Connect with us

News

ടിക് ടോക്ക് സി.ഇ.ഒ കെവിന്‍ മേയര്‍ രാജിവെച്ചു; അമേരിക്കയിലും ആപ്പ്‌ നിരോധിച്ചേക്കും

ചൈനയിലെ ബൈറ്റ്ഡാന്‍സ് ലിമിറ്റഡിന്റെ ഉടമസ്ഥതയിലുള്ള വൈറല്‍ വീഡിയോ ആപ്പായ ടിക് ടോക്ക്, ദേശീയ സുരക്ഷയുടെ ഭാഗമായിട്ടാണ് നിരോധിക്കുന്നതെന്നാണ് യു.എസ് വൃത്തങ്ങള്‍ നല്‍കുന്ന വിവരം. അതിവേഗം വളരുന്ന സോഷ്യല്‍ മീഡിയ ശൃംഖലയായ ടിക് ടോക്കിന്റെ നിരോധനം നടപ്പാക്കുന്നതില്‍ നിന്ന് ട്രംപ് ഭരണകൂടത്തെ തടയാന്‍ ടിക് ടോക്ക് ഫെഡറല്‍ ജഡ്ജിനോട് ആവശ്യപ്പെട്ടതിന് ശേഷമാണ് മേയറുടെ പടിയിറക്കം.

Published

on

വാഷിംഗ്ടണ്‍: ജനപ്രിയ വീഡിയോ ഷെയറിംഗ് ആപ്പായ ടിക് ടോക്കിന്റെ സി.ഇ.ഒ കെവിന്‍ മേയര്‍ രാജിവെച്ചു. ഇന്ത്യയിലെ വിലക്കിന് പിന്നാലെ ചൈനീസ് ബന്ധമാരോപിച്ച് അമേരിക്കയിലും ടിക് ടോക്ക് നിരോധിക്കാനിരിക്കെയാണ് കെവിന്റെ രാജി.

‘ഏറെ ഹൃദയവേദനയോടെയാണ് ഞാന്‍ ഈ വിവരം നിങ്ങളെ അറിയിക്കുന്നത്. ടിക് ടോക്കിന്റെ ഔദ്യോഗിക പദവിയില്‍ നിന്ന് ഞാന്‍ പിന്‍വാങ്ങുന്നു’- എന്നാണ് കെവിന്‍ ജീവനക്കാരെ അറിയിച്ചത്. കെവിന് പകരം വനേസ പപ്പാസിനെ ഇടക്കാല സി.ഇ.ഒ ആയി നിയമിക്കുമെന്നാണ് ഇപ്പോള്‍ പുറത്തുവരുന്ന റിപ്പോര്‍ട്ടുകള്‍ സൂചിപ്പിക്കുന്നത്. ഡിസ്നിയില്‍ ദീര്‍ഘകാലം പ്രവര്‍ത്തിച്ച വ്യക്തിയാണ് കെവിന്‍ മേയര്‍. തുടര്‍ന്നാണ് അദ്ദേഹം ടിക് ടോക്കിന്റെ ഭാഗമാകുന്നത്.

ചൈനയിലെ ബൈറ്റ്ഡാന്‍സ് ലിമിറ്റഡിന്റെ ഉടമസ്ഥതയിലുള്ള വൈറല്‍ വീഡിയോ ആപ്പായ ടിക് ടോക്ക്, ദേശീയ സുരക്ഷയുടെ ഭാഗമായിട്ടാണ് നിരോധിക്കുന്നതെന്നാണ് യു.എസ് വൃത്തങ്ങള്‍ നല്‍കുന്ന വിവരം. അതിവേഗം വളരുന്ന സോഷ്യല്‍ മീഡിയ ശൃംഖലയായ ടിക് ടോക്കിന്റെ നിരോധനം നടപ്പാക്കുന്നതില്‍ നിന്ന് ട്രംപ് ഭരണകൂടത്തെ തടയാന്‍ ടിക് ടോക്ക് ഫെഡറല്‍ ജഡ്ജിനോട് ആവശ്യപ്പെട്ടതിന് ശേഷമാണ് മേയറുടെ പടിയിറക്കം.

കാലിഫോര്‍ണിയ ആസ്ഥാനമായി പ്രവര്‍ത്തിക്കുന്ന ടിക്ക് ടോക്കും മാതൃകമ്പനിയായ ബൈറ്റ്ഡാന്‍സും തങ്ങളുടെ ആപ്പുകള്‍ ദേശീയ സുരക്ഷാ ഭീഷണിയാണെന്ന വാദം നിരസിച്ചിട്ടുണ്ട്.യുഎസില്‍ ടിക് ടോക്കുമായി ചേര്‍ന്ന് ബിസിനസ്സ് ചെയ്യുന്നത് വിലക്കിയ പ്രസിഡന്റ് ഡൊണാള്‍ഡ് ട്രംപിന്റെ ഉത്തരവിനെ ചോദ്യം ചെയ്ത് ടിക്ക് ടോക്കും ചൈനീസ് കമ്പനിയായ ബൈറ്റ്ഡാന്‍സും ലോസ് ഏഞ്ചല്‍സിലെ ഫെഡറല്‍ കോടതിയില്‍ തിങ്കളാഴ്ച കേസ് ഫയല്‍ ചെയ്തിരുന്നു.

ആപ്പ് ഉപയോഗിക്കുന്ന യു.എസിലെ ഓരോരുത്തരുടെയും സ്വകാര്യത സംരക്ഷിക്കാന്‍ മാത്രമേ തങ്ങള്‍ ശ്രമിച്ചിട്ടുള്ളുവെന്നും ടിക് ടോക്ക് മേധാവികള്‍ പറഞ്ഞിരുന്നു.

ഇന്ത്യ-ചൈന സൈനിക സംഘര്‍ഷത്തിനു പിന്നാലെയാണ് ഇന്ത്യയില്‍ ടിക് ടോക് ഉള്‍പ്പെടെയുള്ള ആപ്പുകള്‍ നിരോധിച്ചത്. 20 കോടിയിലധികം ഉപയോക്താക്കളുള്ള ഇന്ത്യയിലെ നിരോധനം വന്‍ സാമ്പത്തിക നഷ്ടമാണ് ചൈനീസ് കമ്പനിക്ക് വരുത്തുക എന്നാണ് വിദഗ്ധരുടെ അഭിപ്രായം.

 

 

 

News

സഞ്ജു ടീമില്‍; ദക്ഷിണാഫ്രിക്കയ്ക്കെതിരായ ഏകദിന പരമ്പരയ്ക്കുള്ള ഇന്ത്യന്‍ ടീമിനെ പ്രഖ്യാപിച്ചു

ടി-20 ലോകകപ്പിന് ഉള്ള ആരും തന്നെ ഏകദിന പരമ്പരയ്ക്കുള്ള ടീമിലില്ല.

Published

on

ദക്ഷിണാഫ്രിക്കയ്ക്കെതിരായ മൂന്ന് ഏകദിന പരമ്പരയ്ക്കുള്ള ഇന്ത്യന്‍ ടീമില്‍ ഇടം നേടി മലയാളി താരം സഞ്ജു സാംസണ്‍. ശിഖര്‍ ധവാനാണ് നായകന്‍.ശ്രേയസ് അയ്യര്‍ ഉപനായകനാകും.16 അംഗ ടീമിനെയാണ് നിലവില്‍ പ്രഖ്യാപിച്ചിരിക്കുന്നത്.ഒക്ടോബര്‍ ആറിന് ലക്നൗവിലാണ് ആദ്യ മത്സരം.ഡല്‍ഹിയിലൂം റാഞ്ചിയിലുമായാണ് മറ്റു രണ്ട് മത്സരങ്ങള്‍.

ടി-20 ലോകകപ്പിന് ഉള്ള ആരും തന്നെ ഏകദിന പരമ്പരയ്ക്കുള്ള ടീമിലില്ല. ട്വന്റി 20 സംഘം ഒക്ടോബര്‍ ആറിന് ഓസ്ട്രേലിയയിലേക്ക് യാത്ര തിരിക്കും.

ടീം:- ശിഖര്‍ ധവാന്‍(നായകന്‍), ശ്രേയസ് അയ്യര്‍(ഉപനായകന്‍), സഞ്ജു സാംസണ്‍, റുതുരാജ് ഗെയ്ക്ക്വാദ്, ശുഭ്മാന്‍ ഗില്‍, രജത് പട്ടീദാര്‍, രാഹുല്‍ ത്രിപാഠി, ഇഷാന്‍ കിഷന്‍, ഷഹബാസ് അഹമ്മദ്, ഷാര്‍ദ്ദൂല്‍ താക്കൂര്‍, കുല്‍ദീപ് യാദവ്, രവി ബിഷ്ണോയ്, മുകേഷ് കുമാര്‍, ആവേശ് ഖാന്‍, മുഹമ്മദ് സിറാജ്, ദീപക് ചഹാര്‍

Continue Reading

kerala

കോണ്‍ക്രീറ്റിന് ഒരു ബദല്‍; ഐക്യരാഷ്ട്രസഭ ഉച്ചകോടിയില്‍ പരിസ്ഥിതി സൗഹൃദം ഡോ.ജാഫറലിയുടെ ആശയം

മാറുന്ന ലോകത്തിന് ചെലവ് കുറഞ്ഞ നിര്‍മാണ രീതി, അത് പരിസ്ഥിതി സൗഹൃദമാകുമ്പോള്‍ ആരോഗ്യത്തിനും ഭീഷണിയുയര്‍ത്താത്ത തളിപ്പറമ്പുകാരന്‍ ഡോ.ജാഫറലി പാറോലിന്റെ ആശയത്തിലുണ്ട് ഗുണഫലങ്ങളേറെ.

Published

on

ഫൈസല്‍ മാടായി
കണ്ണൂര്‍

മാറുന്ന ലോകത്തിന് ചെലവ് കുറഞ്ഞ നിര്‍മാണ രീതി, അത് പരിസ്ഥിതി സൗഹൃദമാകുമ്പോള്‍ ആരോഗ്യത്തിനും ഭീഷണിയുയര്‍ത്താത്ത തളിപ്പറമ്പുകാരന്‍ ഡോ.ജാഫറലി പാറോലിന്റെ ആശയത്തിലുണ്ട് ഗുണഫലങ്ങളേറെ. കോണ്‍ക്രീറ്റിന് ബദലായി നിര്‍മാണരംഗത്ത് സ്വീകരിക്കാവുന്ന നൂതനവും ഏത് കാലാവസ്ഥയ്ക്കും ഇണങ്ങുന്നതുമാണ് നാളേക്ക് വേണ്ടി പിന്തുടരാവുന്ന പുതുരീതി. കെട്ടിട നിര്‍മാണ രംഗത്ത് മാറ്റത്തിന് വഴിയൊരുക്കുന്ന ആശയം ലോകരാജ്യങ്ങള്‍ക്ക് മുന്നില്‍ പങ്കുവെച്ചതോടെ വഴിതുറന്നത് ഗഹനമായ ചര്‍ച്ചകള്‍ക്കാണ്.

ഐക്യരാഷ്ട്രസഭയുടെ ഉച്ചകോടിയില്‍ കുവൈത്തിനെ പ്രതിനിധീകരിച്ചാണ് നിര്‍മാണ മേഖലയുമായി ബന്ധപ്പെട്ട് ഡോ.ജാഫറലി തന്റെ ആശയം പങ്കുവെച്ചത്. ‘സുസ്ഥിര അടിസ്ഥാന സൗകര്യങ്ങള്‍; വെല്ലുവിളികളും അവസരങ്ങളും’ എന്ന വിഷയത്തിലായിരുന്നു പ്രഭാഷണം. പരിസ്ഥിതിക്കിണങ്ങുന്ന സാമഗ്രികള്‍ കൊണ്ട് ചെലവ് കുറഞ്ഞതും ആരോഗ്യത്തിന് ഒരു തരത്തിലും ഭീഷണിയുയര്‍ത്താത്ത നിര്‍മാണ വൈഭവത്തിന്റെ പുതുരീതികളാണ് ഇദ്ദേഹം പങ്കുവെച്ചത്. ഏത് തലങ്ങളിലുള്ളവര്‍ക്കും പിന്തുടരാവുന്ന രീതിയില്‍ ചെലവ് കുറഞ്ഞ ഘടകങ്ങളും പരിചയപ്പെടുത്തുന്നതായിരുന്നു ജാഫറലിയുടെ പ്രഭാഷണം. െ

എക്യരാഷ്ട്ര സഭയുടെ ജനറല്‍ അസംബ്ലിയുടെ ഭാഗമായി സംഘടിപ്പിച്ച ശാസ്ത്ര കോണ്‍ഗ്രസില്‍ ഓണ്‍ലൈനായാണ് വിഷയാവതരണം നടത്തിയത്. ലോകത്തിന്റെ വിവിധ ഭാഗങ്ങളിലെ വിദഗ്ധര്‍ ശാസ്ത്ര കോണ്‍ഗ്രസില്‍ പങ്കെടുത്തിരുന്നു. നിര്‍മാണപക്രിയയില്‍ നവീന സാങ്കേതിക വിദ്യയായ ത്രീഡി പ്രിന്റിംഗിന്റെ സാധ്യതകളും പങ്കുവെച്ചായിരുന്നു പ്രഭാഷണം. കോണ്‍ക്രീറ്റിന് പകരം തനത് ഗുണമേന്മയേറും സാമഗ്രികള്‍ കണ്ടുപിടിക്കേണ്ടതിന്റെ ആവശ്യകതയും അനിവാര്യതയും വ്യക്തമാക്കിയതോടെ പുതിയ ചിന്തകള്‍ക്കാണ് വഴിതുറന്നത്. ഡോ.ജാഫറലി പാറോല്‍ നിരവധി അന്താരാഷ്ട്ര വേദികളില്‍ പ്രഭാഷണം നടത്തിയിട്ടുണ്ട്. ഇന്ത്യന്‍ പ്രതിരോധ മന്ത്രാലയത്തില്‍ എയറോനോട്ടിക്കല്‍ ഡവലപ്‌മെന്റ് ഏജന്‍സിയില്‍ സയന്റിസ്റ്റായും ജോലിചെയ്തിരുന്നു. തൊട്ടുപിന്നാലെയാണ് കുവൈത്ത് ഇന്‍സ്റ്റിറ്റ്യൂട്ട് ഫോര്‍ സയന്റിഫിക് റിസര്‍ച്ചിന്റെ ഭാഗമായത്.

ആസൂത്രണത്തിനും വികസനത്തിനുമായി പ്രവര്‍ത്തിക്കുന്ന സുപ്രീം കൗണ്‍സില്‍ ജനറല്‍ സെക്രട്ടറിയേറ്റ് സെക്രട്ടറി ജനറല്‍ ഡോ.ഖാലിദ് മെഹദി, കുവൈത്ത് ഇന്‍സ്റ്റിറ്റ്യൂട്ട് ഫോര്‍ സയന്റിഫിക് റിസര്‍ച്ച് സയന്റിസ്റ്റ് ഡോ.ശൈഖ അല്‍ സനദ്, റിസര്‍ച്ച് സയന്റിസ്റ്റ് ഡോ.ഒസാമ അല്‍ സയേഗ്, കുവൈത്ത് മുനിസിപ്പല്‍ കൗണ്‍സില്‍ അംഗം ഡോ.ഹസന്‍ കമാല്‍, പ്രൊഫ.ഇയാദ് മസാദ്, അഖിലു യൂനുസ എന്നിവരാണ് കുവൈത്തിനെ പ്രതിനീധികരിച്ച് പ്രഭാഷണം നടത്തിയത്.

പിന്തുടരേണ്ടത്

ത്രീഡി പ്രിന്റിംഗിലൂടെ കുറഞ്ഞ ചെലവില്‍ മനോഹാരിതയേകും നിര്‍മാണങ്ങള്‍ തന്നെ നടത്താനാകും. അനുയോജ്യമായ ഘടകം കണ്ടുപിടിക്കണം. ഇതുസംബന്ധമായി ഗവേഷണങ്ങളും നടക്കേണ്ടതുണ്ട്. സെന്‍സര്‍ ടെക്‌നോളജി, ആര്‍ട്ടിഫിഷല്‍ ഇന്റലിജന്‍സ് എന്നിവയുടെ സമന്വയ രൂപമായ സ്ട്രക്ചറല്‍ ഹെല്‍ത്ത് മോണിറ്ററിംഗ് ടെക്‌നോളജിയുടെ പ്രാധാന്യവും ഉള്‍ക്കൊള്ളണം. കുവൈത്ത് ഇന്‍സ്റ്റിറ്റ്യൂട്ട് ഫോര്‍ സയന്റിഫിക് റിസര്‍ച്ച് ടീം വിജയകരമായി നടപ്പാക്കിയതാണ് ഈ കാര്യങ്ങള്‍.

Continue Reading

kerala

തെരുവുനായ ശല്യത്തിനു പരിഹാരം തേടി സ്റ്റാര്‍ട്ടപ്പ് മിഷന്‍; നിങ്ങള്‍ക്കും നിര്‍ദേശിക്കാം

സംസ്ഥാനത്ത് രൂക്ഷമായ തെരുവുനായ ശല്യവും പേവിഷബാധയും കാരണമുള്ള പ്രശ്‌നങ്ങള്‍ പരിഹരിക്കുന്നതിനുള്ള ആശയങ്ങള്‍ കണ്ടെത്താന്‍ കേരള സ്റ്റാര്‍ട്ടപ്പ് മിഷന്‍ ‘ഐഡിയാത്തോണ്‍’ സംഘടിപ്പിക്കുന്നു.

Published

on

തിരുവനന്തപുരം: സംസ്ഥാനത്ത് രൂക്ഷമായ തെരുവുനായ ശല്യവും പേവിഷബാധയും കാരണമുള്ള പ്രശ്‌നങ്ങള്‍ പരിഹരിക്കുന്നതിനുള്ള ആശയങ്ങള്‍ കണ്ടെത്താന്‍ കേരള സ്റ്റാര്‍ട്ടപ്പ് മിഷന്‍ ‘ഐഡിയാത്തോണ്‍’ സംഘടിപ്പിക്കുന്നു. സംരംഭകര്‍ക്കും സ്റ്റാര്‍ട്ടപ്പുകള്‍ക്കുമൊപ്പം മികച്ച ആശയങ്ങള്‍ നല്കാന്‍ കഴിയുന്ന വ്യക്തികള്‍ക്കും ഇതില്‍ പങ്കെടുക്കാം.

തെരുവുനായ പ്രശ്‌നം പരിഹരിക്കുന്നതിന് ഫലപ്രദമായ നടപടികള്‍ കൈക്കൊള്ളുന്നതിനായി സര്‍ക്കാര്‍ ഏജന്‍സികള്‍ക്കും തദ്ദേശസ്വയംഭരണ സ്ഥാപനങ്ങള്‍ക്കും പ്രയോജനപ്പെടുത്താന്‍ കഴിയുന്ന പ്രായോഗികവും സുസ്ഥിരവുമായ ആശയങ്ങളും പദ്ധതികളുമാണ് സ്റ്റാര്‍ട്ടപ്പ് മിഷന്‍ പ്രതീക്ഷിക്കുന്നത്. തെരുവുനായ്ക്കളുടെ ഫലപ്രദമായ നിയന്ത്രണവും പ്രതിരോധ കുത്തിവെയ്പും പേവിഷബാധ നിര്‍മാര്‍ജനത്തിന്റെ ആദ്യ പടിയാണ്.

പ്രതിരോധ കുത്തിവെയ്പ്, ബോധവല്ക്കരണം, ശുചീകരണ കാമ്പയിനുകള്‍, തെരുവു നായ്ക്കളെ കണ്ടെത്താനുള്ള മാര്‍ഗങ്ങള്‍, ഇതിനുവേണ്ട പരിശീലനം നല്‍കല്‍, തെരുവുനായ്ക്കള്‍ക്കുള്ള ഷെല്‍ട്ടറുകള്‍, നായ്ക്കളുടെ പുനരധിവാസം എവിടെ എങ്ങനെ, തദ്ദേശസ്വയംഭരണ സ്ഥാപനങ്ങള്‍ കേന്ദ്രീകരിച്ചുള്ള പരിഹാര പദ്ധതികള്‍, നായ്ക്കളുടെ ദത്തെടുക്കല്‍ പ്രക്രിയ തുടങ്ങിയവയുമായി ബന്ധപ്പെട്ട നൂതന ആശയങ്ങള്‍ സംരംഭകര്‍ക്കും സ്റ്റാര്‍ട്ടപ്പുകള്‍ക്കും വ്യക്തികള്‍ക്കും നിര്‍ദേശിക്കാന്‍ കഴിയും. രജിസ്‌ട്രേഷനും കൂടുതല്‍ വിവരങ്ങള്‍ക്കും https: //solutions. startupmission .in/ സന്ദര്‍ശിക്കുക. രജിസ്‌ട്രേഷന്റെ അവസാന തീയതി: ഒക്ടോബര്‍ 10.

Continue Reading

Trending