Connect with us

News

റാമോസ്; പോര്‍ച്ചുഗലിന്റെ പുതിയ യുഗപ്പിറവിയോ ?

ക്വാര്‍ട്ടര്‍ ഫൈനലില്‍ മുഖ്യതാരമാക്കി ഇറക്കിയത് അമ്പരപ്പോടെ കണ്ടവര്‍ക്ക് ഗോണ്‍സാലോ റാമോസ് 17ാം മിനിറ്റില്‍ സ്വിസ്സ് വല കുലുക്കി മറുപടി നല്‍കി.

Published

on

ദോഹ: സ്വിറ്റ്‌സര്‍ലന്‍ഡിനെ പോര്‍ച്ചുഗല്‍ പ്രീ ക്വാര്‍ട്ടറില്‍ 6-1ന് പരാജയപ്പെടുത്തിയതിനേക്കാളും മത്സരം തുടങ്ങും മുമ്പ് പ്ലേയിങ് ഇലവന്‍ കണ്ടായിരിക്കും ഏവരും ഒരു നിമിഷം ഞെട്ടിയിരിക്കുക. സൂപ്പര്‍ താരം ക്രിസ്റ്റ്യാനോ റൊണാള്‍ഡോയ്ക്ക് പകരം ടീമില്‍ ഉള്‍പ്പെടുത്തിയിരിക്കുന്നത് ഒരു 21കാരനെ. രാജ്യാന്തര തലത്തില്‍ വെറും നാലാം മത്സരം കളിക്കുന്ന താരത്തെ (നേരത്തെ ഗ്രൂപ്പ് ഘട്ടത്തില്‍ കളിച്ചത് വെറും പത്ത് മിനിറ്റ്.)

ക്വാര്‍ട്ടര്‍ ഫൈനലില്‍ മുഖ്യതാരമാക്കി ഇറക്കിയത് അമ്പരപ്പോടെ കണ്ടവര്‍ക്ക് ഗോണ്‍സാലോ റാമോസ് 17ാം മിനിറ്റില്‍ സ്വിസ്സ് വല കുലുക്കി മറുപടി നല്‍കി. രണ്ടാം പകുതിയില്‍ രണ്ടാം ഗോള്‍. ഒടുവില്‍ ഖത്തര്‍ ലോകകപ്പിലെ ആദ്യ ഹാട്രിക്ക് സ്വന്തം പേരില്‍. ക്രിസ്റ്റിയാനോയ്ക്ക് പകരക്കാരനായി പോര്‍ച്ചുഗല്‍ ടീമില്‍ ആരു വരുമെന്ന വലിയ ചോദ്യത്തിനും അങ്ങിനെ ഉത്തരമായി. രാജ്യാന്തര ഫുട്‌ബോളില്‍ വെറും 35 മിനുറ്റ് മാത്രം അനുഭവ സമ്പത്തുമായി പരിശീലകനേല്‍പ്പിച്ച വലിയ ദൗത്യം ഏറ്റെടുക്കുമ്പോള്‍ ഇങ്ങനെയൊരു പര്യവസാനം റാമോസ് പോലും കരുതിയിരിക്കില്ല. ലോകകപ്പിനായുള്ള സന്നാഹ മത്സരത്തില്‍ നവംബര്‍ 17ന് നൈജീരിയക്കെതിരെയാണ് റാമോസിന്റെ അരങ്ങേറ്റം. ആദ്യമത്സരത്തില്‍ ഒരു ഗോളും ഒരു അസിസ്റ്റും. റാമോസിന്‌റെ ഗോള്‍ പോര്‍ച്ചുഗലിന് ആദ്യ ലീഡ് നല്‍കിയെങ്കിലും ആഘോഷത്തില്‍ പങ്കാളിയാകാന്‍ ക്രിസ്റ്റിയാനോ റൊണാള്‍ഡോ എത്തിയില്ലെന്നത് ശ്രദ്ധേയം. എന്നാല്‍ പെപ്പെ നേടിയ രണ്ടാം ഗോള്‍ ആഘോഷിക്കാന്‍ സി.ആര്‍ സെവന്‍ മുന്‍ നിരയില്‍ ഉണ്ടായിരുന്നു. രണ്ടാം പകുതിയില്‍ റാമോസിലൂടെ പോര്‍ച്ചുഗല്‍ ലീഡ് ഉയര്‍ത്തി. ഇത്തവണ ആഘോഷത്തിലായിരുന്നു റൊണാള്‍ഡോ. 72ാം മിനിറ്റില്‍ റൊണാള്‍ഡോയ്ക്കായി കളം വിടും മുമ്പ് ഖത്തറിലെ ആദ്യ ഹാട്രിക്കുമായി ചരിത്രം കുറിച്ചിരുന്നു റാമോസ്.

ബെന്‍ഫിക്ക യൂത്ത് സിസ്റ്റത്തിലൂടെ 12ാം വയസില്‍ പ്രൊഫഷണല്‍ ഫുട്‌ബോളില്‍ ചുവടുവെച്ചതാരം, 2019 ല്‍ ബെന്‍ഫിക്ക ബി ടീമിലും 2020 ല്‍ സീനിയര്‍ ടീമിലും ഇടംപിടിച്ചു. അണ്ടര്‍ 17, അണ്ടര്‍ 18, അണ്ടര്‍ 19, അണ്ടര്‍ 20, അണ്ടര്‍ 21 പോര്‍ച്ചുഗീസ് ടീമില്‍ അംഗമായിരുന്നു. നോക്കൗട്ട് റൗണ്ടില്‍ പോര്‍ച്ചുഗലിനായി ഗോള്‍ നേടുന്ന ഏറ്റവും പ്രായം കുറഞ്ഞ താരവും നോക്കൗട്ടില്‍ ഹാട്രിക് നേടുന്ന രണ്ടാമത്തെ പോര്‍ച്ചുഗീസ് താരവുമാണ് റാമോസ്. 1966 ല്‍ ഉത്തര കൊറിയക്കെതിരെ യൂസേബിയോ ആണ് നേരത്തെ ഈ നേട്ടം കരസ്ഥമാക്കിയത്. 1958 സെമിയില്‍ സാക്ഷാല്‍ പെലെ 17 വയസും 249 ദിവസവും പ്രായമുള്ളപ്പോള്‍ ഹാട്രിക് നേടിയ ശേഷം നോക്കൗട്ടില്‍ ഹാട്രിക് നേടുന്ന ഏറ്റവും പ്രായം കുറഞ്ഞ കളിക്കാരനെന്ന ബഹുമതിയും 2002 ല്‍ മിറോസ്ലാവ് ക്ലോസെക്കു ശേഷം ആദ്യ മത്സരത്തില്‍ ഹാട്രിക്കെന്ന ബഹുമതിയും റാമോസ് സ്വന്തം പേരിലാക്കി. റാമോസിനു പുറമെ പെപെ, റാഫേല്‍ ഗ്വരീരോ, റാഫേല്‍ ലിയാവോ എന്നിവരാണ് പോര്‍ച്ചുഗലിനായി സ്വിസ് വല ചലിപ്പിച്ചത്. അകന്‍ജിയിലൂടെയായിരുന്നു സ്വിറ്റ്‌സര്‍ലന്‍ഡിന്റെ ആശ്വാസ ഗോള്‍.

Continue Reading
Advertisement
Click to comment

Leave a Reply

Your email address will not be published. Required fields are marked *

gulf

മിഡില്‍ഈസ്റ്റ് മരുന്ന് വിപണി: 30 ശതമാനവും സഊദിഅറേബ്യന്‍ ഉല്‍പ്പന്നങ്ങള്‍

ഏറ്റവും വലിയ ഉല്‍പ്പാദനവിപണന കേന്ദ്രമായി സഊദിഅറേബ്യ ഇതിനകം തന്നെ മുന്നിലെത്തിക്കഴിഞ്ഞതായി വ്യവസായ, ധാതു വിഭവ മന്ത്രി ബന്ദര്‍ അല്‍ഖൊറായ്ഫ് വ്യക്തമാക്കി.

Published

on

റിയാദ്: മിഡില്‍ഈസ്റ്റ് രാജ്യങ്ങളില്‍ വിതരണം ചെയ്യുന്ന മരുന്നുകളില്‍ 30 ശതമാനവും സഊദി അറേബ്യന്‍ കമ്പനികളുടെ ഉല്‍പ്പന്നങ്ങള്‍. ഈ മേഖലയിലെ ഏറ്റവും വലിയ ഉല്‍പ്പാദനവിപണന കേന്ദ്രമായി സഊദിഅറേബ്യ ഇതിനകം തന്നെ മുന്നിലെത്തിക്കഴിഞ്ഞതായി വ്യവസായ, ധാതു വിഭവ മന്ത്രി ബന്ദര്‍ അല്‍ഖൊറായ്ഫ് വ്യക്തമാക്കി.

സൗദി അറേബ്യയിലെ ഫാര്‍മസ്യൂട്ടിക്കല്‍സ് വ്യവസായ വിപണി 32 ബില്യണ്‍ റിയാല്‍ (8.6 യുഎസ് ഡോളര്‍)ലെത്തിയിരിക്കുകയാണെന്ന് അദ്ദേഹം കൂട്ടിച്ചേര്‍ത്തു.

റിയാദ് ഗ്ലോബല്‍ മെഡിക്കല്‍ ബയോടെക്‌നോളജി ഉച്ചകോടിയില്‍ മന്ത്രിതല സംഭാഷണ സെഷനില്‍ പങ്കെടുത്തുകൊണ്ട് സംസാരിക്കുകയായിരുന്നു അദ്ദേഹം. കഴിവുള്ളവരെ ആകര്‍ഷിക്കുന്നതിനായി ആഗോള തലത്തില്‍ ബയോടെക്‌നോളജിക്ക് മികച്ച അടിസ്ഥാന സൗകര്യങ്ങള്‍ ഒരുക്കുന്നതിനുള്ള തന്ത്രപരമായ സമീപനവും സമഗ്രമായ പദ്ധതിയുമാണ് രാജ്യം പിന്തുടരുന്നത്.

നവീകരണത്തെ പ്രോത്സാഹിപ്പിക്കുക, ആരോഗ്യ സംരക്ഷണത്തിലും ലൈഫ് സയന്‍സിലും ആഗോളതലത്തില്‍ രാജ്യത്തെ നയിക്കുക എന്നതാണ് ലക്ഷ്യം.

ബയോടെക്‌നോളജി മേഖലയുടെ പ്രാധാന്യത്തെക്കുറിച്ചും സാധ്യതകളെക്കുറിച്ചും രാജ്യത്തിന് ബോധ്യമുണ്ടെന്ന് അല്‍ഖൊറായ്ഫ് വിശദീകരിച്ചു.

പാന്‍ഡെമിക് സമയത്ത് വെല്ലുവിളികളെ നേരിടുന്നതില്‍ ഫലപ്രദമെന്ന് തെളിയിക്കപ്പെട്ട സുപ്രധാന മേഖലകളിലൊന്നാണ് രാജ്യത്തെ കെമിക്കല്‍, ഫാര്‍മസ്യൂട്ടിക്കല്‍ മേഖലയെന്ന് അല്‍ഖൊറായ്ഫ് സൂചിപ്പിച്ചു. രാജ്യത്ത് ഏകദേശം 50 രജിസ്റ്റര്‍ ചെയ്ത ഫാര്‍മസ്യൂട്ടിക്കല്‍ ഫാക്ടറികളാണുള്ളത്.

വണ്‍ഷോപ്പ് സര്‍വീസ് സ്‌റ്റോപ്പ് എന്ന ആശയം പ്രോത്സാഹിപ്പിക്കുന്നതിനായി കമ്മിറ്റി 13 സര്‍ക്കാര്‍ ഏജന്‍സികളുമായി ഒരു കുടക്കീഴില്‍ പ്രവര്‍ത്തിക്കുന്നുണ്ടെന്നും മന്ത്രി പറഞ്ഞു.

Continue Reading

kerala

അര്‍ബന്‍ നിധി നിക്ഷേപ തട്ടിപ്പ് കേസ്: 30 കോടി തട്ടിപ്പ് നടത്തി ഒളിവിലായിരുന്ന പ്രതി ആന്റണി സണ്ണി പിടിയില്‍

കണ്ണൂര്‍ അര്‍ബന്‍ നിധിയുടെ സഹ സ്ഥാപനമാണ് എനി ടൈം മണി.

Published

on

കണ്ണൂര്‍: കണ്ണൂര്‍ അര്‍ബന്‍ നിധി നിക്ഷേപ തട്ടിപ്പ് കേസില്‍ ഒളിവിലായിരുന്ന പ്രതി ആന്റണി സണ്ണി പിടിയിലായി. തട്ടിപ്പുകള്‍ പുറത്തുവന്നതിന് പിന്നാലെയാണ് എനി ടൈം മണിയുടെ ഡയറക്ടറായിരുന്ന ആന്റണി സണ്ണി ഒളിവില്‍ പോയത്. സംസ്ഥാനത്തെ വിവിധ പൊലീസ് സ്‌റ്റേഷനുകളില്‍ ലഭിച്ച നിരവധി പരാതികളിലായി 30 കോടിയിലേറെ രൂപയുടെ തട്ടിപ്പ് നടന്നതായാണ് പൊലീസ് പറയുന്നത്. 30 കോടിയുടെ തട്ടിപ്പ് നടത്തിയത് ആന്റണിയാണെന്ന് മറ്റുപ്രതികള്‍ മൊഴി നല്‍കിയതായും പൊലീസ് പറയുന്നു.

12% പലിശയും സ്ഥാപനത്തില്‍ ജോലിയും വാഗ്ദാനം ചെയ്താണു നിക്ഷേപകരെ വലയില്‍ വീഴ്ത്തിയത്. കൂലിപ്പണിക്കാര്‍ മുതല്‍ ഡോക്ടര്‍മാരും പ്രവാസികളും വരെ ഇരകളായാതായാണ് വിവരം. 59 ലക്ഷം രൂപ നഷ്ടപ്പെട്ട തലശ്ശേരി സ്വദേശിയായ ഡോകടറുടെ പരാതിയിലാണ് ആദ്യം കേസെടുത്തത്. 5300 രൂപ മുതല്‍, ഒരു കോടിയോളം രൂപ വരെ നിക്ഷേപിച്ചവരുണ്ടെന്ന് പൊലീസ് പറയുന്നു.

കണ്ണൂര്‍ അര്‍ബന്‍ നിധിയുടെ സഹ സ്ഥാപനമാണ് എനി ടൈം മണി. 2020ല്‍ ആണ് കമ്പനി തുടങ്ങിയത്. കഴിഞ്ഞവര്‍ഷം ഓഗസ്റ്റ് വരെ ജീവനക്കാര്‍ക്കു ശമ്പളവും നിക്ഷേപകര്‍ക്കു പലിശയും കൃത്യമായി നല്‍കിയിരുന്നതായാണു വിവരം.

Continue Reading

gulf

ഒരു മാസത്തിനിടെ സഊദിയില്‍ തൊഴില്‍ കുടിയേറ്റ നിയമം ലംഘിച്ച 1.71ലക്ഷം പേരെ ശിക്ഷിച്ചു

നിയമലംഘകര്‍ക്ക് നിരവധി പിഴകള്‍ ചുമത്തിയതായി ജവാസാത്ത് വ്യക്തമാക്കി.

Published

on

റിയാദ്: ഒരുമാസത്തിനിടെ സഊദി പൗരന്മാരും വിദേശികളും ഉള്‍പ്പെടുന്ന 171,000 നിയമലംഘകര്‍ക്കെതിരെ ശിക്ഷ വിധിച്ചതായി ജനറല്‍ ഡയറക്ടറേറ്റ് ഓഫ് പാസ്‌പോര്‍ട്ട് (ജവാസത്ത്) വ്യക്തമാക്കി.

ഹിജറ വര്‍ഷം ജമാദ അല്‍അഖിര്‍ മാസത്തിലാണ് ഇത്രയും പേര്‍ക്ക് ശിക്ഷ വിധിച്ചത്.

ഇഖാമ, തൊഴില്‍ നിയമങ്ങള്‍, അതിര്‍ത്തി സുരക്ഷാ നിയമങ്ങള്‍ എന്നിവ ലംഘിച്ചതിന് ഇവര്‍ക്ക് പിഴ, ജയില്‍ ശിക്ഷ, നാടുകടത്തുക തുടങ്ങിയ ശിക്ഷകളാണ് നല്‍കിയിട്ടുള്ളത്. നിയമലംഘകര്‍ക്ക് നിരവധി പിഴകള്‍ ചുമത്തിയതായി ജവാസാത്ത് വ്യക്തമാക്കി.

തൊഴില്‍, താമസം, അതിര്‍ത്തി സുരക്ഷാ ചട്ടങ്ങള്‍ ലംഘിക്കുന്നവര്‍ക്ക് യാതൊരുവിധ സൗകര്യങ്ങളും ചെയ്തുകൊടുക്കുകയോ, അഭയം നല്‍കുകയോ ജോലിയില്‍ ഏര്‍പ്പെടുന്നതിനോ അവസരം നല്‍കുകയോ ചെയ്യരുതെന്ന്
ജവാസാത്ത് എല്ലാ പൗരന്മാരോടും താമസക്കാരായ വ്യക്തികളോടും സ്ഥാപന ഉടമകളോടും ആവശ്യപ്പെട്ടിട്ടുണ്ട്.

മക്ക, റിയാദ്, അല്‍ഷര്‍ഖിയ മേഖലകളിലെ 911 എന്ന നമ്പറിലും സൗദി അറേബ്യയുടെ മറ്റ് ഭാഗങ്ങളില്‍ 999 എന്ന നമ്പരിലും വിളിച്ച് പൊതുജനങ്ങള്‍ ജവാസാത്തുമായി സഹകരിക്കുകയും തൊഴില്‍, താമസ, അതിര്‍ത്തി സുരക്ഷാ നിയമങ്ങളുടെ ലംഘനങ്ങള്‍ റിപ്പോര്‍ട്ട് ചെയ്യുകയും വേണം.

Continue Reading

Trending