Culture
ടേക്ഓഫിനിടെ വിമാനത്തിന്റെ വാതില് തുറന്നു; റണ്വേയില് സ്വര്ണ്ണക്കട്ടികളും രത്നങ്ങളും

ടേക്ഓഫിനിടെ വിമാനത്തിന്റെ വാതില് തുറന്ന് റണ്വേയില് കോടിക്കണക്കിന് രൂപ വില മതിക്കുന്ന സ്വര്ണക്കട്ടികളും രത്നങ്ങളും വീണു.
റഷ്യയിലെ യാകുത്സ്ക് വിമാനത്താവളത്തില് ഇന്നലെയാണ് സംഭവം. സ്വര്ണത്തേക്കാള് വിലയുള്ള പ്ലാറ്റിനം കട്ടകളും ഇതില് ഉള്പ്പെടുന്നു. നിംബസ് എയര്ലൈന്സിന്റെ എ.എന് 12 കാര്ഗോ വിമാനത്തിന്റെ വാതിലാണ് ടേക്ഓഫിനിടെ അബദ്ധത്തില് തുറന്നത്. സ്വര്ണത്തിന്റെയും പ്ലാറ്റിനത്തിന്റെയും ടണ് കണക്കിന് കട്ടകളാണ് ചരക്കു വിമാനത്തിന്റെ വാതില് തുറന്ന് വീണത്.
ചരക്കുകളുടെ മൂന്നിലൊന്ന് ഭാഗം റണ്വേയില് പരന്നതായാണ് വിവരം. സംഭവം ശ്രദ്ധയില്പ്പെട്ടതോടെ 12 കിലോമീറ്റര് അകലെയുള്ള ഗ്രാമത്തില് വിമാനമിറക്കുകയായിരുന്നു.
ശക്തമായ കാറ്റും വാതിലിന്റെ കൊളുത്ത് കൃത്യമായി വീഴാത്തതുമാണ് വാതില് തുറക്കാന് കാരണമായി ചൂണ്ടിക്കാട്ടുന്നത്. താഴെ വീണ വസ്തുക്കള് വീണ്ടെടുക്കുന്നതിനായി വിമാനത്താവള അധികൃതര് ഉടന് തന്നെ റണ്വേ സീല് ചെയ്തു. 3.4 ടണ് സ്വര്ണം ഇതിനകം വീണ്ടെടുത്തതായി അധികൃതര് അറിയിച്ചു.
Watch Video:
Ok. Gold rain drops looked that way on Yakutsk Airport’s runway. Pretty heavy and sonorous… Video by transport police from Whatsapp. pic.twitter.com/YYiO1P6lh7
— Bolot Bochkarev (@yakutia) 15 March 2018
Film
വാഹനാപകടം; നടന് ഷൈന് ടോം ചാക്കോയുടെ പിതാവിന്റെ മൃതദേഹം വീട്ടിലെത്തിച്ചു
മൃതദേഹം ഇന്ന് വീട്ടില് പൊതുദര്ശനത്തിന് വെക്കും.

തമിഴ്നാട്ടിലെ വാഹനാപകടത്തില് മരിച്ച നടന് ഷൈന് ടോം ചാക്കോയുടെ പിതാവ് സി പി ചാക്കോയുടെ മൃതദേഹം തൃശൂര് മുണ്ടൂരിലെ വീട്ടിലെത്തിച്ചു. മൃതദേഹം ഇന്ന് വീട്ടില് പൊതുദര്ശനത്തിന് വെക്കും. നാളെ മുണ്ടൂര് പരികര്മ്മല മാതാ പള്ളിയിലാണ് സംസ്കാര ചടങ്ങുകള് നടക്കുക.
വെള്ളിയാഴ്ച ധര്മപുരിയെയും ഹൊസൂറിനെയും തമ്മില് ബന്ധിപ്പിക്കുന്ന പുതുതായി നിര്മിച്ച അതിവേഗ ദേശീയപാത 844ലൂടെ കാറില് ബെംഗളുരുവിലേക്ക് സഞ്ചരിക്കവെയായിരുന്നു ഇവര് അപകടത്തില്പ്പെട്ടത്. അപകടത്തില് നടന്റെ ഷോള്ഡറിന് താഴെ മൂന്ന് പൊട്ടലുകള്, നട്ടെല്ലിനും ചെറിയ പൊട്ടല് സംഭവിച്ചു. ശസ്ത്രക്രിയ അനിവാര്യമെങ്കിലും സംസ്കാര ചടങ്ങുകള്ക്ക് ശേഷം തിങ്കളാഴ്ച ശസ്ത്രക്രിയ നടത്താനാണ് തീരുമാനം.
അപകടത്തില് കൂടുതല് പരുക്ക് മാതാവിനാണെങ്കിലും ഇരുവരുടെയും ആരോഗ്യസ്ഥിതിയില് ആശങ്കപ്പെടേണ്ടതില്ലെന്ന് ഡോക്ടര്മാര് വ്യക്തമാക്കി.
Film
സാന്ദ്ര തോമസിനെതിരെ വധഭീഷണി; പരാതി നല്കിയിട്ടും പൊലീസ് നടപടിയെടുത്തില്ല
പരാതി നല്കി രണ്ട് മാസം കഴിഞ്ഞിട്ടും കാര്യമായ നടപടികളൊന്നുമുണ്ടായില്ലെന്നാണ് ആരോപണം.

നിര്മാതാവ് സാന്ദ്ര തോമസിനെതിരായ വധഭീഷണിയില് പരാതി നല്കിയിട്ടും പൊലീസ് നടപടിയെടുക്കുന്നില്ലെന്ന് ആരോപണം. പരാതി നല്കി രണ്ട് മാസം കഴിഞ്ഞിട്ടും കാര്യമായ നടപടികളൊന്നുമുണ്ടായില്ലെന്നാണ് ആരോപണം. പാലാരിവട്ടം പൊലീസിനെതിരെ ഡിജിപിക്ക് പരാതി നല്കുമെന്നും നിര്മാതാവ് വ്യക്തമാക്കി.
പ്രൊഡക്ഷന് കണ്ട്രോളറുടെ വാട്സ്ആപ്പ് ഗ്രൂപ്പില് ആണ് വധഭീഷണി സന്ദേശമെത്തിയത്. ഭീഷണിയുടെ ശബ്ദസന്ദേശമടക്കം പരാതി നല്കിയിട്ടും പൊലീസിന്റെ ഭാഗത്ത് നിന്ന് നടപടിയുണ്ടായില്ലെന്ന് സാന്ദ്ര ആരോപിച്ചു. സാന്ദ്രയുടെ പിതാവിനെതിരെയും വധഭീഷണി മുഴക്കിയിരുന്നു.
പൊലീസിനെതിരെ ഡിജിപിക്കും വിജിലന്സിനും പരാതി നല്കുമെന്നും ഉദ്യോഗസ്ഥരുടെ ഫോണ് പരിശോധിക്കണമെന്നും സാന്ദ്ര ആവശ്യപ്പെടുന്നു.
സാന്ദ്രയെ ‘തല്ലിക്കൊന്ന് കാട്ടിലെറിയും’ എന്നാണ് ശബ്ദസന്ദേശത്തിലുള്ള ഭീഷണി. സാന്ദ്രയുടെ പിതാവ് തോമസിനെ കൊല്ലുമെന്നും ഓഡിയോ സന്ദേശത്തിലുണ്ട്.
‘എന്തുകൊണ്ടാണ് ഹേമാ കമ്മിറ്റിയിലെ പരാതിക്കാര് മുന്നോട്ട് വന്നില്ലായെന്നത് ഇപ്പോള് മനസ്സിലായില്ലേ. ആരെങ്കിലും ശബ്ദമുയര്ത്തിയാല് അവരെ നിശബ്ദമാക്കുന്നതാണ് രീതി. സംഭവത്തില് തൊട്ടടുത്ത ദിവസം പരാതി നല്കിയിരുന്നു. സ്ത്രീ ആയതുകൊണ്ടാണ് ഇത്തരത്തില് ആക്രമിക്കുന്നത്. ഇവര്ക്കെല്ലാം സ്വാധീനമുള്ളവരുടെ പിന്തുണയുണ്ട്. ഔദ്യോഗിക ഗ്രൂപ്പില് സന്ദേശം എത്തിയിട്ടും ഫെഫ്ക ജനറല് സെക്രട്ടറി നടപടിയെടുത്തില്ല. രണ്ട് മാസമായി പൊലീസിന്റെ ഭാഗത്ത് നിന്നും നടപടിയുണ്ടായിട്ടില്ല. വേദനാജനകമാണ്. ഇതില് നിന്നും പിന്നോട്ടില്ല’, എന്നായിരുന്നു സാന്ദ്രാ തോമസിന്റെ പ്രതികരണം.
രണ്ടുമാസം മുന്പ് ഒരു യൂട്യൂബ് ചാനലിന് നല്കിയ അഭിമുഖത്തിലാണ് പ്രൊഡക്ഷന് കണ്ട്രോളര്മാര്ക്കെതിരെ സാന്ദ്ര തോമസ് രംഗത്തെത്തിയത്.
Art
ഇന്നുവീണ മുറിവ് നാളെ അറിവല്ലേ… ‘തെരുവിന്റെ മോൻ’ മ്യൂസിക് വീഡിയോയുമായി വേടൻ

-
kerala23 hours ago
കീബോര്ഡ് ആര്ട്ടിസ്റ്റ് രഞ്ജു ജോണിനെ കാണാനില്ലെന്ന് പരാതി
-
kerala3 days ago
സംസ്ഥാനത്ത് ഇന്ന് നേരിയ മഴയ്ക്ക് സാധ്യത; വിവിധ ജില്ലകളിൽ യെല്ലോ അലർട്ട്
-
GULF3 days ago
ഈദ് നമസ്കാരവും ജുമുഅയും; ഹറമിലെത്തിയത് പത്തുലക്ഷത്തിലേറെ ഹാജിമാര്
-
More3 days ago
ബലി പെരുന്നാള് ദിനത്തിലും ഗസ്സയില് നരഹത്യ തുടര്ന്ന് ഇസ്രായേല്; ഇന്നലെ കൊല്ലപ്പെട്ടത് 42 പേര്
-
kerala3 days ago
ഷൈൻ ടോം ചാക്കോയുടെ പിതാവ് സി പി ചാക്കോയുടെ സംസ്കാരം തിങ്കളാഴ്ച
-
kerala3 days ago
ബിജെപി നേതാവ് ജി.കൃഷ്ണകുമാറിനെതിരെ തട്ടിക്കൊണ്ടുപോകലിന് കേസ്
-
crime3 days ago
10 പേരെ വിവാഹം ചെയ്തു മുങ്ങി; വിവാഹത്തട്ടിപ്പിൽ തിരുവനന്തപുരത്ത് യുവതി അറസ്റ്റിൽ
-
kerala3 days ago
ഭാരതാംബ വിവാദം: മന്ത്രി പി പ്രസാദിന്റെ വീടിനു മുന്നില് ബിജെപി പ്രതിഷേധം; മാര്ച്ച് തടഞ്ഞ് സിപിഎം