Connect with us

News

തായ്‌വാന്‍ യു.എസിന്റെ ഭാവി കൊയ്ത്തുപാടം-എഡിറ്റോറിയല്‍

തായ്‌വാനു ചുറ്റും ഉരുണ്ടുകൂടിയ യുദ്ധ മേഘങ്ങള്‍ പൂര്‍ണമായി നീങ്ങിയെന്ന് പറയാനാവില്ല. ചൈനീസ് ഭീഷണിയെത്തുടര്‍ന്നുള്ള സംഘര്‍ഷാവസ്ഥ ഇപ്പോഴും മേഖലയില്‍ കരിനിഴല്‍ വീഴ്ത്തിനില്‍ക്കുന്നുണ്ട്.

Published

on

തായ്‌വാനു ചുറ്റും ഉരുണ്ടുകൂടിയ യുദ്ധ മേഘങ്ങള്‍ പൂര്‍ണമായി നീങ്ങിയെന്ന് പറയാനാവില്ല. ചൈനീസ് ഭീഷണിയെത്തുടര്‍ന്നുള്ള സംഘര്‍ഷാവസ്ഥ ഇപ്പോഴും മേഖലയില്‍ കരിനിഴല്‍ വീഴ്ത്തിനില്‍ക്കുന്നുണ്ട്. യുക്രെയ്ന്‍ യുദ്ധ പശ്ചാത്തലത്തില്‍ ലോകം ഏറെ ഭീതിയോടെയാണ് ചൈന-തായ്‌വാന്‍ തര്‍ക്കങ്ങളെ കാണുന്നത്. യു.എസ് കോണ്‍ഗ്രസ് സ്പീക്കര്‍ നാന്‍സി പെലോസി കൊളുത്തിവെച്ചുപോയ സംഘര്‍ഷം വലിയൊരു സായുധ പോരാട്ടത്തിലേക്ക് വഴിമാറിയേക്കുമെന്ന ആശങ്ക പരക്കെയുണ്ട്. ചൈനയെ പ്രകോപിപ്പിക്കുന്നതില്‍ കവിഞ്ഞ് മറ്റൊരു ലക്ഷ്യവും പെലോസിയുടെ സന്ദര്‍ശനത്തിന് ഉണ്ടായിരുന്നില്ല. അവരുടെ ഏഷ്യന്‍ പര്യടന പട്ടികയില്‍നിന്ന് ആദ്യം തായ്‌വാനെ ഒഴിവാക്കിയിരുന്നു. സിംഗപ്പൂരും മലേഷ്യയും സന്ദര്‍ശിച്ച് മടങ്ങാനായിരുന്നു പദ്ധതി. അപ്രതീക്ഷിതമായാണ് തായ്‌വാനിലേക്ക് പെലോസിയുമായി യു.എസ് വിമാനം പറക്കുമെന്ന വിവരം വന്നത്. ചൈനയുടെ അതൃപ്തി സമ്പാദിക്കുമെന്ന് ഉറപ്പുണ്ടായിട്ടും യു.എസ് ഭരണകൂടം അവരെ എന്തിന് അവിടേക്ക് അയച്ചുവെന്ന ചോദ്യം പ്രസക്തമാണ്.

വിമാന വാഹിനികള്‍ ഉള്‍പ്പെടെ അയച്ചും മൂര്‍ച്ചയുള്ള വാക്കുകള്‍ എറിഞ്ഞും ചൈനയെ നിരന്തരം ചൊറിയുന്ന അമേരിക്ക തായ്‌വാനെ സ്വതന്ത്ര രാജ്യമായി ഇതുവരെയും അംഗീകരിച്ചിട്ടില്ലെന്നതാണ് പ്രധാന വസ്തുത. ഇരു രാജ്യങ്ങള്‍ക്കിടയിലുള്ള പ്രതിരോധ സഹകരണവും മറ്റും അനൗദ്യോഗികമാണ്. തായ്‌വാന്‍ തങ്ങളുടെ ഭാഗമാണെന്ന ചൈനീസ് അവകാശവാദത്തെ പരോക്ഷമായി അംഗീകരിക്കുന്നതോടൊപ്പം ഉരസലുണ്ടാക്കി തീ ആളിപ്പടര്‍ത്താന്‍ പ്രത്യക്ഷ ശ്രമങ്ങള്‍ക്ക് ശ്രമിക്കുകയും ചെയ്യുന്നു. സ്വതന്ത്ര രാഷ്ട്രമായി കാണാന്‍ യു.എസ് ആഗ്രഹിക്കുന്നില്ലെന്ന് ചുരുക്കം. എങ്കില്‍ മറ്റെന്തോക്കെയോ താല്‍പര്യങ്ങള്‍ അമേരിക്കയെ തായ്‌വാന്‍ വിഷയത്തില്‍ ഇടപെടാന്‍ പ്രേരിപ്പിക്കുന്നുണ്ടെന്ന് വ്യക്തം. അതില്‍ സാമ്പത്തിക ലാഭം തന്നെയാണ് മുഖ്യം. ഇറാഖ് അധിനിവേശം അതിന് മാത്രമായിരുന്നു. ഇപ്പോള്‍ യുക്രെയ്ന്‍ യുദ്ധത്തില്‍ ഇടപെടുന്നതിന്റെ രഹസ്യവും മറ്റൊന്നല്ല. സദ്ദാം ഹുസൈന്റെ കാലത്ത് ഇറാഖിനെയും നിലവില്‍ ഇറാനെയും ചൂണ്ടി ഗള്‍ഫില്‍ ആയുധക്കച്ചവടം പൊടിപൊടിക്കുന്നു.

റഷ്യക്കെതിരെ പോരാടാന്‍ യുക്രെയ്‌ന് അത്യാധുനിക ആയുധങ്ങള്‍ നല്‍കുന്നതുകൊണ്ടുള്ള ലാഭവും ആത്യന്തികമായി യു.എസിനാണ്. കോടിക്കണക്കിന് ഡോളര്‍ ചെലവിട്ട് എന്തിനാണ് യുക്രെയ്‌നെ സഹായിക്കുന്നതെന്ന് ചോദിച്ചാല്‍ മുടക്കുമുതലിന്റെ പത്തിരട്ടി തിരിച്ചുകിട്ടുമെന്നാണ് ഉത്തരം. അമേരിക്ക ഭൂഖണ്ഡത്തില്‍ ഇരുന്ന് യൂറോപ്പില്‍ ആര്‍ക്കെതിരെയും ഉപരോധങ്ങള്‍ പ്രഖ്യാപിക്കാം. അതുകൊണ്ട് യു.എസിന് ഒന്നും സംഭവിക്കാനില്ല. പ്രകൃതി വാതകത്തിനും ഭക്ഷ്യധാന്യത്തിനും യുക്രെയ്‌നെയും റഷ്യയെയും ആശ്രയിക്കുന്ന യൂറോപ്യന്‍ രാജ്യങ്ങള്‍ക്കാണ് നഷ്ടമെല്ലാം. വാതക വിതരണം നിര്‍ത്തിവെച്ച് റഷ്യ യൂറോപ്യന്‍ രാജ്യങ്ങളെ വീര്‍പ്പുമുട്ടിക്കുമ്പോള്‍ തങ്ങള്‍ക്ക് ലഭിക്കുന്ന കച്ചവട സാധ്യതകളെക്കുറിച്ച് അമേരിക്കക്ക് നല്ല ബോധ്യമുണ്ട്. വരും വര്‍ഷങ്ങളില്‍ നൂറുകണക്കിന് ബില്യണ്‍ ഡോളറിന്റെ ലിക്വിഫൈഡ് പ്രകൃതി വാതകമാണ് അറ്റ്‌ലാന്റിക് കടന്ന് യൂറോപ്പിലേക്ക് ഒഴുകാനിരിക്കുന്നത്. അതിന്റെ ഭാഗമായി വെനസ്വേലയുമായുള്ള വ്യാപാര കരാര്‍ പുതുക്കാന്‍ മുന്‍നിര എണ്ണക്കമ്പനിയായ ചെവ്‌റോണിന് യു.എസ് അനുമതി നല്‍കിക്കഴിഞ്ഞു. നിലവില്‍ അമേരിക്കയുടെ ഉപരോധം നേരിടുന്ന രാജ്യമാണ് വെനസ്വേല. എന്നിട്ടും അവരുടെ എണ്ണയും പ്രകൃതി വാതകവും വാങ്ങാന്‍ തയാറെടുക്കുന്നത് യൂറോപ്പിലെ വിപണന സാധ്യത മുന്നില്‍കണ്ടാണ്. യുക്രെയ്‌നില്‍ റഷ്യ ആക്രമണം തുടങ്ങിയതിന് പിന്നാലെ പ്രമുഖ എണ്ണക്കമ്പനികള്‍ ഇന്ധനത്തിന് വില കൂട്ടിയതും ഇതോടൊപ്പം ചേര്‍ത്തുവായിക്കേണ്ടതുണ്ട്. റഷ്യന്‍ എണ്ണക്ക് യൂറോപ്യന്‍ രാജ്യങ്ങള്‍ ഉപരോധമേര്‍പ്പെടുത്തിയതിനെ തുടര്‍ന്ന് ലഭ്യത കുറഞ്ഞത് അമേരിക്കന്‍ കമ്പനികള്‍ക്കാണ് മുതല്‍ക്കൂട്ടായത്. എക്‌സോണ്‍, ചെവ്‌റോണ്‍, ഷെല്‍, ടോട്ടല്‍ തുടങ്ങിയ എണ്ണക്കമ്പനികള്‍ മൂന്ന് മാസത്തിനിടെ 5100 ഡോളറിന്റെ ലാഭമാണ് കൊയ്തത്. മുന്‍ വര്‍ഷത്തെ അപേക്ഷിച്ച് ഇരട്ടി നേട്ടം. എണ്ണക്കമ്പനികളുടെ അത്യാര്‍ത്തിക്ക് ഇരകളാകുന്നത് പാവങ്ങളാണെന്ന് യു.എന്‍ സെക്രട്ടറി ജനറല്‍ അന്റോണിയോ ഗുട്ടിറസിന് വെട്ടിത്തുറന്ന് പറയേണ്ടിവന്നു.

അതോടൊപ്പം ഹിമാര്‍സ് ഉള്‍പ്പെടെയുള്ള ആയുധങ്ങള്‍ക്ക് ഭാവിയില്‍ അമേരിക്ക യുക്രെയ്‌നില്‍നിന്ന് കണക്കു പറഞ്ഞ് പണമോ മറ്റ് സാമ്പത്തിക ആനുകൂല്യങ്ങളോ വാങ്ങുമെന്ന് ഉറപ്പാണ്. തായ്‌വാനിലും യു.എസ് കളിക്കുമ്പോള്‍ വരാനിരിക്കുന്ന ചാകര മുന്നില്‍ കാണുന്നുണ്ട്. ചൈനയുമായി അകന്നുകഴിയുമ്പോഴും സാമ്പത്തികമായി തായ്‌വാന്‍ ഒട്ടും മോശമല്ലാത്ത അവസ്ഥയിലാണ്. ചൈനീസ് ഭീഷണിയുടെ പേരില്‍ തായ്‌വാന് ആയുധങ്ങള്‍ വില്‍ക്കാമെന്നതോടൊപ്പം സാമ്പത്തിക പ്രതിസന്ധി സൃഷ്ടിച്ച് ഏഷ്യയെ ഊറ്റിയെടുക്കാമെന്നും അമേരിക്ക സ്വപ്‌നം കാണുന്നുണ്ട്. തല്‍ക്കാലം യു.എസിന്റെ വലയില്‍ വീണ് തായ്‌വാനെ കടന്നാക്രമിക്കാന്‍ ചൈനക്ക് പദ്ധതിയില്ലെന്നാണ് റിപ്പോര്‍ട്ട്. തായ്‌വാനെ ആക്രമിച്ചതിന്റെ പേരിലുള്ള ഉപരോധങ്ങളോടെ ചൈനീസ് വിപണികള്‍ ഒന്നൊന്നായി പൂട്ടേണ്ടിവരും. അതോടെ ചൈനീസ് ഭീഷണി അവസാനിക്കുമെന്ന കണക്കുകൂട്ടലും യു.എസിനുണ്ട്. യുദ്ധം ആര്‍ക്കും ഗുണം ചെയ്യില്ല. തായ്‌വാന്‍ മറ്റൊരു യുക്രെയ്‌നായി മാറിയാല്‍ ആഗോളതലത്തില്‍ നഷ്ടങ്ങള്‍ ചൈനക്കും ഏഷ്യന്‍ രാജ്യങ്ങള്‍ക്കും മാത്രമായിരിക്കും.

Continue Reading
Advertisement
Click to comment

Leave a Reply

Your email address will not be published. Required fields are marked *

india

കോണ്‍ഗ്രസ് അധ്യക്ഷ തിരഞ്ഞെടുപ്പ്; പ്രചാരണത്തിന് തുടക്കം

ണ്‍ഗ്രസ് അധ്യക്ഷ സ്ഥാനത്തേക്കുള്ള തിരഞ്ഞെടുപ്പിന്റെ ചിത്രം തെളിഞ്ഞതിനു പിന്നാലെ പ്രചാരണത്തിന് തുടക്കം കുറിച്ച് നേതാക്കള്‍

Published

on

ന്യൂഡല്‍ഹി: കോണ്‍ഗ്രസ് അധ്യക്ഷ സ്ഥാനത്തേക്കുള്ള തിരഞ്ഞെടുപ്പിന്റെ ചിത്രം തെളിഞ്ഞതിനു പിന്നാലെ പ്രചാരണത്തിന് തുടക്കം കുറിച്ച് നേതാക്കള്‍. നേതാക്കളെ നേരില്‍ കണ്ടാണ് ശശി തരൂരും മല്ലി്കാര്‍ജുന ഖാര്‍ഗെയും വോട്ടഭ്യര്‍ത്ഥിക്കുന്നത്. ഡല്‍ഹിയിലെ പ്രതിനിധികളുമായാണ് ഖാര്‍ഗെ ഇന്നലെ കൂടിക്കാഴ്ചകള്‍ നടത്തിയത്. മഹാരാഷ്ട്രയിലായിരുന്നു തരൂരിന്റെ ഇന്നലത്തെ പ്രചാരണം. കോണ്‍ഗ്രസിലെ ജനാധിപത്യത്തിന്റെ വിജയമായാണ് തെരഞ്ഞെടുപ്പിനെ വ്യാഖ്യാനിക്കുന്നത്. ശശി തരൂരും ഖാര്‍ഗെയും തമ്മിലുള്ളത് ജനാധിപത്യ മൂല്യങ്ങള്‍ ഉയര്‍ത്തിപ്പിടിച്ചുള്ള പോരാട്ടമാണ്.

സംവാദത്തിന് താല്‍പര്യം പ്രകടിപ്പിച്ച് തരൂര്‍

ന്യൂഡല്‍ഹി: കോണ്‍ഗ്രസ് പ്രസിഡണ്ട് തിരഞ്ഞെടുപ്പിന് കളമൊരുങ്ങിയതിനു പിന്നാലെ മത്സര രംഗത്തുള്ള മുതിര്‍ന്ന നേതാവ് മല്ലികാര്‍ജ്ജനു ഖാര്‍ഗെയുമായി പരസ്യ സംവാദത്തിന് താല്‍പര്യം പ്രകടിപ്പിച്ച് ശശി തരൂര്‍ എം.പി. വാര്‍ത്താ ഏജന്‍സിയുമായി നടത്തിയ അഭിമുഖത്തിനിടെയാണ് അടുത്തിടെ നടന്ന ബ്രിട്ടീഷ് പ്രധാനമന്ത്രി തിരഞ്ഞെടുപ്പില്‍ സ്ഥാനാര്‍ത്ഥികള്‍ തമ്മില്‍ നടന്ന ടെലിവിഷന്‍ സംവാദത്തിന്റെ മാതൃക ആഗ്രഹിക്കുന്നതായി തരൂര്‍ പറഞ്ഞത്. പ്രസിഡണ്ട് സ്ഥാനത്തേക്ക് നടക്കുന്നത് സഹപ്രവര്‍ത്തകര്‍ക്കിടയിലെ സൗഹൃദ മത്സരമാണെന്ന തന്റെ മുന്‍ വാദം തരൂര്‍ ആവര്‍ത്തിക്കുകയും ചെയ്തു. ഗാന്ധി – നെഹ്‌റു കുടുംബത്തിന് കോ ണ്‍ഗ്രസ് പ്രവര്‍ത്തകരുടെ മനസ്സില്‍ പ്രത്യേക സ്ഥാനമുണ്ട്. അത് വൈകാരികമാണ്. വെല്ലുവിളികളെ അതിജീവിക്കാ ന്‍ കോണ്‍ഗ്രസില്‍ സമൂല മാറ്റം അനിവാര്യമാണ്. കാര്യക്ഷമമായ നേതൃത്വത്തിന്റെയും സംഘടനാ നവീകരണത്തിന്റെയും അപര്യാപ്തതയാണ പ്രധാന വെല്ലുവിളി.

കോണ്‍ഗ്രസിനെ പോലെ ഒരു വലിയ സംഘടനയെ നയിക്കാന്‍ കഴിയുമെന്ന് ആത്മവിശ്വാസമുണ്ടോ എന്ന ചോദ്യത്തിന്, വലിയ സംഘടനയെ നയിച്ച് തനിക്ക് അനുഭവ സമ്പത്തുണ്ടെന്നായിരുന്നു തരൂരിന്റെ മറുപടി. യു.എന്‍ അണ്ടര്‍ സെക്രട്ടറിയായിരുന്ന കാലത്ത് യു.എന്‍ പബ്ലിക് ഇന്‍ഫര്‍മേഷന്‍ വകുപ്പിന്റെ ചുമതല കൂടി വഹിച്ചിരുന്നു. ലോകത്തിന്റെ വിവിധ ഭാഗങ്ങളിലായി 77 ഓഫീസുകളും 800 ജീവനക്കാരുമുള്ള സംഘടനയാണിത്. ആള്‍ ഇന്ത്യാ പ്രഫഷണല്‍ കോണ്‍ഗ്രസ് സ്ഥാപിച്ചതും തന്റെ നേതൃത്വത്തിലായിരുന്നു. 20 സംസ്ഥാനങ്ങളിലായി 10,000ത്തിലധികം അംഗങ്ങളുണ്ടായിരുന്നു സംഘടനയിലെന്നും തരൂര്‍ കൂട്ടിച്ചേര്‍ത്തു.

ദളിത് നേതാവായല്ല,മത്സരിക്കുന്നത് കോണ്‍ഗ്രസ് നേതാവായി: ഖാര്‍ഗെ

ന്യൂഡല്‍ഹി; കോണ്‍ഗ്രസ് അധ്യക്ഷ സ്ഥാനത്തേക്കുള്ള തിരഞ്ഞെടുപ്പില്‍ ദളിത് നേതാവായി മാത്രമല്ല, കോണ്‍ഗ്രസ് നേതാവായി തന്നെയാണ് മത്സരിക്കുന്നതെന്ന് മല്ലികാര്‍ജ്ജുന ഖാര്‍ഗെ. മുതിര്‍ന്ന പാര്‍ട്ടി നേതാക്കളുടെ സമ്മര്‍ദ്ദത്തെതുടര്‍ന്നാണ് താന്‍ മത്സര രംഗത്തെത്തിയതെന്നും ഖാര്‍ഗെ പറഞ്ഞു. ഡല്‍ഹിയില്‍ മാധ്യമങ്ങളോട് സംസാരിക്കുകയായിരുന്നു അദ്ദേഹം.

സോണിയാ ഗാന്ധി, രാഹുല്‍ഗാന്ധി, പ്രിയങ്കാ ഗാന്ധി എന്നിവര്‍ മത്സരിക്കില്ലെന്ന് തീര്‍ത്തു പറഞ്ഞ സാഹചര്യത്തിലാണ് മുതിര്‍ന്ന നേതാക്കള്‍ മത്സരിക്കണമെന്ന ആവശ്യം പാര്‍ട്ടിയില്‍ ഉയര്‍ന്നത്. ഇതിന്റെ തുടര്‍ച്ചയായാണ് തന്നിലേക്ക് ഈ ദൗത്യം എത്തിയത്. ഏതെങ്കിലും വ്യക്തിക്ക് എതിരെയല്ല ഈ പോരാട്ടം, കോണ്‍ഗ്രസ് മുന്നോട്ടുവെക്കുന്ന ആശയങ്ങള്‍ക്കു വേണ്ടിയാണ്. താന്‍ പ്രസിഡണ്ട് സ്ഥാനത്തെത്തിയാല്‍ നിലവിലുള്ള അവസ്ഥ തുടരുമോ മാറ്റം വരുമോ എന്ന് തീരുമാനിക്കേണ്ടത് കോണ്‍ഗ്രസ് പ്രതിനിധികളാണ്. ഒരു വ്യക്തിയല്ല തീരുമാനം എടുക്കേണ്ടത്. എല്ലാവരോടും കൂടിയാലോചിച്ച് തീരുമാനം എടുക്കുന്നതാണ് തന്റെ ശൈലിയെന്നും ഖാര്‍ഗെ കൂട്ടിച്ചേര്‍ത്തു. മഹാത്മാഗാന്ധിയുടേയും ലാല്‍ ബഹദൂര്‍ ശാസ്ത്രിയുടേയും ജന്മദിനത്തിലാണ് താനീ പോരാട്ടത്തിന് തുടക്കം കുറിക്കുന്നത്. ഞാന്‍ ഉയര്‍ത്തിപ്പിടിച്ചിട്ടുള്ള ആശയങ്ങള്‍ക്കും മൂല്യങ്ങള്‍ക്കു വേണ്ടി എല്ലാ കാലത്തും പോരാടിയിട്ടുണ്ട്. അതിന്റെ തുടര്‍ച്ച തന്നെയാണീ പോരാട്ടവും. ചില മൂല്യങ്ങളും ആശയങ്ങളും മുന്നോട്ടു കൊണ്ടുപോകാന്‍ കൂടിയാണ് ഈ പോരാട്ടമെന്നും ഖാര്‍ഗെ പറഞ്ഞു.മാധ്യമങ്ങളുടെ ചോദ്യത്തിന് മറുപടി നല്‍കവെയാണ്, ദളിത് നേതാവായി മാത്രമല്ല, കോണ്‍ഗ്രസ് നേതാവായി തന്നെയാണ് മത്സരിക്കുന്നതെന്ന് ഖാര്‍ഗെ പറഞ്ഞത്.

ഈ മാസം 17നാണ് കോണ്‍ഗ്രസ് പ്രസിഡണ്ട് തിരഞ്ഞെടുപ്പ് നടക്കുന്നത്. 19നാണ് വോട്ടെണ്ണല്‍. 29 സംസ്ഥാനങ്ങളിലേയും ഒമ്പത് കേന്ദ്ര ഭരണ പ്രദേശങ്ങളിലേയും ഡി.സി.സി ഭാരവാഹികള്‍ തൊട്ട് മുകളിലേക്കുള്ള 9000 കോണ്‍ഗ്രസ് നേതാക്കള്‍ക്കാണ് തിരഞ്ഞെടുപ്പില്‍ വോട്ടവകാശമുള്ളത്.

Continue Reading

india

ഭാരത് ജോഡോ യാത്രയില്‍ അവര്‍ ഏറെ അസ്വസ്ഥരാണ്; ജയറാം രമേശ്‌

ഭാരത് ജോഡോ യാത്രയുടെ വിജയത്തില്‍ ബി.ജെ. പി അസ്വസ്ഥരാണെന്ന് കോണ്‍ഗ്രസ് നേതാവ് ജയറാം രമേശ്.

Published

on

ന്യൂഡല്‍ഹി: ഭാരത് ജോഡോ യാത്രയുടെ വിജയത്തില്‍ ബി.ജെ. പി അസ്വസ്ഥരാണെന്ന് കോണ്‍ഗ്രസ് നേതാവ് ജയറാം രമേശ്. കന്നഡ പത്രത്തില്‍ ബി.ജെ.പി പരസ്യം നല്‍കിയത് ചൂണ്ടിക്കാട്ടിയാണ് അദ്ദേഹത്തിന്റെ ട്വീറ്റ്. ബി.ജെ.പി ഒരു കന്നഡ പത്രത്തില്‍ പതിവുപോലെ ചരിത്രത്തെ വളച്ചൊടിക്കുന്ന ഒന്നാം പേജ് പരസ്യം നല്‍കിയിട്ടുണ്ട്. സവര്‍ക്കര്‍ ദ്വിരാഷ്ട്ര സിദ്ധാന്തം മുന്നോട്ടുവച്ചു, ജിന്ന അത് നടപ്പാക്കുമെന്ന് ഉറപ്പാക്കി. ജന്‍സംഘ് സ്ഥാപകന്‍ ശ്യാമ പ്രസാദ് മുഖര്‍ജിയാണ് ബംഗാള്‍ വിഭജനത്തിന് നേതൃത്വം നല്‍കിയത്’- അദ്ദേഹം കുറിച്ചു. വിഭജനത്തിന് കാരണം നെഹ്‌റുവും ജിന്നയും ആണെന്നാണ് ബി.ജെ.പി പരസ്യം.

Continue Reading

kerala

എട്ടു വര്‍ഷത്തെ പ്രവര്‍ത്തനത്തിനൊടുവില്‍ മംഗള്‍യാന്‍ പ്രവര്‍ത്തനം നിലയ്ക്കുന്നു

Published

on

ബെംഗളൂരു: ഇന്ത്യയുടെ അഭിമാന ഗ്രഹാന്തര ദൗത്യങ്ങളില്‍ ഒന്നായ മംഗള്‍യാന്റെ പ്രവര്‍ത്തനം നിലയ്ക്കുന്നു. എട്ടു വര്‍ഷത്തെ പ്രവര്‍ത്തനത്തിനൊടുവില്‍ ഇന്ധനം തീര്‍ന്നതിനെതുടര്‍ന്ന് പ്രപ്പലന്റിന്റെ പ്രവര്‍ത്തനം നിലച്ചതിനു പിന്നാലെ ബദല്‍ സംവിധാനമായ ബാറ്ററി ചാര്‍ജ് തീരുന്നതോടെ പ്രവര്‍ത്തനം പൂര്‍ണമായി നിലയ്ക്കുമെന്നാണ് റിപ്പോര്‍ട്ട്.

2013 നവംബര്‍ അഞ്ചിനാണ് 450 കോടി ചെലവിട്ട മാര്‍സ് ഓര്‍ബിറ്റന്‍ മിഷന്‍ വിക്ഷേപിച്ചത്. 2014 സെപ്തംബര്‍ 24ന് ഉപഗ്രഹം ചന്ദ്രന്റെ ഭ്രമണ പഥത്തിലെത്തിച്ചു. ചാന്ദ്ര പര്യവേക്ഷണത്തില്‍ ചരിത്രപരമായ ദൗത്യം നിര്‍വഹിച്ചാണ് മംഗള്‍യാന്‍ വിടവാങ്ങുന്നത്.

Continue Reading

Trending