Connect with us

gulf

ഇന്ത്യക്കാര്‍ക്ക് ഇനിയും കാത്തിരിക്കേണ്ടി വരും സഊദിയില്‍ രാജ്യാന്തര വിമാന സര്‍വീസ് നിരോധനം നാളെ അവസാനിക്കും

കോവിഡ് വ്യാപനം തടയാന്‍ സഊദി അറേബ്യ ഏര്‍പ്പെടുത്തിയിരുന്ന അന്താരാഷ്ട്ര യാത്ര നിരോധനം നാളെ അവസാനിക്കും

Published

on

അഷ്‌റഫ് വേങ്ങാട്ട്

റിയാദ് : കോവിഡ് വ്യാപനം തടയാന്‍ സഊദി അറേബ്യ ഏര്‍പ്പെടുത്തിയിരുന്ന അന്താരാഷ്ട്ര യാത്ര നിരോധനം നാളെ അവസാനിക്കും. തിങ്കളാഴ്ച്ച അര്‍ദ്ധരാത്രി മുതല്‍ രാജ്യത്തിന്റെ കര വ്യോമ നാവിക അതിര്‍ത്തികള്‍ തുറക്കുമെന്ന് ആഭ്യന്തര മന്ത്രാലയം നേരത്തെ അറിയിച്ചിരുന്നു . രാജ്യാന്തര യാത്ര സര്‍വീസുകള്‍ കഴിഞ്ഞ ഏപ്രില്‍ ഒന്ന് മുതല്‍ ആരംഭിക്കുമെന്നായിരുന്നു പ്രഖ്യാപിച്ചിരുന്നത് പിന്നീട് മെയ് 17 ലേക്ക് മാറ്റുകയായിരുന്നു . ലോകത്തിന്റെ വിവിധ ഭാഗങ്ങളിലെ കോവിഡ് വ്യാപനത്തിന്റെ പശ്ചാത്തലത്തിലാണ് ഒന്നര മാസത്തിലധികം വീണ്ടും നീട്ടാനുള്ള തീരുമാനം അന്ന് സഊദി കൈകൊണ്ടത്. അതേസമയം നാളെ മുതല്‍ ആരംഭിക്കുന്ന അന്താരാഷ്ട്ര സര്‍വീസുകളില്‍ യാത്രാവിലക്ക് നിലനില്‍ക്കുന്ന ഇന്ത്യയടക്കമുള്ള ഇരുപത് രാജ്യങ്ങളിലേക്ക് സര്‍വീസുകള്‍ ഉള്‍പ്പെടില്ലെന്ന് അധികൃതര്‍ വ്യക്തമാക്കിയിട്ടുണ്ട്.

രാജ്യാന്തര യാത്രക്കാരെ സ്വീകരിക്കാന്‍ രാജ്യത്തെ കര, നാവിക, വ്യോമ അതിര്‍ത്തികളെല്ലാം സജ്ജമായിട്ടുണ്ടെന്ന് ബന്ധപ്പെട്ടവര്‍ അറിയിച്ചു. റിയാദിലെയും ജിദ്ദയിലെയും ദമാമിലെയും വിമാനത്താവളങ്ങളില്‍ മന്ത്രിമാരുള്‍പ്പെടെയുള്ളവര്‍ പരിശോധന നടത്തി ഒരുക്കങ്ങള്‍ വിലയിരുത്തി. വിദേശത്തേക്ക് പോകാന്‍ ഉദ്ദേശിക്കുന്നവരുടെ തവക്കല്‍നാ ആപ്ലിക്കേഷന്‍ സ്റ്റാറ്റസ് അതത് അതിര്‍ത്തി കവാടങ്ങളില്‍ പരിശോധിക്കും. യാത്രയുദ്ദേശിക്കുന്ന രാജ്യങ്ങളിലെ മാനദണ്ഡങ്ങളും വ്യവസ്ഥകളും യാത്രക്കാര്‍ അറിഞ്ഞിരിക്കണമെന്നും ആവശ്യമായ മുന്‍കരുതലുകള്‍ സ്വീകരിക്കണമെന്നും വിവിധ എയര്‍ലൈനുകള്‍ അറിയിച്ചു

സഊദി എയര്‍ലൈന്‍സ് ആദ്യഘട്ടത്തില്‍ 43 അന്താരാഷ്ട്ര റൂട്ടുകളിലേക്കും 28 ആഭ്യന്തര സെക്ടറുകളിലേക്കുമാണ് സര്‍വീസ് ക്രമീകരിച്ചിട്ടുള്ളത്. ഓരോ സര്‍വീസ് ആരംഭിക്കുന്നതിന് മുമ്പായി വിമാനങ്ങള്‍ യു.വി.സി സംവിധാനമുപയോഗിച്ച് അണുവിമുക്തമാക്കും. പുറത്തേക്ക് പോകാനുദ്ദേശിക്കുന്ന യാത്രക്കാരുടെ തവക്കല്‍നാ ആപ്ലിക്കേഷന്‍ സ്റ്റാറ്റസ് വിമാനത്താവളത്തില്‍ പരിശോധിക്കും. കോവിഡ് ബാധിച്ചിട്ടില്ല, രോഗം ഭേദമായി പ്രതിരോധനനില കൈവരിച്ചവര്‍, വാക്‌സിനെടുത്തവര്‍ എന്നിങ്ങനെ തവല്‍ക്കനയില്‍ സ്റ്റാറ്റസുള്ളവര്‍ക്ക് പുറത്തുപോകുന്നതിന് വിരോധമില്ല. രോഗബാധിതര്‍ക്ക് യാത്രക്ക് അനുമതിയുണ്ടാകില്ല. ഒരു ഡോസ് വാക്‌സിനെടുത്തവര്‍ക്ക് 14 ദിവസം കഴിഞ്ഞ് തവക്കല്‍നായില്‍ പുതിയ സ്റ്റാറ്റസ് വന്നതിന് ശേഷമേ യാത്ര ചെയ്യാനാവൂ. ഓരോ രാജ്യങ്ങളുടെയും പ്രവേശന നിബന്ധനകള്‍ തങ്ങളുടെ വെബ്‌സൈറ്റില്‍ പ്രസിദ്ധീകരിച്ചിട്ടുണ്ടെന്ന് സഊദിയ വ്യക്തമാക്കി

രാജ്യം വിട്ടു പുറത്തുപോകുന്നതില്‍ സ്വദേശികള്‍ക്കാണ് ഇതുവരെ യാത്രാവിലക്കുണ്ടായിരുന്നത്. അത്യാവശ്യമുള്ളവര്‍ക്ക് നിബന്ധനകള്‍ക്ക് വിധേയമായി യാത്ര അനുവദിക്കുകയും ചെയ്തിരുന്നു. വിദേശികള്‍ക്ക് സഊദിയില്‍ നിന്ന് പുറത്തേക്ക് പോകുന്നതില്‍ വിലക്ക് ഉണ്ടായിരുന്നില്ല.കോവിഡ് പ്രോട്ടോകോള്‍ പ്രകാരം വിദേശികള്‍ രാജ്യത്തേക്ക് തിരിച്ചെത്തുമ്പോള്‍ പാലിക്കേണ്ട മുന്‍കരുതല്‍ നടപടികള്‍ പൂര്‍ത്തിയാക്കണമെന്നായിരുന്നു നിബന്ധന. അതോടൊപ്പം വ്യാഴാഴ്ച മുതല്‍ ഏര്‍പ്പെടുത്തിയ ഏഴു ദിവസത്തെ ഇന്‍സ്റ്റിറ്റിയൂഷനല്‍ ക്വാറന്റൈന്‍ സൗകര്യം സഊദിയിലേക്ക് തിരിച്ചു വരുന്ന വിദേശികള്‍ ഉറപ്പുവരുത്തേണ്ടതുണ്ട്. ടിക്കറ്റെടുക്കുമ്പോള്‍ തന്നെ അതാത് എയര്‍ലൈനുകള്‍ വഴിയാണ് ഉചിതമായ ക്വാറന്റൈന്‍ സൗകര്യം കണ്ടെത്തേണ്ടത്. കോവിഡ് വാക്‌സിന്‍ രണ്ട് ഡോസും എടുത്തവര്‍ക്കും ജോണ്‍സന്‍ ആന്‍ഡ് ജോണ്‍സണ്‍ വാക്‌സിന്‍ എടുത്തവര്‍ക്കും ക്വാറന്റൈന്‍ ആവശ്യമില്ലെന്നാണ് അധികൃതര്‍ അറിയിച്ചിട്ടുളളത്. അവര്‍ വാക്‌സിന്‍ സര്‍ട്ടിഫിക്കറ്റ് കൈവശം വെക്കണം.

രാജ്യത്തേക്ക് തിരിച്ചെത്തുന്ന യാത്രക്കാരെല്ലാം 72 മണിക്കൂറിനകം ചെയ്ത ആര്‍ ടി പി സി ആര്‍ ടെസ്റ്റ് റിപ്പോര്‍ട്ട് കയ്യില്‍ സൂക്ഷിക്കണം. അതേസമയം ഇന്ത്യയില്‍ നിന്നുള്ള യാത്രക്കാര്‍ 14 ദിവസം സഊദിയുടെ ലിസ്റ്റിലുള്ള കോവിഡ് വ്യാപനമില്ലാത്ത മറ്റൊരു രാജ്യത്ത് താമസിച്ചുവേണം മടങ്ങിയെത്താന്‍. ഏഴ് ദിവസത്തെ നിര്‍ബന്ധിത ഇന്‍സ്റ്റിറ്റിയൂഷനല്‍ ക്വാറന്റൈന്‍ ഇവര്‍ക്കും ബാധകമാണ്. കോവിഡ് പ്രോട്ടോകോള്‍ പ്രകാരമുള്ള മുന്‍കരുതല്‍ നടപടികള്‍ ലംഘിക്കുന്നത് കനത്ത ശിക്ഷ നടപടികള്‍ക്ക് കാരണമാകുന്നതിനാല്‍ സഊദിയിലെക്ക് തിരിച്ചെത്തുന്ന മലയാളികളടക്കമുള്ള പ്രവാസികള്‍ അതീവ ജാഗ്രത പാലിക്കേണ്ടതുണ്ട്,

ഏതായാലും അന്താരാഷ്ട്ര യാത്രക്കുള്ള വിലക്ക് നീങ്ങുന്നതോടെ കോവിഡ് വ്യാപനമില്ലാത്ത രാജ്യങ്ങളിലേക്കുള്ള യാത്ര ദുരിതത്തിന് അറുതിയാകും. രാജ്യാന്തര യാത്രകളും ചരക്ക് നീക്കങ്ങളും ആരംഭിക്കുന്നതോടെ സഊദി കോവിഡിന് മുമ്പുള്ള അവസ്ഥയിലേക്ക് ക്രമേണ കടക്കുമെന്നാണ് പ്രവാസികളടക്കമുളളവരുടെ പ്രതീക്ഷ. കോവിഡ് വ്യാപനം നിയന്ത്രണ വിധേയമാകുന്നതോടെ ഇന്ത്യയില്‍ നിന്നുള്ള യാത്ര വിലക്കും എടുത്തുകളയുമെന്നും ഇന്ത്യയില്‍ നിന്ന് സഊദിയിലേക്ക് സാധാരണ ഗതിയിലുള്ള യാത്ര സാധ്യമാകുമെന്നുമാണ് കരുതുന്നത് . നിലവില്‍ നാളെ അവസാനിക്കുന്ന അന്താരാഷ്ട്ര യാത്ര വിലക്കില്‍ ഇന്ത്യക്കാര്‍ക്ക് സന്തോഷിക്കാന്‍ വകയില്ലെങ്കിലും ഭാവിയില്‍ ഇന്ത്യ കോവിഡ് മുക്തമാണെന്ന് സഊദി കോവിഡ് നിരീക്ഷണ പ്രത്യേക സമിതി പ്രഖ്യാപിച്ചാല്‍ ഇന്ത്യയിലേക്കുള്ള യാത്രാ വിലക്കും അവസാനിക്കും.

 

Continue Reading
Advertisement
Click to comment

Leave a Reply

Your email address will not be published. Required fields are marked *

gulf

മനുഷ്യ നന്മയുടെ 34 കോടി; റഹീമിന്റെ മോചനത്തിന് കൈയയച്ച് സഹായിച്ച് കേരളം

മുസ്ലിംലീഗിന്റെ ഫറോക്കിലെ പ്രാദേശിക നേതാക്കൾ നേതൃത്വം നൽകിയ നിയമ സഹായ സമിതിയാണ് മോചനദ്രവ്യം സ്വരൂപിക്കുന്നതിന് വേണ്ടി മുന്നിട്ടിറങ്ങിയത്.

Published

on

34 കോടി രൂപയുടെ ലക്ഷ്യം തൊട്ട് അബ്ദുൽ റഹീം നിയമ സഹായ സമിതി. സൗദി ജയിലിൽ വധശിക്ഷ കാത്ത് കഴിയുന്ന റഹീമിന്റെ മോചനത്തിന് വേണ്ടിയാണ് കേരളം ഒന്നടങ്കം രംഗത്തിറങ്ങി ഇത്രയും തുക ദ്രുതഗതിയിൽ സമാഹരിച്ചത്. മുസ്ലിംലീഗിന്റെ ഫറോക്കിലെ പ്രാദേശിക നേതാക്കൾ നേതൃത്വം നൽകിയ നിയമ സഹായ സമിതിയാണ് മോചനദ്രവ്യം സ്വരൂപിക്കുന്നതിന് വേണ്ടി മുന്നിട്ടിറങ്ങിയത്. കേരളത്തിലെ വിവിധ മത, രാഷ്ട്രീയ, സാംസ്‌കാരിക, സന്നദ്ധ പ്രവർത്തകർ ഈ സംരംഭത്തെ കൈയയച്ച് സഹായിച്ചു.

പെരുന്നാൾ ദിനത്തിൽ കേരളത്തിൽ അങ്ങോളമിങ്ങോളം വ്യാപകമായ ധനസമാഹരണം നടത്തി. ഇതിനായി തയ്യാറാക്കിയ പ്രത്യേക ആപ്ലിക്കേഷൻ വഴി അപ്പപ്പോൾ അപ്‌ഡേഷനുകൾ വന്നുകൊണ്ടിരുന്നു. മണിക്കൂറുകൾക്കകമാണ് കോടിക്കണക്കിന് രൂപ നൽകി മനുഷ്യ സ്‌നേഹികൾ ഈ മഹാ ദൗത്യത്തിന്റെ ഒപ്പം നിന്നത്. കേരളത്തിന് പുറമെ ഗൾഫ് രാജ്യങ്ങളിലും ഫണ്ട് കളക്ഷൻ നടന്നിരുന്നു.

Continue Reading

gulf

അബ്ദുള്‍ റഹീമിന്റെ മോചനം: 30 കോടി പിന്നിട്ട് ധനസമാഹരണം; എല്ലാവർക്കും നന്ദിയറിയിച്ച് മാതാവ്

അബ്ദുള്‍ റഹീമിനായി രൂപീകരിച്ച ആപ്പ് വഴിയും നിര്‍ദേശിച്ചിരിക്കുന്ന ബാങ്ക് അക്കൗണ്ട് വഴിയുമാണ് ധനസമാഹരണം നടത്തുന്നത്.

Published

on

സഊദി അറേബ്യയില്‍ വധശിക്ഷയ്ക്ക് വിധിക്കപ്പെട്ട് ജയിലില്‍ കഴിയുന്ന മലയാളി യുവാവ് അബ്ദുള്‍ റഹീമിന്റെ മോചനത്തിനായി ലോകമെമ്പാടുമുള്ള മലയാളികള്‍ കൈകോര്‍ക്കുന്നു. 34 കോടി രൂപയാണ് മോചനത്തിനായി ആവശ്യമായി വരുന്നത്. ഇതിനോടകം ധനസമാഹരണം 30 കോടി കടന്നു. അബ്ദുള്‍ റഹീമിനായി രൂപീകരിച്ച ആപ്പ് വഴിയും നിര്‍ദേശിച്ചിരിക്കുന്ന ബാങ്ക് അക്കൗണ്ട് വഴിയുമാണ് ധനസമാഹരണം നടത്തുന്നത്.

30 കോടി പിന്നിട്ടതോടെ ആപ്പ് വഴിയുള്ള ധനസമാഹരണം താത്കാലികമായി നിര്‍ത്തിവെച്ചിരിക്കുകയാണ്. ഫണ്ട് കളക്ഷന്റെ സുതാര്യത ഉറപ്പുവരുത്തുന്നതിനും ഓഡിറ്റിങ്ങിനുവേണ്ടിയുമാണ് ആപ്പിന്റെ പ്രവര്‍ത്തനം താത്കാലികമായി നിര്‍ത്തിവെച്ചിരിക്കുന്നത്. 4.30ന് ശേഷം സേവനം പുനഃസ്ഥാപിക്കുന്നതാണെന്ന് ആപ്പുമായി ബന്ധപ്പെട്ടവര്‍ അറിയിച്ചിട്ടുണ്ട്.

സഹായത്തിന് എല്ലാവരോടും നിയമസഹായ സമിതി നന്ദി അറിയിച്ചു. 34 കോടി സമാഹരിച്ച് ധനശേഖരണം നിര്‍ത്തും. ട്വന്റിഫോറിലൂടെ ഇക്കാര്യം അറിയിക്കും.

അബ്ദുറഹീമിനെ സഹായിക്കാന്‍ കൈകോര്‍ക്കാം:

MP ABDUL RAHIM LEGAL ASSISTANCE COMMITTEE
A/C NO 074905001625
IFSC CODE ICIC0000749
BRANCH: ICICI MALAPPURAM

റഹീം വധ ശിക്ഷയും കാത്ത് അല്‍ഹായിര്‍ ജയിലില്‍ തുടരുകയാണ്. റഹീമിന് നിയമ സഹായം നല്‍കുന്നതിനായി റിയാദിലെ സാമൂഹിക സംഘടനാ പ്രതിനിധികള്‍ അടങ്ങുന്ന കൂട്ടായ്മ രൂപീകരിച്ചിട്ടുണ്ട്. സഊദി രാജാവിന് ദയാ ഹര്‍ജിയും നല്‍കിയിട്ടുണ്ട്. ദിയാപണമായ 34 കോടി രൂപ കണ്ടെത്താന്‍ സഹായിക്കണമെന്ന് റഹീമിന്റെ കുടുംബം ഇന്ത്യന്‍ എംബസിയോട് ആവശ്യപ്പെട്ടിട്ടുണ്ട്. കൊല്ലപ്പെട്ട സൗദി ബാലന്റെ കുടുംബവുമായി ഒത്തുതീര്‍പ്പ് ചര്‍ച്ച നടത്താനുള്ള ശ്രമത്തിലാണ് ഇന്ത്യന്‍ എംബസി.

Continue Reading

FOREIGN

യൂസഫലിയുടെ പ്രവാസത്തിന്റെ അരനൂറ്റാണ്ട്: 50 കുട്ടികള്‍ക്ക് പുതുജീവന്‍ പദ്ധതി പൂര്‍ത്തിയാക്കി

സംഘര്‍ഷ മേഖലകളിലെയും നിര്‍ധന കുടുംബങ്ങളിലെയും ജന്മനാ ഹൃദ്രോഗമുള്ള കുട്ടികള്‍ക്കാണ് പ്രവാസി സംരംഭകനും ബുര്‍ജീല്‍ ഹോള്‍ഡിങ്‌സ് സ്ഥാപകനുമായ ഡോ. ഷംഷീര്‍ വയലില്‍ സൗജന്യ ഹൃദയശസ്ത്രക്രിയ പ്രഖ്യാപിച്ചത്.

Published

on

അബുദാബി: പ്രമുഖ വ്യവസായിയും ലുലു ഇന്റര്‍നാഷണല്‍ ഗ്രൂപ്പ് ചെയര്‍മാനുമായ യൂസുഫലി എംഎയുടെ പ്രവാസ ജീവിതത്തിന് അമ്പത് വര്‍ഷം പൂര്‍ത്തിയാക്കിയതിന്റെ അടയാളപ്പെടുത്തലിന്റെ ഭാഗമായി വിപിഎസ് ഗ്രൂപ്പ് ഒരുക്കിയ അമ്പത് കുട്ടികളുടെ സൗജന്യ ഹൃദയശസ്ത്രക്രിയാ പദ്ധതി വിജയകരമായി പൂര്‍ത്തീകരിച്ചു.

സംഘര്‍ഷ മേഖലകളിലെയും നിര്‍ധന കുടുംബങ്ങളിലെയും ജന്മനാ ഹൃദ്രോഗമുള്ള കുട്ടികള്‍ക്കാണ് പ്രവാസി സംരംഭകനും ബുര്‍ജീല്‍ ഹോള്‍ഡിങ്‌സ് സ്ഥാപകനുമായ ഡോ. ഷംഷീര്‍ വയലില്‍ സൗജന്യ ഹൃദയശസ്ത്രക്രിയ പ്രഖ്യാപിച്ചത്.
കഴിഞ്ഞ ജനുവരിയില്‍ പ്രഖ്യാപിച്ച ആഗോള ജീവകാരുണ്യ സംരംഭം ജന്മനാ ഹൃദ്രോഗമുള്ള കുട്ടികള്‍ക്കാവശ്യമായ അടിയന്തര ശസ്തക്രിയകളാണ് നടത്തിയത്.

പ്രമുഖ വ്യവസായിയും മനുഷ്യസ്‌നേഹിയുമായ യൂസഫലിയുടെ യുഎഇയിലെ 50 വര്‍ഷങ്ങള്‍ക്കുള്ള ആദരവായാണ് അദ്ദേഹത്തിന്റെ മകള്‍ ഡോ. ഷബീന യൂസഫലിയുടെ ഭര്‍ത്താവായ ഡോ. ഷംഷീര്‍ സംരംഭം പ്രഖ്യാപിച്ചിരുന്നത്. സംഘര്‍ഷ മേഖലകളില്‍ നിന്നും പിന്നോക്ക പശ്ചാത്തലത്തില്‍ നിന്നുമുള്ള കുട്ടികള്‍ക്ക് പ്രതീക്ഷയും കൈത്താങ്ങുമായി ഇത് മാറി.

ഇന്ത്യ, ഈജിപ്ത്, സെനഗല്‍, ലിബിയ, ടുണീഷ്യ എന്നിവിടങ്ങളില്‍ നിന്നുള്ള
കുട്ടികള്‍ക്കാണ് വിദഗ്ദരുടെ നേതൃത്വത്തില്‍ കഴിഞ്ഞ മൂന്ന് മാസത്തിനുള്ളില്‍ ഹൃദയശസ്ത്രക്രിയ നടത്തിയത്. കലാപംമൂലം സംഘര്‍ഷമനുഭവിക്കുന്ന രാജ്യങ്ങളില്‍നിന്നുള്ളവരും സാമ്പത്തിക പ്രതിസന്ധി നേരിടുന്ന കുടുംബങ്ങളില്‍ നിന്നുള്ള കുട്ടികളും ഇതില്‍പെടും.

വന്‍ ചിലവു കാരണം ശസ്ത്രക്രിയകള്‍ മുടങ്ങിയ കുട്ടികള്‍ക്ക് ചികിത്സ ലഭ്യമാക്കാനായി കേരളത്തില്‍ സംസ്ഥാന ആരോഗ്യ വകുപ്പുമായും ഗോള്‍ഡന്‍ ഹാര്‍ട്ട് സംരംഭം സഹകരിച്ചു. ഇതിന്റെ ഭാഗമായി സംസ്ഥാന സര്‍ക്കാരിന്റെ ‘ഹൃദ്യം’ പദ്ധതിയിലെ സങ്കീര്‍ണ ശസ്ത്രക്രിയകള്‍ക്കാണ് സഹായം എത്തിച്ചത്. കേരളത്തില്‍ നിന്നും തമിഴ്‌നാട്ടില്‍ നിന്നുമുള്ള സാമ്പത്തിക പ്രതിസന്ധി നേരിടുന്ന കുട്ടികള്‍ക്ക് തിരുവനന്തപുരം ശ്രീചിത്ര തിരുനാള്‍ ഇന്‍സ്റ്റിറ്റ്യൂട്ടിലും സൗജന്യ ചികിത്സ ലഭ്യമാക്കി.

വിദേശത്തെ സംഘര്‍ഷ മേഖലകളില്‍നിന്ന് ഏറെ പ്രയാസപ്പെട്ടാണ് കുട്ടികളെ ആശുപത്രികളിലേക്ക് കൊണ്ട് വന്നത്. ഇതിനായി വിവിധ സര്‍ക്കാര്‍ ഏജന്‍സികള്‍ മുഖേന പ്രത്യേക യാത്രാനുമതികള്‍ ലഭ്യമാക്കിയാണ്.

ഗുരുതര ഹൃദ്രോഗങ്ങളുള്ള രണ്ടു മാസം മുതല്‍ പ്രായമുള്ള കുട്ടികള്‍ക്കാണ് ഗോള്‍ഡന്‍ ഹാര്‍ട്ട് കൈത്താങ്ങായത്. അയോര്‍ട്ടിക് സ്റ്റെനോസിസ്, ടെട്രോളജി ഓഫ് ഫാലോട്ട് ആട്രിയോവെന്‍ട്രിക്കുലാര്‍ ഡിഫെക്ട് തുടങ്ങിയ സങ്കീര്‍ണ ഹൃദ്രോഗങ്ങളുള്ള കുട്ടികളടക്കം സംരംഭത്തിന്റെ സ്വീകര്‍ത്താക്കളായി.

ഏറെ വെല്ലുവിളികളുള്ള രോഗാവസ്ഥയിലായിരുന്ന നിലമ്പൂര്‍ സ്വദേശിനിയായ എട്ട് വയസുകാരി ലയാല്‍ സംരംഭത്തിന്റെ ഭാഗമായി സങ്കീര്‍ണ്ണ ശസ്ത്രക്രിയയിലൂടെ പുതു ജീവിതത്തിലേക്ക് കടന്നു. ശസ്ത്രക്രിയാനന്തരം ഉയര്‍ന്ന അപകടസാധ്യത ഉണ്ടായിരുന്നെങ്കിലും അതിനെ മറികടക്കാന്‍ അവള്‍ക്കായത് ആശ്വാസവും പ്രതീക്ഷയുമായി. സഹായത്തിനായി പല വാതിലുകളും മുട്ടിയ കുടുംബത്തിന് ഗോള്‍ഡന്‍ ഹാര്‍ട്ട് ഏറെ ആശ്വാസമായി.

ഈജിപ്തില്‍ നിന്നുള്ള രണ്ടര വയസ്സുകാരന്‍ ഹംസ ഇസ്‌ളാമിന്റെ അതിജീവനവും സമാനം. ഹൃദയ അറയിലെ സുഷിരങ്ങള്‍ കാരണം ഗുരുതര ആരോഗ്യ പ്രശ്‌നങ്ങള്‍ നേരിട്ട കുട്ടിക്ക് മതിയായ ചികിത്സ പദ്ധതിയിലൂടെ ലഭ്യമാക്കാനായി. സെനഗലിലും ലിബിയയിലും മാസങ്ങളായി ചികിത്സ കാത്തുകിടന്ന കുട്ടികള്‍ക്കാണ് ജീവന്‍ രക്ഷാ സഹായം ലഭിച്ചത്. ഇന്ത്യ, ഈജിപ്ത്, ടുണീഷ്യ എന്നിവിടങ്ങളിലെ ആശുപത്രികളിലാണ് സംരംഭത്തിന്റെ ഭാഗമായുള്ള നിര്‍ണായക ശസ്ത്രക്രിയകള്‍ നടത്തിയത്.

Continue Reading

Trending