Connect with us

Culture

കപില്‍ മിശ്രയുടെ മാനസികനിലക്ക് കാര്യമായ തകരാര്‍ സംഭവിച്ചിരിക്കുന്നു -ആരോപണങ്ങള്‍ക്കെതിരെ സത്യേന്ദര്‍ ജെയ്ന്‍

Published

on

ന്യൂഡല്‍ഹി: മന്ത്രിസഭയില്‍ നിന്നും പുറത്താക്കപ്പെട്ട ശേഷം മുഖ്യമന്ത്രി കെജ്‌രിവാള്‍ 2 കോടി കോഴ വാങ്ങിയെന്ന് ആരോപിച്ച കപില്‍ മിശ്രക്കെതിരെ ഡല്‍ഹി ആരോഗ്യ മന്ത്രി സത്യേന്ദര്‍ ജെയ്ന്‍. കെജ്‌രിവാളിന് പണം കൈമാറിയെന്ന് ആരോപിക്കപ്പെട്ട മെയ് 5ന് താന്‍ കെജ്‌രിവാളിന്റെ വീട്ടിലുണ്ടായിരുന്നില്ലെന്നും ഏത് വിധേനയും അത് തെളിയിക്കാന്‍ തയാറാണെന്നും സത്യേന്ദര്‍ ജെയ്ന്‍ എഎന്‍ഐയോട് പറഞ്ഞു.
കെജ്‌രിവാളിന് കോഴപ്പണം നല്‍കിയെന്ന് ആരോപിക്കപ്പെട്ട സത്യേന്ദര്‍ ജെയ്ന്‍ കപില്‍ മിശ്രയെ കടുത്ത ഭാഷയിലാണ് എതിരിട്ടത്. മിശ്രക്ക് സ്വബോധം നഷ്ടപ്പെട്ടതിനാലാണ് ഇത്തരം അടിസ്ഥാനമില്ലാത്ത ആരോപണങ്ങളുമായി വന്നിരിക്കുന്നത്. ആരോപണത്തില്‍ എന്തെങ്കിലും വാസ്തവമുണ്ടെങ്കില്‍ തെളിയിക്കാന്‍ വെല്ലുവിളിക്കുക കൂടി ചെയ്തു സത്യേന്ദര്‍ ജെയ്ന്‍.

ഞായറാഴ്ചയാണ് മിശ്ര മുഖ്യമന്ത്രി കെജ്‌രിവാളിനെതിരെ കോഴ ആരോപണവുമായി രംഗത്തെത്തിയത്. കെജ്‌രിവാളിന്റെ വസതിയില്‍ വെച്ചാണ് പണം കൈമാറിയതെന്നാണ് ആരോപണം. ഇതെല്ലാം രാഷ്ട്രീയത്തില്‍ സ്വഭാവികമാണെന്ന് കൂടി മുഖ്യമന്ത്രി തന്നോട് പറഞ്ഞുവെന്നും അഴിമതി ആരോപണം നടത്തിയ കപില്‍ മിശ്ര പറഞ്ഞിരുന്നു.

ഡല്‍ഹി മന്ത്രിസഭയില്‍ നിന്ന് കപില്‍ മിശ്രയെ പുറത്താക്കുകയും പകരം കൈലേഷ് ഗാഹ്‌ലോട്ടിനെ നിയമിക്കുകയും ചെയ്തിരുന്നു. തന്നെ പുറത്താക്കിയ വാര്‍ത്തയറിഞ്ഞയുടന്‍ വാട്ടര്‍ ടാങ്ക് അഴിമതി റിപ്പോര്‍ട്ട് ചോര്‍ന്നത് കാരണത്താലാവാം നടപടിയെന്ന് മിശ്ര പ്രതികരിച്ചിരുന്നു.

ഇതിനിടെ, എഎപിയുടെ മുതിര്‍ന്ന നേതാക്കള്‍ കെജ്‌രിവാളിനെ പിന്തുണച്ചു കൊണ്ട് രംഗത്ത് വരികയും മുഖ്യമന്ത്രിക്കെതിരെ ഉയര്‍ന്ന ആരോപണങ്ങളെ നിഷേധിക്കുകയും ചെയ്തു.

മാധ്യമങ്ങളോട് സംസാരിക്കവെ ഇന്നും കപില്‍ മിശ്ര ആരോപണങ്ങള്‍ ആവര്‍ത്തിച്ചു. അതേസമയം എഎപിയില്‍ തന്നെ ഉറച്ചുനില്‍ക്കുമെന്നും ബിജെപിയുമായി യാതൊരുവിധ കൂട്ടുകെട്ടുമില്ലെന്നും മിശ്ര ഉറപ്പിച്ചു പറഞ്ഞു. ബന്ധുവിന് ഛത്തര്‍പൂറില്‍ 50 കോടിയുടെ ഭൂമി നേടിക്കൊടുത്തതില്‍ മുഖ്യമന്ത്രിക്ക് പങ്കുണ്ടെന്ന് കൂടി മുന്‍ ടൂറിസം-ജല വകുപ്പ് മന്ത്രിയായ കപില്‍ മിശ്ര ആരോപിച്ചിരുന്നു.

Continue Reading
Advertisement
Click to comment

Leave a Reply

Your email address will not be published. Required fields are marked *

Film

നാനിയുടെ പുതിയ പുതിയ ചിത്രം ഹായ് നാണ്ണായിലെ പുതിയൊരു ഗാനം പുറത്തുവിട്ടു

ഗാനങ്ങള്‍ക്കും ഏറെ പ്രാധാന്യമുള്ള ഒരു ചിത്രമാണ് ഹായ് നാണ്ണാ.

Published

on

നാനി നായകനായി എത്തുന്ന പുതിയ ചിത്രമാണ് ‘ഹായ് നാണ്ണാ’. മൃണാള്‍ താക്കൂറാണ് നായികയായി എത്തുന്നത്. ഗാനങ്ങള്‍ക്കും ഏറെ പ്രാധാന്യമുള്ള ഒരു ചിത്രമാണ് ഹായ് നാണ്ണാ. നാനി നായകനായ പാന്‍ ഇന്ത്യന്‍ ചിത്രമായ ഹായ് നാണ്ണായിലെ പുതിയൊരു ഗാനം പുറത്തുവിട്ടിരിക്കുകയാണ്.

വരികള്‍ എഴുതിയിരിക്കുന്നത് കൃഷ്ണ കാന്താണ്. ഹിഷാം അബ്ദുള്‍ വഹാബാണ് സംഗീത സംവിധാനം നിര്‍വഹിച്ച് ഗാനം ആലപിച്ചിരിക്കുന്നത്. സാനു ജോണ്‍ വര്‍ഗീസ് ഐഎസ്സി ചിത്രത്തിന്റെ ഛായാഗ്രാഹണം നിര്‍വഹിക്കുന്നു.

ഷൊര്യു ഹായ് നാണ്ണാ തിരക്കഥയെഴുതി സംവിധാനം ചെയ്യുമ്പോള്‍ ജയറാമും ഒരു പ്രധാന വേഷത്തിലുണ്ട്. നാനിയും മൃണാള്‍ താക്കൂറും ഒന്നിക്കുന്ന ചിത്രം മോഹന്‍ ചെറുകുറി, ഡോ. വിജേന്ദ്ര റെഡ്ഡി. മൂര്‍ത്തി കെ എസ് എന്നിവരാണ് വൈര എന്റര്‍ടെയിന്‍മെന്റസിന്റെ ബാനറില്‍ നിര്‍വഹിക്കുന്നത്. നാനിയുടേതായി ‘ദസറ’ എന്ന ചിത്രമാണ് ഒടുവില്‍ പ്രദര്‍ശനത്തിന് എത്തിയത്.

Continue Reading

Film

ഗോഡ്സില്ല എക്‌സ്‌ കോങ്:ന്യൂ എംപയര്‍ ചിത്രത്തിന്റെ ട്രെയിലര്‍ പുറത്തിറങ്ങി

ആപ്പിള്‍ ടിവിയില്‍ പുരോഗമിക്കുന്ന മോണാര്‍ക്ക് സീരിസിന്റെ തുടര്‍ച്ചയായി അടുത്ത വര്‍ഷം ചിത്രം എത്തും.

Published

on

ലെജന്‍ഡറിയുടെ മോണ്‍സ്റ്റര്‍വേര്‍സിലെ പുതിയ ചിത്രം ഗോഡ്സില്ല എക്‌സ്‌
കോങ്:ന്യൂ എംപയര്‍ ചിത്രത്തിന്റെ ട്രെയിലര്‍ പുറത്തിറങ്ങി. ഒരു പ്രത്യേക ദൌത്യത്തിന് വേണ്ടി ഇരു ഭീകരന്മാരും ഒന്നിക്കുന്നു എന്നതാണ് പുതിയ ചിത്രത്തിന്റെ സൂചന. ഒപ്പം തന്നെ പുതിയ വില്ലനും ഉദയം ചെയ്യുന്നുണ്ട്.

മനുഷ്യരാശിയെ തുടച്ചുനീക്കുമെന്ന് ഉറച്ച പുതിയ ഭീകരന്‍ കുരങ്ങിനെതിരെ പോരാടാന്‍ ഗോഡ്‌സില്ലയും കോങും ഒന്നിക്കുന്നതായി ട്രെയിലറില്‍ കാണിക്കുന്നു.

ആദ്യ ഭാഗങ്ങളില്‍ നിന്നും വ്യത്യസ്തമായി പുതിയ രൂപത്തിലാണ് ഗോഡ്‌സില്ലയും കോങും ചിത്രത്തില്‍ പ്രത്യക്ഷപ്പെടുക എന്ന് ട്രെയിലര്‍ വ്യക്തമാകുന്നു. ആപ്പിള്‍ ടിവിയില്‍ പുരോഗമിക്കുന്ന മോണാര്‍ക്ക് സീരിസിന്റെ തുടര്‍ച്ചയായി അടുത്ത വര്‍ഷം ചിത്രം എത്തും.

സംവിധായകന്‍ ആദം വിംഗാര്‍ഡ് ആണ് ചിത്രം സംവിധാനം ചെയ്യുന്നത്. റെബേക്ക ഹാള്‍, ബ്രയാന്‍ ടൈറി ഹെന്റി , ഡാന്‍ സ്റ്റീവന്‍സ് , കെയ്ലി ഹോട്ടില്‍ , അലക്സ് ഫേണ്‍സ്, ഫാല ചെന്‍ എന്നിവര്‍ പ്രധാന വേഷത്തില്‍ എത്തുന്നു. ടെറി റോസിയോ, സൈമണ്‍ ബാരറ്റ് , ജെറമി സ്ലേറ്റര്‍ എന്നിവരുടെതാണ് തിരക്കഥ. 2024 ഏപ്രില്‍ 10നായിരിക്കും ചിത്രം റിലീസ് ചെയ്യുക.

 

Continue Reading

Film

‘അബ്രഹാം ഓസ്ലര്‍’ ചിത്രത്തിന്റെ റിലീസ് തീയതി പ്രഖ്യാപിച്ചു

കഴിഞ്ഞ കുറച്ച് നാളുകളായി മലയാളത്തില്‍ ഹിറ്റുകള്‍ ഇല്ലാത്ത ജയറാമിന്റെ തിരിച്ചുവരവ് ചിത്രമായേക്കാവുന്ന സിനിമയാണ് എബ്രഹാം ഓസ്ലര്‍.

Published

on

ജയറാമിനെ നായകനാക്കി മിഥുന്‍ മാനുവല്‍ തോമസ് സംവിധാനം ചെയ്യുന്ന ‘അബ്രഹാം ഓസ്ലര്‍’ എന്ന ചിത്രത്തിന്റെ റിലീസ് തീയതി പ്രഖ്യാപിച്ചു. ചിത്രം ക്രിസ്മസ് റിലീസ് ആയി എത്തുമെന്നാണ് സെപ്റ്റംബറില്‍ അണിയറക്കാര്‍ അറിയിച്ചിരുന്നത്. എന്നാല്‍ ചിത്രം ക്രിസ്മസിന് ഉണ്ടാവില്ല.മറിച്ച് ജനുവരി റിലീസ് ആയി എത്തും.

2024 ജനുവരി 11 ന് ചിത്രം തിയറ്ററുകളില്‍ എത്തും. തിയറ്ററുകളില്‍ വന്‍ വിജയം നേടിയ അഞ്ചാം പാതിരായ്ക്ക് ശേഷം മിഥുന്‍ മാനുവല്‍ തോമസ് സംവിധാനം ചെയ്യുന്ന ചിത്രമെന്ന നിലയില്‍ വലിയ പ്രേക്ഷകപ്രതീക്ഷ നേടിയ ചിത്രമാണിത്. ജയറാമാണ് നായകനെന്നതും ചിത്രത്തിന്റെ ഹൈപ്പ് വര്‍ധിപ്പിക്കുന്ന ഘടകമാണ്.

കഴിഞ്ഞ കുറച്ച് നാളുകളായി മലയാളത്തില്‍ ഹിറ്റുകള്‍ ഇല്ലാത്ത ജയറാമിന്റെ തിരിച്ചുവരവ് ചിത്രമായേക്കാവുന്ന സിനിമയാണ് എബ്രഹാം ഓസ്ലര്‍. ഓസ്ലറുടെ രചന മിഥുന്‍ അല്ല. ഡോ. രണ്‍ധീര്‍ കൃഷ്ണന്‍ ആണ് ചിത്രത്തിന്റെ രചന നിര്‍വ്വഹിച്ചിരിക്കുന്നത്. ചിത്രത്തില്‍ 15 മിനിറ്റോളം ദൈര്‍ഘ്യമുള്ള ഒരു അതിഥിവേഷത്തില്‍ മമ്മൂട്ടി എത്തുന്നു എന്ന് നേരത്തെ റിപ്പോര്‍ട്ടുകള്‍ എത്തിയിരുന്നു. എന്നാല്‍ ഇത് സംബന്ധിച്ച് ഔദ്യോഗിക സ്ഥിരീകരണം വന്നിട്ടില്ല.

 

Continue Reading

Trending