Connect with us

News

ടി-20; ഇന്ത്യ നാളെ ഓസ്‌ട്രേലിയക്കെതിരെ

രാത്രി 7-30ന് നടക്കുന്ന അങ്കത്തിലെ പ്രസക്തി ഇന്ത്യന്‍ ലൈനപ്പാണ്.

Published

on

മൊഹാലി: ലോകകപ്പാണ് മുന്നില്‍. ഇത് അവസാന പരീക്ഷണവുമാണ്. നാളെ ഇന്ത്യ ഓസ്‌ട്രേലിയക്കെതിരായ ടി-20 പരമ്പരക്കിറങ്ങുമ്പോള്‍ സമ്മര്‍ദ്ദം പതിവിലുമധികം. സ്ഥിരക്കാരെ മാത്രം ഉള്‍പ്പെടുത്തി ടി-20 ലോകകപ്പ് സംഘത്തെ സെലക്ടര്‍മാര്‍ പ്രഖ്യാപിച്ചതിലുള്ള പൊട്ടലും ചീറ്റലും തുടരുകയാണ്. അതിനിടെയാണ് അടുത്ത മാസത്തെ ചാമ്പ്യന്‍ഷിപ്പിനായുള്ള അവസാന ഒരുക്കവുമായി ഇന്ത്യ ഓസ്‌ട്രേലിയക്കെതിരായ ടി-20 പരമ്പരക്ക് ഇറങ്ങുന്നത്.

രാത്രി 7-30ന് നടക്കുന്ന അങ്കത്തിലെ പ്രസക്തി ഇന്ത്യന്‍ ലൈനപ്പാണ്. ഇനിയും പരീക്ഷണത്തിന് കോച്ച് രാഹുല്‍ ദ്രാവിഡ് മുതിരില്ല. നായകന്‍ രോഹിതിനൊപ്പം കെ.എല്‍ രാഹുല്‍ ഓപ്പണ്‍ ചെയ്യും. മൂന്നമനായി വിരാത് കോലി വരുമ്പോള്‍ അടുത്ത നമ്പറില്‍ സൂര്യകുമാര്‍ യാദവിനായിരിക്കും അവസരം. അഞ്ചാം നമ്പറില്‍ വിക്കറ്റ് കീപ്പര്‍ റിഷാഭ് പന്തും ആറില്‍ ഓള്‍റൗണ്ടര്‍ ഹാര്‍ദിക് പാണ്ഡ്യയും കളിക്കുമ്പോള്‍ ഏഴാം സ്ഥാനമാണ് പ്രധാനം. ദിപക് ഹുദ, ദിനേശ് കാര്‍ത്തിക്, അക്‌സര്‍ പട്ടേല്‍ തുടങ്ങിയവരെല്ലാമുണ്ട്. കളി മൊഹാലിയിലാവുമ്പോള്‍ ജസ്പ്രീത് ബുംറ, ഭുവനേശ്വര്‍ കുമാര്‍ എന്നിവര്‍ ഉറപ്പാണ്. മറുഭാഗത്ത് കളിക്കുന്നവര്‍ ഓസ്‌ട്രേലിയക്കാരാവുമ്പോള്‍ കാര്യങ്ങള്‍ ദ്രാവിഡും രോഹിതും എളുപ്പം കാണില്ലെന്നുറപ്പ്.

Continue Reading
Advertisement
Click to comment

Leave a Reply

Your email address will not be published. Required fields are marked *

india

വിഖ്യാത നടി ആശാ പരേഖിന് ദാദാ സാഹിബ് ഫാല്‍ക്കേ പുരസ്‌കാരം

കേന്ദ്രമന്ത്രി അനുരാഗ് താക്കൂറാണ് പുരസ്‌കാര വിവരം പ്രഖ്യാപിച്ചത്.

Published

on

പ്രശസ്ത ബോളിവുഡ് നടിയും സംവിധായകയുമായ ആശാ പരേഖിന് 2020ലെ ദാദാസാഹേബ് ഫാല്‍കെ പുരസ്‌കാരം. ചലച്ചിത്ര മേഖലക്ക് നല്‍കിയ സമഗ്ര സംഭാവനകള്‍ പരിഗണിച്ചാണ് പുരസ്‌കാരം. കേന്ദ്രമന്ത്രി അനുരാഗ് താക്കൂറാണ് പുരസ്‌കാര വിവരം പ്രഖ്യാപിച്ചത്.

ആശാ ഭോസ്‌ലെ, ടി എസ് നാഗഭരണ, ഉദിത് നാരായണ്‍, ഹേമ മാലിനി, പൂനം ദില്ലന്‍ തുടങ്ങിയവരടങ്ങിയ ജൂറി പാനലാണ് പുരസ്‌കാര ജേതാവിനെ തിരഞ്ഞെടുത്തത്. നൂറിലധികം ചിത്രങ്ങളില്‍ ആശാ പരേഖ് അഭിനയിച്ചിട്ടുണ്ട്. തീസ്‌രി മന്‍സില്‍, ചിരാഗ്, ബരോസ, കഡി പതംഗ്, നന്ദന്‍, ദോ ബദന്‍ തുടങ്ങിയവ അതില്‍ ഉള്‍പ്പെടുന്നു.

നേരത്തെ ആശാ പരേഖിനെ രാജ്യം പത്മശ്രീ നല്‍കി ആദരിച്ചിരുന്നു. 1992ലായിരുന്നു അത്. 1998 മുതല്‍ 2001 വരെ ഇന്ത്യന്‍ ഫിലിം സെന്‍സര്‍ ബോര്‍ഡ് അധ്യക്ഷയായും പ്രവര്‍ത്തിച്ചു.

Continue Reading

kerala

പോപ്പുലര്‍ ഫ്രണ്ട് 5.06 കോടി രൂപ നഷ്ടപരിഹാരം നല്‍കണം; കെഎസ്ആര്‍ടിസി ഹൈക്കോടതിയില്‍

ഹര്‍ത്താലിനെതുടര്‍ന്നുണ്ടായ അക്രമത്തില്‍ 58 ബസുകളാണ് തകര്‍ക്കപ്പെട്ടത്.

Published

on

ഇക്കഴിഞ്ഞ വെള്ളിയാഴ്ച പോപ്പുലര്‍ ഫ്രണ്ട് ആഹ്വാനം ചെയ്ത ഹര്‍ത്താലിനെതുടര്‍ന്നുണ്ടായ നഷ്ട പരിഹാരം ആവശ്യപ്പെട്ട് കെഎസ്ആര്‍ടിസി ഹൈക്കോടതിയില്‍ ഹര്‍ജി നല്‍കി.ഹര്‍ത്താല്‍ പ്രഖ്യാപിച്ചരില്‍ നിന്ന് 5 കോടി 6 ലക്ഷം രൂപ നഷ്ടപരിഹാരം വേണമെന്നാണ് ആവശ്യം.

ഹര്‍ത്താലിനെതുടര്‍ന്നുണ്ടായ അക്രമത്തില്‍ 58 ബസുകളാണ് തകര്‍ക്കപ്പെട്ടത്. 10 ജീവനക്കാര്‍ക്ക് പരിക്കേറ്റു. ഹൈക്കോടതി സ്വമേധയ എടുത്ത കേസിലാണ്.കക്ഷി ചേരാന്‍ കെഎസ്ആര്‍ടിസി ഹര്‍ജി നല്‍കിയത്.

Continue Reading

kerala

മുസ്‌ലിം യൂത്ത് ലീഗ് ജനസഹായി കേന്ദ്രം പ്രവർത്തനം തുടങ്ങി

Published

on

വാടാനപ്പള്ളി: മുസ്‌ലിം യൂത്ത് ലീഗ് ജനസഹായി കേന്ദ്രം വാടാനപ്പള്ളിയിൽ പ്രവർത്തനം തുടങ്ങി.പി എ മുഹമ്മദ്‌ സാഹിബിന്റെ
ആധാർ, വോട്ടർ ഐ ഡിയുമായി ബന്ധിപ്പിച്ച് ടി എൻ പ്രതാപൻ എം പി പ്രവർത്തനോദ്‌ഘാടനം നിർവഹിച്ചു.

ജനസേവന രംഗത്തെ മാതൃകാ കാൽവെപ്പാണ് യൂത്ത് ലീഗിന്റെ ജനസഹായി കേന്ദ്രങ്ങളെന്ന് ടി എൻ പ്രതാപൻ എം പി അഭിപ്രായപ്പെട്ടു.

സർക്കാർ സേവനങ്ങൾ 90%വും ഓൺലൈൻ മുഖേനയാക്കിയ സാഹചര്യത്തിൽ ഡിജിറ്റലൈസ് ചെയ്ത സേവന കേന്ദ്രങ്ങളായി ഓഫീസുകളെ നവീകരിക്കുകയെന്നത് കാലത്തിനനുസരിച്ചുള്ള അപ്ഡേഷനാണ്. ജനങ്ങളെ സഹായിക്കാൻ ആധുനികവൽക്കരിച്ച ഓഫീസുകൾ സജ്ജീകരിച്ച യൂത്ത് ലീഗിന്റെ പ്രവർത്തനം ശ്ലാഖനീയമാണെന്ന് എം പി പറഞ്ഞു.

സേവന സന്നദ്ധമായ യൗവനങ്ങളാണ് നാടിന്റെ സമ്പത്ത്. അതിനെ ഗുണപ്രദമായി ഉപയോഗപ്പെടുത്തുന്നതിനുള്ള അജണ്ടകളും ആസൂത്രണങ്ങളും രൂപപ്പെടുത്താന്‍ ഭരണകൂടങ്ങള്‍ക്കും മത-രാഷ്ട്രീയ സംഘടനകള്‍ക്കും ഉത്തരവാദിത്തമുണ്ടെന്ന് അദ്ദേഹം കൂട്ടിച്ചേർത്തു.

പ്രവാസി കൂട്ടായ്മയായ ഗ്രീൻ റഹ് മയുടെ സഹകരണത്തോടെ ലീഗ് പഞ്ചായത്ത്‌ ഓഫീസായ എം എം ഹനീഫ സൗധത്തിലാണ് ജനസഹായി കേന്ദ്രം പ്രവർത്തിക്കുന്നത്.

യൂത്ത് ലീഗ് പഞ്ചായത്ത്‌ പ്രസിഡണ്ട്‌ എ വൈ ഹർഷാദ് അധ്യക്ഷനായി.
മുസ്‌ലിം ലീഗ് ജില്ല വൈസ് പ്രസിഡണ്ട്‌ കെ എ ഹാറൂൺ റഷീദ്, ഡി സി സി സെക്രട്ടറി സി എം നൗഷാദ്, യൂത്ത് ലീഗ് ജില്ല പ്രസിഡണ്ട്‌ എ എം സനൗഫൽ, ലീഗ് പഞ്ചായത്ത്‌ പ്രസിഡണ്ട്‌ കെ എം അബ്ദുള്ള, ജനറൽ സെക്രട്ടറി എ എ ഷജീർ, നൂറുദ്ദീൻ യമാനി, എ എം നിയാസ്, പി കെ അഹമ്മദ്, പി എം ഷെരീഫ്, പി എം ഖാലിദ്, എ സി അബ്ദുറഹിമാൻ, കെ എസ് ഹുസൈൻ, ഗ്രാമ പഞ്ചായത്ത് അംഗം രേഖ അശോകൻ, വി എം മുഹമ്മദ്‌ സമാൻ, അറക്കൽ അൻസാരി, താഹിറ സാദിഖ്, രജനി കൃഷ്ണാനന്ദ്, അഷ്‌റഫ്‌ ലബ്ബ, എ എ മുഹമ്മദ്‌, അറക്കൽ ലത്തീഫ്, എം എൻ സലീം പ്രസംഗിച്ചു.

Continue Reading

Trending