Connect with us

More

റോഹിങ്ക്യന്‍ കൂട്ടക്കുരുതി യുഎന്‍ അന്വേഷിക്കും

Published

on

മ്യാന്മര്‍: മ്യാന്മറില്‍ റോഹിങ്ക്യന്‍ മുസ്‌ലിങ്ങളെ കൂട്ടക്കുരുതി നടത്തിയെന്നും ബലാത്സംഗത്തിനു ഇരയാക്കിയെന്നും യുഎന്‍. കടുത്ത മനുഷ്യാവകാശ ലംഘനമാണ് മ്യാന്‍ന്മാറില്‍ നടന്നതെന്നും യുഎന്‍ നിരീക്ഷിച്ചു. കൂട്ടക്കുരുതി ഐക്യരാഷ്ട്രസഭ അന്വേഷിക്കാനും തീരുമാനമായി. സ്ത്രീകള്‍ക്കും കുട്ടികള്‍ക്കും നേരെ ക്രൂരമായ ആക്രമണങ്ങള്‍ സൈന്യം നടത്തിയതിന്റെ തെളിവുകള്‍ പുറത്തുവന്നിരുന്നു. യുഎന്‍ മനുഷ്യാവകാശ വിഭാഗത്തിന്റെ പ്രത്യേക അന്വേഷണ ദൗത്യ സംഘം മ്യാന്മറിലേക്ക് പുറപ്പെടുമെന്ന് യുഎന്‍ വക്താക്കള്‍ അറിയിച്ചു. ഇന്ത്യ, യൂറോപ്യന്‍ യൂണിയന്‍, ക്യൂബ, ചൈന എന്നീ രാജ്യങ്ങളിലെ പ്രതിനിധികളുടെ പൂര്‍ണ പിന്തുണ അന്വേഷണ സംഘത്തിനുണ്ടാകും.

പത്ത് ലക്ഷത്തോളം ജനങ്ങളാണ് കഴിഞ്ഞ ഒക്‌ടോബറില്‍ റാഖിനെയിലുണ്ടായ ആക്രമണത്തെ തുടര്‍ന്ന് വിവിധ രാജ്യങ്ങളിലേക്ക് പലായനം ചെയ്തത്. സമാധാന നൊബേല്‍ ജേതാവ് ആങ് സാന്‍ സൂകിയുടെ ഭരണകൂടം അനുകൂലമായ സമീപനമാണ് റോഹിങ്ക്യന്‍ കൂട്ടക്കുരുതി നടത്തിയ സൈന്യത്തോട് കാണിച്ചതെന്നും ആരോപണം ഉയര്‍ന്നിരുന്നു. ബുദ്ധ തീവ്രവാദികളെ സൂകി ഭരണകൂടം പൂര്‍ണമായും പിന്തുണക്കുകയാണ്. റോഹിങ്ക്യന്‍ മുസ്‌ലിംകള്‍ക്കെതിരെ ക്രൂരമായ ആക്രമണമാണ് സൈന്യവും സര്‍ക്കാര്‍ പിന്തുണയോടെ പൊലീസും നടത്തിയതെന്ന ഐക്യരാഷ്ട്ര സഭയുടെ റിപ്പോര്‍ട്ടിന്റെ അടിസ്ഥാനത്തിലാണ് അന്വേഷണം. കൂട്ടക്കൊല, ബലാത്സംഗം, ആക്രമണം, നരഹത്യ തുടങ്ങിയ ക്രൂരതകള്‍ റാഖിനെയില്‍ നടന്നിട്ടുണ്ടെന്ന് ഫെബ്രുവരിയില്‍ പുറത്തുവിട്ട റിപ്പോര്‍ട്ടില്‍ യുഎന്‍ വ്യക്തമാക്കിയിരുന്നു.സ്വതന്ത്രരായ അന്താരാഷ്ട്ര അന്വേഷണ സംഘത്തെ അടിയന്തരമായി മ്യാന്മറിലേക്ക് അയക്കാനും എല്ലാ വിഷയങ്ങളിലും കൃത്യമായ അന്വേഷണം നടത്താനും ജനീവയില്‍ നടന്ന യുഎന്‍ മനുഷ്യാവകാശ കൗണ്‍സില്‍ തീരുമാനിച്ചു.
കുറ്റവാളികളെ കണ്ടെത്തുകയും ഇരകളുടെ നീതിക്ക് വേണ്ടി പ്രവര്‍ത്തിക്കുകയും ചെയ്യുന്ന സംഘത്തെയായിരിക്കും ഇതിനായി നിയമിക്കുക. ഇന്ത്യ, യൂറോപ്യന്‍ യൂണിയന്‍, ക്യൂബ, ചൈന എന്നീ രാജ്യങ്ങളിലെ പ്രതിനിധികളുടെ പൂര്‍ണ പിന്തുണ അന്വേഷണ സംഘത്തിനുണ്ടാകും.
ബംഗ്ലാദേശിലും മറ്റും കഴിയുന്ന അഭയാര്‍ഥികളുമായി സംസാരിച്ച് അന്വേഷണ റിപ്പോര്‍ട്ട് പൂര്‍ത്തിയാക്കാനാണ് യുഎന്‍ തീരുമാനം.

GULF

നാട്ടിൽ നിന്ന് തിരിച്ചെത്തിയതിനു പിന്നാലെ കുവൈത്തിലെ ഫ്ലാറ്റിൽ തീപിടിത്തം; നാലംഗ മലയാളി കുടുംബം ശ്വാസംമുട്ടി മരിച്ചു

നാല് പേരും സംഭവ സ്ഥലത്ത് വെച്ച് തന്നെ മരണമടഞ്ഞിരുന്നു

Published

on

കുവൈറ്റിലെ അബ്ബാസിയയിൽ വെള്ളിയാഴ്ച രാത്രി  ഉണ്ടായ തീപിടിത്തത്തിൽ  മരണമടഞ്ഞ കുടുംബം  ദുരന്തത്തിനു ഇരയായത് നാട്ടിൽ നിന്ന് എത്തി ഏതാനും മണിക്കൂറുകൾക്കകം. പത്തനം തിട്ട തിരുവല്ല നീരേറ്റു പുറം  സ്വദേശി മാത്യു മുളക്കൽ ( 38) ഭാര്യ ലീനി എബ്രഹാം ( 35) മകൻ ഐസക് ( 7) മകൾ ഐറിൻ ( 13) എന്നിവരാണ് ദുരന്തത്തിൽ മരണമടഞ്ഞത്.

ഇവർ അവധി കഴിഞ്ഞു വെള്ളിയാഴ്ച  വൈകീട്ട്  5 മണിക്കാണ്  നാട്ടിൽ നിന്നും കുവൈത്തിൽ തിരിച്ചെത്തിയത്. യാത്രാ ക്ഷീണം മൂലം ഇവർ  നേരത്തെ തന്നെ  ഉറക്കത്തിലേക്  പോയിരുന്നു.ഈ നേരത്ത്‌ ഒൻപത് മണിയോടയാണ് ഫ്ലാറ്റിൽ അഗ്നിബാധ ഉണ്ടായത്.ഉറക്കത്തിൽ ആയതിനാൽ അഗ്നി ബാധ ഉണ്ടായ വിവരം അറിയാൻ കഴിഞ്ഞില്ല. തുടർന്ന് അഗ്നി ശമന വിഭാഗം എത്തി ഫ്ലാറ്റിന്റെ വാതിൽ തല്ലി തകർത്താണ് ഇവരെ പുറത്തെത്തിച്ചത്. നാല് പേരും സംഭവ സ്ഥലത്ത് വെച്ച് തന്നെ മരണമടഞ്ഞിരുന്നു.

Continue Reading

kerala

സംസ്ഥാനത്ത് വീണ്ടും നിപ; സാമ്പിള്‍ പരിശോധനയ്ക്ക് അയച്ചു

മലപ്പുറം സ്വദേശിയായ 15 വയസുള്ള കുട്ടിയിലാണ് നിപ സംശയം

Published

on

സംസ്ഥാനത്ത് വീണ്ടും നിപ ബാധയെന്ന് സംശയം. മലപ്പുറം സ്വദേശിയായ 15 വയസുള്ള കുട്ടിയിലാണ് നിപ സംശയം. കുട്ടി കോഴിക്കോട് സ്വകാര്യ ആശുപത്രിയിൽ ചികിത്സയിലാണ്. ആരോഗ്യവകുപ്പ് നിപ പ്രോട്ടോകോൾ പാലിക്കാൻ നിർദേശം നൽകി. നിപ വൈറസാണോ എന്ന് സ്ഥിരീകരിക്കാനുള്ള പരിശോധനാഫലം നാളെ വന്നേക്കും. നിപ ബാധ എന്ന സംശയിക്കുന്ന സ്ഥലത്ത് ജാഗ്രത പാലിക്കാൻ ആരോഗ്യ മന്ത്രി വീണാ ജോർജ് കർശനമായി നിർദേശിച്ചു.

കഴിഞ്ഞ ദിവസമാണ് പനി, ഛർദി ഉൾപ്പെടെയുള്ള രോ​ഗലക്ഷണങ്ങളുമായി കുട്ടിയെ മലപ്പുറത്തുള്ള ഒരു സ്വകാര്യ ആശുപത്രിയിൽ പ്രവേശിപ്പിച്ചത്. പിന്നീട് ലക്ഷണങ്ങൾ വല്ലാതെ ​കടുത്തപ്പോൾ കുട്ടിയെ കോഴിക്കോട്ടെ സ്വകാര്യ ആശുപത്രിയിലേക്ക് മാറ്റി. പ്രാഥമിക പരിശോധനയിൽ നിപ ബാധയെന്ന് സംശയം തോന്നിയതിനെ തുടർന്നാണ് പുനെ വൈറോറജി ഇൻസ്റ്റിറ്റ്യൂട്ടിലേക്ക് പരിശോധനയ്ക്കായി സ്രവം അയച്ചത്.

 

Continue Reading

kerala

സംസ്ഥാനത്ത് ഇന്നും ശക്തമായ മഴയ്ക്ക് സാധ്യത; നാല് ജില്ലകളിൽ യെല്ലോ അലർട്ട്

കോഴിക്കോട്, വയനാട്, കണ്ണൂർ, കാസർകോട് ജില്ലകളിലാണ് യെല്ലോ അലർട്ട്

Published

on

സംസ്ഥാനത്ത് ഇന്നും ശക്തമായ മഴയ്ക്ക് സാധ്യത. നാല് ജില്ലകളിൽ കേന്ദ്ര കാലാവസ്ഥാ വകുപ്പ് യെല്ലോ അലർട്ട് പ്രഖ്യാപിച്ചിട്ടുണ്ട്. കോഴിക്കോട്, വയനാട്, കണ്ണൂർ, കാസർകോട് ജില്ലകളിലാണ് യെല്ലോ അലർട്ട്. ബംഗാൾ ഉൾക്കടലിൽ പുതിയ ന്യൂനമർദവും അറബിക്കടലിൽ ചക്രവാതച്ചുഴിയും വടക്കൻ കേരളാ തീരം മുതൽ ഗുജറാത്ത് തീരം വരെ ന്യൂനമർദ പാത്തിയും സ്ഥിതി ചെയ്യുന്നതിന്റെ സ്വാധീനഫലമായാണ് മഴ തുടരുന്നത്.

വയനാട് ജില്ലയിൽ പ്രൊഫഷണൽ കോളേജുകൾ അടക്കമുള്ള വിദ്യാഭ്യാസ സ്ഥാപനങ്ങൾക്ക് അവധി പ്രഖ്യാപിച്ചു. മലയോര, തീരദേശ മേഖലകളിലുള്ളവർ അതീവ ജാഗ്രത പാലിക്കണമെന്നും നിർദേശമുണ്ട്. കേരളാ, ലക്ഷദ്വീപ്, കർണാടക തീരങ്ങളിൽ മത്സ്യബന്ധനത്തിനും വിലക്കേർപ്പെടുത്തിയിട്ടുണ്ട്

കേരളാ തീരത്ത് ഇന്നും നാളെയും ഉയർന്ന തിരമാലകൾക്ക് സാധ്യതയുണ്ട്. കണ്ണൂർ, കാസർകോട് തീരങ്ങളിൽ പ്രത്യേക ജാഗ്രത വേണം.

Continue Reading

Trending