Connect with us

kerala

മുഖ്യമന്ത്രിക്ക് പൊലീസിനെ നിയന്ത്രിക്കാനാവുന്നില്ല; ഗുണ്ടാ സല്‍ക്കാരത്തില്‍ ഡിവൈഎസ്പി പങ്കെടുത്ത സംഭവം പോലീസ് എത്രത്തോളം ജീര്‍ണ്ണിച്ചു എന്നതിന് തെളിവ്: രമേശ് ചെന്നിത്തല

ഇവരെ നിയന്ത്രിക്കാന്‍ ആഭ്യന്തരം കൈകാര്യം ചെയ്യുന്ന മുഖ്യമന്ത്രിക്ക് കഴിയുന്നില്ലെന്ന് രമേശ് ചെന്നിത്തല ചൂണ്ടിക്കാണിച്ചു.

Published

on

പൊലീസ് സേന എത്രത്തോളം ജീര്‍ണ്ണിച്ചു എന്നതിന്റെ തെളിവാണ് ഗുണ്ടാ സല്‍ക്കാരത്തില്‍ ഡിവൈഎസ്പിയും പൊലീസുകാരും പങ്കെടുത്ത സംഭവമെന്ന് കോണ്‍ഗ്രസ് പ്രവര്‍ത്തക സമിതി അംഗം രമേശ് ചെന്നിത്തല. ഇത് മഞ്ഞുമലയുടെ അഗ്രം മാത്രമാണ്. പൊലീസിന്റെ ഗുണ്ടാ മാഫിയാ ബന്ധം വളരെ വ്യാപകമായി മാറിയിരിക്കുന്നു. ഗുണ്ടാ പ്രവര്‍ത്തനങ്ങള്‍ തടയേണ്ടവര്‍ തന്നെ ഗുണ്ടകളെയും സാമൂഹ്യ വിരുദ്ധരേയും അഴിഞ്ഞാടുന്നതിന് അവസരമൊരുക്കുന്നു. ഇവരെ നിയന്ത്രിക്കാന്‍ ആഭ്യന്തരം കൈകാര്യം ചെയ്യുന്ന മുഖ്യമന്ത്രിക്ക് കഴിയുന്നില്ലെന്ന് രമേശ് ചെന്നിത്തല ചൂണ്ടിക്കാണിച്ചു.

ഇവിടെ ഡിജിപിയുണ്ടോ എന്ന് സംശയമാണെന്ന് അദ്ദേഹം പറഞ്ഞു. ആരാണ് ഡിജിപി എന്ന് ആര്‍ക്കും അറിയില്ല. ഗുണ്ടകളും ലഹരി മാഫിയയും അഴിഞ്ഞാടുമ്പോള്‍ പൊലീസിലെ ഉന്നതരില്‍ ചിലര്‍ അവരുമായി ആര്‍ത്തുല്ലസിച്ച് നടക്കുന്നു. അറിയപ്പെടുന്ന ഗുണ്ടകള്‍ എല്ലാം ജയിലിന് പുറത്താണ്. ഇവര്‍ക്ക് ഭരിക്കുന്ന പാര്‍ട്ടിയിലെ ഉന്നതരുമായി അടുപ്പമുണ്ട്. ഗുണ്ടകളും പൊലീസും തമ്മിലുള്ള ബന്ധം ഇത്രത്തോളം വ്യാപകമാകാന്‍ കാരണം അതാണ്. ഗുണ്ടകളും ഇവരെ നിയന്ത്രിക്കുന്ന ഉപജാപക സംഘങ്ങളും ജനങ്ങളുടെ ജീവിതം ദുസ്സഹമാക്കിയിരിക്കുന്നുവെന്ന് രമേശ് ചെന്നിത്തല പറഞ്ഞു.

ക്രമസമാധാന നില വന്‍ തകര്‍ച്ചയിലാണ്. ഗ്രാമങ്ങളില്‍ പോലും ലഹരി മാഫിയ പിടിമുറുക്കിയിരിക്കുന്നു. 142 കൊലപാതകങ്ങള്‍ ഈ വര്‍ഷം ഇതുവരെ നടന്നു. തിരഞ്ഞെടുപ്പിന് മുമ്പ് 1880 പേരുടെ പട്ടിക തയ്യാറാക്കിയെങ്കിലും 180 ഗുണ്ടകളെയാണ് പിടിക്കാനായതെന്ന് അദ്ദേഹം പറഞ്ഞു. തലസ്ഥാനത്ത് പോലും ഗുണ്ടകള്‍ അഴിഞ്ഞാടുന്നു. ഗുണ്ടാ ആക്രമണം നിരന്തരം ഉണ്ടാകുന്നു.

ഭയം കൂടാതെ ജനങ്ങള്‍ക്ക് ജീവിക്കാന്‍ കഴിയുന്നില്ല. യുഡിഎഫ് ഭരണകാലത്ത് ഗുണ്ടകളെ അമര്‍ച്ച ചെയ്യാന്‍ നടപ്പാക്കിയ ഓപ്പറേഷന്‍ സുരക്ഷാ പദ്ധതി ഫലപ്രദമായി നടപ്പാക്കണമെന്ന് അദ്ദേഹം ആവശ്യപ്പെട്ടു. പൊലീസ്-ഗുണ്ട-രാഷ്ട്രീയ കൂട്ടുകെട്ടില്‍ ഭരണപക്ഷത്തിന്റെ ഇടപെടലില്‍ കാരണം കാര്യക്ഷമതയുള്ള ഉന്നത പൊലീസ് ഉദ്യോഗസ്ഥള്‍ വെറും നോക്കുകുത്തികളായി മാറിയെന്നും രമേശ് ചെന്നിത്തല പറഞ്ഞു.

Continue Reading
Advertisement
Click to comment

Leave a Reply

Your email address will not be published. Required fields are marked *

EDUCATION

വിദ്യാർത്ഥികളെ മികച്ച പ്രൊഫഷണലുകളാക്കാൻ ഇലാൻസിന്റെ ‘​പ്രൈം പ്ലസ്’

Published

on

അനുദിനം മാറ്റങ്ങൾക്ക് വിധേയമായിക്കൊണ്ടിരിക്കുന്ന വിദ്യാഭ്യാസരംഗവും ആഗോളതലത്തിൽ ഉയർന്നുവരുന്ന പുത്തൻ സാ​ങ്കേതികവിദ്യകളിലധിഷ്ഠിതമായ തൊഴിലവസരങ്ങളും പുതുതലമുറയിൽപ്പെട്ട വിദ്യാർത്ഥികൾക്ക് മുന്നിൽ കടുത്ത വെല്ലുവിളികളാണ് ഉയർത്തുന്നത്. പ്രത്യേകിച്ച് വിദേശരാജ്യങ്ങളിലും ബഹുരാഷ്ട്ര കമ്പനികളിലും മികച്ച സ്ഥാനങ്ങൾ ലക്ഷ്യംവെക്കുന്ന വിദ്യാർത്ഥികളുടെ എണ്ണത്തിൽ വലിയവർധനവുണ്ടാവുവുകയും ചെയ്യുമ്പോൾ.

ഈ സാഹചര്യത്തിലാണ് തെക്കേ ഇന്ത്യയിലെതന്നെ പ്രമുഖ കൊമേഴ്സ് പരിശീലനകേന്ദ്രമായ കോഴിക്കോട് ആസ്ഥാനമായി പ്രവർത്തിക്കുന്ന ‘ഇലാൻസ്’ കാലത്തിനനുസൃതമായ പുതിയ ആശയങ്ങളുമായി മുന്നോട്ടുവരുന്നത്. ഇതിന്റെ ഭാഗമായാണ് മികച്ച അക്കാദമിക് വിദ്യാഭ്യാസം നൽകുന്നതിനോടൊപ്പം ഇവരെ എത്രയുംപെട്ടെന്ന് ഒരു മികച്ച പ്രൊഫണലാവാൻ പ്രാപ്തരാക്കുന്ന ‘ഇലാൻസ് പ്രൈം പ്ലസ്’ എന്ന പഠനപദ്ധതി അവതരിപ്പിക്കുന്നത്.

ഏതൊരു കോഴ്സിന്റെ കാര്യത്തിലും അക്കാദമിക്കായ അറിവുകൾ അതിന്റെ അടിത്തറ മാത്രമാണ്. അതേസമയം യഥാർത്ഥ ലോകവുമായും തൊഴിൽരംഗവുമായും അതിനെ ബന്ധിപ്പിക്കണമെങ്കിൽ പ്രായോഗികമായ അറിവ് അത്യാവശ്യവും. ജീവിതത്തിന്റെ എല്ലാ മേഖലകളിലും, അത് അക്കാദമികമായാലും, പ്രൊഫഷണൽ പ്രവർത്തനങ്ങളിലായാലും, വ്യക്തിഗത വളർച്ചയിലായാലും, പ്രായോഗിക അറിവ് വളരെ അത്യാവശ്യമായ ഒരു ഘടകമാണ്. എത്രമികച്ച അക്കാദമിക് പരിശീലനം ലഭിച്ച വിദ്യാർത്ഥിക്കും, അവർ ഉയർന്ന റാങ്കുകൾ കരസ്ഥമാക്കിവർകൂടിയാണെങ്കിലും പ്രൊഫഷണൽ രംഗത്തേക്ക് വിജയകരമായി പ്രവേശിക്കണമെങ്കിൽ പ്രായോഗികമായ ചില അറിവുകളും പരിശീലനങ്ങളും വേണ്ടതുണ്ട്. ഇതിനായി ബന്ധപ്പെട്ട വിഷയത്തിൽ പ്രായോഗിക വൈദഗ്ധ്യം (Practical skills) നേടുക എന്നത് വളരെ പ്രധാന്യമുള്ള ഒരു കാര്യമാണ്.

‘ഇലാൻസി’ൽ നിന്ന് ACCA, CMA, CA തുടങ്ങിയ കോഴ്സുകൾ പൂർത്തിയാക്കുന്ന വിദ്യാർത്ഥികൾ, അവർ ഉയർന്ന റാങ്കോടെ ​പ്രൊഫഷണൽ കോഴ്സ് പൂർത്തിയാക്കിവർക്കൂടിയാണെങ്കിലും പ്രായോഗികരംഗത്ത് ചില വെല്ലുവിളികൾ നേരിടേണ്ടിവരും. ഇക്കാര്യങ്ങൾ പരിഗണിച്ചുകൊണ്ട് രൂപംനൽകിയ ഒന്നാണ് ‘ഇലാൻസ് പ്രൈം പ്ലസ്’. ഈ രംഗത്തെ ഏറ്റവും മികച്ച പരിചയസമ്പന്നാരായ അധ്യാപകരും കഴിവുതെളിയിച്ച പ്രൊഫഷണലുകളും ചേർന്നാണ് ഇതിന്റെ സിലബസും പരിശീലനരീതികളും നിർണ്ണയിച്ചിരിക്കുന്നത്.

ഇതിന്റെ ഭാഗമായി ഫലപ്രദമായ ആശയവിനിമയത്തിന് ഭാഷ ഉപയോഗിക്കാനുള്ള ​പരിശീലനം (Language Skills), പവർ ബി.ഐ, എ​​ക്സെൽ, ടാബ്ലോ തുടങ്ങി ബിസിനസ്സ് മേഖലയിൽ അത്യാവ​ശ്യം ഉപയോഗിക്കേണ്ട കമ്പ്യൂട്ടർ പരിജ്ഞാനം, ജോലിക്കപേക്ഷിക്കാനുള്ള റെസ്യൂം തയ്യാറാക്കൽ, ഇന്റർവ്യൂകളെ നല്ലരീതിയിൽ അഭിമുഖികരിക്കേണ്ടവിധം, മികച്ച കമ്പനികളിൽ നിയമനം ലഭിക്കാനുള്ള സഹായം തുടങ്ങിയവയെല്ലാം ‘ഇലാൻസ് പ്രൈം പ്ലസി’ൽ ലഭ്യമാണ്.

ചുരുക്കത്തിൽ, ഒരു യൂണിവേഴ്സിറ്റയുടെ പഠനപദ്ധതികൾക്കുപരി, ജോലിയെടുക്കാനുള്ള ബിസിനസ്സ് രം​ഗത്തേക്കുള്ള വിദഗ്ധരെ സൃഷ്ടിക്കുകയാണ് ഈ സംരംഭത്തിലൂടെ ‘ഇലാൻസ്’ ലക്ഷ്യമിടുന്നത്. പ്ലസ്-2 വിന് ശേഷം കൊമേഴ്സ് വിഷയങ്ങൾ തെരഞ്ഞെടുക്കുന്ന ഓരോ വിദ്യാർത്ഥിയുടെയും സ്വപ്നം എത്രയും വേഗത്തിൽ മികച്ചതും അഭിമാനകരവുമായ ഒരു കരിയറിൽ എത്തിപ്പെടുക എന്നതാണ്. ഈ യാഥാർത്ഥ്യം ഉൾക്കൊണ്ടുകൊണ്ട് കൂടിയാണ് ‘ഇലാൻസ് പ്രൈം പ്ലസി’ന് രൂപം നൽകിയിരിക്കുന്നത്. ACCA, CMA, CA വിദ്യാർത്ഥികൾക്ക് അവരുടെ ആദ്യ ലെവലുകളിൽ പരീക്ഷാഫലങ്ങൾ വിശകലനം ചെയ്തുകൊണ്ടുണ്ടുള്ള സമീപനമാണ് (Exam Analytical Approach) ഇവിടെയുള്ള അധ്യാപകർ നൽകിവരുന്നത്. അതുപോലെത്തന്നെ വിദ്യാർത്ഥികളുടെ ആത്മവിശ്വാസത്തെ ഉയർത്തുന്നതിനായി ഭാഷ​ ഉപയോഗിക്കാനുള്ള പരിശീലനം (Language Training Programs) മുതൽ കമ്പ്യൂട്ടർ പരീശീലനം കൂടി നൽകുകവഴി അവരെ യഥാർത്ഥ പ്രൊഫഷണൽ ജീവിതത്തിലേക്ക് തയ്യാറാക്കുകകൂടിയാണ് ഇതിന്റെ ലക്ഷ്യം.

ഇത്തരത്തിൽ വിദ്യാർത്ഥികൾക്ക് ആവശ്യമുള്ള എല്ലാതരം പ്രായോഗിക അറിവുകളും പരിശീലനവും നൽകുന്ന ‘ഇലാൻസ് പ്രൈം പ്ലസ്’ പ്രോഗ്രാമിൽ ബന്ധപ്പെട്ട സ്ഥാപനങ്ങൾ സന്ദർശിച്ച് അവയുടെ പ്രവർത്തനങ്ങൾ നേരിട്ട് കാണാനും പ്രായോഗിക പരിചയത്തിനായി പ്രമുഖ കമ്പനികൾ ഇന്റേണൽഷിപ്പ് ചെയ്യാനുമുള്ള അവസരമുണ്ട്.
വിദ്യാർത്ഥികളെ ഏറ്റവും മികച്ച കമ്പനികളിലെ ഉന്നത സ്ഥാനത്തെക്കുകയാണ് ‘ഇലാൻസി’ ന്റെ ലക്ഷ്യമെന്നും ഇതിന്റെ ഭാഗമായാണ് ‘പ്രൈം പ്ലസ്’ പോലുള്ള സ്വപ്നപദ്ധതികൾ അവതരിപ്പിക്കുന്നതെന്നും ഈ കോഴ്സ് പൂർത്തിയാക്കുന്ന ഓരോ വിദ്യാർത്ഥിയും ഉന്നതസ്ഥാനങ്ങളിലെത്തുമെന്നകാര്യത്തിൽ സംശയമില്ലെന്നും ‘ഇലാൻസ്​’ സി.ഇ.ഒ പി.വി. ജിഷ്ണു പറഞ്ഞു. ​കൂടുതൽ വിവരങ്ങൾക്ക് : +91 7025107070

Continue Reading

kerala

പ്ലസ് വണ്‍ സീറ്റ് പ്രതിസന്ധി: പ്രതിഷേധം ശക്തമാക്കി എം.എസ്.എഫ്‌

Published

on

പ്ലസ് വൺ പ്രതിസന്ധി പരിഹരിക്കണമെന്ന് ആവശ്യപ്പെട്ട് പ്രതിഷേധം ശക്തമാക്കി എം.എസ്.എഫ്. മലപ്പുറത്ത് ആർ.ഡി.ഡി ഓഫീസ് പൂട്ടിയിടൽ സമരം 3-ാം ദിവസത്തിലേക്ക് കടന്നു. മുഴുവൻ അപേക്ഷകർക്കും സീറ്റ് നൽകുക എന്ന ആവശ്യം ഉന്നയിച്ച് മലപ്പുറത്ത് ആർ.ഡി.ഡി ഓഫീസിലേക്ക് കയറി പ്രതിഷേധിച്ച എം എസ് എഫ് മലപ്പുറം ജില്ലാ പ്രസിഡന്റ് കബീർ മുതുപറമ്പ്,സെക്രട്ടറി ഫർഹാൻ ബിയ്യം,ജില്ലാ വിംഗ് കൺവീനർ മബ്‌റൂഖ് കോട്ടക്കൽ, സംസ്ഥാന കമ്മിറ്റി അംഗം ഷാക്കിർ എം., മങ്കട മണ്ഡലം ജനറൽ സെക്രട്ടറി ആസിഫ് കൂരി,സെക്രട്ടറി ശാഫി മങ്കട,മണ്ഡലം വിംഗ് കൺവീനർ മുസ്തഫ മീനാർ കുഴി എന്നിവരെ പോലീസ് അറസ്റ്റ് ചെയ്തു.

കോഴിക്കോട്ട് ആർ.ഡി.ഡി ഓഫീസ് ഉപരോധിച്ച എം.എസ്.എഫ് ജില്ലാ പ്രസിഡന്റ് അഫ്‌നാസ് ചോറോട്, ജനറൽ സെക്രട്ടറി സ്വാഹിബ് മുഹമ്മദ്, ജുനൈദ് പരിങ്ങളം, സാജിദ് റഹ്മാൻ, ഷാഫി എൻ.പി, യാസീൻ കൂളിമാട്, ആദിൽ കെ.ടി തുടങ്ങിയവരെ പോലീസ് അറസ്റ്റ് ചെയ്തു.

Continue Reading

kerala

മലപ്പുറത്ത് റിമോട്ട് കണ്‍ട്രോള്‍ ഗേറ്റിനുള്ളില്‍ കുടുങ്ങി മരിച്ച സംഭവം: മൃതദേഹം കാണാനെത്തിയ കുഞ്ഞിന്റെ മുത്തശി ഹൃദയാഘാതത്താല്‍ മരിച്ചു

അയല്‍വാസിയുടെ വീട്ടിലെ ഓട്ടോമാറ്റിക് ഗേറ്റിലാണ് കുട്ടിയുടെ തല കുടുങ്ങിയത്

Published

on

മലപ്പുറം: വൈലത്തൂരില്‍ ഓട്ടോമാറ്റിക്ക് ഗേറ്റിന് ഉള്ളില്‍ കുടുങ്ങി മരിച്ച ഒൻപതുകാരന്റെകുട്ടിയുടെ മൃതദേഹം കാണാനെത്തിയതായിരുന്നു മുത്തശ്ശി. ചെങ്ങണക്കാട്ടില്‍ കുന്നശ്ശേരി ആസിയയാണ് (55) മരിച്ചത്. ആസിയയുടെ മൂത്ത മകൻ അബ്ദുല്‍ ഗഫൂറിന്റെ മകൻ മുഹമ്മദ് സിനാനാണ് (9) ഓട്ടോമാറ്റിക്ക് ഗേറ്റിനുള്ളില്‍ കുടുങ്ങി മരിച്ചത്.

അയല്‍വാസിയുടെ വീട്ടിലെ ഓട്ടോമാറ്റിക് ഗേറ്റിലാണ് കുട്ടിയുടെ തല കുടുങ്ങിയത്. കുട്ടി അവിടെ കളിക്കുകയായിരുന്നു. അബദ്ധത്തില്‍ തല ഗേറ്റില്‍ കുടുങ്ങിയതാണ് മരണകാരണമെന്നാണ് പൊലീസിന്റെ പ്രാഥമിക നിഗമനം.

കുട്ടി വീടിനോട് ചേര്‍ന്നുള്ള ഗേറ്റ് കടന്ന് അയല്‍വാസിയുടെ വീട്ടിലേക്ക് പോകുന്നതിനിടെയാണ് അപകടമുണ്ടായത്. ഗേറ്റ് പെട്ടെന്ന് അടഞ്ഞതിനാല്‍ കുട്ടി അതില്‍ കുടുങ്ങി. ഈ സമയം വീട്ടില്‍ ആരും ഉണ്ടായിരുന്നില്ല. ഗുരുതരമായി പരിക്കേറ്റ കുട്ടിയെ കോട്ടക്കലിലെ സ്വകാര്യ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. സജിലയാണ് മാതാവ്.

 

Continue Reading

Trending