തിരുവനന്തപുരം: അനധികൃതമായി ഓണ്ലൈനില് മരുന്ന് വില്പ്പന നടത്തിയ സ്ഥാപനത്തിനെതിരെ ആദ്യമായി നടപടി സ്വീകരിച്ച് സംസ്ഥാന ഡ്രഗ്സ് കണ്ട്രോള് വകുപ്പ്. നോര്ത്ത് പറവൂര് പൂശ്ശാരിപ്പടിയിലുള്ള ജെജെ മെഡിക്കല്സ് എന്ന സ്ഥാപനത്തിനെതിരേയാണ് നടപടി സ്വീകരിച്ചത്. പരിശോധനാ വേളയില് ഡോക്ടറുടെ കുറിപ്പടിയില്ലാതെ ഉത്തേജക മരുന്നുകള് പര്ച്ചേസ് ബില് ഇല്ലാതെ വാങ്ങുകയും ഓണ്ലൈനായി വില്പ്പന നടത്തിയതായും കണ്ടെത്തി. കേരളത്തില് ഇതാദ്യമായാണ് അനധികൃതമായി ഓണ്ലൈനില് മരുന്ന് വില്പ്പന നടത്തിയ സ്ഥാപനത്തിനെതിരെ ഡ്രഗ്സ് & കോസ്മെറ്റിക്സ് ആക്ട് പ്രകാരം നിയമ നടപടി സ്വീകരിക്കുന്നത്. കണ്ടെടുത്ത മരുന്നുകളും അനുബന്ധ രേഖകളും നോര്ത്ത് പറവൂര് ജുഡീഷ്യല് ഫസ്റ്റ് ക്ലാസ്സ് മജിസ്ട്രേറ്റ് കോടതിയില് ഹാജരാക്കി.
വിവിധ സംസ്ഥാനങ്ങളില് നിന്ന് അനധികൃതമായ മരുന്നുകള് ഓണ്ലൈന് വഴി വാങ്ങുന്നത് തടയാനും ആവശ്യമായ ഇടപെടലുകള് നടത്താനും കേരളം നേരത്തെ കേന്ദ്ര ആരോഗ്യമന്ത്രാലയത്തിനോട് അഭ്യര്ത്ഥിച്ചിരുന്നു. അത്തരം സ്ഥാപനങ്ങള്ക്കെതിരെ കര്ശന നടപടി സ്വീകരിക്കാന് ഡ്രഗ്സ് കണ്ട്രോള്ക്കും നിര്ദേശം നല്കിയിരുന്നു. കേരളത്തില് നിന്ന് ഇത്തരത്തില് ഓണ്ലൈന് മരുന്ന് വ്യാപാരം നടക്കുന്നതായി വിവരം ഉണ്ടായിരുന്നില്ല. എന്നാല് ഇങ്ങനെയൊരു സ്ഥാപനം വഴി ഓണ്ലൈനാഴി മരുന്ന് വ്യാപാരം നടക്കുന്നതായി സംശയം ഉണ്ടായതിനെ തുടര്ന്ന് ഡ്രഗ്സ് കണ്ട്രോള് വകുപ്പ് അത് കണ്ടെത്താനുള്ള ശ്രമം ആരംഭിച്ചു. വകുപ്പിലെ ഉദ്യോഗസ്ഥന് അവരുടെ വെബ്സൈറ്റില് കയറി ഓണ്ലൈനായി ഡോക്ടറുടെ കുറിപ്പടി ഇല്ലാതെ മരുന്ന് ആവശ്യപ്പെട്ടപ്പോള് ഒരു തടസവുമില്ലാതെ അയച്ചു കൊടുത്തു. അതേസമയം അതിലെ അഡ്ഡ്രസ് വ്യാജമായിരുന്നു. വില്പന നടത്തിയ സ്ഥാപനം കണ്ടെത്താന് ഇതോടെ ബുദ്ധിമുട്ടായി. പിന്നീട് വിദഗ്ധമായി പിന്തുടര്ന്നാണ് ചെയ്താണ് റെയ്ഡ് നടത്തിയത്.
തിരുവനന്തപുരം: സംസ്ഥാനത്ത് വീണ്ടും അമീബിക് മസ്തിഷ്ക ജ്വരം ബാധിച്ച് മരണം. തിരുവനന്തപുരം മെഡിക്കല് കോളജില് ചികിത്സയിലായിരുന്ന യുവതി മരിച്ചു. ആനാട് സ്വദേശി കെ.വി വിനയ ആണ് മരിച്ചത്.
ഇന്നലെ രാത്രിയായിരുന്നു മരണം. രോഗത്തിന്റെ ഉറവിടം വ്യക്തമല്ല. യുവതിയുടെ വീട്ടിലെ കിണറ്റിലെ വെള്ളം പരിശോധനയ്ക്ക് അയച്ചു. പനി ഉള്പ്പെടെയുള്ള ശാരീരിക ബുദ്ധിമുട്ടുകളെ തുടര്ന്ന് രണ്ട് മാസം മുമ്പാണ് വിനയ നെടുമങ്ങാട് ആശുപത്രില് ചികിത്സ തേടിയത്. അസുഖം മാറി വീട്ടിലെത്തിയ ശേഷം അപസ്മാരം പിടിപെട്ടു. തുടര്ന്ന് മെഡിക്കല് കോളജ് ആശുപത്രിയില് പ്രവേശിപ്പിച്ചു. പിന്നാലെ നടത്തിയ രക്ത പരിശോധനയിലാണ് അമീബിക് മസ്തിഷ്ക ജ്വരം സ്ഥിതീകരിച്ചത്.
ബി.ജെ.പി ശിവസേന നേതാക്കളെയും പ്രവര്ത്തകരെയും ചാക്കിലാക്കാന് ശ്രമിക്കുന്നു; പരാതിയുമായി ഏക്നാഥ് ഷിന്ഡെ
യു കെ പ്രവിസികളുടെ കരുത്തും കരുതലും -ബ്രിട്ടൻ കെഎംസിസി
ദുബൈ എയര്ഷോയില് ഇന്ത്യന് ജെറ്റ് തകര്ന്നുവീണു; പൈലറ്റിന് ദാരുണാന്ത്യം
ക്യൂബയ്ക്കെതിരായ സാമ്പത്തിക ഉപരോധം പിന്വലിക്കണം: യു.എന്
വിവാഹ ദിവസം വധുവിന് വാഹനാപകടത്തില് പരിക്ക്; ആശുപത്രിയില് എത്തി താലികെട്ടി വരന്
കേന്ദ്ര സര്ക്കാര് സംസ്കൃതത്തിന് 2400 കോടി രൂപ അനുവദിച്ചപ്പോള് തമിഴിന് 150 കോടി രൂപ മാത്രമാണ് അനുവദിച്ചത്: ഉദയനിധി സ്റ്റാലിന്
പാലത്തായി കേസ്; പെൺകുട്ടിയെ മാനസികമായി പീഡിപ്പിച്ച കൗൺസലറെ സസ്പെൻഡ് ചെയ്തു
തൃശൂര് ബി.ജെ.പിയില് തമ്മില്ത്തല്ല്; കൗണ്സിലര്ക്ക് അവസാന നിമിഷം സീറ്റ് നഷ്ടം, പകരം ആര്.എസ്.എസ് നേതാവിന്റെ മകള് സ്ഥാനാര്ത്ഥി
