Connect with us

More

ക്യാന്‍സര്‍ രോഗിയായ മകനൊപ്പം ക്യൂ നിന്ന മാതാവിന് കിട്ടിയത് രണ്ടായിരത്തിന് ഒറ്റ രൂപാനാണയങ്ങള്‍

Published

on

ലക്‌നൗ: ചികിത്സക്കായാലും കല്യാണ ആവശ്യത്തിനായാലും മറ്റു ചിലവിനായാലും പണം മാറ്റിയെടുക്കാനുള്ള ഓട്ടത്തിനിടയിലാണ് ഓരോരുത്തരും. ക്യാന്‍സര്‍ ബാധിതനായ മകന്റെ ചികിത്സാര്‍ത്ഥം ബാങ്കില്‍ പണം മാറാന്‍ പോയതാണ് ഉത്തര്‍പ്രദേശിലെ സര്‍ജുദേവി. അവര്‍ക്ക് കിട്ടിയ ചില്ലറയാണെങ്കിലോ 2,000 വരുന്ന ഒറ്റ രൂപാ നാണയങ്ങളും.

ക്യാന്‍സര്‍ ബാധിച്ച മകന് കീമോ ചെയ്യാന്‍ വേണ്ടിയാണ് മോഹന്‍ലാല്‍ ഖജ്ജിലെ 60വസ്സുള്ള സര്‍ജുദേവി ബാങ്കിലെ നീണ്ട ക്യൂവില്‍ നില്‍ക്കുന്നത്. മണിക്കൂറുകള്‍ക്കുശേഷം കയ്യിലുള്ള രണ്ടായിരം രൂപ ചില്ലറയാക്കി ബാങ്കുകാര്‍ നല്‍കിയത് ഒരു രൂപാ നാണയങ്ങളായാണ്. രണ്ടായിരത്തിന് ലഭിച്ച ഒരു രൂപാനാണയങ്ങളുമായി വലയുകയായിരുന്നു അവര്‍. ഏകദേശം 17കിലോഗ്രാം ഭാരമുള്ള നാണയങ്ങളുമായുള്ള ബാഗുമായി വീട്ടിലെത്താന്‍ ആ അമ്മക്ക് കഴിയുമായിരുന്നില്ല. പിന്നീട് ക്യാന്‍സറിന്റെ ദുരിതം പേറുന്ന മകനെ തന്നെ ബാഗ് വീട്ടിലെത്തിക്കാന്‍ സര്‍ജുദേവി വിളിക്കുകയായിരുന്നു.

ബാങ്കിലെ വനിതാ ജീവനക്കാരിയോട് നാണയം മാറ്റിത്തരാന്‍ അഭ്യര്‍ത്ഥിച്ചുവെങ്കിലും അവരത് ചെവിക്കൊണ്ടില്ലെന്ന് സര്‍ജുദേവി പറയുന്നു. മകന്റെ ചികിത്സക്ക് ഉത്തര്‍പ്രദേശ് സര്‍ക്കാര്‍ അനുവദിച്ചുതന്ന ഒരു ലക്ഷം രൂപയും നോട്ട് പ്രതിസന്ധിയില്‍ കുടുങ്ങിക്കിടക്കുകയാണെന്നും അവര്‍ പറയുന്നു. മകന് ചെയ്യാനുള്ള റേഡിയോ തെറാപ്പി ചികിത്സ പണം ആരും എടുക്കാത്തത് മൂലം മുടങ്ങിയിരിക്കുകയാണ്. ഇത് എന്റെ മാത്രം പ്രശ്‌നമല്ല. ഇവിടുത്തെ ഒട്ടുമിക്ക വീടുകളിലും ഇതുതന്നെയാണ് സ്ഥിതി. കല്യാണ ആവശ്യങ്ങള്‍ക്കും മറ്റുമായി നീങ്ങിക്കൊണ്ടിരിക്കുന്ന പല വീടുകളിലും നോട്ട് പ്രതിസന്ധിയാണ്. പ്രധാനമന്ത്രിയുടെ പെട്ടെന്നുള്ള നോട്ട് പിന്‍വലിക്കല്‍ തീരുമാനം ശരിയായില്ലെന്നും സര്‍ജുദേവി പറയുന്നു.

Continue Reading
Advertisement
Click to comment

Leave a Reply

Your email address will not be published. Required fields are marked *

Health

ദഹനപ്രശ്‌നങ്ങള്‍ നിങ്ങളെ അലട്ടുന്നുണ്ടോ?

ഫ്രിഡ്ജില്‍ വെച്ചതും തണുപ്പുള്ളതുമായ ഭക്ഷണം ഒഴിവാക്കുക. ഫ്രിഡ്ജില്‍ വെച്ചവ ചൂടാക്കി കഴിച്ചാലും ദഹനപ്രശ്‌നമുണ്ടാകും. കഴിവതും ഫ്രഷ് ആയ ഭക്ഷണമേ കഴിക്കാവൂ.

Published

on

ദഹനപ്രശ്‌നങ്ങള്‍ ഇന്നത്തെ കാലത്ത് പതിവ് പരാതിയാണ്. രോഗം എന്നൊന്നും പറയാന്‍കഴിയില്ലെങ്കിലും ഇത് നീണ്ടുനിന്നാല്‍ രോഗങ്ങളിലേക്ക് ചെന്നെത്താം. വയറ്റിലെ പ്രധാനഭാഗമാണ് ആമാശയം.ഇവിടേക്ക് അന്നനാളം വഴി ചെന്നെത്തുന്ന ഭക്ഷണം ചെറുകുടലും വന്‍കുടലും വഴിയാണ് ആമാശയത്തിലെത്തിച്ചേരുന്നത്. ഇവിടെവെച്ച് ദഹനരസം ചേര്‍ന്ന് ഭക്ഷണം ദഹിക്കുന്നു. ഇവയില്‍നിന്നുള്ള പോഷകഘടകങ്ങള്‍ വേര്‍തിരിച്ചെടുത്ത് ശരീരത്തിന്റെ ഊര്‍ജത്തിന് നല്‍കുകയാണ് ചെയ്യപ്പെടുന്നത്.

ദഹിക്കാന്‍ ശേഷിയുള്ള ആമാശയങ്ങള്‍ ഉള്ളവരില്‍ സാധാരണയായി ദഹനക്കേട് ഉണ്ടാവുന്നില്ല. ചില വ്യക്തികളില്‍ ദഹനം പതുക്കെയേ നടക്കൂ. ഇത്തരക്കാര്‍ കഴിവതും ദഹിക്കാന്‍ എളുപ്പം സാധ്യതയുള്ള ഭക്ഷണപദാര്‍ത്ഥങ്ങള്‍ കഴിക്കണം. ചോറ്, പച്ചക്കറികള്‍, പഴവര്‍ഗങ്ങള്‍ എന്നിവയാണിവ. ഇവ ആറുമണിക്കൂര്‍കൊണ്ട് ദഹിക്കും. എന്നാല്‍ കട്ടിയായ മൈദകൊണ്ടുള്ള ഭക്ഷണം ദഹിക്കാന്‍ ഇതിന്റെ ഇരട്ടിസമയം എടുക്കും.
ശാരീരികമായി കഠിനാധ്വാനം ചെയ്യുന്നവരില്‍ എളുപ്പം ദഹിക്കുമെങ്കില്‍, ഓഫീസ് ജോലികള്‍ ചെയ്യുന്നവരില്‍ ദഹനം എളുപ്പം നടക്കില്ല. അവര്‍ കഴിവതും ഭക്ഷണം നിയന്തിച്ച് കഴിക്കുന്നതാണ ്‌നല്ലത്. ചൂടുള്ള ഭക്ഷണം യഥാസമയം കഴിക്കുന്നത് ദഹനത്തിന് നല്ലതാണ്. ഫ്രിഡ്ജില്‍ വെച്ചതും തണുപ്പുള്ളതുമായ ഭക്ഷണം ഒഴിവാക്കുക. ഫ്രിഡ്ജില്‍ വെച്ചവ ചൂടാക്കി കഴിച്ചാലും ദഹനപ്രശ്‌നമുണ്ടാകും. കഴിവതും ഫ്രഷ് ആയ ഭക്ഷണമേ കഴിക്കാവൂ.

മാംസം, മല്‍സ്യം എന്നിവയില്‍പോഷകാംശം കൂടുതലാണെങ്കിലും ദഹിക്കാന്‍ ബുദ്ധിമുട്ട് നേരിടും. ഇത് കണക്കിലെടുത്ത് കുഞ്ഞുങ്ങളുടെ കാര്യത്തില്‍ പ്രത്യേകം ശ്രദ്ധിക്കണം.പിഞ്ചുകുഞ്ഞുങ്ങള്‍ക്ക് വയറ് വേദനയുണ്ടാകാനുള്ള കാരണങ്ങളിലൊന്ന് ദഹിക്കാത്ത ഭക്ഷണമാണ്. അവര്‍ക്ക് കഴിവതും ഭക്ഷണം ഉടച്ചുമാത്രം കൊടുക്കുക. ഓറഞ്ച്, മുന്തിരി, പപ്പായ, വാഴപ്പഴങ്ങള്‍ എന്നിവ കഴിവതും ഭക്ഷണത്തിന്റെ ഭാഗമാക്കുക. ഉറക്കം ഒഴിക്കുന്നതും ദഹനക്കേടുണ്ടാക്കും.
ഗ്യാസ്ട്രബിളിന് കാരണമാകുന്നതും ഈ ദഹനക്കേട് തന്നെ. ഇതിനായി പരമാവധി വെള്ളംകുടിക്കാനും മറക്കരുത്.

Continue Reading

Education

ഓണ്‍ലൈന്‍ ലേണിങ് അക്കാദമിക്ക് പൂട്ടിട്ട് ആമസോണ്‍

ഘട്ടം ഘട്ടമായി അക്കാദമി നിര്‍ത്തലാക്കാനാണ് തീരുമാനം.

Published

on

മുംബൈ: ഇന്ത്യയിലെ ഓണ്‍ലൈന്‍ ലേണിങ് അക്കാദമി അടച്ചുപൂട്ടാന്‍ ഒരുങ്ങി ആമസോണ്‍. ആരംഭിച്ച് രണ്ട് വര്‍ഷത്തിനുള്ളില്‍ ആണ് ആമസോണിന്റെ തീരുമാനം. 2023 ഓഗസ്റ്റ് മുതല്‍ രാജ്യത്തെ ഹൈസ്‌കൂള്‍ വിദ്യാര്‍ത്ഥികള്‍ക്കുള്ള ഓണ്‍ലൈന്‍ പഠന പ്ലാറ്റ്‌ഫോം അടച്ച്പൂട്ടുമെന്ന് ആമസോണ്‍ വ്യക്തമാക്കി. കഴിഞ്ഞ വര്‍ഷം ജനുവരിയിലാണ് ആമസോണ്‍ അക്കാദമി പ്ലാറ്റ്‌ഫോം ആരംഭിച്ചത്. നിലവിലെ അക്കാദമിക് സെഷനില്‍ എന്റോള്‍ ചെയ്തവര്‍ക്ക് മുഴുവന്‍ ഫീസും തിരികെ നല്‍കുമെന്നും ആമസോണ്‍ അറിയിച്ചു.

കോവിഡ് മഹാമാരിയുടെ സമയത്ത് വെര്‍ച്വല്‍ ലേണിംഗിന്റെ കുതിച്ചുചാട്ടത്തിനിടയിലാണ് ആമസോണും ഓണ്‍ലൈന്‍ ലേണിങ് അക്കാദമി ആരംഭിച്ചത്. ഇന്ത്യയിലുടനീളമുള്ള മികച്ച എഞ്ചിനീയറിംഗ് കോളേജുകളിലേക്ക് പ്രവേശനം അനുവദിക്കുന്ന ജോയിന്റ് എന്‍ട്രന്‍സ് എക്‌സാം (ജെ.ഇ.ഇ) ഉള്‍പ്പെടെയുള്ള മത്സര പരീക്ഷകള്‍ക്ക് അക്കാദമി കോച്ചിങ് വാഗ്ദാനം നല്‍കി. ഘട്ടം ഘട്ടമായി അക്കാദമി നിര്‍ത്തലാക്കാനാണ് തീരുമാനം.

Continue Reading

Health

വിദഗ്ദര്‍ മരണം വിധിഎഴുതിയ പാക്കിസ്ഥാന്‍ കുട്ടിക്ക് കോഴിക്കോട് ആസ്റ്റര്‍ മിംസില്‍ പുനര്‍ജന്മം

സിവിയര്‍ കംബൈന്‍ഡ് ഇമ്യൂണോ ഡിഫിഷന്‍സി എന്ന രക്തജന്യ രോഗം ബാധിച്ച പാക്കിസ്ഥാന്‍ സ്വദേശിയായ 2 വയസ്സുകാരനാണ് കോഴിക്കോട് ആസ്റ്റര്‍ മിംസില്‍ അപൂര്‍വ്വ മജ്ജമാറ്റിവെക്കല്‍ ശസ്ത്രക്രിയയിലൂടെ ജീവന്‍ തിരിച്ച് പിടിച്ചത്

Published

on

കോഴിക്കോട്: ലോകത്തെവിടെ കൊണ്ടുപോയാലും രക്ഷപ്പെടാനുള്ള സാധ്യത കുറവാണെന്ന് ഡോക്ടര്‍മാര്‍ വിധിയെഴുതിയ രണ്ട് വയസ്സുകാരനായ പാക്കിസ്ഥാന്‍ കുഞ്ഞിന് കോഴിക്കോട് ആസ്റ്റര്‍ മിംസില്‍ പുനര്‍ജന്മം. അപൂര്‍വ്വവും അതീവ ഗുരുതരവുമായ സിവിയര്‍ കംബൈന്‍ഡ് ഇമ്യൂണോ ഡിഫിഷന്‍സി എന്ന രക്തജന്യ രോഗം ബാധിച്ച പാക്കിസ്ഥാന്‍ സ്വദേശിയായ 2 വയസ്സുകാരനാണ് കോഴിക്കോട് ആസ്റ്റര്‍ മിംസില്‍ അപൂര്‍വ്വ മജ്ജമാറ്റിവെക്കല്‍ ശസ്ത്രക്രിയയിലൂടെ ജീവന്‍ തിരിച്ച് പിടിച്ചത്. യു എ ഇ യില്‍ ഉള്‍പ്പെടെ ചികിത്സ തേടി പരാജയപ്പെട്ട ശേഷമാണ് ഇവര്‍ കേരളത്തെത്തിയതും കോഴിക്കോട് ആസ്റ്റര്‍ മിംസില്‍ വെച്ച് മജ്ജമാറ്റിവക്കലിന് വിധേയരായി ജീവിതം തിരികെ പിടിച്ചതും. ബഹു. കേന്ദ്ര വിദേശകാര്യ സഹമന്ത്രി ശ്രീ. വി. മുരളീധരന്റെ പിന്തുണയും മാര്‍ഗ്ഗനിര്‍ദ്ദേശങ്ങളും പാക്കിസ്ഥാന്‍ സ്വദേശിയുടെ യാത്രാസംബന്ധമായ കാര്യങ്ങളും, ചികിത്സാസംബന്ധമായ കാര്യങ്ങളും വേഗത്തിലാക്കുവാന്‍ സഹായകരമാവുകയും ചെയ്തു. രണ്ട് വര്‍ഷത്തിനിടയില്‍ കോഴിക്കോട് ആസ്റ്റര്‍ മിംസില്‍ നിര്‍വ്വഹിക്കുന്ന 75ാമത്തെ ബോണ്‍മാരോ ട്രാന്‍സ്പ്ലാന്റ് ആണ് ഇത്.

പാക്കിസ്ഥാനിലെ ബലൂച്ചിസ്ഥാന്‍ സ്വദേശിയായ ജലാല്‍, സദൂരി ദമ്പതികളുടെ മകനായ സൈഫ് ജലാല്‍ ആണ് മജ്ജമാറ്റിവെക്കലിന് വിധേയനായത്. രോഗം സ്ഥിരീകരിക്കപ്പെട്ടതിനെ തുടര്‍ന്ന് മികച്ച ചികിത്സയ്ക്കായി പിതാവ് ജോലി ചെയ്യുന്ന യു എ ഇ യിലേക്ക് മാറുകയും, ചികിത്സ അവിടെ തുടരുകയും ചെയ്തു. കീമോതെറാപ്പി ഉള്‍പ്പെടെയുള്ള ചികിത്സകള്‍ക്ക് വിധേയനായെങ്കിലും കുഞ്ഞിന്റെ ആരോഗ്യനില കൂടുതല്‍ വഷളായി മാറുകയായിരുന്നു. രോഗപ്രതിരോധ ശേഷി തീര്‍ത്തും ഇല്ലാതായ കുഞ്ഞിനെ നിരന്തരമായ അണുബാധ അലട്ടുകയും ചെയ്തു. ശ്വാസകോത്തിലുള്‍പ്പെടെ അണുബാധ രൂക്ഷമാവുകയും ഓക്‌സിജന്‍ നില തീരെ മോശമാവുകയും ചെയ്തു. ഏറ്റവും കൃത്യമായ ചികിത്സ ലഭ്യമായില്ലെങ്കില്‍ രണ്ടോ മുന്നോ വയസ്സിനുള്ളില്‍ മരണപ്പെടുക എന്നതാണ് ഈ രോഗബാധിതരായ കുഞ്ഞുങ്ങളുടെ പൊതുവായ വിധി. ഈ രീതിയില്‍ തന്നെയായിരുന്നു ജലാലിന്റെ അവസ്ഥയും മുന്‍പിലേക്ക് പോയിരുന്നത്.

ഈ ഘട്ടത്തിലാണ് ആസ്റ്റര്‍ മിംസിലെ ചികിത്സയെ കുറിച്ച് നേരത്തെ ഇവിടെ നിന്ന് ചികിത്സ നടത്തി ജീവിതം തിരികെ പിടിച്ചവരില്‍ നിന്ന് കേട്ടറിഞ്ഞ് ജലാലും സദൂരിയും കേരളത്തിലേക്ക് എത്തുവാന്‍ തീരുമാനിച്ചത്. പാക്കിസ്ഥാന്‍ സ്വദേശികള്‍ എന്ന നിലയില്‍ അവര്‍ക്കുണ്ടായിരുന്ന തടസ്സങ്ങള്‍ ഇല്ലാതാക്കാന്‍ കേന്ദ്രമന്ത്രി ശ്രീ. വി. മുരളീധരന്‍ ഉള്‍പ്പെടെയുള്ളവര്‍ ആത്മാര്‍ത്ഥമായ പരിശ്രമങ്ങളാണ് നടത്തിയത്.

ഓക്‌സിജന്‍ പിന്തുണയോടെയാണ് സൈഫ് ജലാല്‍ കേരളത്തിലെത്തിയത്. നില അതീവ ഗുരുതരമായിരുന്നു. മജ്ജമാറ്റിവെക്കല്‍ മാത്രമേ പ്രതിവിധിയുള്ളൂ എന്ന നിഗമനത്തിലാണ് ആസ്റ്റര്‍ മിംസിലെ സീനിയര്‍ പീഡിയാട്രിക് ഹെമറ്റോളജിസ്റ്റ് ഡോ. കേശവന്‍ എത്തിച്ചേര്‍ന്നത്. ഭാഗ്യവശാല്‍ അമ്മയുടെ മജ്ജ കുഞ്ഞിന് യോജിക്കുമായിരുന്നു. മറ്റ് ആരോഗ്യ പ്രശ്‌നങ്ങളെ നിരന്തരമായ പരിചരണത്തിലൂടെ തരണം ചെയ്ത ശേഷം കുഞ്ഞിനെ മജ്ജമാറ്റിവെക്കലിന് വിധേയനാക്കി. ഇപ്പോള്‍ 2 മാസം പൂര്‍ത്തിയായി കഴിഞ്ഞിരിക്കുന്നു. ശ്വാസകോശ സംബന്ധമായ പ്രശ്‌നങ്ങളും, ഓക്‌സിജന്‍ നിലയിലെ കുറവുമെല്ലാം അതിജീവിച്ച് സൈഫ് ജലാല്‍ ജീവിതത്തിലേക്ക് തിരികെവന്നു. തിരികെ പാക്കിസ്ഥാനിലേക്ക് പോകുവാനും ബന്ധുക്കളെ കാണുവാനുമുള്ള തയ്യാറെടുപ്പിലാണ് ഇപ്പോള്‍ സൈഫ് ജലാലിന്റെ കുടുംബം.

രണ്ട് വര്‍ഷക്കാലയളവിനിടയില്‍ 75 മജ്ജമാറ്റിവെക്കല്‍ ശസ്ത്രക്രിയ കോഴിക്കോട് ആസ്റ്റര്‍ മിംസില്‍ പൂര്‍ത്തീകരിച്ചതായി ഡോ. കേശവന്‍ പറഞ്ഞു. ഏറിയ ചെലവ് വരുന്ന ഈ ചികിത്സാ രീതി ഏറ്റവും കുറഞ്ഞ ചെലവിലാണ് കോഴിക്കോട് ആസ്റ്റര്‍ മിംസില്‍ നിര്‍വ്വഹിക്കുന്നത്. മാത്രമല്ല, ചികിത്സയുടെ വിജയത്തില്‍ രാജ്യത്തെ ഏറ്റവും ഉയര്‍ന്ന നിരക്ക് നിലനിര്‍ത്താനും ആസ്റ്റര്‍ മിംസിന് സാധിക്കുന്നുണ്ട്’ ശ്രീ. ഫര്‍ഹാന്‍ യാസിന്‍ പറഞ്ഞു.

പത്രസമ്മേളനത്തില്‍ ശ്രീ. ഫര്‍ഹാന്‍ യാസിന്‍ (റീജ്യണല്‍ ഡയറക്ടര്‍, ആസ്റ്റര്‍ കേരള & ഒമാന്‍), ഡോ. സുരേഷ് കുമാര്‍ ഇ. കെ (ഹെഡ്, പീഡിയാട്രിക്‌സ്) ഡോ. കേശവന്‍ ആര്‍ (സീനിയര്‍ കണ്‍സല്‍ട്ടന്റ്, പീഡിയാട്രിക് ഹെമറ്റോളജിസ്റ്റ്), ഡോ. സുദീപ് വി (കണ്‍സല്‍ട്ടന്റ് ഹെമറ്റോളജിസ്റ്റ്), ഡോ. കെ. വി. ഗംഗാധരന്‍ (ഡയറക്ടര്‍, ഓങ്കോളജി), ശ്രീ. ജലാല്‍ (സൈഫ് ജലാലിന്റെ പിതാവ്), ശ്രീ. ലുക്മാന്‍ പൊന്മാടത്ത് (സി ഒ ഒ , ആസ്റ്റര്‍ മിംസ്) എന്നിവര്‍പങ്കെടുത്തു.

Continue Reading

Trending