Connect with us

crime

കഞ്ചാവ് ലഹരിയില്‍ വാഹനങ്ങളിൽ ഇടിച്ച് ചീറിപ്പാഞ്ഞ് കാർ; തടഞ്ഞത് പോലീസ് ക്രെയിന്‍, യുവാവും യുവതിയും പിടിയില്‍

വാഹനത്തില്‍നിന്ന് അഞ്ച് ഗ്രാം കഞ്ചാവും ആഭരണങ്ങളും പോലീസ് കണ്ടെടുത്തിട്ടുണ്ട്

Published

on

കഞ്ചാവ് ലഹരിയില്‍ അശ്രദ്ധമായി കാര്‍ ഓടിച്ച് അപകടമുണ്ടാക്കിയ യുവാവും ഭാര്യയും കസ്റ്റഡിയില്‍. കായംകുളം സ്വദേശി അരുണ്‍, ഭാര്യ ധനുഷ എന്നിവരാണ് പിടിയിലായത്. എംസി റോഡില്‍ കോട്ടയം മറിയപള്ളി മുതല്‍ ചിങ്ങവനം വരെയായിരുന്നു അപകടകരമായ രീതിയില്‍ കാറോടിച്ചത്. നിരവധി വാഹനങ്ങളില്‍ ഇടിച്ച ശേഷം നിര്‍ത്താതെ പോയ കാര്‍ ക്രെയിന്‍ കുറുകെ നിര്‍ത്തിയാണ് ചിങ്ങവനം പൊലീസ് പിടികൂടിയത്.

വാഹനത്തില്‍നിന്ന് അഞ്ച് ഗ്രാം കഞ്ചാവും ആഭരണങ്ങളും പോലീസ് കണ്ടെടുത്തിട്ടുണ്ട്. ചിങ്ങവനത്ത് ഉച്ചക്ക് ഒരു മണിയോടെയാണ് സംഭവം. മറിയപ്പള്ളി ഭാഗത്തുനിന്നും അമിതവേഗതയിലെത്തിയ കാര്‍ നിരവധി വാഹനങ്ങളില്‍ ഇടിക്കുകയായിരുന്നു. തുടര്‍ന്ന് നാട്ടുകാര്‍ വാഹനം തടയാന്‍ ശ്രമിച്ചെങ്കിലും നിര്‍ത്താതെ പോകുകയായിരുന്നു. പിന്നീട് ചിങ്ങവനത്ത് വച്ച് പോലീസ് ക്രെയിന്‍ ഉപയോഗിച്ച് കാര്‍ തടഞ്ഞ് നിര്‍ത്തുകയായിരുന്നു.

crime

വഴി ചോദിച്ച സ്ത്രീകളുടെ കാറിൽ അതിക്രമിച്ച് കയറി; 18 കാരിയെ കടന്നുപിടിച്ചു

ബഹളം കേട്ടെത്തിയ നാട്ടുകാരാണ് മൂന്നുപേരയും രക്ഷപ്പെടുത്തിയത്.

Published

on

തിരുവനന്തപുരം കല്ലറയിൽ നടുറോഡിൽ സ്ത്രീകൾക്കെതിരെ അതിക്രമം. വഴി ചോദിച്ച സ്ത്രീകളുടെ കാറിൽ രണ്ടുപേർ അതിക്രമിച്ച് കയറി ശരീരത്തിൽ കടന്നുപിടിച്ചു, വിഡിയോ എടുത്തെന്നുമാണ് പരാതി. ബഹളം കേട്ടെത്തിയ നാട്ടുകാരാണ് മൂന്നുപേരയും രക്ഷപ്പെടുത്തിയത്.

Continue Reading

crime

കണ്ണൂരില്‍ എംഡിഎംഎയുമായി യുവാവ് അറസ്റ്റിൽ

3.88 ഗ്രാം മയക്കു മരുന്നാണ് സാന്‍ലിത്തില്‍ നിന്നും പോലീസ് പിടികൂടിയത്.

Published

on

കണ്ണൂരില്‍ എംഡിഎംഎയുമായി യുവാവ് അറസ്റ്റിൽ. മാവിലായി മുണ്ടല്ലൂർ സ്വദേശി സി.കെ. സാൻലിത്താണ് പിടിയിലായത്. ടൗൺ എസ്ഐ സവ്യസാചിയുടെ നേതൃത്വത്തിലായിരുന്നു പ്രതിയെ പിടികൂടിയത്. 3.88 ഗ്രാം മയക്കു മരുന്നാണ് സാന്‍ലിത്തില്‍ നിന്നും പോലീസ് പിടികൂടിയത്. റെയിൽവേ സ്റ്റേഷന് സമീപത്തെ ടൂറിസ്റ്റ് ഹോമിൽ നിന്നാണ് പ്രതിയെ പിടികൂടിയത്.

Continue Reading

crime

കെഎസ്‌യു നേതാവിന് നേരെ ആക്രമണം; സിപിഎം പ്രവർത്തകര്‍ക്കെതിരെ കേസെടുത്ത് പൊലീസ്‌

സിപിഎം ബ്രാഞ്ച് സെക്രട്ടറി ജീവൻ ജ്യോതി, പാട്യം പഞ്ചായത്ത്‌ പ്രസിഡന്‍റിന്‍റെ മകൻ നന്ദകിഷോർ, സിപിഎം ബ്രാഞ്ച് കമ്മിറ്റി അംഗം വിബിൽ എന്നിവരുടെ നേതൃത്വത്തിലായിരുന്നു ആക്രണം.

Published

on

ചെറുവാഞ്ചേരിയിൽ കെഎസ്‌യു നേതാവിന് നേരെ ആക്രമണം. കെഎസ്‌യു കണ്ണൂർ എസ്എൻ കോളേജ് യൂണിറ്റ് സെക്രട്ടറി ചെറുവാഞ്ചേരിയിലെ ഗോകുൽ രാജിനെ സിപിഎം പ്രവർത്തകർ ആക്രമിച്ചു. പരിക്കേറ്റ ഗോകുലിനെ തലശേരി ഇന്ദിരാഗാന്ധി ആശുപത്രിയിൽ പ്രവേശിപ്പിച്ചു. ചെറുവാഞ്ചേരി കണ്ണാടിച്ചാലിൽ വെച്ച് ഇന്നലെ രാത്രി 10 മണിയോടെയാണ് സംഭവം.

സിപിഎം ബ്രാഞ്ച് സെക്രട്ടറി ജീവൻ ജ്യോതി, പാട്യം പഞ്ചായത്ത്‌ പ്രസിഡന്‍റിന്‍റെ മകൻ നന്ദകിഷോർ, സിപിഎം ബ്രാഞ്ച് കമ്മിറ്റി അംഗം വിബിൽ എന്നിവരുടെ നേതൃത്വത്തിലായിരുന്നു ആക്രണം. അക്രമികളുടെ സിസിടിവി ദൃശ്യം ജയ്ഹിന്ദ് ന്യൂസിന്. കണ്ണവം പൊലീസ്‌ കേസെടുത്ത് അന്വേഷണം ആരംഭിച്ചു.

Continue Reading

Trending