Connect with us

gulf

ശൈഖ് സായിദ് ഫെസ്റ്റിവെല്‍ 18ന് ആരംഭിക്കും; വിലയിരുത്താന്‍ ശൈഖ് ഹംദാന്‍ എത്തി

ആരെയും ആകര്‍ഷിക്കുന്ന ആഘോഷങ്ങളും ഉറപ്പ് വരുത്തിക്കൊണ്ടാണ് സംഘാടക സമിതി ഒരുക്കങ്ങള്‍ പൂര്‍ത്തിയാക്കിയിട്ടുള്ളത്.

Published

on

റസാഖ് ഒരുമനയൂര്‍

അബുദാബി: യുഎഇയിലെ പ്രധാന ആഘോഷമായ ശൈഖ് സായിദ് ഫെസ്റ്റിവെലിന് ഈ മാസം18ന് തുടക്കം കുറിക്കും. വിപുലമായ ഒരുക്കങ്ങളാണ് ഇതിനകം പൂര്‍ത്തിയാക്കിയിട്ടുള്ളത്. ലക്ഷക്കണക്കിനു സന്ദര്‍ശകര്‍ എത്തുന്ന ശൈഖ് സായിദ് ഫെസ്റ്റിവെലിന്റെ ഇതുവരെയുളള സജ്ജീകരിണങ്ങള്‍ നോക്കിക്കാണാനും വിലിയരുത്താനുമായി യുഎഇ പ്രസിഡണ്ട് ശൈഖ് മുഹമ്മദ് ബിന്‍ സായിദ് അല്‍നഹ് യാന്റെ ഉപദേഷ്ടാവ് ശൈഖ് ഹംദാന്‍ ബിന്‍ സുല്‍ത്താന്‍ അല്‍നഹ്‌യാന്‍ തിങ്കളാഴ്ച വൈകീട്ട് ഫെസ്റ്റിവെല്‍ നഗരിയിലെത്തി. നിരവധി ഉന്നതോദ്യോഗസ്ഥര്‍ ഉള്‍പ്പെടെയുള്ള സംഘത്തോടൊപ്പം അദ്ദേഹം ഉത്സവനഗരിയും സംവിധാനങ്ങളും നോക്കിക്കണ്ടു.

അന്താരാഷ്ട്ര നിലവാരവും ആരെയും ആകര്‍ഷിക്കുന്ന ആഘോഷങ്ങളും ഉറപ്പ് വരുത്തിക്കൊണ്ടാണ് സംഘാടക സമിതി ഒരുക്കങ്ങള്‍ പൂര്‍ത്തിയാക്കിയിട്ടുള്ളത്. രാജ്യത്തിന്റെ സാംസ്‌കാരിക പൈതൃകത്തിന്റെ നേര്‍കാഴ്ചകളും രാജ്യാന്തര കലാ സാംസ്‌കാരിക പരിപാടികളും ഉത്സവ നഗരിയില്‍ വര്‍ണ്ണമഴയായി പെയ്തിറങ്ങും. ഇന്ത്യ ഉള്‍പ്പെടെ അനേകം രാജ്യങ്ങളുടെ പവലിയനുകളും വിപണനകേന്ദ്രങ്ങളും ഇവിയെടുണ്ടാകും. യുഎഇ ദേശീയദിനാഘോഷത്തോടനുബന്ധിച്ചു
ഓരോ വര്‍ഷവും വ്യത്യസ്ത പരിപാടികളുമായാണ് ശൈഖ് സായിദ് ഫെസ്റ്റിവെല്‍ ലക്ഷക്കണക്കിനുപേരെ ആകര്‍ഷിക്കുന്നത്.

ഇരുനൂറില്‍പരം രാജ്യങ്ങളുടെ സാന്നിധ്യവും സാംസ്‌കാരിക വൈവിധ്യങ്ങളും വേറിട്ട അനുഭവങ്ങള്‍ സമ്മാനിക്കുന്ന യുഎഇയില്‍ ശൈഖ് സായിദ് ഫെസ്റ്റിവെല്‍ അന്താരാഷട്ര് വിനോദസഞ്ചാരികളുടെ ഇടംകൂടിയായി മാറിയിരിക്കുകയാണ്.

gulf

ഹയ്യ കാര്‍ഡ് വഴി ഇനിയും രാജ്യത്തിനു പുറത്തുള്ളവര്‍ക്കു ഖത്തറിലെത്താം: കാലാവധി അടുത്ത വര്‍ഷം ജനുവരി 24 വരെ

രാജ്യത്തിന് പുറത്തുള്ള ഹയ്യ കാര്‍ഡ് ഉടമകള്‍ക്ക് 2024 ജനുവരി 24 വരെ ഖത്തറില്‍ പ്രവേശിക്കാന്‍ കഴിയും

Published

on

അശ്‌റഫ് തൂണേരി

ദോഹ: ഖത്തര്‍ ഫിഫ ലോകകപ്പ് ആരാധകര്‍ക്കും സംഘാടകര്‍ക്കുമായി പുറത്തിറക്കിയ ഹയ്യ കാര്‍ഡ് വഴി ഇനിയും രാജ്യത്തിനു പുറത്തുള്ളവര്‍ക്കു ഖത്തറിലെത്താമെന്നും കാലാവധി അടുത്ത വര്‍ഷം ജനുവരി 24 വരെ ഉണ്ടായിരിക്കുമെന്നും ഖത്തര്‍ ആഭ്യന്തര മന്ത്രാലയം അറിയിച്ചു. രാജ്യത്തിന് പുറത്തുള്ള ഹയ്യ കാര്‍ഡ് ഉടമകള്‍ക്ക് 2024 ജനുവരി 24 വരെ ഖത്തറില്‍ പ്രവേശിക്കാന്‍ കഴിയും. ഒപ്പം ചില വ്യവസ്ഥകളും നിബന്ധനകളും പാലിക്കുകയും വേണം.

സ്ഥിരീകരിച്ച ഹോട്ടല്‍ ബുക്കിങ് അല്ലെങ്കില്‍ കുടുംബാംഗങ്ങള്‍ക്കോ സുഹൃത്തുക്കള്‍ക്കൊപ്പമോ ഉള്ള താമസ സൗകര്യത്തിനുള്ള തെളിവ് ഹയ്യ പോര്‍ട്ടലിലൂടെ നല്‍കണം. കൂടാതെ
ഖത്തറിലെത്തുമ്പോള്‍ പാസ്‌പോര്‍ട്ടില്‍ മൂന്ന് മാസത്തില്‍ കുറയാത്ത കാലാവധി വേണം.
ഖത്തറില്‍ താമസിക്കുന്ന കാലയളവില്‍ ആരോഗ്യ ഇന്‍ഷുറന്‍സ് പരിരക്ഷ വേണം.യാത്രക്ക് മുമ്പ് തന്നെ ഇത് ഉറപ്പുവരുത്തേണ്ടതാണ്.

തിരിച്ചു പോകാനുള്ള വിമാന ടിക്കറ്റ് മുന്‍കൂര്‍ ബുക്ക് ചെയ്യണം.
‘ഹയ്യ വിത്ത് മി’ ഹയ്യ കാര്‍ഡ് ഉടമകള്‍ക്ക് മൂന്ന് കുടുംബാംഗങ്ങളെയോ സുഹൃത്തുക്കളെയോ വരെ ഖത്തറിലേക്ക് കൊണ്ടുവരാനാവും. നിരക്ക് ഈടാക്കാതെ മള്‍ട്ടിപ്പിള്‍ എന്‍ട്രി പെര്‍മിറ്റ് ആണ് അനുവദിക്കുക. 2024 ജനുവരി 24 വരെ കാലയളവില്‍ നിരവധി തവണ രാജ്യം സന്ദര്‍ശിക്കാം.
വിമാനത്താവളത്തിലോ മറ്റു പ്രവേശന മാര്‍ഗങ്ങളിലോ സന്ദര്‍ശകര്‍ക്ക് ഇഗേറ്റ് വഴി പുറത്തുകടക്കാനാവുമെന്ന പ്രത്യേകതയുമുണ്ട്. അതുകൊണ്ട് തന്നെ എമിഗ്രേഷന്‍ കൗണ്ടറില്‍ കാത്തു നില്‍ക്കേണ്ടി വരില്ല.

2022 ഖത്തര്‍ ഫിഫ ലോകകപ്പിനായി അനുവദിച്ച എല്ലാ ഹയ്യ കാര്‍ഡ് ഉടമകള്‍ക്കും വ്യവസ്ഥകള്‍ പാലിച്ചു ഖത്തര്‍ സന്ദര്‍ശിക്കാവുന്നതാണെന്ന് ഖത്തര്‍ ആഭ്യന്തര മന്ത്രാലയം വിശദീകരിച്ചു.

Continue Reading

gulf

ഖത്തറില്‍ സന്ദര്‍ശകര്‍ക്ക് ആരോഗ്യ ഇന്‍ഷുറന്‍സ് നിര്‍ബന്ധം

ഫെബ്രുവരി ഒന്നുമുതല്‍ രാജ്യത്തെത്തുന്ന എല്ലാ സന്ദര്‍ശകര്‍ക്കും ആരോഗ്യ ഇന്‍ഷുറന്‍സ് നിര്‍ബന്ധമാണ്

Published

on

ഖത്തറില്‍ ആരോഗ്യ ഇന്‍ഷുറന്‍സ് പദ്ധതിയുടെ ആദ്യഘട്ടം ഫെബ്രുവരി ഒന്നിന് തുടങ്ങും. ഫെബ്രുവരി ഒന്നുമുതല്‍ രാജ്യത്തെത്തുന്ന എല്ലാ സന്ദര്‍ശകര്‍ക്കും ആരോഗ്യ ഇന്‍ഷുറന്‍സ് നിര്‍ബന്ധമാണ്.ഇന്‍ഷുറന്‍സ് എടുക്കാതെ വിസിറ്റിങ് വിസ ലഭിക്കില്ല. പൊതുജനാരോഗ്യ മന്ത്രാലയമാണ് ഇക്കാര്യം അറിയിച്ചത്.

പദ്ധതി ഘട്ടം ഘട്ടമായി നടപ്പാക്കുന്നതിന്റെ ഭാഗമായാണ് സന്ദര്‍ശകര്‍ക്ക് പോളിസി നിര്‍ബന്ധമാക്കിയത്. പൊതുജനാരോഗ്യ മന്ത്രാലയത്തില്‍ രജിസ്റ്റര്‍ ചെയ്ത ഇന്‍ഷുറന്‍സ് കമ്ബനികളില്‍ നിന്നാണ് പോളിസി എടുക്കേണ്ടത്. അടിയന്തര, അപകട സേവനങ്ങള്‍ മാത്രമാണ് സന്ദര്‍ശകര്‍ക്കുള്ള ഇന്‍ഷുറന്‍സ് പോളിസിയില്‍ ഉള്‍ക്കൊള്ളുന്നത്. 50 റിയാലാണ് പ്രതിമാസ പ്രീമിയം. അധികസേവനങ്ങള്‍ ഉള്‍ക്കൊള്ളുന്ന പോളിസിക്ക് പ്രീമിയവും കൂടും.അന്താരാഷ്ട്ര ആരോഗ്യ ഇന്‍ഷുറന്‍സ് ഉള്ളവരുടെ കാര്യത്തില്‍ പോളിസിയില്‍ ഖത്തര്‍ ഉള്‍പ്പെട്ടിരിക്കണം എന്നതാണ് വ്യവസ്ഥ. ഖത്തറില്‍ അംഗീകാരമുള്ള കമ്ബനിയായിരിക്കണം ഈ പോളിസി നല്‍കേണ്ടതെന്നും പൊതുജനാരോഗ്യ മന്ത്രാലയം വ്യക്തമാക്കി.

Continue Reading

gulf

സി.എം ഉബൈദുല്ലാഹ് മൗലവി അന്തരിച്ചു

ദീര്‍ഘകാലം ദുബായില്‍ പള്ളി ജോലിയും അധ്യാപനവും തുടര്‍ന്നു

Published

on

പ്രമുഖ മതപണ്ഡിതന്‍ സി.എം ഉബൈദുല്ലാഹ് മൗലവി (82) അന്തരിച്ചു. സമസ്ത കാസര്‍ക്കോട് ജില്ലാ മുശാഖറ മെമ്പറും ചെമ്പരിക്ക ജമാഅത്ത് കമ്മിറ്റി പ്രസിഡന്റുമായിരുന്നു. ദീര്‍ഘകാലം ദുബായില്‍ പള്ളി ജോലിയും അധ്യാപനവും തുടര്‍ന്നു. ചെമ്പരിക്ക ജുമാ മസ്ജിദ് ഖത്തീബായും സേവനം അനുഷ്ഠിച്ചു. പിന്നീട് ആരോഗ്യസ്ഥി മോശമായതിനെ തുടര്‍ന്ന് വിശ്രമ ജീവിതം നയിക്കുകയായിരുന്നു.

പരേതനായ ഖാസി സി. മുഹമ്മദ് കുഞ്ഞി മുസ്ലിയാരുടെയും ബീഫാത്വിമ ഹജ്ഞുമ്മയുടെയും ഇളയപുത്രനാണ്. മര്‍ഹൂം ഖാസി സിഎം അബ്ദുല്ല മൗലവിയുടെ ഇളയ സഹോദരനാണ് ഖദീജ പള്ളിക്കരയാണ് ഭാര്യ. മക്കള്‍: ദൈനബി, റുഖിയ, സഫിയ്യ, സഫൂറ, ഹബീബ്, കബീര്‍, ശഫീഖ്.

മരുമക്കള്‍: അസീസ് പൂച്ചക്കാട്, അബ്ദുല്ല ചെമ്പരിക്ക, അഹ്മദ് ചേരൂര്‍, സികെ മുനീര്‍ നായമ്മാര്‍മൂല, മര്‍യം തസ്ലീന കടവത്ത്, ആയിശ തൊട്ടി, നാസില പള്ളിപ്പുഴ.

Continue Reading

Trending