News
പ്രായം കീഴടങ്ങി, ഒന്നാം നമ്പര്‍ താരത്തെ തോല്‍പ്പിച്ച് സെറീന
മെല്‍ബണ്‍: സെറീന വില്യംസിന് വയസ്സ് 37 കഴിഞ്ഞു. പക്ഷേ, കളിക്കളത്തില്‍ റാക്കറ്റേന്തി നില്‍ക്കുമ്പോള്‍ അവര്‍ക്ക് ഇരുപത് വയസ്സിന്റെ ചെറുപ്പമാണ്. ഓസ്‌ട്രേലിയന്‍ ഓപണില്‍ ലോക ഒന്നാം നമ്പര്‍ താരവും കഴിഞ്ഞ വര്‍ഷത്തെ ഫൈനലിസ്റ്റുമായ സിമോണ ഹാലപ്പിനെ സെറീന തകര്‍ത്തുവിട്ടപ്പോള്‍ പ്രായം ഒരിക്കല്‍ കൂടി തലകുനിച്ചു അമേരിക്കന്‍ താരത്തിന്റെ മുന്നില്‍.
കരിയറിലെ ഏറ്റവും മികച്ച ഫോമില്‍ നില്‍ക്കുന്ന, പ്രായം അനുകൂല ഘടകമായുള്ള സിമോണ ഹാലപ്പിനു തന്നെയാണ് ഓസ്‌ട്രേലിയന്‍ ഓപണ്‍ പ്രീ ക്വാര്‍ട്ടര്‍ ഫൈനലില്‍ വിദഗ്ധരും ടെന്നിസ് പ്രേമികളുമെല്ലാം വ്യക്തമായ സാധ്യത കല്‍പ്പിച്ചിരുന്നത്. എന്നാല്‍, കളി തുടങ്ങിയപ്പോള്‍ സെറീന വിശ്വരൂപം പുറത്തെടുത്തു. ആദ്യ സെറ്റ് 6-1 ന് അനായാസം കൈക്കലാക്കി.
BREAKING: Serena Williams beats World No. 1 and last year’s #AusOpen finalist Simona Halep 6-1, 4-6, 6-4 in the fourth round. pic.twitter.com/lihAESSwPY
— Express Sports (@IExpressSports) January 21, 2019
രണ്ടാം സെറ്റില്‍ പക്ഷേ, റൊമാനിയന്‍ താരം ശക്തമായി തിരിച്ചുവന്നു. 4-6 ന് സെറ്റ് സ്വന്തമാക്കി. അവസാനഘട്ടം വരെ ഇരുവരും ഒപ്പത്തിനൊപ്പം നിന്നെങ്കിലും സെറീനയുടെ പരിചയ സമ്പത്തിനെ തന്നെ ഞെട്ടിച്ചുകളഞ്ഞൊരു ബാക്ക്ഹാന്റ് ഷോട്ടിലൂടെ ഹാലപ് മുന്‍തൂക്കം നേടി. തൊട്ടടുത്ത സെര്‍വില്‍ വെറ്ററന്‍ താരത്തിന് പിഴക്കുകയും ചെയ്തു.
മൂന്നാം സെറ്റില്‍ തുടക്കത്തില്‍ മുന്‍തൂക്കം ഹാലപ്പിനായിരുന്നു. ഒരു ഘട്ടത്തില്‍ അവര്‍ 3-2 ന് ലീഡെടുക്കുകയും ചെയ്തു. എന്നാല്‍ 3-3 ഒപ്പം പിടിച്ച ശേഷം സെറീന തകര്‍പ്പന്‍ പ്രകടനത്തോടെ എതിരാളിയുടെ സര്‍വ് ഭേദിച്ചു. ഒരു ഗെയിം കൂടി സ്വന്തമാക്കി 5-3 ലെത്തിയ സെറീന തൊട്ടടുത്ത ഗെയിം വിട്ടുകൊടുത്ത ശേഷം നിര്‍ണായക സെറ്റ് സ്വന്തമാക്കി ക്വാര്‍ട്ടറിലേക്ക് മുന്നേറി.
In what could have easily been the #AusOpen final, Serena Williams defeats world No. 1 Simona Halep 6-1, 4-6, 6-4 to earn her spot in the quarterfinals. This was one of the most exciting matches of the tournament thus far, as both women played at an extremely high level. pic.twitter.com/ETvx61UmQ9
— TENNIS.com (@Tennis) January 21, 2019
വാശിയേറിയ പോരാട്ടത്തിലും ഉന്നതമായ കായികബഹുമാനമാണ് ഇരുവരും പരസ്പരം പുലര്‍ത്തിയത്. സമ്മര്‍ദം നിറഞ്ഞുനിന്ന മൂന്നാം സെറ്റില്‍ ഹാലപ്പിന്റെ ഒരു ബാക്ക്ഹാന്റ് റിട്ടേണ്‍ തന്നെ കീഴടക്കിയപ്പോള്‍ കയ്യടിക്കാന്‍ മറന്നില്ല സെറീന. ഒടുവില്‍ അര്‍ഹിച്ച ജയം സ്വന്തമാക്കിയ അവര്‍ തന്റെ 50-ാം ഗ്രാന്റ്സ്ലാം ക്വാര്‍ട്ടര്‍ ഫൈനലില്‍ ഇടമുറപ്പിച്ചു.
kerala
മലപ്പുറം കൊണ്ടോട്ടി അയ്യാടന്‍ മലയില്‍ വിള്ളല്‍; 42 കുടുംബങ്ങളെ മാറ്റി താമസിപ്പിച്ചു
വലിയ രീതിയില്‍ വിള്ളലുണ്ടാകുന്നത് സമീപകാലത്ത് ആദ്യമായിട്ടാണ് എന്നാണ് പ്രദേശവാസികള്‍ വ്യക്തമാക്കുന്നത്‌
മലപ്പുറം കൊണ്ടോട്ടി മൊറയൂര്‍ അയ്യാടന്‍ മലയില്‍ വിള്ളല്‍ കണ്ടെത്തി. മണ്ണിടിച്ചില്‍ സാധ്യത കണക്കിലെടുത്ത് പ്രദേശത്തുനിന്ന് 42 കുടുംബങ്ങളെ മാറ്റി താമസിപ്പിച്ചു. ജിയോളജി വകുപ്പ് ഉദ്യോഗസ്ഥര്‍ സ്ഥലത്തെത്തി പരിശോധന നടത്തി.
കഴിഞ്ഞ ദിവസങ്ങളില്‍ ജില്ലയില്‍ ശക്തമായ മഴ ഉണ്ടായിരുന്നു. തുടര്‍ന്ന് നടത്തിയ പരിശോധനയില്‍ മൊറയൂര്‍ ഗ്രാമപഞ്ചായത്തിലെ 15ാം വാര്‍ഡിലെ അയ്യാടന്‍ മലയില്‍ വിള്ളല്‍ കണ്ടെത്തിയതെന്ന് ജിയോളജി വകുപ്പ് അധികൃതര്‍ വ്യക്തമാക്കി. ഇതിന്റെ അടിസ്ഥാനത്തില്‍ ഉദ്യോഗസ്ഥര്‍ ഇന്ന് മലയില്‍ പരിശോധന നടത്തി അപകടത്തിന്റെ വ്യാപ്തി മനസിലാക്കിയിട്ടുണ്ട്.
മലയില്‍ പലയിടങ്ങളിലായി വലിയ രീതിയില്‍ വിള്ളലുണ്ട്. മുന്‍വര്‍ഷങ്ങളിലെല്ലാം മഴ ശക്തമാകുമ്പോള്‍ മാറ്റിപ്പാര്‍പ്പിക്കാറുണ്ടെങ്കിലും ഇത്തരത്തില്‍ വലിയ രീതിയില്‍ വിള്ളലുണ്ടാകുന്നത് സമീപകാലത്ത് ആദ്യമായിട്ടാണ് എന്നാണ് പ്രദേശവാസികള്‍ വ്യക്തമാക്കുന്നത്‌
kerala
റീല്‍സ് ചിത്രീകരിക്കുന്നതിനായി കുടിവെള്ള ടാങ്കില്‍ ഇറങ്ങി കുളിച്ചു; ആലപ്പുഴയില്‍ യുവാക്കള്‍ പിടിയില്‍
നാട്ടുകാരാണ് മൂന്ന് യുവാക്കളെ പിടികൂടി പൊലീസിനെ ഏല്‍പ്പിച്ചത്.
ആലപ്പുഴയില്‍ കുടിവെള്ള ടാങ്കില്‍ ഇറങ്ങി കുളിച്ച യുവാക്കളെ പൊലീസ് പിടികൂടി. ചേര്‍ത്തല പള്ളിപ്പുറത്തെ കുടിവെള്ള ടാങ്കിലാണ് റീല്‍സ് ചിത്രീകരിക്കുന്നതിനായി യുവാക്കള്‍ ഇറങ്ങിയത്. നാട്ടുകാരാണ് മൂന്ന് യുവാക്കളെ പിടികൂടി പൊലീസിനെ ഏല്‍പ്പിച്ചത്. ആയിരത്തോളം കുടുംബങ്ങള്‍ ആശ്രയിക്കുന്ന കുടിവെള്ള ടാങ്കിലാണ് ഇവര്‍ ഇറങ്ങി കുളിച്ചത്.
മുന്‍സിപ്പാലിറ്റിയുടെ വാട്ടര്‍ ടാങ്കില്‍ ഇറങ്ങിയാണ് ഇവര്‍ കുളിച്ചത്. യുവാക്കളുടെ കുളിയോടെ നിരവധി കുടുംബങ്ങളുടെ കുടിവെള്ളം മുട്ടി. ഇന്ന് വൈകുന്നേരം മൂന്നരയോടുകൂടിയാണ് സംഭവം നടന്നത്. വാട്ടര്‍ ടാങ്കിന് മുകളില്‍ നിന്ന് കൂകി വിളിയും വലിയ ശബ്ദവും കേട്ടതോടെയാണ് നാട്ടുകാര്‍ ഇവരെ ശ്രദ്ധിച്ചത്. തുടര്‍ന്നാണ് മൂന്ന് യുവാക്കള്‍ കുളിക്കുന്നതായി നാട്ടുകാരുടെ ശ്രദ്ധയില്‍പ്പെട്ടത്. ഒരാള്‍ വീഡിയോ ചിത്രീകരിക്കുകയും മറ്റ് രണ്ടു പേര്‍ വാട്ടര്‍ ടാങ്കിലേക്ക് ചാടുകയും ചെയ്യുകയുമായിരുന്നു.
നിലവില്‍ യുവാക്കള്‍ക്കെതിരെ കേസെടുക്കുന്നത് സംബന്ധിച്ച് നടപടികള്‍ തുടരുകയാണ്.
kerala
മുല്ലപ്പെരിയര്‍ ഡാം നാളെ തുറക്കും
രാവിലെ 10 മണിക്ക് ഷട്ടര്‍ ഉയര്‍ത്തുമെന്ന് തമിഴ്‌നാട് അറിയിച്ചു.
ജലനിരപ്പ് ഉയരുന്ന സാഹചര്യത്തില്‍ മുല്ലപ്പെരിയര്‍ ഡാം നാളെ തുറക്കും. രാവിലെ 10 മണിക്ക് ഷട്ടര്‍ ഉയര്‍ത്തുമെന്ന് തമിഴ്‌നാട് അറിയിച്ചു. പരമാവധി 1000 ഘനയടി വെള്ളമാണ് തുറന്നു വിടുക. പെരിയാര്‍ തീരത്ത് ഉള്ളവര്‍ ജാഗ്രത പാലിക്കണമെന്നും ആശങ്കപ്പെടേണ്ട സാഹചര്യം ഇല്ലെന്നും ജില്ല ഭരണകൂടം അറിയിച്ചു.
-
local2 days agoവെള്ളി, ഞായർ ദിവസങ്ങളിൽ അന്ത്യോദയ എക്സ്പ്രസിന് തലശ്ശേരിയിൽ നിന്നു കയറാം
-
india3 days agoവിദ്വേഷ പ്രസംഗം ആവിഷ്കാര സ്വാതന്ത്ര്യത്തില് ഉള്പ്പെടില്ല സുപ്രിം കോടതി
-
kerala3 days ago‘എന്നിട്ട് എല്ലാം ശരിയായോ’; ലഹരി വിരുദ്ധ ദിനത്തില് സര്ക്കാരിനെ വിമര്ശിച്ച് തലസ്ഥാനത്ത് പോസ്റ്ററുകള്
-
kerala3 days agoവിഎസിന്റെ ആരോഗ്യനില ഗുരുതരമായി തുടരുന്നു; ജീവൻ രക്ഷാ ഉപകരണങ്ങളുടെ സഹായത്തോടെ ജീവൻ നിലനിർത്താൻ ശ്രമിക്കുന്നു
-
kerala2 days agoവിദ്യാര്ത്ഥികളുടെ കണ്സെഷന് നിരക്ക് വര്ധിപ്പിക്കണം; ജൂലൈ എട്ടിന് സ്വകാര്യ ബസ് സമരം
-
india2 days ago‘ജാനകി’; പേര്‍ മാറ്റാതെ പ്രദര്ശനാനുമതി നല്കില്ലെന്ന് റിവൈസ് കമ്മറ്റി
-
kerala2 days agoകണ്ണൂരില് മൂന്നുദിവസം മുമ്പ് കടലില് കാണാതായ വിദ്യാര്ത്ഥിയുടെ മൃതദേഹം കണ്ടെത്തി
-
kerala3 days agoവി.എസ് അച്യുതാനന്ദന്റെ ആരോഗ്യനില മാറ്റമില്ലാതെ തുടരുന്നു