‍കാലിലൂന്നി ക്രീസ് നിയന്ത്രിച്ച രഹാനെ ഷോര്‍ട്ട് ആയി വരുന്ന പന്തുകളെ ശിക്ഷിക്കാന്‍ മറന്നില്ല. മറുവശത്ത് പുജാര തന്റെ സ്വതസിദ്ധമായ ശൈലിയിലാണ് കളിച്ചത്. ഒരു തവണ ക്യാച്ചില്‍ നിന്ന് രക്ഷപ്പെട്ട പുജാര പിന്നീട് 30 പന്തുകള്‍ നേരിട്ട ശേഷമാണ് അടുത്ത റണ്ണെടുത്തത്. നേരിട്ട ആദ്യ 94 പന്തില്‍ വെറും 29 റണ്‍സ് നേടിയ പുജാര പിന്നീട് 46 പന്തില്‍ നിന്ന് 60 റണ്‍സ് കുറിച്ചു.

164 പന്തിലാണ് പുജാര സെഞ്ച്വറിയിലെത്തിയത്. ഒമ്പത് ഫോറും ഒരു സിക്‌സറും താരം ഇതിനകം നേടി. അതേസമയം രഹാനെ തന്റെ ഒമ്പതാം ശതകത്തിലെത്താന്‍ 151 പന്തേ എടുത്തുള്ളൂ. ശ്രീലങ്കക്കെതിരായ തന്റെ രണ്ടാമത്തെ സെഞ്ച്വറിയില്‍ 11 തവണ രഹാനെ പന്ത് അതിര്‍ത്തി കടത്തി.

Continue Reading
Advertisement
Click to comment

Leave a Reply

Your email address will not be published. Required fields are marked *

Art

സ്റ്റാൻഡപ്പ് കോമഡി വേദികളിൽ നിന്നും ചലച്ചിത്ര അരങ്ങിലേക്ക്

ജോബി വയലുങ്കൽ സംവിധാനം ചെയ്ത് അരിസ്റ്റോ സുരേഷ് നായകനാകുന്ന ചിത്രത്തിലാണ് നാൽവർ സംഘം ഭാഗമാകുന്നത്.

Published

on

മലയാളത്തിലെ ആദ്യത്തെ സ്റ്റാൻഡപ്പ് കോമഡി റിയാലിറ്റി ഷോ ആയ ഫൺസ് അപ്പോൺ എ ടൈം സീസൺ 3 യുടെ മത്സരാർത്ഥികൾ ചലച്ചിത്ര അരങ്ങിലേക്ക്. ഷോയിലൂടെ ശ്രദ്ധേയരായ അൻസിൽ, ധരൻ, സംഗീത് റാം, സോബിൻ കുര്യൻ എന്നീ 4 കോമേഡിയന്മാരാണ് ആദ്യ സിനിമയിലേക്ക് ചുവട് വെച്ചത്. ജോബി വയലുങ്കൽ സംവിധാനം ചെയ്ത് അരിസ്റ്റോ സുരേഷ് നായകനാകുന്ന ചിത്രത്തിലാണ് നാൽവർ സംഘം ഭാഗമാകുന്നത്. വയലുങ്കൽ ഫിലംസ്ന്റെ ബാന്നറിൽ ഒരുങ്ങുന്ന ചിത്രത്തിന്റെ പേര് വൈകാതെ പ്രഖ്യാപിക്കും.

സംവിധായകനൊപ്പം ധരൻ ചിത്രത്തിന്റെ കഥ തിരക്കഥ കൈകാര്യം ചെയ്തിരിക്കുന്നു. മറ്റുള്ളവർ പ്രധാനപ്പെട്ട വേഷങ്ങളും കൈകാര്യം ചെയ്തിരിക്കുന്നു. വിഷ്ണു പ്രസാദ്, ബോബൻ ആലുമ്മൂടൻ, സജി വെഞ്ഞാറമൂട്, കൊല്ലം തുളസി, യവനിക ഗോപാലകൃഷ്ണൻ, ഹരിശ്രീ മാർട്ടിൻ, ഷാജി മാവേലിക്കര, വിനോദ്, ഭാസി, അരുൺ വെഞ്ഞാറമൂട് തുടങ്ങിയവർ അഭിനയിച്ചിരിക്കുന്നു.

ക്യാമറ: എ കെ ശ്രീകുമാർ, എഡിറ്റ്‌: ബിനോയ്‌ ടി വർഗീസ്, കൺട്രോളർ: രാജേഷ് നെയ്യാറ്റിൻകര. സംഗീതം: ജസീർ, ആലാപനം: അരവിന്ദ് വേണുഗോപാൽ, വൈക്കം വിജയലക്ഷ്മി, തൊടുപുഴയിൽ ചിത്രീകരണം പൂർത്തിയായ ചിത്രം വൈകാതെ തീയേറ്ററുകളിൽ എത്തും.

Continue Reading

Film

നടി നേഹ ശർമ്മ കോൺഗ്രസ് സ്ഥാനാർത്ഥിയായേക്കും; സൂചന നൽകി പിതാവ്

ബിഹാറിലെ ഭഗല്‍പൂരില്‍ നിന്നുള്ള കോണ്‍ഗ്രസ് എംഎല്‍എയാണ് നേഹയുടെ അച്ഛന്‍ അജയ് ശര്‍മ.

Published

on

ബോളിവുഡ് താരം നേഹ ശര്‍മ്മ വരാനിരിക്കുന്ന ലോക്സഭാ തിരഞ്ഞെടുപ്പില്‍ കോണ്‍ഗ്രസിനായി മത്സരിച്ചേക്കുമെന്ന സൂചന നല്‍കി പിതാവ്. ബിഹാറിലെ ഭഗല്‍പൂരില്‍ നിന്നുള്ള കോണ്‍ഗ്രസ് എംഎല്‍എയാണ് നേഹയുടെ അച്ഛന്‍ അജയ് ശര്‍മ. സഖ്യകക്ഷികളുമായുള്ള ധാരണയ്‌ക്കൊടുവില്‍ ഭഗല്‍പൂര്‍ സീറ്റ് കോണ്‍ഗ്രസിന് ലഭിക്കുകയാണെങ്കില്‍ മകളെ നാമനിര്‍ദേശം ചെയ്യുമെന്ന് അജയ് അറിയിച്ചു.

‘കോണ്‍ഗ്രസിന് ഭഗല്‍പൂര്‍ ലഭിക്കണം, ഞങ്ങള്‍ മത്സരിച്ച് സീറ്റ് നേടും. കോണ്‍ഗ്രസിന് ഭഗല്‍പൂര്‍ ലഭിച്ചാല്‍, എന്റെ മകള്‍ നേഹ ശര്‍മ്മ മത്സരിക്കണമെന്ന് ഞാന്‍ ആഗ്രഹിക്കുന്നു. പക്ഷേ പാര്‍ട്ടിക്ക് ഞാന്‍ മത്സരിക്കണമെന്നാണ് ആഗ്രഹിമെങ്കില്‍ അത് ചെയ്യും’ അജയ് ശര്‍മ്മ പറഞ്ഞു.

Continue Reading

Film

‘പ്രതിസന്ധികളെ മറിക്കടക്കാന്‍ ഖുര്‍ആന്‍ സഹായിച്ചു’: ഹോളിവുഡ് താരം വില്‍ സ്മിത്ത്‌

മക്കള്‍ക്ക് ഖുര്‍ആനിലെ വാക്കുകള്‍ ഉപദേശങ്ങളായി പറഞ്ഞു കൊടുക്കാറുണ്ടെന്നും അദ്ദേഹം വ്യക്തമാക്കി

Published

on

വിശുദ്ധ ഖുര്‍ആന്‍ വായിച്ചതിന്റെ അനുഭവം പങ്കുവച്ച് പ്രശ്‌സ്ത ഹോളിവുഡ് താരം വില്‍ സ്മിത്ത്. മാധ്യമപ്രവര്‍ത്തകനായ അമര്‍ അദീപിന്റെ ബിഗ് ടൈം പോഡ്കാസ്റ്റ് എന്ന പരിപാടിയിലാണ് വില്‍ സ്മിത്ത് ഇക്കാര്യം പറഞ്ഞത്. തനിക്ക് ആത്മീയത ഇഷ്ടമാണെന്നും ജീവിതത്തിലെ അവസാന രണ്ട് വര്‍ഷം ബുദ്ധിമുട്ടായിരുന്നുവെന്നും അതിനെ മറികടക്കാന്‍ തനിക്ക് ഖുര്‍ആന്‍ സഹായകമായെന്നും അദ്ദേഹം പറഞ്ഞു.

‘എനിക്ക് ആത്മീയത ഇഷ്ടമാണ്, തന്റെ ജീവിതത്തിലെ അവസാന രണ്ട് വര്‍ഷം വളെര ബുദ്ധിമുട്ടേറിയ കാലമായിരുന്നു, ആ കാലഘട്ടത്തില്‍ താന്‍ ഖുര്‍ആന്‍ ഉള്‍പ്പെടെ എല്ലാ വിശുദ്ധ ഗ്രന്ഥങ്ങളും വായിച്ചിരുന്നു. ഇത് സ്വയം ചിന്തിക്കാനും ആന്തരിക സ്വഭാവത്തെക്കുറിച്ച് ചിന്തിക്കാനും പ്രേരിപ്പിച്ചു’ അദ്ദേഹം പറഞ്ഞു.

ഈ റമദാന്‍ മാസത്തില്‍ ഖുര്‍ആന്‍ ഞാന്‍ പൂര്‍ണമായും വായിച്ചു. ഈ ഘട്ടത്തില്‍ ഏവരെയും ഉള്‍ക്കൊള്ളാനാവുന്ന വിശാലതയിലേക്ക് മനസിനെ വളര്‍ത്തിയെടുക്കുകയാണ്. ഖുര്‍ആന്റെ ലാളിത്യം തനിക്ക് വളരെ ഇഷ്ടമായി. എല്ലാം വളരെ ലളിതമായും കൃത്യമായും ഖുര്‍ആനിലുണ്ട്. യാതൊരു ബുദ്ധിമുട്ടുകളോ തെറ്റിദ്ധാരണകളോ ഇല്ലാതെ വളരെ എളുപ്പത്തില്‍ വായിച്ചു തീര്‍ക്കാമെന്നും അദ്ദേഹം പറഞ്ഞു.

‘ഞാന്‍ എല്ലാ വിശുദ്ധ ഗ്രന്ഥങ്ങളും വായിച്ചു, തോറ മുതല്‍ ബൈബിളിലൂടെ ഖുര്‍ആന്‍ വരെ. എല്ലാം ഒരു പോലെയാണെന്നതില്‍ ഞാന്‍ ആശ്ചര്യപ്പെട്ടു, അവ തമ്മിലുള്ള ബന്ധം തകര്‍ന്നിട്ടില്ല.’ അദ്ദേഹം പറഞ്ഞു. മക്കള്‍ക്ക് ഖുര്‍ആനിലെ വാക്കുകള്‍ ഉപദേശങ്ങളായി പറഞ്ഞു കൊടുക്കാറുണ്ടെന്നും അദ്ദേഹം വ്യക്തമാക്കി.

Continue Reading

Trending